బిగ్‌బాస్ హోస్టింగ్‌పై స‌మంత మ‌న‌సులోని మాట‌

బిగ్‌బాస్ నాల్గో సీజ‌న్‌లో ఇప్ప‌టివ‌ర‌కు చోటు చేసుకున్న పెద్ద అద్భుత‌మంటే.. అక్కినేని కోడ‌లు స‌మంత హోస్ట్‌గా రావ‌డ‌మే. స్టార్ హీరోయిన్ అన్న ద‌ర్పాన్ని చూపించ‌కుండా కంటెస్టెంట్లు అంద‌రితో సులువుగా క‌లిసిపోయింది. వాళ్ల సీక్రెట్స్‌ను బ‌ట్ట‌బ‌య‌లు చేస్తూ నోరెళ్ల‌బెట్టేలా చేసింది. ఇక అవ‌స‌రానికి త‌గ్గ‌ట్టు పంచులు, అంద‌రినీ మాయ చేసే న‌వ్వుతో ద‌స‌రా మెగా ఎపిసోడ్‌ను బంప‌ర్ హిట్ చేసింది. అయితే స‌మంత హోస్టింగ్ చేయ‌డానికి కార‌ణం.. నాగార్జున అందుబాటులో లేక‌పోవ‌డం. క‌రోనా కార‌ణంగా ఆల‌స్య‌మైన వైల్డ్ డాగ్ షూటింగ్ కోసం నాగ్ కులుమ‌నాలీకి వెళ్లాడు. దీంతో బిగ్‌బాస్‌ ఇంటి బాధ్య‌త‌ల‌ను ఆయ‌న కోడ‌లి చేతిలో పెట్టి వెళ్లాడు. సామ్‌కు ఇప్ప‌టివ‌ర‌కు హోస్టింగ్‌ చేసిన అనుభ‌వం లేక‌పోయిన‌ప్ప‌టికీ మామ మాట‌ను కాద‌న‌లేక బిగ్‌బాస్ షోను న‌డిపించేందుకు రెడీ అయింది. ముద్దుముద్దు మాట‌ల‌తో స‌మంత చేసిన హోస్టింగ్‌కు నెటిజ‌న్లు ఫిదా అయ్యారు. బిగ్‌బాస్ షోకు వ్యాఖ్యాత‌గా వ్య‌వ‌హ‌రించడంపై సామ్ ఇన్‌స్టాగ్రామ్‌లో త‌న అనుభ‌వాన్ని పంచుకొచ్చారు. (చ‌ద‌వండి: మోనాల్ వ‌ల్ల అఖిల్, సోహైల్‌కు మ‌న‌స్ప‌ర్ధ‌లు)

అంత‌కుముందు బిగ్‌బాస్ చూడ‌లేదు
"నేను బిగ్‌బాస్ స్టేజీ మీద హోస్ట్‌గా చేస్తాన‌ని అస్స‌లు ఊహించ‌లేదు. కానీ మామ‌య్య నాకు బాధ్య‌త‌ను అప్ప‌గించ‌డం వ‌ల్ల వ్యాఖ్యాత‌గా వ్య‌వ‌హ‌రించాను. అది ఎప్ప‌టికీ గుర్తుండిపోతుంది. యాంక‌రింగ్ చేసిన అనుభ‌వం లేదు. తెలుగు స‌రిగా మాట్లాడ‌తానో లేదోన్న భ‌యం ఉండేది. పైగా అంత‌కుముందు బిగ్‌బాస్ ఒక్క ఎపిసోడ్ కూడా చూడ‌లేదు. అయినా స‌రే న‌న్ను న‌మ్మి బాధ్య‌త‌ను అప్ప‌గించి, నా భ‌యాన్ని పోగొట్టినందుకు థ్యాంక్యూ మామా. ఎపిసోడ్ త‌ర్వాత నాకు అందుతున్న ప్రేమాభిమానాల‌కు మీ అంద‌రికీ కూడా ధన్య‌వాదాలు" అని స‌మంత‌ రాసుకొచ్చింది. కాగా ద‌స‌రా ఎపిసోడ్‌లో ఎలిమినేట్ అయిన దివికి సినిమాల్లో అవ‌కాశ‌మివ్వ‌మ‌ని సామ్‌ కార్తికేయ‌ను కోరిన విష‌యం తెలిసిందే. కార్తికేయ కూడా మీ సినిమాల్లో ఛాన్స్ ఇవ్వ‌మ‌ని సామ్‌ను అడ‌గ‌డంతో ముగ్గురం క‌లిసి చేద్దామంటూ గొప్ప మ‌న‌సు చాటుకుంది. (చ‌ద‌వండి: స‌మంత హోస్టింగ్‌పై నెటిజ‌న్ల రియాక్ష‌న్!)

View this post on Instagram

An experience to remember ❤️ .. Never thought I’d be on the Big Boss stage as host ! Only because I was given this responsibility by my Mamagaru.. I could find the strength to overcome my fears ... the fear that I had no experience hosting , the fear of Telugu .. I had never even watched an episode before 😊.. (ended up doing a marathon 3 days before the show ) Thankyou mama for helping me overcome my fears and trusting me with this 😁.. And I really need to thank all of you for all the love I received after the episode .. I was jumping with joy ❤️ And GK Mohan garu for handholding me through a very demanding Maha episode of #bigbossseason4 🙏 Styled by @pallavi_85 Saree @kshitijjalori Jewellery @krsalajewellery 📷 @stories_throughthelens

A post shared by Samantha Akkineni (@samantharuthprabhuoffl) on Oct 29, 2020 at 12:24am PDT