కేసీఆర్తో అసదుద్దీన్, ముస్లిం మతపెద్దల భేటీ

హైదరాబాద్:  తెలంగాణ సచివాలయంలో సీఎం కేసీఆర్తో మజ్లిస్ పార్టీ అధినేత, హైదరాబాద్ ఎంపీ అసదుద్దీన్ ఒవైసీ, ముస్లిం మతపెద్దలు గురువారం భేటీ అయ్యారు. వరంగల్ శివారులో జరిగిన ఎన్కౌంటర్లో వికారుద్దీన్ మృతిచెందిన సంగతి తెలిసిందే. ఈ ఎన్కౌంటర్పై విచారణ చేయాల్సిందిగా సీఎం కేసీఆర్ను అసదుద్దీన్ ఒవైసీ కోరుతున్నట్టు తెలిసింది. వికారుద్దీన్ ఎన్కౌంటర్ విషయంలో ఒవైసీలు తీవ్రంగా స్పందించిన విషయం తెలిసిందే.

నల్లగొండ జిల్లాలో పోలీసుల మీద జరిగిన కాల్పులకు ప్రతీకారంగానే వికారుద్దీన్ను బూటకపు ఎన్కౌంటర్లో హతమార్చారని కూడా విమర్శించారు. ఈ నేపథ్యంలోనే ఇతర ముస్లిం మతపెద్దలతో కలిసి కేసీఆర్ వద్దకు వెళ్లడం, ఆయనతో భేటీ కావడం ప్రాధాన్యాన్ని సంతరించుకుంది.