రేపు మహిళా జాబ్‌ మేళా

రేపు మహిళా జాబ్‌ మేళా

డిగ్రీ కళాశాల ప్రిన్సిపాల్‌ హుస్సేన్‌

మెదక్‌ కలెక్టరేట్‌: మెదక్‌ ప్రభుత్వ డిగ్రీ కళాశాల ప్రాంగణంలో ఈనెల 30న మహిళా జాబ్‌ మేళా నిర్వహించనున్నట్లు కళాశాల ప్రిన్సిపాల్‌ హుస్సేన్‌ మంగళవారం తెలిపారు. హైదరాబాద్‌కు చెందిన ప్రముఖ ఎలక్ట్రానిక్‌ వస్తువుల తయారీ సంస్థ సౌజన్యంతో కళాశాల కంప్యూటర్‌ సైన్స్‌ విభాగం, మహిళా సాధికారత విభాగం సంయుక్తంగా ఈ మేళా నిర్వహిస్తున్నామని పేర్కొన్నారు. పదోతరగతి, ఇంటర్‌, డిగ్రీ పాసైన లేదా ఫెయిలైన విద్యార్థులు అర్హులన్నారు. ఎంపికై న అభ్యర్థులకు నెలకు రూ.12,152 వేతనంతో పాటు రూ. 1,500 బోనస్‌, ఉచిత వసతి సౌకర్యం, భోజన వసతులు కూడా అందిస్తారని వివరించారు. ఎంపికై న వారికి రెండు నెలల పాటు ఉచిత శిక్షణ ఇస్తామన్నారు. ఆసక్తి కలిగిన మహిళా అభ్యర్థులు జనవరి 30న ఉదయం 9.30 గంటల నుంచి కళాశాల ప్రాంగణంలో సర్టిఫికెట్‌ వెరిఫికేషన్‌న్‌కు హాజరుకావాలని కోరారు. పూర్తి సమాచారం కోసం జాబ్‌ మేళా సమన్వయకర్త చంద్రశేఖర్‌ (98491 52712) సంప్రదించాలని కోరారు.