కన్నడ చిత్ర పరిశ్రమలో స్టార్‌ హీరోగా గుర్తింపు తెచ్చుకున్న నటుడు చిరంజీవి సర్జా. నాలుగేళ్ల క్రితం ఆయన ఆకస్మిక మరణంతో శాండల్‌వుడ్‌ తీవ్ర విషాదంలో మునిగిపోయింది. అదే సమయంలో ఆయన భార్య ఐదు నెలల గర్భవతి కావడం ఆ ఇంట తీవ్ర విషాదాన్ని నింపింది. అర్జున్ సర్జా మేనల్లుడైన చిరంజీవి సర్జా కన్నడ సినీ ఇండస్ట్రీలో తనదైన ముద్ర వేశాడు.అయితే ఇవాళ చిరంజీవి సర్జా జయంతి కావడంతో ఆయన భార్య మేఘన భర్తను గుర్తు చేసుకుంది. నా జీవితంలో నువ్వే మార్గదర్శకమని భర్తతో దిగిన ఫోటోను షేర్ చేసింది. ఇది చూసిన అభిమానులు తమ హీరోను గుర్తు చేసుకుంటున్నారు. ఆయన జయంతి సందర్భంగా నివాళులర్పిస్తున్నారు. కాగా.. ఇటీవల ఆయన సోదరుడు ధృవ సర్జా నటించిన మార్టిన్ చిత్రం థియేటర్లలో విడుదలైంది. విడుదల సమయంలో అన్నకు ప్రత్యేకంగా నివాళి అర్పించాడు.కాగా.. 2009లో సినిమారంగంలోకి ప్రవేశించిన స్టార్ హీరో చిరంజీవి సర్జా దాదాపు 22 చిత్రాల్లో నటించారు. అర్జున్ సర్జా మేనల్లుడైన చిరంజీవి సర్జా నటించిన చివరి చిత్రం 'రాజమార్తాండ'. అయితే ఊహించని విధంగా ఈ కన్నడ స్టార్ జూన్ 7, 2020న 39 ఏళ్ల వయసులో కన్నుమూసిన సంగతి తెలిసిందే. ఆయన చనిపోయే ముందు కూడా సినిమా షూటింగ్‌లో పాల్గొన్నారు. ఆయన మరణం తర్వాత తమ్ముడు ధృవ సర్జా అన్న పాత్రకు డబ్బింగ్ చెప్పారు. View this post on Instagram A post shared by Meghana Raj Sarja (@megsraj)

2009లో సినిమారంగంలోకి ప్రవేశించిన స్టార్ హీరో చిరంజీవి సర్జా దాదాపు 22 చిత్రాల్లో నటించారు. అర్జున్ సర్జా మేనల్లుడైన చిరంజీవి సర్జా నటించిన చివరి చిత్రం 'రాజమార్తాండ'. ఈ మూవీ ఈనెల 6న  థియేటర్లలో రిలీజ్ కానుంది. అయితే కన్నడ స్టార్ నటుడు జూన్ 7, 2020న 39 ఏళ్ల వయసులో కన్నుమూసిన సంగతి తెలిసిందే. ఆయన చనిపోయే ముందు ఈ సినిమా షూటింగ్‌లో పాల్గొన్నారు. అనంతరం ఆయన తమ్ముడు ధృవ సర్జా అన్న పాత్రకు డబ్బింగ్ చెప్పారు. అన్నయ్య చివరి మూవీ రిలీజ్ సందర్భంగా ధృవ సర్జా ఓ వీడియో రిలీజ్ చేశారు. అభిమానులంతా అన్నయ్య సినిమాను థియేటర్లకు వచ్చి చూడాలని విజ్ఞప్తి చేశారు. అన్నయ్య సినిమాను చూసి ఈనెల 17న జయంతిని జరుపుకోవాలని సూచించారు.  (ఇది చదవండి: గ్లోబల్ స్టార్ హార్స్‌ రైడ్.. మగధీరను గుర్తుకు తెస్తోన్న చెర్రీ!)   