బీఈడీ పరీక్ష ఫీజు చెల్లించాలి

బీఈడీ పరీక్ష ఫీజు చెల్లించాలి

తెయూ(డిచ్‌పల్లి): తెలంగాణ యూనివర్సిటీ పరిధిలోని బీఈడీ మూడో సెమిస్టర్‌ (రెగ్యులర్‌) పరీక్ష ఫీజు ఫిబ్రవరి 8వరకు చెల్లించాలని కంట్రోలర్‌ ఎం అరుణ గురువారం ఒక ప్రకటనలో తెలిపారు. రూ.100 అపరాధ రుసుముతో ఫిబ్రవరి 10 వరకు చెల్లించే అవకాశం ఉంటుందని పేర్కొన్నారు. వివరాలు తెలంగాణ యూనివర్సిటీ వెబ్‌సైట్‌ను సంప్రదించాలని సూచించారు.

తెల్లజొన్న కోతలు షురూ

బాల్కొండ: తెల్లజొన్న పంట చేతికి రావడంతో రైతులు కోతలను ప్రారంభించారు. నియోజకవర్గంలో మోర్తాడ్‌, బాల్కొండ, కమ్మర్‌పల్లి, ఏర్గట్ల మండలాల్లో ఎర్రజొన్నతో పాటు తెల్లజొ న్నను అధికంగా సాగు చేస్తారు. ప్రస్తుతం పంటను కోసి రోడ్లపై ఆరబోస్తున్నారు.

గద్దర్‌ జయంతిని

జయప్రదం చేయాలి

నిజామాబాద్‌ నాగారం: ప్రముఖ కవి, రచయిత గద్దర్‌ జయంతిని శుక్రవారం నగరంలోని నాందేవాడలో ఉన్న మల్లు స్వరాజ్యం మీటింగ్‌ హాల్‌లో నిర్వహిస్తున్నట్లు గద్దర్‌ ఫౌండేషన్‌ అధ్యక్షుడు గైని గంగారాం తెలిపారు. ఈ కార్యక్రమాన్ని విజవయంతం చేయాలని కోరారు. ఎం బాబురాం, చిట్టి మల్ల హరిప్రసాద్‌, రామ్‌మోహన్‌ రావు, ఎస్కే హుస్సేన్‌, సక్కి విజయ్‌కుమార్‌, భాస్కర్‌, బంగారు సాయిలు, జాఫర్‌, లక్ష్మణ్‌, ప్రభంజన్‌, షేక్‌ నజీర్‌, డాక్టర్‌ సజ్జర్‌ పాల్గొన్నారు.

కుష్టు వ్యాధి నివారణపై అవగాహన

నిజామాబాద్‌ నాగారం: నగరంలోని దుబ్బ పీ హెచ్‌సీలో లెప్రసీ జిల్లా అధికారి భార్గవి ఆధ్వర్యంలో కుష్టు వ్యాధి నివారణపై గురువారం అవగాహన కార్యక్రమం చేపట్టారు. జిల్లా కేంద్రంలోని జనరల్‌ ఆస్పత్రిలోనూ కుష్టు వ్యా ధిపై సదస్సు నిర్వహించారు. కార్యక్రమంలో పీహెచ్‌సీ మెడికల్‌ ఆఫీసర్‌ శ్రీలత, చంద్రకళ, ప్రోగ్రాం ఆఫీసర్‌ రూప పాల్గొన్నారు.

పెండింగ్‌ కేసులను

వెంటనే పరిష్కరించాలి

కామారెడ్డి క్రైం: ఆయా పోలీస్‌స్టేషన్లలో పెండింగ్‌లో ఉన్న కేసులను వెంటనే పరిష్కరించాలని ఎస్పీ సింధు శర్మ సూచించారు. జిల్లా పోలీసు కార్యాలయంలో గురువారం నిర్వహించిన నెలవారీ నేర సమీక్షలో మాట్లాడారు. అసాంఘిక కార్యకలాపాలు, జూదం, మత్తు పదార్థాలపై ప్రత్యేక నిఘా పెట్టాలన్నారు. రోడ్డు ప్రమాదాల నివారణకు చర్యలు తీసుకోవాలన్నారు. పెట్రోలింగ్‌ మరింత పకడ్బందీగా నిర్వహించాలన్నారు. సీసీ కెమెరాల ఏర్పాటు ప్రాధాన్యతపై ప్రజలకు వివరించాలన్నారు. వీలైనన్ని ఎక్కువ కెమెరాలు ఏర్పాటు చేసుకునేలా అవగాహన కల్పించాలని సూచించారు. విధి నిర్వహణలో ఉత్తమ ప్రతిభ కనబరిచిన పలువురు అధికారులు, సిబ్బందికి ప్రశంసా పత్రాలను అందజేశారు. కామారెడ్డి ఏఎస్పీ చైతన్యారెడ్డి, అదనపు ఎస్పీ నరసింహారెడ్డి, సీఐలు, ఎస్సైలు, సిబ్బంది పాల్గొన్నారు.

1/2

బీఈడీ పరీక్ష ఫీజు చెల్లించాలి

2/2

బీఈడీ పరీక్ష ఫీజు చెల్లించాలి