చిరుత దాడిలో లేగదూడ మృతి

చిరుత దాడిలో లేగదూడ మృతి

లింగంపేట(ఎల్లారెడ్డి): మండలంలో ని లింగంపల్లి(ఖు ర్దు) గ్రామం శివా రులోని అటవీ ప్రాంతంలో బుధవారం రాత్రి పంట చేను వద్ద కట్టేసిన లేగదూడపై చిరు త దాడి చేసి హతమార్చినట్లు గ్రామస్తులు తెలిపారు. వివరాలు ఇలా ఉ న్నాయి.. నాగారం రోడ్డులో పెద్దవాగు పక్కన చౌడం స్వామి తన పంట చేను వద్ద లేగదూడను కట్టేశాడు. అటవీ ప్రాంతం నుంచి వచ్చిన చిరుత రాత్రివేళ లేగదూడను చంపేసినట్లు బాధితుడు తెలిపారు. అటవీ శాఖ అధికారులు ఘటన స్థలానికి చేరుకొని పంచనామా నిర్వహించారు.

బైక్‌ దొంగల అరెస్ట్‌

ఖలీల్‌వాడి: నగరంలోని మూడో టౌన్‌ పోలీస్‌ స్టేషన్‌ పరిధిలో ఇద్దరు బైక్‌ దొంగలను అరెస్ట్‌ చేసినట్లు ఎస్సై హరిబాబు తెలిపారు. ఈ నెల 28న కంఠేశ్వర్‌ చౌరస్తా వద్ద బైక్‌ చోరీ చేసిన చంద్రశేఖర్‌ కాలనీకి చెందిన ముజహీద్‌, మాజిద్‌ను అరెస్ట్‌ చేసి, రిమాండ్‌కు తరలించినట్లు పేర్కొన్నారు.

బైక్‌ను ఢీకొన్న కారు

గాంధారి: మండలంలోని పోతంగల్‌ కలాన్‌ సమీపంలో బుగ్గగండి వద్ద గురువారం బైక్‌ను కారు ఢీకొనడంతో ఇద్దరికి గాయాలైనట్లు 108 ఈఎంటీ సురేష్‌ తెలిపారు. చాకలి కవిత, సందీప్‌ తిప్పారం నుంచి బాన్స్‌వాడ మండలం కోనాపూర్‌కు బైక్‌పై వెళ్తుండగా బుగ్గగండి వద్ద కారు ఢీకొంది. దీంతో ఇద్దరు కింద పడిపోగా గాయాలయ్యాయి. వారిని చికిత్స ని మిత్తం బాన్సువాడ ఏ రియా ఆసుపత్రికి తరలించినట్లు ఈఎంటీ సురేష్‌, పైలట్‌ నరేష్‌ తెలిపారు.

ఆటో ఢీకొని హెడ్‌ కానిస్టేబుల్‌కు గాయాలు

ఖలీల్‌వాడి: ఆటో ఢీకొనడంతో హెడ్‌ కానిస్టేబుల్‌ గాయాలైన ఘటన నగరంలో చోటు చేసుకుంది. జీజీహెచ్‌లో పని చేస్తున్న హెడ్‌ కానిస్టేబుల్‌ శశిప్రసాద్‌ బైక్‌పై వెళ్తుండగా రాంగ్‌ రూట్‌లో వచ్చిన ఆటో ఢీకొన్నట్లు వన్‌ టౌన్‌ ఎస్‌హెచ్‌వో రఘుపతి గురువారం తెలిపారు. కేసు నమోదు చేసి దర్యాప్తు చేస్తున్నట్లు పేర్కొన్నారు.