ఈ సందర్భంగా ధృవ సర్జా తన ఇన్‌స్టా స్టోరీస్‌లో ఓ వీడియోను పోస్ట్ చేశారు. రాజామార్తాండ సినిమా రిలీజ్ కానుండడంతో కన్నడ నటుడు దర్శన్ కూడా వీడియోను రిలీజ్ చేశారు. అయితే గతంలో తన అన్నయ్యకు డబ్బింగ్ చెప్పడానికి ధృవకు సమయం ఇవ్వాలని.. అతనిపై ఒత్తిడి చేయవద్దని దర్శన్ 'రాజమార్తాండ' నిర్మాతను అభ్యర్థించినట్లు సమాచారం. అన్నయ్య మరణంతో మానసికంగా కుంగిపోయిన ధృవ సర్జా..  డబ్బింగ్ చెప్పేందుకు  కొంత సమయం విరామం తీసుకున్న సంగతి తెలిసిందే. ఇటీవలే తన భార్య సీమంతం సందర్భంగా చిరంజీవి సర్జా సమాధి వద్దనే నిర్వహించి అన్నపై తన ప్రేమను చాటుకున్నారు. అన్నదమ్ముల అనుబంధానికి నిలువెత్తు నిదర్శనంగా ధృవ సర్జా నిలుస్తున్నారు.  కాగా.. రామ్ నారాయణ్ దర్శకత్వం వహించిన 'రాజమార్తాండ'. ఈ చిత్రాన్ని శ్రీ మాదేశ్వర ప్రొడక్షన్స్‌పై  నివేదిత ఎన్, ప్రణవ్ గౌడ, శివ కుమార్‌లు నిర్మించారు. ఈ మూవీకి అర్జున్ జన్య సంగీతం అందించారు. (ఇది చదవండి: రవితేజ ఫ్యాన్స్‌కు పూనకాలే.. 'టైగర్‌ నాగేశ్వరరావు' వచ్చేస్తున్నాడు) View this post on Instagram A post shared by Dhruva Sarja (@dhruva_sarjaa)

ప్రేమ ఎంత మధురమో.. అంత కఠినం కూడా! ప్రాణంగా ఇష్టపడ్డవారిని మనకు కాకుండా చేస్తుంది. అది ప్రియురాలే కానక్కర్లేదు, కన్నవాళ్లు, అన్నదమ్ములు, సోదరులు, ఎవరైనా సరే మనసుకు నచ్చినవారు దూరమైతే ఆ బాధను తట్టుకోవడం చాలా కష్టం. కన్నడ హీరో ధ్రువ సర్జాకు ఇలాంటి పరిస్థితే వచ్చింది. తన అన్నయ్య, హీరో చిరంజీవి సర్జా గుండెపోటుతో 2020 జూన్‌ 7న మరణించాడు. ఆయన చనిపోయి మూడేళ్లు కావస్తున్నా ఇప్పటికీ ఆ బాధ నుంచి బయటపడలేకపోతున్నాడు ధ్రువ. సమయం దొరికితే చాలు చిరు సమాధి దగ్గరే వాలిపోతున్నాడు. ఐదు రోజుల క్రితం ధ్రువ అన్న సమాధి దగ్గర నిద్రించగా అది చూసిన ఆయన అభిమాని దాన్ని వీడియో తీసి హీరోని నిద్రలేపాడు. ఈ వీడియో నెట్టింట వైరల్‌గా మారగా అన్న మీద తమ్ముడికి ఉన్న ప్రేమ చూసి అభిమానులు ఎమోషనలయ్యారు. ఇకపోతే ధ్రువ సర్జా భార్య ప్రేరణ రెండోసారి గర్భం దాల్చగా తన సీమంతాన్ని సైతం సమాధి దగ్గరే నిర్వహించాడు. ఇందుకు సంబంధించిన ఫోటోలు, వీడియో నెట్టింట వైరల్‌గా మారాయి. ఇకపోతే తాజాగా ఈ హీరో మరో ఆసక్తికర వీడియో షేర్‌ చేశాడు. ఇందులో అతడు తన కూతురితో కలిసి అన్న సమాధిపై ఆడుకున్నాడు. 'లవ్‌ యూ బ్రో' అంటూ చిరంజీవి సర్జాను గుర్తు చేసుకుని ఎమోషనలయ్యాడు. ఇది చూసిన నెటిజన్లు మీ అన్నపై నీకెంత ప్రేమో.. అని కామెంట్లు చేస్తున్నారు. కాగా చిరు సమాధి కర్ణాటక నెలగుళిలోని ధ్రువ సర్జా ఫామ్‌ హౌస్‌లో  ఉంది.  View this post on Instagram A post shared by Dhruva Sarja (@dhruva_sarjaa) చదవండి: 

