సినీ ఫక్కీలో చోరీ

సినీ ఫక్కీలో చోరీ

గరుగుబిల్లి: ఓ వృద్ధురాలిని బైక్‌పై ఎక్కించుకుని సినీఫక్కీలో చోరీకి పాల్పడిన సంఘటన గురువారం గరుగుబిల్లి మండలంలోని దళాయివలసలో జరిగింది. ఈ సంఘటన వివరాలిలా ఉన్నాయి. గ్రామానికి చెందిన గంట గంగమ్మ పార్వతీపురం వెళ్లేందుకు గ్రామంలోని ఆంజనేయస్వామి విగ్రహం వద్ద వేచి ఉన్న సమయంలో అటుగా పల్సర్‌ బైక్‌పై వెళ్తున్న ఓ వ్యక్తి ఎర్రన్న గుడి వరకు దింపుతానని చెప్పి వృద్ధురాలిని బైక్‌పై ఎక్కించుకున్నాడు. ఉల్లిభద్రకు వెళ్లే ముందు ఉన్న మట్టి రోడ్డు వైపు బైక్‌ తిప్పడంతో ఇటు ఎందుకు వెళ్తున్నావని గంగమ్మ ప్రశ్నించగా ఏమీ చెప్పకుండా బైక్‌ను నడిపాడు. దీంతో వెనుకన కూర్చున్న గంగమ్మకు ఏం చేయాలో తోచక బైక్‌పై నుంచి దూకేయడంతో కింద పడి స్పృహ కోల్పోవడంతో ఆమె మెడలో ఉన్న రెండు తులాల గొలుసు, రెండుపేట్ల పుస్తుల తాడు తీసుకుని ఆ నిందితుడు పరారయ్యాడు. స్పృహ వచ్చిన తరువాత గంగమ్మ ఈ విషయాన్ని బంధువులకు తెలియజేసింది. విషయం తెలుసుకున్న గ్రామస్తులు, బంధువులు ఆమెను చికిత్స కోసం పార్వతీపురం జిల్లా ఆస్పత్రికి తరలించి పోలీసులకు ఫిర్యాదు చేశారు. ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై టి.రమేష్‌ నాయుడు తెలిపారు.

నాలుగున్నర తులాల బంగారు

ఆభరణాలతో పరారీ