కేసీఆర్ వ్యాఖ్యలు సరికాదు

 

 రాజీనామా పంపించా.. కోలగట్ల

 విజయనగరం ఫోర్ట్ : రాష్ట్ర విభజనను నిరసిస్తూ ఎమ్మెల్సీ పదవికి రాజీనామా చేసి ఫ్యాక్స్ ద్వారా శాసనమండలి చైర్మన్‌కు పంపించినట్టు ఎమ్మెల్సీ కోలగట్ల వీరభద్రస్వామి తెలిపారు. సమైక్యాంధ్రాకు మద్దతుగా కాంగ్రెస్ పార్టీ ఆధ్వర్యంలో  శనివారం స్థానిక కలెక్టరేట్ వద్ద రాస్తారోకో నిర్వహించారు. అదే విధంగా ఆటోర్యాలీ కూడా నిర్వహించారు. సుమారు గంటన్నర పాటు ఆందోళన చేపట్టారు. ఈ సందర్భంగా‘ వద్దు వద్దు తెలంగాణ ఇవ్వద్దు’, ‘కేసీఆర్ ఖబడ్ధార్’ అంటూ పెద్ద ఎత్తున నినాదాలు చేశారు. అనంతరం  కోలగట్ల మాట్లాడుతూ, రాష్ట్ర విభజన ప్రకటన వచ్చినప్పటి నుంచి ఆందోళన కార్యక్రమాలు చేపడుతున్నామన్నారు. అయితే కొన్ని రాజకీయ పార్టీలు బొత్సప్రతిష్ఠను దెబ్బతీయాడానిక అనేక విమర్శలు చేస్తున్నారని చె ప్పారు. 2009లో కా్రంగ్రెస్ పార్టీ  తెలంగాణ ఇవ్వద ని తెలిసే టీఆర్‌ఎస్ టీడీపీతో పొత్తు పెట్టుకున్న విషయాన్ని ఈ సందర్భంగా గుర్తు చేశారు. ప్రతిపక్ష పార్టీ లు అభ్యంతరం చెప్పకపోవడం వల్లే తెలంగాణ ప్రక్రియకు కేంద్ర ప్రభుత్వం శ్రీకారం చుట్టిందన్నారు.

 

  గందరగోళంగా ఆందోళన 

 కాంగ్రెస్ పార్టీ ఆందోళన చేస్తున్న సమయంలోనే సమైక్యాంధ్రాకు మద్దతుగా ఆందోళన చేపట్టడానికి టీడీపీ నాయకులు కలెక్టరేట్ వద్దకు చేరుకున్నారు. దీంతో టీడీపీ నాయకులు ఆందోళన చేయకుండా కొంతమంది కాంగ్రెస్ నాయకులు అడ్డుకోవడానికి ప్రయత్నించినప్పుడు గందరగోళ పరిస్థితి నెలకొంది. ఈ సమయంలో పోలీసులు రంగప్రవేశం చేసి కాంగ్రెస్ పార్టీ నాయకులు, కార్యకర్తలను పంపించివేయడంతో వివాదం సద్దుమణిగింది. ఈ సమయంలో విజయనగరం నుంచి పార్వతీపురం వెళ్తున్న ఆర్టీసీ బస్సుపై ఆందోళనకారులు రాళ్లు రువ్వడంతో అద్దాలు పగిలిపోయాయి.