ముంబై : టైగర్‌ ష్రాఫ్‌, శ్రద్ధా కపూర్‌లు జోడీగా విడుదలైన లేటెస్ట్‌ బాలీవుడ్‌ యాక్షన్‌ థ్రిల్లర్‌ భాగీ 3 తొలి వీకెండ్‌లో రూ 50 కోట్ల మార్క్‌ను దాటింది. ఈ మూవీపై మిశ్రమ సమీక్షలు వచ్చినా కరోనా భయాలు, పరీక్షల హడావిడిని అధిగమించి మెరుగైన వసూళ్లను రాబట్టింది. శుక్రవారం తొలిరోజు రూ 17.50 కోట్లు రాబట్టిన భాగీ 3 రెండవరోజు రూ 16.03 కోట్లు, ఆదివారం రూ 20.3 కోట్లను వసూలు చేసి మూడు రోజుల్లో మొత్తం రూ 53.83 కోట్లు వసూలు చేసిందని ప్రముఖ ట్రేడ్‌ ఎనలిస్ట్‌ తరణ్‌ ఆదర్శ్‌ వెల్లడించారు. మాస్‌ సెంటర్లలో ఈ మూవీ భారీ వసూళ్లు రాబడుతోందని, మెట్రోల్లోనూ మూడోరోజు పుంజుకుందని ఆయన ట్వీట్‌ చేశారు. భాగీ ఫ్రాంచైజీ టైగర్‌కు కలిసివచ్చిందనే చెప్పాలి. తొలి, మూడు పార్ట్‌ల్లో శ్రద్ధా కపూర్‌ టైగర్‌తో జతకట్టగా, భాగీ 2లో దిశా పటానీ టైగర్‌ సరసన ఆడిపాడింది. అహ్మద్‌ఖాన్‌ నిర్ధేశకత్వంలో తెరకెక్కిన భాగీ 3లో రితీష్‌ దేశ్‌ముఖ్‌, అంకితా లోఖండేలు ఇతర ప్రధాన పాత్రలు పోషించారు.

‘భాగీ’ ఫ్రాంచైజీలో వస్తోన్న మూడో సినిమా ‘భాగీ3’. ఇందులో టైగర్‌ ష్రాఫ్‌ హీరోగా నటించారు. హీరోయిన్‌గా శ్రద్ధాకపూర్‌ కనిపిస్తారు. అహ్మద్‌ఖాన్‌ దర్శకత్వం వహించిన ఈ చిత్రంలో రితేష్‌ దేశ్‌ముఖ్‌ కీలక పాత్ర పోషించారు. ఇందులో రితేష్, టైగర్‌ ష్రాఫ్‌ బ్రదర్స్‌లా నటించారు. ‘భాగీ’ తొలి భాగంలో జంటగా నటించిన టైగర్, శ్రద్ధా ‘భాగీ 3’ కోసం తిరిగి కలిశారు. అలాగే ‘భాగీ 2’లో హీరోయిన్‌గా నటించిన దిశా పటానీ ‘భాగీ 3’లో ఓ స్పెషల్‌ సాంగ్‌ చేశారు. ఈ సినిమా చిత్రీకరణ ముగిసింది. ఈ ఏడాది ఏప్రిల్‌లో సినిమా విడుదల కానుంది.

మనదని రాసి పెట్టి ఉంటే కాస్త ఆలస్యమైనా మనకు రాక మానదు. ప్రస్తుతం ఇది బాలీవుడ్‌ హీరోయిన్‌ సారా అలీఖాన్‌కు సరిపోయేలా ఉంది. ఈ నెలలో రిలీజైన ‘కేదార్‌నాథ్‌’ సినిమాతో వెండితెరపై ఎంట్రీ ఇచ్చారు సారా. కానీ అన్నీ సవ్యంగా జరిగి ఉంటే  టైగర్‌ ష్రాఫ్‌ హీరోగా ‘స్టూడెంట్‌ ఆఫ్‌ ద ఇయర్‌ 2’ చిత్రంతో ఆమె ఎంట్రీ జరగాల్సింది. టైగర్‌ ష్రాఫ్‌తో నటించే చాన్స్‌ సారాకు మిస్‌ అయ్యింది. ఆ తర్వాత రణ్‌బీర్‌ కపూర్‌ ‘సింబా’ సినిమాలో కూడా నటించేశారు సారా. ఇప్పుడు టైగర్‌ ష్రాఫ్‌ సరసన ‘భాగీ 3’ చిత్రంలో సారాకి చాన్స్‌ దక్కిందని బాలీవుడ్‌ సమాచారం. ‘భాగీ 1, భాగీ 2’ చిత్రాల్లో టైగర్‌ ష్రాఫ్‌ హీరో అన్న విషయం తెలిసిందే. అంతా బాగానే ఉంది కానీ ‘భాగీ 2’ లో నటించిన దిశా పాట్నీనే ‘భాగీ 3’లో కూడా నటిస్తారని అప్పుడు వార్తలు వచ్చాయి. ౖపైగా టైగర్, దిశా లవ్‌లో ఉన్నారని టాక్‌ ఉంది. మరి ఇప్పుడు ‘భాగీ 3’ చిత్రం కోసం సడన్‌గా సారా ఎందుకు లైన్లోకొచ్చారు? అనేది బాలీవుడ్‌లో జరుగుతున్న చర్చ. ఈ సంగతి ఇలా ఉంచితే.. సారా నటించిన ‘సింబా’ చిత్రం ఈ నెల 28న విడుదల కానున్న సంగతి తెలిసిందే.

