రేపు ఉమ్మడి వరంగల్‌ జిల్లాస్థాయి చెస్‌ పోటీలు

వరంగల్‌ స్పోర్ట్స్‌: వరంగల్‌ జిల్లా చెస్‌ సమాఖ్య ఆధ్వర్యంలో ఈ నెల 10వ తేదీన హనుమకొండలోని టీటీడీ కల్యాణ మండపంలో ఉమ్మడి వరంగల్‌ జిల్లా స్థాయి అండర్‌–13 చెస్‌ పోటీలను నిర్వహిస్తున్నట్లు టోర్నమెంట్‌ నిర్వహణ కార్యదర్శి కన్నా శుక్రవారం ఓ ప్రకటనలో తెలిపారు. జనవరి 01, 2011, ఆ తర్వాత జన్మించిన క్రీడాకారులు పోటీల్లో పాల్గొనేందుకు అర్హులని తెలిపారు. తెలంగాణ చెస్‌ అసోసియేషన్‌ సహకారంతో బాలబాలికలకు వేర్వేరుగా పోటీలు నిర్వహించి, గెలుపొందిన నలుగురు బాలురు, నలుగురు బాలికలను డిసెంబర్‌లో హైదరాబాద్‌లో జరిగే రాష్ట్రస్థాయి పోటీలకు ఎంపిక చేయనున్నట్లు తెలిపారు. పోటీల్లో పాల్గొనే క్రీడాకారులు పుట్టినరోజు సర్టిఫికెట్‌, చెస్‌బోర్డుతో శనివారం సాయంత్రం 7గంటల వరకు పేర్లను నమోదు చేసుకోవాలని సూచించారు. ఇతర వివరాలకు ఫోననంబర్‌ 90595 22986 ద్వారా సంప్రదించవచ్చని తెలిపారు.