TV
ఈసారి ఐసిస్‌ టార్గెట్‌ బ్రిటీష్‌ నగరాలే!
గత కొద్ది రోజులుగా చప్పుడు చేయకుండా ఉన్న ఉగ్రవాద సంస్థ ఇస్లామిక్‌ స్టేట్‌ వాస్తవానికి పెద్ద మొత్తంలో కుట్రలు చేస్తున్నట్లు తెలిసింది. దాని దాడి వ్యూహాల్లో మార్పులు చేసుకొని కొత్త తరహాలో విధ్వంసం సృష్టించేందుకు పన్నాగం పన్నిందట.
లండన్‌: గత కొద్ది రోజులుగా చప్పుడు చేయకుండా ఉన్న ఉగ్రవాద సంస్థ ఇస్లామిక్‌ స్టేట్‌ వాస్తవానికి పెద్ద మొత్తంలో కుట్రలు చేస్తున్నట్లు తెలిసింది. దాని దాడి వ్యూహాల్లో మార్పులు చేసుకొని కొత్త తరహాలో విధ్వంసం సృష్టించేందుకు పన్నాగం పన్నిందట. అయితే, ఆ కొత్త తరహా దాడికి తొలుత బ్రిటన్‌ను ఎంచుకున్నట్లు సమాచారం. ఉగ్రవాదానికి వ్యతిరేకంగా పనిచేసే ఓ సంస్థకు చెందిన న్యాయవాది మ్యాక్స్‌ హిల్‌ ఓ టీవీ చానెల్‌కు ఇంటర్వ్యూ ఇచ్చిన సందర్భంగా ఈ షాకింగ్‌ విషయం చెప్పారు.
‘ఏమాత్రం విభేదాలు చూపకుండా విచక్షణారహితంగా అమాయక ప్రజలను ఇస్లామిక్‌ స్టేట్‌ లక్ష్యంగా చేసుకుంది. 40 ఏళ్ల కిందట బ్రిటన్‌ ఎదుర్కొన్న దాడి అంత పరిమాణంలో ఈసారి ఎటాక్‌ చేయాలని సిద్ధమవుతోంది. ఈ దాడి ఎలా ఉండబోతుందన్నది సహజంగా ఊహించడం కష్టం. బ్రిటన్‌లోని కొన్ని నగరాల్లో జాతి పరంగా, రంగు పరంగా దాడులు చేసే అవకాశం ఉంది. ఈ విషయాన్ని ఎట్టి పరిస్థితుల్లో మర్చిపోవద్దు. నిర్లక్ష్యం చేయడం అంతమంచిది కాదు. అదే సమయంలో బ్రిటన్‌ సైనిక బలం, ఇంటెలిజెన్స్‌ ఈ దాడులను సమర్థంగా తిప్పిగొట్టగలుగుతుంది’ అని ఆయన అన్నారు.
