TV
బావను చంపించి, ఫేసుబుక్ లో షేర్ చేసిన బావమరిది
సాఫ్ట్‌వేర్‌ ఇంజనీర్‌ చంద్రశేఖర్ దారుణహత్యకు గురైయ్యాడు. బల్కంపేటలో మూడు రోజుల క్రితం కిడ్నాప్ అయిన చంద్రశేఖర్ మంగళవారం శవమై కనిపించాడు.
హైదరాబాద్: బావమరిది బావ బతుకు కోరుతాడంటారు. కానీ ఇక్కడ బావను మట్టుపెట్టాడో బావమరిది. కిరాయి హంతకులతో బేరం కుదుర్చుకుని బావను చంపించి ఆపై ఆ విషయాన్ని ఫేసుబుక్ లోకి కూడా షేర్ చేశాడు. చంద్రశేఖర్ అనే సాఫ్ట్‌వేర్‌ ఇంజనీర్‌ దారుణహత్యకు గురయ్యాడు. బల్కంపేటలో మూడు రోజుల క్రితం కిడ్నాప్ అయిన చంద్రశేఖర్ చివరికి శవమై కనిపించాడు. అతన్ని కిడ్నాప్ చేసింది బావమరిది అనిల్ అని పోలీసులు తెలిపారు. దుండగులతో సుపారీ (కిరాయి) కుదుర్చుకున్న అనిల్ బావను కిడ్నాప్ చేయించాడు.
కిడ్నాప్ కు గురైన చంద్రశేఖర్ ను రంగారెడ్డి జిల్లా తాండూరు సమీపంలో దుండగులు దారుణంగా చంపి రోడ్డుపై పడివేసి వెళ్లారు. ఈ హత్యకు సంబంధించిన దృశ్యాలను ఫేస్‌బుక్‌ ద్వారా అనిల్ తన చెల్లికి పంపినట్టు పోలీసులు తెలిపారు. ప్రసుత్తం కిరాయి హంతకులు పోలీసుల అదుపులో ఉన్నట్టు సమాచారం.