‘దేశీ ర్యాంబో’ టైగర్‌ ష్రాఫ్‌ మరోసారి తన యాక్షన్‌ విశ్వరూపం చూపించడానికి రెడి అయ్యాడు. బాగీ మొదటి రెండు సీక్వెల్స్‌లో యాక్షన్‌ సన్నివేశాల్లో ఇరగదీసి, సీనియర్‌ యాక్షన్‌ హీరోలు అక్షయ్‌, జాన్‌ అబ్రహాం ప్రశంసలు పొందిన ఈ దేశీ ర్యాంబో ప్రస్తుతం ‘బాగీ 3’ కోసం  రెడి అవుతున్నట్లు సమాచారం. ‘బాగీ’ చిత్ర నిర్మాత సజీద్‌ నదియవాలా ‘బాగీ 3’ని కూడా నిర్మిస్తానని ‘బాగీ 2’ విడుదల సమయంలో ప్రకటించిన సంగతి తెలిసిందే. అందులో భాగంగా ఈ ఏడాది చివరి నాటికి షూటింగ్‌ ప్రారంభించనున్నారు. ‘బాగీ 3’లో యాక్షన్‌ సన్నివేశాలు గత రెండు చిత్రాలను మించేలా ఉంటాయంటున్నారు చిత్ర దర్శకుడు అహ్మద్‌. ఈ యాక్షన్‌ సన్నివేశాల కోసం టైగర్‌ ష్రాఫ్‌ ఏకంగా సిరియా మిలటరీ క్యాంప్‌లో శిక్షణ తీసుకోనున్నట్లు సమాచారం. ‘బాగీ 3’లో యాక్షన్‌ సన్నివేశాల్లో అధునాతన ‘ఎమ్‌16’, ‘ఏటీ4’, రాకెట్‌ లాంచర్‌ వంటి ఆయుధాలను వినియోగించనున్నట్లు తెలుస్తోంది. శిక్షణ తీసుకోవడం కోసం ఈ ఏడాది నవంబర్‌లో టైగర్‌ ష్రాఫ్‌ సిరియా మిలటరి క్యాంప్‌కు వెళ్లనున్నాడని చిత్ర దర్శకుడు అహ్మద్‌ఖాన్‌ ఒక ప్రముఖ ఆంగ్ల పత్రిక ఇచ్చిన ఇంటర్వ్యూలో తెలిపారు. సినిమా కోసం ఎంతైనా కష్టపడే మనస్తత్వం ఉన్న టైగ్‌ర్‌ ష్రఫ్‌ ‘బాగీ’, ‘బాగీ 2’ చిత్రాలలోని యాక్షన్‌ సన్నివేశాల కోసం మార్షల్‌ ఆర్ట్స్‌లో ప్రత్యేకంగా శిక్షణ పొందిన సంగతి తెలిసిందే.

బాలీవుడ్‌లోకి మరో యువకథాయిక ఎంట్రీ ఇవ్వబోతోంది. అలనాటి హీరో చుంకీ పాండే పెద్ద కూతురు అనన్య పాండే సినీ అరంగేట్రం మొదలవనుంది. వస్తూ వస్తూనే యాక్షన్‌ హీరో టైగర్‌ ష్రాఫ్‌ సరసన ఛాన్స్‌ కొట్టేసిందన్న వార్తలు బాలీవుడ్‌లో చక్కర్లు కొడుతున్నాయి. కరణ్‌ జోహార్‌ నిర్మాతగా పునిత్‌ మల్హోత్రా దర్శకత్వంలో తెరకెక్కెనున్న ‘స్టూడెంట్‌ ఆఫ్‌ ద ఇయర్‌ 2’  సినిమాతో 19 ఏళ్ల అనన్య పాండే బాలీవుడ్‌కు పరిచయం కానున్నారని తెలుస్తోంది.  ఆమె పుట్టుకతోనే నటి.. అనన్య టైగర్‌ ష్రాఫ్‌ పక్కన నటించనున్నారా? అని విలేకరులు అడిగిన ప్రశ్నకు ఆమె తండ్రి చుంకీ పాండే సమాధానం దాటవేశారు. ‘నా కూతురు పుట్టుకతోనే నటి. ఆమె నటిగా జీవించడానికే పుట్టింది’ అంటూ చమత్కరించారు. సినిమాల్లో రాణించేందుకు ఆమె నటనలో శిక్షణ తీసుకుందని చుంకీ తెలిపారు. టైగర్‌ ష్రాఫ్‌ అద్భుతమైన నటుడని కితాబిచ్చారు. భాగీ-2 సినిమాలో అతని నటన అదిరిపోయిందంటూ టైగర్‌ని ప్రశంసించారు.  అనన్య గతేడాది పారిస్‌లోని ‘లే బాల్‌ దేస్‌ డిబ్యూటాంటిస్‌’ ఫ్యాషన్‌ షోలో పాల్గొని తన అందంతో ఆకట్టుకుంది.

