TV
ఆవేదన మిగిల్చిన ‘మొగి’
యాసంగిలో మొగి పురుగు రైతుకు కంటి మీద కునుకు లేకుండా చేస్తోంది. నివారణకు గుళికలు, పలురకాల పురుగు మందులు పిచికారీ చేసినా లాభం లేకుండా పోయింది. దీంతో విసిగి వేసారిన ఓ రైతు తాను సాగు చేస్తున్న పంటను పూర్తిగా ట్రాక్టర్‌తో దున్నేశాడు. మళ్లీ కొత్తగా వరి నాటు వేసేందుకు సిద్ధమయ్యాడు. ఈ సంఘటన మండల పరిధిలోని చండూర్‌ శివారులో బుధవారం జరిగింది. గ్రామానికి చెందిన రైతు వంకం జనార్దన్‌ తనకున్న మూడెకరాల్లో ఏటా మాదిరిగానే ఈసారి వరి సాగు చేశాడు. సంక్రాంతి పండుగకు ముందే నాటు వేశాడు. అయితే కొద్ది రోజులకే పంటకు మొగి పురుగు సోకింది. ఎన్ని చర్యలు చేపట్టినా పంట పూర్తిగా ఎరుపు రంగులోకి మారి పనికిరాకుండా పోయింది. దీంతో చేసేది లేక పంటను దున్నేశాడు. సుమారు రూ. 45 వేల పెట్టుబడి నష్టపోయానని ఆవేదన వ్యక్తం చేశాడు.
– చిలప్‌చెడ్‌(నర్సాపూర్‌)
Comments
Please login to add a commentAdd a comment