శత శాతం ఉత్తీర్ణత సాధించాలి

శత శాతం ఉత్తీర్ణత సాధించాలి

పదోతరగతి విద్యార్థులకు డీఈఓ ఉద్బోధ

పాపన్నపేట(మెదక్‌): పదోతరగతి పరీక్షల్లో శతశాతం ఉత్తీర్ణత సాధించాలని జిల్లా విద్యాశాఖాధికారి రాధాకిషన్‌ అన్నారు. మంగళవారం పాపన్నపేట మండల పరిధిలోని మల్లంపేట ఉన్నత పాఠశాలను ఆయన తనిఖీ చేశారు. ఈ సంధర్భంగా పదో తరగతి విద్యార్థులతో మాట్లాడారు. పూర్తయిన సిలబస్‌ను రివిజన్‌ చేయాలని సూచించారు. ఉదయం, సాయంత్రం ప్రత్యేక తరగతులకు తప్పకుండా హాజరు కావాలని చెప్పారు. గత పరీక్ష పత్రాలను సాధన చేయాలన్నారు. విద్యార్థులకు పలు ప్రశ్నలు అడిగారు. వారు ఇచ్చిన సమాధానాలతో సంతృప్తి చెందారు. అనంతరం మధ్యాహ్న భోజనాన్ని పరిశీలించారు. మెనూ ప్రకారం భోజనం అందించాలని సూచించారు. ఆయన వెంట ఏఎంఓ సుదర్శణ మూర్తి ఉన్నారు.

ఉత్తమ టీచర్‌ జీవితాంతం

గుర్తుండి పోతారు

ఉత్తమ టీచర్లు విద్యార్థికి జీవితాంతం గుర్తుండి పోతారని జిల్లా విద్యాశాఖాధికారి రాధాకిషన్‌ అన్నారు. మంగళవారం కొత్తపల్లి ప్రాథమిక పాఠశాల ప్రధానోపాద్యాయులు రాంరెడ్డి పదవీ విరమణ సందర్భంగా ఏర్పాటు చేసిన కార్యక్రమంలో ఆయన మాట్లాడారు. విద్యార్థి భవిష్యత్‌కు సోపానాలు నిర్మించే టీచర్లు.. పదవీ విరమణ చేసినా విద్యార్థి విజయం వెను క గుర్తుకొస్తుంటారని చెప్పారు. రాంరెడ్డి సేవ లు మరచి పోలేనివన్నారు. ఎంఇఓలు నీలకంఠం, ప్రతాప్‌ రెడ్డి, ధనుంజయ, ఏఎంఓ సుదర్శనమూర్తి, సైన్స్‌ ఆఫీసర్‌ రాజిరెడ్డి, గోపాల్‌రెడ్డి, పీఆర్టీయూ నాయకులు రాజు, సురేష్‌, తుకారం, వెంకట్‌రాంరెడ్డి, టీచర్లు రాంరెడ్డి దంపతులను ఘనంగా సన్మానించారు.