సాక్షి, ముంబయి : టైగర్‌ ష్రాఫ్‌, దిశా పటానీ జంటగా అహ్మద్‌ఖాన్‌ దర్శకత్వంలో ప్రేక్షకుల ముందుకొచ్చిన బాగీ 2 బాక్సాఫీస్‌ వద్ద మోతమోగిస్తోంది. అంచనాలకు మించి కలెక్షన్లు రాబడుతూ 2018లో రెండో బిగ్గెస్ట్‌ ఓపెనర్‌గా నిలిచింది. తొలిరోజు రూ 25.10 కోట్లు, రెండో రోజు రూ 20.40 కోట్లు వసూలు చేసిన బాగీ 2.. వీకెండ్‌ చివరి రోజైన ఆదివారం ఏకంగా రూ. 27.60 కోట్లు రాబట్టింది. మొత్తానికి మొదటి వారాంతంలో ఈ సినిమా రూ. 73.13 కోట్లు వసూలు చేసింది. ‘ఈస్ట్‌, వెస్ట్‌, నార్త్‌, సౌత్‌..ప్రతిచోటా ఈ సినిమా బ్లాక్‌బస్టర్‌ వసూళ్లతో దూసుకెళుతోంది. అసాధారణమైన ఓపెనింగ్‌ వసూళ్లు సాధించింది... మొత్తం రూ. 73.10 కోట్లు రాబట్టింది’ అని ట్రేడ్‌ అనలిస్ట్‌ తరన్‌ ఆదర్శ్‌ ట్వీట్‌ చేశారు. 2018లో బాలీవుడ్‌లో అత్యధిక ఓపెనింగ్‌ వసూళ్లు రాబట్టిన సినిమాల్లో ‘బాగీ-2’  రెండోస్థానంలో నిలిచిందని, భన్సాలీ ‘పద్మావత్’ సినిమా రూ. 114 కోట్లతో మొదటిస్థానంలో ఉందని ఆయన తెలిపారు. అయితే, ‘పద్మావత్‌’  సినిమా హిందీతోపాటు తమిళం, తెలుగు భాషలను కలుపుకొని ఈ మొత్తం కలెక్షన్లు రాబట్టిందని పేర్కొన్నారు. 2018 టాప్‌-5 ఓపెనింగ్‌ వసూళ్ల జాబితాలో రైడ్‌ (రూ. 41.01 కోట్లతో) మూడోస్థానంలో, పాడ్‌మ్యాన్‌ (రూ. 40.05 కోట్లతో) నాలుగో స్థానంలో, సోను కే టిటు కి స్వీటీ (రూ. 26.57 కోట్లతో) ఐదోస్థానంలో ఉందని తెలిపారు. తెలుగులో వచ్చిన ‘క్షణం’సినిమాకు రీమేక్‌గా తెరకెక్కిన ‘బాగీ-2’లో టైగర్‌ ష్రాఫ్‌ చేసిన రిస్కీ ఫైట్లు, అవుట్‌ అండ్‌ అవుట్‌ యాక్షన్‌పై ప్రశంసల జల్లు కురుస్తోంది. టైగర్‌ను ప్రశంసిస్తూ.. ఇప్పటికే బాలీవుడ్‌ స్టార్లు అక్షయ్‌ కుమార్‌, హృతిక్‌ రోషన్‌లు ట్వీట్‌ చేశారు. ​

సాక్షి, సినిమా : ఆణిముత్యాల్లాంటి సినిమాలనుగానీ, పాటలను గానీ రీమేక్‌ విషయంలో జాగ్రత్తగా ఉండాలి. లేకపోతే వాటిని చెడగొట్టారన్న విమర్శలు పెద్ద ఎత్తున్న వినిపిస్తుంటాయి. ఈ మధ్య బాలీవుడ్‌లో అలాంటిదే ఒకటి జరిగింది.  1988లో తేజబ్‌ సినిమాలోని ఏక్‌ దో తీన్‌ సాంగ్‌ను తాజాగా బాఘీ-2 చిత్రం కోసం రీమిక్స్‌ చేసిన విషయం తెలిసిందే. క్లాసిక్‌ సాంగ్‌లో మాధురి దీక్షిత్‌ స్టెప్పులు ఇరగదీస్తే... ఇప్పుడీ కొత్త పాటలో శ్రీలంక బ్యూటీ జాక్వెలిన్‌ ఫెర్నాండేజ్‌ చిందులేసింది. అయితే పాట క్వాలిటీ పరంగానే కాదు.. విజువల్‌గా, డాన్సుల పరంగా కూడా అంత బాగోలేదని విమర్శకులు పెదవి విరిచేశారు. పైగా సోషల్‌ మీడియాలో ఈ ప్రయత్నంపై  చిత్ర దర్శకుడు అహ్మద్‌ ఖాన్‌పై ప్రేక్షకులు కొందరు దుమ్మెత్తిపోశారు.  దర్శకుడి వివరణ... ఈ నేపథ్యంలో దర్శకుడు అహ్మద్‌ ఖాన్‌ స్పందించాడు. పాటను సినిమాలో పెట్టాలని నిర్ణయించుకున్నప్పుడే విమర్శలకు తాము సిద్ధంగా ఉన్నామని ఆయన చెప్పారు. ఇక పాటకు డాన్సులు సమకూర్చుంది అహ్మదేనంటూ ఓ వార్త చక్కర్లు కొట్టింది. దీనిపై కూడా ఆయన స్పందించారు. ‘ఆ పాటను ప్రముఖ డాన్స్‌ మాస్టర్‌ గణేశ్‌ ఆచార్య కంపోజ్‌ చేశారు. ఆ విషయంలో నేను ఎలాంటి జోక్యం చేసుకోలేదు. పైగా పాట చిత్రీకరణ జరుపుకున్న సమయంలో ఆ దరిదాపులకు కూడా నేను వెళ్లలేదు’ అని అహ్మద్‌ చెప్పుకొచ్చాడు.  ‘పాటను నాశనం చేయాలన్న ఉద్దేశం మాకు లేదు. కేవలం క్లాసిక్‌ పాటకు ప్రేక్షకులకు మళ్లీ గుర్తు చేద్దామన్న ప్రయత్నం మాత్రమే మాది. అయినా ఈ పాటపై విమర్శించే వారిని మేం పట్టించుకోలేదల్చుకోలేదు. కాకపోతే ఈ పాటపై మాధురి దీక్షిత్‌ అభిప్రాయం కోసం ఎదురు చూస్తున్నాం’ అని ఆయన వెల్లడించారు. మరోవైపు సల్మాన్‌ ఖాన్‌, అనిల్‌ కపూర్‌తోపాటు ఈ పాట ఒరిజినల్‌ కంపోజర్‌(తేజబ్‌ చిత్రం) సరోజ్‌ ఖాన్‌ కూడా ఈ ప్రయత్నంపై అభినందనలు గుప్పిస్తూ.. చిత్ర యూనిట్‌కు ఆల్‌ ది బెస్ట్‌ చెప్పారు.  టైగర్‌ ష్రాఫ్‌, దిశా పఠానీ జంటగా నటించిన భాఘీ తెలుగు క్షణం సినిమాకు రీమేక్‌. మార్చి 30న ఈ చిత్రం విడుదల కానుంది.   