శాండల్‌వుడ్ హీరో ధృవ సర్జా కన్నడనాట పరిచయం అక్కర్లేని పేరు. 2012లో విడుదలైన 'అద్దురి' అనే సినిమా ద్వారా ఎంట్రీ వచ్చారు. యాక్షన్ కింగ్ అర్జున్ సర్జాకు మేనల్లుడైన ధృవ సర్జాకు కన్నడ చిత్ర పరిశ్రమలో విపరీతమైన ఫ్యాన్ ఫాలోయింగ్ ఉంది. స్వర్గీయ చిరంజీవి సర్జాకి తమ్ముడిగా గుర్తింపు దక్కించుకున్నారు. అయితే ఇటీవల ఆయన చేసిన పనికి సర్వత్రా చర్చ మొదలైంది. శ్రీకృష్ణ జన్మాష్టమిని పురస్కరించుకుని ధృవ సర్జా తన భార్యకు సీమంత వేడుక నిర్వహించారు. అయితే ఈ శుభకార్యం జరిగిన విధానం కన్నడ పరిశ్రమలో కొత్త చర్చకు దారి తీసింది.  (ఇది చదవండి: పాకీజాను వీడని ఆర్థిక కష్టాలు.. షాపుల వద్ద భిక్షాటన చేస్తూ!) చిరంజీవి సర్జా కోసం..  తన అన్నయ్య చిరంజీవి సర్జా మరణించిన సంగతి అందరికీ తెలిసిందే. అయితే ధృవ సర్జా భార్య ప్రేరణ గర్భంతో ఉంది. ఈ శుభ సమయంలో శ్రీకృష్ణ జన్మాష్టమి సందర్భంగా సీమంతం వేడుకను ఘనంగా నిర్వహించారు. అయితే ఈ వేడుకను చిరంజీవి సర్జా సమాధి ఉన్న ఫామ్ హౌస్‌లో నిర్వహించడం విశేషం.  శ్రీకృష్ణ జన్మాష్టమిని చిన్నారులకు కృష్ణుడి వేషం వేసి ఎంతో ఉత్సాహంగా జరుపుకున్నారు. దీనికి సంబంధించిన వీడియోను ధృవ తన ఇన్‌స్టాలో పోస్ట్ చేశారు. ప్రస్తుతం ఈ వీడియో సోషల్ మీడియాలో తెగ వైరలవుతోంది.  ఫామ్ హౌస్ మొత్తం రకరకాల పూలతో అలంకరించి ఈ కార్యక్రమం నిర్వహించారు.  ధృవ సర్జా తన సోదరుడు చిరంజీవి సర్జా మరణంతో ఆయన కుటుంబం ఇప్పటికీ బాధలో ఉంది. ధృవ స‌ర్జా ఇంట్లో జ‌రిగిన కార్య‌క్ర‌మాల్లో చిరు జ్ఞాప‌కంగా ఉండేలా సీమంతం వేడుకను నిర్వహించారు. ఈ వేడుక‌తో చిరును ప్ర‌త్యేకంగా అన్నపై ఉన్న ప్రేమను ధృవ సర్జా చాటుకున్నారు. ఈ  కార్యక్రమానికి ధృవ సర్జా తల్లిదండ్రులతో పాటు స్నేహితులు, బంధువులు హాజరయ్యారు.  (ఇది చదవండి: బుల్లితెర నటి పోస్ట్.. ఇది మీ పర్సనల్‌ అంటూ నెటిజన్స్ ఫైర్!) కాగా.. ధృవ సర్జా 2019లో ప్రేరణను వివాహం చేసుకున్నారు. ప్రేరణను ప్రేమించి పెళ్లి చేసుకున్న ధృవ సర్జాకు 2022 అక్టోబర్‌లో ఆడబిడ్డకు జన్మించింది. ప్రస్తుతం ఈ జంట రెండో బిడ్డ కోసం ఎదురుచూస్తున్నారు. దీంతో ధృవ సర్జా ఇంట్లో సంబరాలు నెలకొన్నాయి. ధృవ సర్జా ప్రస్తుతం కేడి, మార్టిన్ చిత్రాల్లో నటిస్తున్నారు.   

