TV
‘ఏం బాసూ రెడీయా.. వెల్‌ కమ్‌ టు ది వరల్డ్‌ ఆఫ్‌ మార్క్‌ ఆంటోని’ అనే డైలాగ్స్‌తో ‘మార్క్‌ ఆంటోని’ ట్రైలర్‌ ఆరంభం అయింది. విశాల్‌ పలు షేడ్స్‌లో టైటిల్‌ రోల్‌లో నటించిన చిత్రం ఇది. పాన్‌ ఇండియా మూవీగా ఈ చిత్రాన్ని అధిక్‌ రవిచంద్రన్‌ దర్శకత్వంలో ఎస్‌. వినోద్‌ కుమార్‌ నిర్మించారు. ఈ నెల 15న ఈ చిత్రం రిలీజ్‌ కానుంది.
ఆదివారం ఈ చిత్రం ట్రైలర్‌ని హీరో రానా విడుదల చేశారు. ఈ సందర్భంగా దర్శక–నిర్మాతలు మాట్లాడుతూ – ‘‘ఈ చిత్రంలో మంచివాడిగా, విలన్‌గా, గుండుతో స్టైలిష్‌గా, తండ్రిని కాపాడుకోవాలనుకునే వ్యక్తిగా... ఇలా పలు షేడ్స్‌లో విశాల్‌ కనిపిస్తారు. ఓ టైమ్‌ మిషన్‌ కాకుండా ఓ ఫోన్‌ హీరోని గతానికి తీసుకెళ్తే తనేం చేశాడనే కథాంశంతో ‘మార్క్‌ ఆంటోని’ని రూపొందించాం’’ అన్నారు. ఈ చిత్రంలో ఎస్‌.జె. సూర్య, సునీల్, సెల్వ రాఘవన్, రీతూ వర్మ తదితరులు కీలక పాత్రలు చేశారు.
Comments
Please login to add a commentAdd a comment