ఆర్కే నగర్‌ ఉప ఎన్నికలో టీటీవీ దినకరన్‌ ఘనవిజయం.. అన్నాడీఎంకే అభ్యర్థి మధుసూదనన్‌పై 40,707 ఓట్ల మెజారిటీతో అఖండ విజయం

14వ రౌండ్ ముగిసేసరికి ఓట్ల లెక్కింపులో టీవీవీ దినకరన్‌ 68, 392 ఓట్ల ఆధిక్యంతో దూసుకుపోతున్నారు. అన్నాడీఎంకే కు 36,217, డీఎంకే 18, 924 ఓట్లు, బీజేపీ నేత కరు నాగరాజన్‌కు 1, 126 ఓట్లు పోలయ్యాయి.

పదో రౌండ్ ముగిసేసరికి ఓట్ల లెక్కింపులో టీవీవీ దినకరన్‌ 48,808 ఓట్ల ఆధిక్యంతో దూసుకుపోతున్నారు. అన్నాడీఎంకే కు 25,567, డీఎంకే 13,015 ఓట్లు పోలయ్యాయి.

భారీగా కార్యకర్తలతో దినకరన్‌ జయ సమాధి వద్దకు చేరుకున్నారు. కాసేపట్లో అమ్మకు నివాళులర్పించనున్నారు. అమ్మ, ఎంజీఆర్‌ ఆశీస్సులతోనే తాను గెలవబోతున్నానని ఆయన చెప్పారు.

ఓట్ల లెక్కింపులో టీవీవీ దినకరన్‌ 20, 141 ఓట్ల ఆధిక్యంతో దూసుకుపోతున్నారు. దినకరన్‌కు 39 వేల  940, అన్నాడీఎంకే కు19, 799, డీఎంకే 10, 307 ఓట్లు పోలయ్యాయి. నామ్‌ తమిళార్‌​ పార్టీకి-1509,  నోటా-935  బీజేపీ- 519 ఓట్లు లభించాయి.

ఆర్కే నగర్‌ ఫలితాల్లో రౌండ్‌ రౌండ్‌కి​ దినకరన్‌ హవా పెరిగిపోతోంది. ప్రస్తుతం  16 వేల స్పష్టమైన ఆధిక్యంలో దినకరన్‌ కొనసాగుతున్నాడు. దినకరన్‌కు 34,346 ఓట్లు పోలుకాగా, అన్నాడీఎంకే అభ్యర్థికి 17, 477 ఓట్లు, డీఎంకే 9వేలపై చిలుకు ఓట్లు పోల్‌ అయ్యాయి. అన్నింటికన్నా బీజేపీ పరిస్థితి మరీ దారుణంగా ఉంది. ఆ పార్టీ అభ్యర్థికి 500 ఓట్లు పోలుకాగా,  నోటా మీద అంతకన్నా ఎక్కువ ఓట్లు పోలుకావటం విశేషం. 

ప్రస్తుతం కౌంటింగ్‌ లో దినకరన్‌ 14, 803 ఓట్ల ఆధిక్యంలో కొనసాగుతున్నారు.

ఫలితాల్లో దినకరన్‌ లీడ్‌ మరింతగా పెరిగిపోయింది.  29, 267 ఓట్లు దినకరన్‌కు పోల్‌ కాగా.. అన్నాడీఎంకే అభ్యర్థికి 15, 184, డీఎంకే అభ్యర్థికి 7, 983 ఓట్లు పోల్‌ అయ్యాయి.

ఐదో రౌండ్ లో అన్నాడీఎంకే అభ్యర్థి మధుసూధన్‌ పై 11,320 ఓట్ల ఆధిక్యంలో కొనసాగుతున్న దినకరన్.

టీటీవీ దినకరన్‌ ఆధిక్యం కొనసాగుతోంది. ఇప్పటిదాకా ఆయనకు  20, 298 వేలకు పైగా ఓట్లు పోలయ్యాయి. అన్నాడీఎంకే 9 672, డీఎంకే 5, 091 ఓట్లతో దరిదాపుల్లో లేకుండా పోయాయి. ఇక బీజేపీ 344 ఓట్లు పోలుకాగా, నామ్‌ తమిళార్‌ పార్టీకి​ 737, నోటా కింద  791 ఓట్లు పోలు కావటం విశేషం.

కాగా, గెలుపు సంకేతాలపై దినకరన్‌ హర్షం వ్యక్తం చేశారు. కోటిన్నర మంది కార్యకర్తలకు, ఆర్కే నగర్‌ ప్రజలకు ఆయన కృతజ్ఞతలు తెలియజేశారు. ఇది ఒక్క ఆ ప్రాంత ప్రజలు ఇచ్చిన తీర్పే కాదని.. మొత్తం తమిళనాడు ప్రజల తీర్పు అని ఆయన వ్యాఖ్యానించారు. మూడు నెలల్లో ప్రభుత్వం కూలిపోవటం ఖాయమని ఆయన ఆసక్తికర వ్యాఖ్యలు చేశారు.