తన భర్త, దివంగత నటుడు చిరంజీవి బర్త్‌డే సందర్భంగా భావోద్వేగానికి లోనయ్యింది కన్నడ నటి, ఆయన భార్య మేఘన సర్జా. సోమవారం(అక్టోబర్‌ 17) చిరంజీవి సర్జా జయంతి. ఈ సందర్భంగా భర్తను తలుచుకుంటూ ఆమె ఎమోషనల్‌ పోస్ట్‌ షేర్‌ చేశారు. ‘హ్యాపీ బర్త్‌డే మై హ్యాపినేస్‌! నా సంతోషానికి కారణం ఎవరు, ఏంటీ అనేది కాదు.. అలాగే ఒకటి రెండు కారణాలు అసలే కాదు. కేవలం నీ నువ్వే. నీ వల్లే నేను నవ్వుతున్నాను మై డియర్‌ హస్బెండ్‌ చిరు.. ఐ లవ్‌ యూ!’ అంటూ భావోద్వేగానికి లోనయ్యారు. చదవండి: విష్ణు నన్ను అలా అనడంతో షాకయ్యా: మంచు మోహన్‌ బాబు ఇక ఆమె పోస్ట్‌ ఫాలోవర్స్‌, ఫ్యాన్స్‌ రకరకాలుగా స్పందిస్తున్నారు. ‘మిమ్మల్ని చూసి ఆయన ఆత్మ గర్వపడుతుంది మేడం, మీరు నిజంగా గొప్ప భార్య’ అంటూ మేఘనాను ఉద్దేశిస్తూ కామెంట్స్‌ చేస్తున్నారు. కాగా చిరంజీవి సర్జా 2020 జూన్‌ 7న గుండెపోటుతో కన్నుమూశారు. అప్పటికే గర్భవతి అయిన మేఘన అక్టోబర్‌ 22న మగబిడ్డకు జన్మనిచ్చారు. ఎపుడూ సోషల్‌మీడియాలో యాక్టివ్‌గా ఉండే మేఘనా తన కొడుకు పేరును రాయన్‌ రాజ్‌ సర్జాగా ప్రకటించారు.  View this post on Instagram A post shared by Meghana Raj Sarja (@megsraj)

List Of Kannada Star Heroes Who Died At Young Age: కన్నడ సూపర్‌స్టార్‌  పునీత్‌ రాజ్‌కుమార్‌ మరణం చిత్ర పరిశ్రమను విషాదంలో నింపింది. ఎంతో భవిష్యత్తు ఉన్న పునీత్‌ అకాల మరణాన్ని అభిమానులు సహా సినీ ప్రముఖులు సైతం జీర్ణించుకోలేకపోతున్నారు. అయితే కన్నడ ఇండస్ట్రీలో నెంబర్‌1 హీరోలుగా ఉన్నవారు ఇలా అకాల మరణం చెందడం ఇది మొదటి సారి కాదు. గతంలోనూ పలువురు కన్నడ స్టార్‌ హీరోలు హఠాన్మరణం చెందారు. ఇప్పుడు పునీత్‌ రాజ్‌కుమార్‌ విషయంలోనే ఇదే జరిగింది. కన్నడ పవర్‌స్టార్‌  పునీత్‌ రాజ్‌కుమార్‌ అక్టోబర్‌29న గుండెపోటుతో మరణించారు. జిమ్‌ చేస్తుండగా తీవ్రమైన అకస్మాత్తుగా గుండెపోటు రావడంతో ఆయన్ను బెంగళూరులోని విక్రమ్‌ ఆసుపత్రికి తరలించారు. అయితే పరిస్థితి విషమించడంతో ఆయన కన్నుమూశారు. పునీత్‌ హఠాన్మరణంతో అభిమానులు శోకసంద్రంలో మునిగిపోయారు.  కన్నడ స్టార్‌ హీరో చిరంజీవి సర్జా 2020 జూన్‌7న గుండెపోటుతో కన్నుమూశారు. కెరీర్‌ పీక్‌స్టేజ్‌లో ఉన్న సమయంలోనే 39ఏళ్ల వయసులో ఆయన మరణించారు. చనిపోయే సమయానికి చిరంజీవి సర్జా చేతిలో సుమారు మూడు సినిమాలు ఉన్నాయి. ఈయన యాక్షన్‌ కింగ్‌ అర్జున్‌కు స్వయానా మేనల్లుడు.  