సాక్షి, ముంబై : ఆలనాటి మేటి గీతాలను రీమిక్స్‌ చేయడం ఇప్పుడు కొత్త కాదు. 80, 90వ దశకాలకు సంబంధించిన ఎన్నో హిట్‌ సాంగ్స్‌ ఇప్పటికే రీమిక్స్‌ అయి మరోసారి ప్రేక్షకులను అలరించాయి. ఇదే కోవలో తాజాగా వచ్చిన ‘ఏక్‌ దో తీన్‌’ బాలీవుడ్‌ రీమిక్స్‌ సాంగ్‌ అదరగొడుతోంది. ‘బాగీ-2’ కోసం రీమిక్స్‌ చేసిన ఈ క్లాసిక్‌ సాంగ్‌లో శ్రీలంక భామ జాక్వలిన్‌ ఫెర్నాండెజ్‌ హాట్‌ హాట్‌ స్టెప్పులతో అదరగొట్టింది. శ్రేయో ఘోషల్‌ తన గాత్రంతో మరోసారి ఈ పాటకు ప్రాణంపోయగా..  జాక్వలిన్‌ హాట్‌ లుక్స్‌, స్టెప్పులతో మరింత ఊపుతెచ్చేలా నర్తించింది. 1998లో వచ్చిన ‘తేజాబ్‌’ సినిమాతో బాలీవుడ్‌లో అడుగుపెట్టిన మాధురీ దీక్షిత్‌.. ఈ సినిమాలోని ‘ఎక్‌ దో తీన్‌’ పాటతో ఓవర్‌నైట్‌ స్టార్‌గా మారిపోయింది. ఈ సినిమాలో మోహినీగా మధురీ వేసిన స్టెప్స్‌.. అప్పట్లో యువతను ఉర్రూతలూగించింది. ఇప్పుడు ఈ పాటను మరింత డోస్‌ పెంచి.. ‘బాగీ-2’ కోసం రీమిక్స్‌ చేశారు. ఈ పాటలో జాక్వలిన్‌ మరింత బోల్డ్‌గా.. అందచందాలను ప్రదర్శిస్తూ.. స్టెప్పులు వేయడంతో మొత్తానికి ఈ రీమిక్స్‌ కూడా సూపర్‌ హిట్‌ అని నెటిజన్లు అంటున్నారు.

దేశీ ర్యాంబో టైగర్‌ ష్రఫ్‌ మళ్లీ బాక్సాఫీస్‌ మీద దండయాత్రకు సిద్ధమవుతున్నాడు. ‘అతడే ఒక సైన్యం’గా విలన్ల భరతం పట్టబోతున్నాడు. ‘బాఘీ-2’తో  త్వరలోనే  ప్రేక్షకులను పలుకరించబోతున్నాడు. బాలీవుడ్‌ ప్రేమజంటగా పేరొందిన టైగర్‌ ష్రఫ్‌, దిశా పటానీ ఈ సినిమాలో మరోసారి జోడీ కట్టారు. ఈ సినిమాలో దిశా నేహా పాత్ర పోషించగా.. ఆమె మాజీ ప్రేమికుడిగా టైగర్‌ ష్రఫ్‌ రోనీ పాత్రలో కనిపించనున్నారు. నేహా కూతురు కిడ్నాప్‌ అవుతుంది. తన కూతురిని కాపాడమంటూ నేహా రోనీని బతిమిలాడుకుంటుంది. ఆ చిన్నారిని కాపాడేందుకు బయలుదేరిన రోనీ చేసిన సాహసాలేమిటి? ఈ క్రమంలో విలన్లు, పోలీసులు, డ్రగ్స్‌ మాఫియా, దుష్టులను అతను ఎదుర్కొన్నాడన్నది ఈ సినిమా ఇతివృత్తంగా కనిపిస్తోంది. తెలుగులో బ్లాక్‌బస్టర్‌ హిట్‌ అయిన ‘క్షణం’ సినిమాకు ఇది రీమేక్‌.. మూలకథను యథాతథంగా తీసుకొని.. యాక్షన్‌ సీక్వెన్స్‌ను మరింత హైరేంజ్‌లో తీర్చిదిద్దినట్టు ట్రైలర్‌ను బట్టి తెలుస్తోంది. అవుట్‌ అండ్‌ అవుట్‌ యాక్షన్‌ థ్రిల్లర్‌గా తెరకెక్కిన ఈ సినిమా ట్రైలర్‌ బుధవారం ఆన్‌లైన్‌లో రిలీజ్‌.. నెటిజన్లను ఆకట్టుకుంటోంది. ఇందులో ట్రైగర్‌ మరోసారి తన దేహధారుఢ్యంతో, అద్భుతమైన యాక్షన్‌ స్టంట్స్‌తో అదరగొట్టాడు. ‘వన్‌ మ్యాన్‌ ఆర్మీ.. అతడే ఒక సైన్యం’ అంటూ ట్రైలర్‌లోని డైలాగ్‌లు ఆకట్టుకునేలా ఉన్నాయి. ర్యాంబో, మిషన్‌ ఇంపాజిబుల్‌ తరహాలో హై యాక్షన్‌ సీక్వెన్స్‌..రిస్కీ ఫైట్స్‌ ట్రైలర్‌లో దర్శనమివ్వడంతో యాక్షన్‌ జానర్‌ అభిమానులు ఈ సినిమాను ఎప్పుడెప్పుడా చూద్దామా అని ఎదురుచూస్తున్నారు.


