అనూ ఇమ్మాన్యుయేల్‌ ప్రధాన పాత్రలో, శివ కందుకూరి మరో లీడ్‌ రోల్‌ ఓ థ్రిల్లింగ్‌ మూవీ తెరకెక్కుతోంది. సినిమాటోగ్రాఫర్‌ ఆండ్రూ బాబు ఈ సినిమాతో దర్శకుడిగా పరిచయం అవుతున్నారు. బిగ్‌ మూవీ మేకర్స్‌ లిమిటెడ్, మై 3 ఆర్ట్స్‌ పతాకాలపై లండన్‌ గణేష్, డా. ప్రవీణ్‌ రెడ్డి వూట్ల నిర్మిస్తున్న సినిమా ఇది. బుధవారం ఈ సినిమాను అధికారికంగా ప్రకటించి, లండన్‌ లొకేషన్స్‌లో కీలక సన్నివేశాల చిత్రీకరణ జరుగుతోందని యూనిట్‌ తెలిపింది. ‘‘ఎడ్జ్‌ ఆఫ్‌ ది సీట్‌ థ్రిల్లర్‌ మూవీగా ఈ సినిమాను రూపొందిస్తున్నాం’’ అని దర్శక–నిర్మాతలు తెలిపారు. వైవా హర్ష, వెన్నెల కిశోర్, ఎస్‌. నివాసిని, ‘షకలక’ శంకర్‌ కీలక పాత్రల్లో నటిస్తున్న ఈ సినిమాకు సంగీతం: అనూప్‌ రూబెన్స్‌.