గంజాయి పట్టివేత

గంజాయి పట్టివేత

బాల్కొండ: మెండోరా మండలం పోచంపాడ్‌ చౌరస్తాలో గురువారం మధ్యాహ్నం గంజాయి పట్టుకున్నట్లు ఆర్మూర్‌ ఎకై ్సజ్‌ సీఐ స్టీవెన్సన్‌ తెలిపారు. పక్కా సమాచారంతో దాడులు చేసి గంజాయి సరఫరా చేస్తున్న ఇద్దరిని అరెస్ట్‌ చేశామన్నారు. ఆదిలాబాద్‌ జిల్లా నేరేడుగొండ మండలం లింగట్ల గ్రామానికి చెందిన రంజిత్‌సింగ్‌, బరదవత్‌ గవాస్కర్‌ బైక్‌పై ఎండు గంజాయిని తరలిస్తుండగా పట్టుకున్నట్లు చెప్పారు. వారి నుంచి 1.3 కేజీల గంజాయి, పల్సర్‌ బైక్‌ స్వాధీనం చేసుకున్నట్లు వివరించారు. తనిఖీల్లో ఎస్సై చంద్రమౌళి, సిబ్బంది సాయిలు, వికాస్‌గౌడ్‌, సందీప్‌, నరేష్‌, శ్రీనివాస్‌, సాగర్‌ పాల్గొన్నారు.

టేకు దుంగలు..

సిరికొండ : సిరికొండ అటవీ రేంజ్‌ పరిధిలోని చీమన్‌పల్లి, జనిగ్యాల గ్రామాల్లో అక్రమంగా నిల్వ ఉంచిన 74 టేకు దుంగలను పట్టుకున్నట్లు ఎఫ్‌ఆర్‌వో రవీందర్‌ గురువారం తెలిపారు. జనిగ్యాల గ్రామంలో బన్నీ నాయక్‌ చీమనుపల్లి గ్రామంలో వడ్రంగి నరేష్‌, మాలావత్‌ విజయ ఇళ్ల సమీపంలో టేకు కర్రలు పట్టుబడినట్లు ఆయన తెలిపారు. వీటి విలువ రూ.78 వేల వరకు ఉంటుందన్నారు. కేసు నమోదు చేసి దుంగలను సిరికొండలోని రేంజ్‌ కార్యాలయానికి తరలించినట్లు తెలిపారు.

ఉపాధి కోసం వెళ్లి

ఇద్దరి అదృశ్యం

ఎడపల్లి(బోధన్‌): ఎడపల్లి మండలం ఏఆర్పీ క్యాంప్‌ గ్రామానికి చెందిన ఇద్దరు అదృశ్యమయ్యారు. గ్రామానికి చెందిన చల్లా మహేందర్‌, నీలి నరేశ్‌ నెల రోజుల క్రితం కూలీ పనులు చేసుకోవడానికి జార్ఖండ్‌ రాష్ట్రానికి వెళ్లారు. వారం క్రితం తిరిగి ఇంటికి వస్తున్నట్లు కుటుంబ సభ్యులకు ఫోన్‌ చేసి చెప్పారు. ఇప్పటి వరకు ఇంటికి రాలేదు. ఫోన్‌లు స్విచ్‌ ఆఫ్‌ ఉండటంతో వారి కుటుంబ సభ్యులు గురువారం ఎడపల్లి పోలీస్‌ స్టేషన్‌లో ఫిర్యాదు చేశారు.

బెల్టు షాపుపై దాడి

లింగంపేట: లింగంపేటలోని అంబేడ్కర్‌ చౌరస్తా ప్రాంతంలో సోమాగౌడ్‌ నిర్వహిస్తున్న బెల్టు షాపుపై ఎక్స్‌జ్‌ సీఐ షాకిర్‌ గురువారం దాడి చేశారు. సోమాగౌడ్‌ను బైండోవర్‌ చేశామన్నారు.

1/3

గంజాయి పట్టివేత

2/3

గంజాయి పట్టివేత

3/3

గంజాయి పట్టివేత