 టైగర్ ష్రఫ్‌, శ్రద్ధ కపూర్‌ జంటగా నటించిన తాజా సినిమా 'బాగీ'... 'బాహుబలి' ప్రభాస్‌కు తొలి సూపర్ హిట్‌ను అందించిన 'వర్షం' సినిమాకు రీమేక్‌గా 'బాగీ' హిందీలో తెరకెక్కింది. కాస్తా యాక్షన్ డోసు ఎక్కువైన ఈ సినిమాలో మహేశ్‌బాబు బావ సుధీర్‌ విలన్‌గా నటించాడు.
 
 ఈ సినిమా విమర్శకుల నుంచి, సినీ సమీక్షుల నుంచి మిక్స్‌డ్ స్పందన రాబట్టినా.. బాక్సాఫీస్ వద్ద మాత్రం భారీ వసూళ్లు రాబడుతున్నది. భారీ అంచనాలతో విడుదలైన ఈ సినిమా తొలి పదిరోజుల్లోనే రూ. 75 కోట్ల మార్క్‌కు చేరువగా వచ్చింది. ఇండియాలో 2,750 థియేటర్లు, విదేశాల్లో 344 థియేటర్లలో గత నెల 29న విడుదలైన 'బాగీ' పదిరోజుల్లో రూ. 67.63 కోట్లు రాబట్టింది.
 
 రెండో వారాంతంలోనూ ఈ సినిమా నిలకడగా వసూళ్లు రాబడుతుండటం చిత్రయూనిట్‌ను సంతోషంలో ముంచెత్తుతున్నది. భారత్‌లో రెండో వారాంతంలో ఈ సినిమా వరుసగా శుక్రవారం రూ. 2.31 కోట్లు, శనివారం రూ. 2.43 కోట్లు, ఆదివారం రూ. 3.17 కోట్లు రాబట్టింది. మొత్తంగా తొలి పదిరోజుల్లోనే ఈ సినిమా పెద్దమొత్తంలో కలెక్షన్ల వర్షం కురిపించింది.
 
 ఈ విషయాన్ని ట్విట్టర్‌లో వెల్లడించిన బాలీవుడ్ ట్రెడ్ విశ్లేషకుడు తరుణ్ ఆదర్శ్‌ అదేవిధంగా ఈ ఏడాది తొలి వీకెండ్‌లో భారత్‌లో భారీగా వసూళ్లు రాబట్టిన టాప్ సినిమాల జాబితాను ప్రకటించాడు. అవి
 1. ప్యాన్‌
 2. ఎయిర్‌లిఫ్ట్‌
 3. బాగీ
 4. కపూర్ అండ్ సన్స్‌
 5. కి అండ్ కా
  
 
 Best *opening weekend* of 2016 *so far*...
 1. #Fan
 2. #Airlift
 3. #Baaghi
 4. #KapoorAndSons
 5. #KiAndKa
 Note: Hindi films. India biz.
 — taran adarsh (@taran_adarsh) May 2, 2016


 సాధారణంగా తెలుగు సినిమాల్లో ఎక్కువశాతం పరభాషా నటులు విలన్లుగా దర్శనమిస్తుంటారు. అచ్చంగా అలానే పరభాషా చిత్రంలో మన తెలుగు నటుడు విలన్ గా నటించి సత్తా చాటాడు. దాంతో ప్రస్తుతం అతడు 'టాక్ ఆఫ్ ద టాలీవుడ్' అయ్యాడు. తెలుగు యువ హీరో సుధీర్ బాబు తొలిసారి బాలీవుడ్ మూవీ 'భాగీ' లో నెగటివ్ రోల్ లో నటించి అందరి మన్ననలు అందుకుంటున్నాడు. సుధీర్ అభినయానికి తోటి నటీనటుల నుంచి అభినందనలు వెల్లువెత్తుతున్నాయి. రెజీనా, రకుల్ ప్రీత్ సింగ్, మంచులక్ష్మీ, సందీప్ కిషన్, రాహుల్ రవీంద్రన్, ఆండీ శ్రీనివాసన్లు సధీర్ బాబుతో కలిసి భాగీని వీక్షించారు. 'సుధీర్ బాబు నిన్ను చూసి గర్వపడుతున్నాము. భాగీలో నీ నటన అద్భుతం. నీతో కలిసి భాగీని థియేటర్ లో చూడటం ఎంతో ఆనందాన్నిచ్చింది' అని మంచు లక్ష్మి ట్వీట్ చేశారు.  
 
 
 టైగర్ ష్రాఫ్, శ్రద్ధాకపూర్ లు హీరో హీరోయిన్ లుగా నటించిన భాగీ చిత్రంలో విలన్ రోల్ లో సుధీర్ బాబు అలరించారు. శుక్రవారం విడుదలైన భాగీ ఈ ఏడాది విడుదలైన బాలీవుడ్ సినిమాల్లో అత్యధిక ఓపెనింగ్ కలెక్షన్లు సాధించిన మూడో చిత్రంగా నిలిచింది. షబ్బీర్ ఖాన్ దర్శకత్వంలో సాజిద్ నడియాడ్వాలా ఈ సినిమాను నిర్మించారు. దేశవ్యాప్తంగా 2750 స్రీన్లలో ఈ సినిమా విడుదలైంది. కాగా సినిమాకు విమర్శకుల నుంచి మిశ్రమ స్పందన వచ్చింది.
 
