నాణ్యమైన విద్యనందించాలి

నాణ్యమైన విద్యనందించాలి

ఎంజేపీ బీసీ గురుకులాల

ఆర్‌సీఓ గౌతమ్‌కుమార్‌

కౌడిపల్లి(నర్సాపూర్‌): విద్యార్థులు పదో తరగతి, ఇంటర్మీడియెట్‌లో వందశాతం ఫలితాలు సాధించాలని ఆర్‌సీఓ గౌతమ్‌కుమార్‌ అన్నారు. మంగళవారం మండలంలోని తునికి వద్దగల ఎంజేపీ బీసీ గురుకుల పాఠశాల, కళాశాలను ఉమ్మడి మెదక్‌ జిల్లా ఎంజేపీ బీసీ గురుకులాల ఆర్‌సీఓ ఆకస్మిక తనిఖీ చేశారు. మధ్యాహ్న భోజనం, తరగతి గదులు, పరిసరాలు పరిశీలించారు. అనంతరం లెక్చరర్లు, ఉపాధ్యాయులతో సమీక్ష నిర్వహించారు. ఈ సందర్భంగా ఆయన మాట్లాడుతూ.. విద్యాభివృద్ధికి ప్రభుత్వం కృషి చేస్తుందన్నారు. విద్యార్థులకు నాణ్యమైన విద్యను అందించి పరీక్షలకు సిద్ధం చేయాలన్నారు. చదువులో వెనకబడిన వారిని గుర్తించి ప్రత్యేక శిక్షణ ఇవ్వాలన్నారు. పదో తరగతి, ఇంటర్మీడియెట్‌లో వందశాతం ఫలితా లు సాధించేలా కృషి చేయాలని చెప్పారు. ఈ కార్యక్రమంలో ప్రిన్సిపాల్‌ హరిబాబు, వైస్‌ ప్రిన్సిపాల్‌ సుష్మ, జయరాజ్‌, ఉపాధ్యాయులు, లెక్చరర్లు పాల్గొన్నారు.