సంక్రాంతికి లెజెండ్ తొలిచూపు

 ‘సింహా’ సినిమాలో కనిపించిన కొత్తదనం... బాలకృష్ణ అండర్ ప్లే. ప్రేక్షకులు బాలయ్యను ఎలా చూడాలనుకుంటున్నారో, ఆయన నుంచి ఎలాంటి పెర్‌ఫార్మెన్స్ కోరుకుంటున్నారో ‘సింహ’లో ఆయన అలా కనిపించారు, ఆ విధంగా నటించారు. దర్శకుడు బోయపాటి శ్రీను చేసిన చిన్న మ్యాజిక్ అది. మళ్లీ ఆ మ్యాజిక్‌ని రిపీట్ చేస్తే, విజయం తధ్యమని వేరే చెప్పాలా? ప్రస్తుతం అదే పనిలో ఉన్నారు బోయపాటి. ‘లెజెండ్’లో ప్రేక్షకులకు కొత్త బాలయ్యను చూపించబోతున్నారు. ఇందులో బాలయ్య పాత్ర చిత్రణ అత్యంత శక్తిమంతంగా ఉంటుందని తెలుస్తోంది. ఆయన పాత్రలో రెండు షేడ్స్ ఉంటాయని సమాచారం. ఈ సంక్రాంతికి ‘లెజెండ్’ ఫస్ట్ లుక్‌ని విడుదల చేయనున్నారు నిర్మాతలు రామ్ ఆచంట, గోపిచంద్ ఆచంట, అనిల్ సుంకర.