  
 
 @isudheerbabu so proud of you in #Baaghi you were just amazing. Fun watching the movie w u in the theatres pic.twitter.com/nVNStgJrWt
 — Lakshmi Manchu (@LakshmiManchu) April 30, 2016


 ముంబై: ఒకప్పుడు కేవలం సింగర్స్ లో మాత్రమే ఒకరితో మరొకరితో పోటీ ఉండేది. ప్రస్తుతం హీరోహీరోయిన్లు ఒకరితో మరొకరు పోటీపడి మరీ గాత్రదానం చేస్తున్నారు. వీరి వల్ల కొన్ని సందర్భాలలో ప్రొఫెషనల్ సింగర్స్ కు కూడా షాకులు తగులుతున్నాయి. సింగర్స్ కే షాకిచ్చిన జాబితాలో చేరిపోయింది బాలీవుడ్ ముద్దుగుమ్మ శ్రద్ధాకపూర్. అవును నిజమే.. ఆమె పాడిన పాటలన్నీ హిట్ అవుతున్నాయి. దీనిపై ఆమె తన ఆనందాన్ని వ్యక్తంచేస్తూ.. 'నేను పాడిన పాటలన్నీ హిట్ అవుతున్నాయి. నా పాటలను హిట్ చేస్తున్నందుకు అభిమానులకు ధన్యావాదాలు' అని చెప్పింది.
 
 ఆమె తాజా మూవీ 'బాఘీ' లోనూ ఓ పాట పడింది. 'సబ్ తేరా' పాట ఇప్పటికే 10 లక్షల వ్యూస్ సంపాదించుకుంది. ఈ ఏడాది ఇదే అత్యుత్తమ సాంగ్ అని, ఈ ఆనందాన్ని మాటల్లో వ్యక్తం చేయలేకపోతున్నానని అంటోంది. ఎంత సాధించినా ఎంతో కొంత మెరుగు పడాలని ప్రతి ఒక్కరూ కోరుకుంటారని చెప్పుకొచ్చింది. గతంలో ఆమె పాడిన 'బెజుబన్ ఫిర్ సే', 'గాలియన్', 'దో జహన్' సాంగ్స్ శ్రద్ధాకు ఎంతో పేరు తీసుకొచ్చాయి. ఈ నవంబర్ లో విడుదల కానున్న 'రాక్ ఆన్ 2' మూవీకి కూడా ఆమె గాత్రదానం చేస్తునట్లు తెలిపింది.


 ముంబై: బాలీవుడ్ ముద్దుగుమ్మ శ్రద్ధాకపూర్ వరుస విజయాలతో జోరుపెంచినట్లు కనిపిస్తోంది. 'ఆషికీ2'తో ఆరంగ్రేటంతో తొలి మూవీలోనే క్యూట్ లుక్స్ తోనే కాదు నటనతోనూ విమర్శకుల నుంచి ప్రశంసలు అందుకుంది. 'ఏబీసీడీ' మూవీలో అదరగొట్టే స్టెప్పులేస్తూ హీరో వరుణ్ ధావన్ తో పోటీపడి మరీ నటించింది. ఇక తన లేటెస్ట్ మూవీ 'బాఘీ'లో సీనియర్ హీరో జాకీష్రాఫ్ తనయుడు టైగర్ ష్రాఫ్ తో జోడీకట్టిన విషయం తెలిసిందే. షబ్బీర్ ఖాన్ దర్శకత్వం వహిస్తున్న ఈ మూవీలో యాక్షన్ సీన్లకు లోటులేదని శ్రద్ధా అంటోంది. ఈ మూవీ ట్రైలర్ నిన్న విడుదలయింది. మీడియా ఆమెను సంప్రదించగా శ్రద్ధాకపూర్ కొన్ని విషయాలను పంచుకుంది.
 
 'తొలిసారిగా నేను 'బాఘీ' మూవీలో బికినీలో దర్శనమిస్తున్నాను. బికినీలో ప్రేక్షకులు నన్ను బాగా రిసీవ్ చేసుకుంటారని భావిస్తున్నాను. ఈ కొత్త అవతారం అందరినీ ఆకట్టుకుంటుంది అనిపిస్తుంది.' అని శ్రద్ధా చెప్పింది. బికినీ వేసుకోవడం చాలా మంచి అనుభవం, దీనిపై తనకు చాలా మంచి కామెంట్స్ వస్తాయని ఈ భామ చెప్పుకొచ్చింది. చూడటానికి పక్కింటి అమ్మాయిలా కనిపించే పాత్రల్లో నటించే శ్రద్ధా ఈ మూవీలో చాలా సాహసమే చేసిందని చెప్పవచ్చు. హీరో టైగర్ తో కలిసి కొన్ని యాక్షన్ సీన్లలోనూ నటించినట్లు వెల్లడించింది. అందులో భాగంగానే కొన్నిసార్లు గాయాలపాలయ్యానని చెప్పింది. ఏ నటుడు టైగర్ లా నటించలేడని, అతడితో కలిసి పనిచేయడం చాలా ప్రేరణ ఇచ్చేవిధంగా ఉంటుందంటోంది ఈ అమ్మడు. తన స్కూలు రోజులను గుర్తుచేసుకుంటూ... టైగర్ స్కూలు రోజుల్లో ఎలా ఉండేవాడో, ఇప్పుడు కూడా పనిపట్ల అదే ఎనర్జీతో, చాలా ఏకాగ్రతతో ఉన్నాడని తన మిత్రుడిని తెగ పొగిడేసింది శ్రద్ధాకపూర్.