ఆర్కే నగర్‌ కౌంటింగ్‌ ను పరిశీలిస్తుంటే నోటుకు ఓటు ప్రభావం పని చేస్తున్నట్లు కనిపిస్తోందని తమిళనాడు రాష్ట్ర బీజేపీ చీఫ్‌ వ్యాఖ్యలు చేశారు.

మూడో రౌండ్‌లోనూ దినకరన్‌ ఆధిక్యం. దినకరన్‌ కు 15,638 ఓట్లు పోలుకాగా, అన్నాడీఎంకే 7, 038, డీఎంకే 3,750 ఓట్లు పోలయ్యాయి.

ఓట్ల లెక్కింపులో బీజేపీ పరిస్థితి దారుణంగా ఉంది. బీజేపీకి ఇప్పటిదాకా 66 ఓట్లు పోలు కాగా, నోటా కింద 102 ఓట్లు కావటం గమనార్హం.

కౌంటింగ్‌ లో దినకరన్‌ ఆధిక్యంతో దూసుకుపోతున్నారు. ఇప్పటిదాకా దినకరన్‌-10, 421, అన్నాడీఎంకే అభ్యర్థి మధుసూధన్‌-4, 521. డీఎంకే అభ్యర్థి మురుదుగణేష్‌- 2.383 ఓట్లు పోలయ్యాయి. 

రంగంలోకి దిగిన అదనపు బలగాలు ఓటింగ్‌ కౌటింగ్‌ కేంద్రంలోకి ప్రవేశించిన ఆందోళనకారులను బయటకు పంపించేస్తున్నారు. తమ ఆధిక్యం చూసి భరించలేకనే కౌంటింగ్‌ సిబ్బందిపై అన్నాడీఎంకే దాడులకు పాల్పడిందని దినకరన్‌ వర్గీయులు చెబుతున్నారు.

దినకరన్‌, అన్నాడీఎంకే ఏజెంట్లు కుర్చీలు విసురుసుకుని బాహాబాహికి దిగారు. దీంతో పోలీసులు రంగంలోకి దిగారు. మరోవైపు కౌంటింగ్‌ ను తాత్కాలికంగా నిలిపివేశారు.

ఆర్కే నగర్‌  ఉప ఎన్నిక కౌంటింగ్‌లో తీవ్ర గందరగోళం నెలకొంది. దీంతో కౌంటింగ్‌ను తాత్కాలికంగా వాయిదా వేశారు. దినకరన్‌ 7226, అన్నాడీఎంకే 2738, డీఎంకే 1138 ఓట్లు పోలైనట్లు సమాచారం.

దినకరన్‌ 5,339 ఓట్లు.. అన్నాడీఎంకే 2738, డీఎంకే 1112 ఓట్లు పోలయ్యాయి.

తొలిరౌండ్‌ ​ముగిసే సరికి దినకరన్‌ స్పష్టమైన ఆధిక్యం ప్రదర్శించారు. మొత్తం దినకరన్‌ 2, 538, అన్నాడీఎంకే 647, డీఎంకే 360 ఓట్లు పోలయ్యాయి. 1891 ఓట్ల స్పష్టమైన ఆధిక్యంలో ఆయన ఉన్నారు.

ఆర్కే నగర్‌ ఉప ఎన్నిక ఓట్ల లెక్కింపు వేగవంతం చేసిన అధికారులు. 

కౌంటింగ్‌ లో తొలి రౌండ్‌ ప్రారంభం అయిన కాసేపటికే.. దినకరన్‌ 598, డీఎంకే 120, అన్నాడీఎంకే-243 ఓట్లు పోలైనట్లు తెలుస్తోంది.

కాగా, కౌంటింగ్‌ ప్రారంభం కాగానే తొలి ఓటు డీఎంకే పార్టీకి పోల్‌ అయినట్లు తెలుస్తోంది.

లెక్కింపు కోసం మొత్తం 14 టేబుళ్లు ఏర్పాటు చేసిన అధికారులు.. 19 రౌండ్లలో కౌంటింగ్‌ పూర్తి చేస్తామని ప్రకటించారు.

భారీ భద్రత నడుమ ఆర్కే నగర్‌ ఉప ఎన్నిక ఓట్ల లెక్కింపు ప్రారంభం అయ్యింది. 

కౌంటింగ్‌ ప్రారంభానికి ముందే పోలింగ్‌ కేంద్రం వద్ద ఉద్రిక్త పరిస్థితులు నెలకొన్నాయి. ప్రధాన పార్టీ అభ్యర్థులను మాత్రమే లోపలికి అనుమతిస్తున్నారంటూ ఇండిపెండెంట్లు ఆందోళన చేపట్టడంతో పరిస్థితి అదుపు చేసేందుకు పోలీసులు రంగంలోకి దిగారు.