 యాక్షన్‌ సినిమాగా జనాల్లోకి వెళ్లాంటే.. దానికి తగ్గట్టుగా హీరో విన్యాసాలను ట్రైలర్‌లో చూపాల్సిందే. సినిమాలో హీరో ఎన్ని ఫైట్లు చేస్తాడు, ఎంతమందిని చితకబాదుతాడు, విలన్‌తో ఎలా పోరాడుతాడు.. ఇలా చిత్రకథకు సంక్షిప్తరూపంలో ట్రైలర్‌ ఉంటేనే ఆ సినిమా సత్తా ఏంటో చూచాయగా ప్రేక్షకులకు తెలిసే అవకాశముంటుంది.
 
 అందుకే టైగర్ ష్రఫ్‌, శ్రద్ధకపూర్ జంటగా నటిస్తున్న తాజా యాక్షన్ మూవీ 'బాగీ' ట్రైలర్‌లో ఏకంగా 30 ఫ్లయింగ్ కిక్స్‌ను చూపించారు. యాక్షన్ పవర్‌ప్యాక్‌గా వస్తున్న ఈ సినిమాకు దర్శకుడు సబీర్ ఖాన్. ఈ సినిమాతో మహేశ్‌బాబు బావ, టాలీవుడ్ హీరో సుధీర్‌ బాలీవుడ్‌కు విలన్‌గా పరిచయమవుతున్నాడు. ఇప్పటికే 'హీరోపాంటీ' చిత్రంతో తానేంటో నిరూపించుకున్నట్రైగర్‌ ష్రఫ్ ఈ సినిమాతో తన యాక్షన్ స్టామినాను చూపించబోతున్నాడని, అతను చేసిన యాక్షన్ దృశ్యాలు ప్రేక్షకులను విస్మయపరుస్తాయని దర్శకుడు సబీర్ ఖాన్ చెప్తున్నాడు. ఏప్రిల్ 29న విడుదల కానున్న ఈ సినిమా ట్రైలర్‌ను సోమవారం సాయంత్రం విడుదల చేశారు.


 ముంబై: జాకీష్రాఫ్ తనయుడిగా బాలీవుడ్ ఇండస్ట్రీకి పరిచయమైనప్పటికీ.. తొలి సినిమాతోనే ఆ ముద్రను చెరిపేశాడు యంగ్ హీరో టైగర్ ష్రాఫ్. షబ్బీర్ దర్శకత్వంలో వచ్చిన ‘హీరోపంటి’  మూవీలో మైనస్ 9 డిగ్రీల చలిని కూడా లెక్కచేయకుండా హీరోయిన్ కృతి సనన్ తో రొమాన్స్ చేసి ఔరా అనిపించాడు. తాజాగా తన రెండో చిత్రం 'బాఘీ' కోసం చాలా కష్టాలు ఎదుర్కొంటున్నాడు టైగర్. సినిమా కోసం సిక్స్ ప్యాక్ బాడీని సిద్ధంచేశాడు. ప్రస్తుతం కొన్ని యాక్షన్ సీన్లలో అవసరాల నిమిత్తం కేరళ యుద్ధవిద్య 'కలరీపట్టు'
 నేర్చుకుంటున్నాడు.
 
 అద్భుతంగా డ్యాన్స్ చేయడమే కాదు.. అవసరమైతే మూవీ కోసం ఎంత కష్టమైనా ఎదుర్కొనేందుకు టైగర్ వెనుకాడటం లేదని బాలీవుడ్ ఇండస్ట్రీ టాక్. మూవీలో యాక్షన్ సన్నివేశాలు చాలా ఉన్నాయని, వాటిలో భాగంగా తాను కేరళ యుద్ధవిద్యను నేర్చుకోవడానికి వెళ్తున్నానని టైగర్ కూడా ఓ ప్రకటనలో పేర్కొన్నాడు. ట్రైనర్ల సహాయంతో 'కలరీపట్టు' కాస్త నేర్చుకున్నాక షూటింగ్ మళ్లీ మొదలెడతామని టైగర్ చెప్పుకొచ్చాడు. షబ్బీర్ ఖాన్ దర్శకత్వం వహిస్తోన్న ఈ మూవీలో టైగర్ తో ముద్దుగుమ్మ శ్రద్ధాకపూర్ జతకట్టిన విషయం తెలిసిందే. రేపు 'బాఘీ' మూవీ ట్రైలర్ విడుదల కానుంది.


 ముంబై: జాకీష్రాఫ్ తనయుడు టైగర్ ష్రాఫ్ హీరోగా తెరకెక్కుతున్న సినిమా 'బాఘీ'. బాలీవుడ్ అంతా ఈ మూవీ ఎప్పుడు విడుదల అవుతుంది అని ఎంతో ఆత్రుతగా ఎదురుచూస్తున్న సినిమా ఇది. షబ్బీర్ ఖాన్ దర్శకత్వంలో తెరకెక్కుతున్న ఈ మూవీలో శ్రద్ధాకపూర్, జాకీష్రాఫ్ జత కట్టిన విషయం తెలిసిందే. ఈ మూవీకి సంబంధించి ఓ పోస్టర్ను ముద్దుగుమ్మ శ్రద్ధాకపూర్ తన ట్విట్టర్ ఖాతాలో పోస్ట్ చేసింది. ఈ మూవీ యూనిట్ నిర్ణయం మేరకు సోషల్ మీడియాలో ఫస్ట్ పోస్టర్ విడుదల చేసి అంచనాలు పెంచేస్తున్నారు. శ్రద్ధా, టైగర్ చాలా రఫ్, రెబెల్ గా ఆ పోస్టర్ లో కనిపిస్తారు. ఇది కేవలం ఆరంభం మాత్రమే అంటూ తన పోస్ట్ లో ఈ అమ్మడు రాసుకొచ్చింది.
 
 ప్యాంటు ధరించి సిక్స్ ప్యాక్ బాడీతో కనిపిస్తూ టైగర్ నిలబడి ఉండగా, శ్రద్ధా ఓ కూర్చీలో కూర్చుని చాలా రఫ్ గా ఉన్నట్లు కనిపిస్తోంది. ఏప్రిల్ 29న ఈ మూవీ విడుదల కానుంది. టైగర్ కు ఇది రెండో సినిమా. నదియావాలా గ్రాండ్సన్ ఎంటర్ టైన్మెంట్స్ ఈ మూవీని నిర్మిస్తోంది. మార్చి 14న 'బాఘీ' మూవీ ట్రైలర్ ప్రేక్షకుల ముందుకు రానుంది. టాలీవుడ్ హీరో సుదీర్ బాబు ఈ మూవీలో కనిపించనుండటం కొసమెరుపు. టైగర్ ష్రాఫ్ చేసిన యాక్షన్ సీన్స్ చూసిన సుదీర్ బాలీవుడ్ యంగ్ హీరోను పొగడ్తలతో ముంచెత్తిన విషయం తెలిసిందే. హాలీవుడ్లో కూడా ఇలాంటి యాక్షన్స్ సీన్స్ చూడలేదంటూ ఇటీవల సుదీర్ బాబు చెప్పడంతో ఈ సినిమాపై అంచనాలు పెరిగిపోయాయి.
  
 
 Abhi toh humne start kiya hai!Presenting the #BaaghiPoster. @iTigerShroff @BaaghiOffical @ngemovies @UTVfilms ❤️ pic.twitter.com/ijmlohSOE5
 — Shraddha Kapoor (@ShraddhaKapoor) March 9, 2016


 టాలీవుడ్లో హీరోగా గుర్తింపు తెచ్చుకొని, ప్రస్తుతం బాలీవుడ్లో విలన్గా ఎంట్రీ ఇస్తున్న సుధీర్ బాబుకు 'బాగీ' సినిమా షూటింగ్లో గాయాలయ్యాయి. టైగర్ ష్రాఫ్ హీరోగా రూపొందుతున్న ఈ సినిమా క్లైమాక్స్ ఫైట్ రిహార్సల్స్ సమయంలో అతడికి ఈ గాయాలు అయ్యాయి. తన చేతిమీద అయిన గాయాన్ని చూపిస్తూ సుధీర్ బాబు ట్విట్టర్ లో ఫోటో పోస్ట్ చేశాడు.
 
 క్లైమాక్స్ షూట్ సందర్భంగా చేసిన మరో ట్వీట్లో టైగర్ ష్రాఫ్ను పొగడ్తలతో ముంచేశాడు సుధీర్. హాలీవుడ్లో కూడా ఇలాంటి యాక్షన్స్ సీన్స్ చూడలేదంటూ టైగర్ యాక్షన్ టాలెంట్ను ఆకాశానికి ఎత్తేశాడు. సుధీర్ బాబు హీరోగా తెరకెక్కిన తెలుగు సినిమా 'భలే మంచిరోజు' త్వరలో రిలీజ్కు రెడీ అవుతోంది.
  
 
 Seen d climax fight of #Baaghi ,cudnt believe wat i was seeing @iTIGERSHROFF my god!no words.never seen such fighting in hollywood films too
 — Sudheer Babu (@isudheerbabu) November 30, 2015
 
 Another memory from fight rehearsals #Baaghi pic.twitter.com/xOexJfhWEO
 — Sudheer Babu (@isudheerbabu) December 2, 2015


 'SMS' సినిమాతో హీరోగా ఎంట్రీ ఇచ్చిన సుధీర్ బాబు తరువాత 'ప్రేమ కథా చిత్రమ్' సినిమాతో మంచి సక్సెస్ సాధించాడు. సూపర్స్టార్ మహేష్ బాబు బావగా ఇండస్ట్రీలో గుర్తింపు తెచ్చుకున్న సుధీర్ బాబు, బాలీవుడ్ ఎంట్రీకి రెడీ అవుతున్నాడు. ప్రస్తుతం తెలుగులో 'భలే మంచి రోజు' సినిమా షూటింగ్ లో పాల్గొంటున్న సుధీర్ ఆ సినిమా షూటింగ్ పూర్తి కాగానే బాలీవుడ్ మూవీ టీంతో జాయిన్ అవుతాడు.
 
 జాకీష్రాఫ్ తనయుడు టైగర్ ష్రాఫ్ హీరోగా తెరకెక్కుతున్న 'భాఘీ' సినిమాలో నెగెటివ్ రోల్ లో కనిపించనున్నాడు సుధీర్ బాబు. హీరోకు పోటిగా ఉండే పవర్ ఫుల్ క్యారెక్టర్ కావటంతో నెగెటివ్ రోల్ అయినా సరే చేయడానికి అంగీకరించాడు సుధీర్. బాలీవుడ్ హీరోలకు ఏ మాత్రం తీసిపోని మ్యాన్లీ ఫిజిక్ తో ఆకట్టుకునే సుధీర్ బాబు 'భాఘీ' సినిమాతో నార్త్ ఆడియన్స్కు కూడా దగ్గరవ్వాలని భావిస్తున్నాడు.


  హీరో సుధీర్‌బాబు బాలీవుడ్‌లోకి అడుగుపెడుతున్నారా? అవుననే అంటున్నారు కృష్ణానగర్ జనం. ప్రభాస్, త్రిష, గోపీచంద్  నటించిన ‘వర్షం’ చిత్రం గుర్తుంది కదూ! ఈ చిత్రం ‘భాగీ’ పేరుతో  ిహిందీలో రీమేక్ అవుతోంది. టైగర్ ష్రాఫ్, శ్రద్ధా కపూర్ నాయకా నాయికలుగా నటిస్తున్నారు. తెలుగు ‘వర్షం’లో గోపీచంద్ చేసిన విలన్ పాత్రను హిందీలో సుధీర్‌బాబు చేస్తున్నార ని సమాచారం.