2018లో ప్రముఖ నటి మేఘనా రాజ్‌ను వివాహం చేసుకున్న చిరంజీవి సర్జా..పెళ్లైన రెండేళ్లకే మేఘనను వదిలి తిరిగిరాని లోకాలకు వెళ్లారు. ఆ సమయంలో గర్భవతిగా ఉన్న ఆమె అక్టోబర్‌ 22న పండంటి మగబిడ్డకు జన్మనిచ్చింది. 2009లో కన్నడ మెగాస్టార్ విష్ణువర్ధన్ 58 ఏళ్ల వయసులో గుండెపోటుతో మరణించాడు. చనిపోయే సమయానికి ఆయన అగ్ర హీరో. 200కు పైగా సినిమ్లాల్లో నటించాడు. పునీత్‌ తండ్రి రాజ్‌కుమార్‌ తర్వాత అంతటి స్టార్‌ స్టేటస్‌ను అందుకున్నాడు. అయితే ఆయన కూడా పునీత్ మాదిరిగానే గుండోపోటుతో మరణించాడు. ఇక 1990లో శంకర్ నాగ్ అనే స్టార్‌ హీరో కూడా కేవలం 35 ఏళ్ల వయసులో చనిపోయాడు. ఆయన చనిపోయే సమయానికి కన్నడలో స్టార్ హీరో. వరుస విజయాలతో చేతిలో దాదాపు 10 సినిమాలు ఉన్నాయి. శంకర్ నాగ్ చనిపోయిన 4 ఏళ్ల వరకు ఆయన నటించిన సినిమాలు విడుదల అవుతూనే ఉన్నాయంటే అతడి స్టార్‌ స్టేటస్‌ ఏంటో అర్థం చేసుకోవచ్చు. అప్పట్లో శంకర్ నాగ్ మరణం దేశవ్యాప్తంగా సంచలనం. ఒక సినిమా షూటింగ్‌లో భాగంగా కార్ డ్రైవింగ్ చేస్తూ యాక్సిడెంట్‌లో ప్రాణాలు కోల్పోయాడు ఆయన.  స్టేజ్ నటుడి నుంచి సినిమా నటుడిగా ఎదిగిన విజయ్ సంచారి. కన్నడ సినిమా పరిశ్రమలో మంచి నటుడిగా గుర్తింపు పొందారు. తమిళం, తెలుగు, హిందీ సినిమాల్లో సైతం నటించిన సంచారి విజయ్ 2021 జూన్ 15న రోడ్డు ప్రమాదంలో తీవ్రంగా గాయపడ్డారు. ఆస్పత్రిలో చికిత్స పొందుతూ మరణించారు. శాండల్‌వుడ్‌ చార్మింగ్‌ హీరో సునీల్‌  1994 జులై 24న బాగల్‌కోట్‌ నుంచి బెంగళూరుకు తిరిగి వస్తుండగా కారు ప్రమాదంలో మృతి చెందారు. ఆ సమయంలో ఆయన వయస్సు 30 సంవత్సరాలు. చాక్లెట్‌ బాయ్‌గా గుర్తింపు పొందిన సునీల్‌ మరణం అభిమానులను షాక్‌కి గురిచేసింది. 

సాక్షి, ముంబై: నటి  మేఘనా రాజ్‌ తాను మళ్లీ నటించబోతున్నట్టు ప్రకటించింది. మేఘనా భర్త, దివంగత కన్నడ నటుడు చిరంజీవి సర్జా సన్నిహితుడు పన్నగా భరణ నిర్మిస్తున్న సినిమా ద్వారా మళ్లీ మూవీల్లోకి రావడానికి సిద్ధంగా ఉన్నానంటూ అక్టోబర్ 17, ఆదివారం ఇన్‌స్టాగ్రామ్‌లో షేర్‌ చేసింది. ఈ సందర్భంగా పన్నగ భరణ, నూతన దర్శకుడు విశాల్‌తో చిత్రాలను ఇన్‌స్టాలో పోస్ట్‌ చేసింది. థ్రిల్లర్‌గా తెరకెక్కనున్న ఈ  సినిమాలో మేఘనా లీడ్‌ రోల్‌లో నటించనుంది. చదవండి: Samantha: అంత పవర్‌ ఎలా ... మీరంటే భయం అందుకే : సమంత ఈ రోజు నీ పుట్టిన రోజు, ఇది మన కల... ఈ విషయాన్ని తెలియజేసేందుకు ఇంతకంటే మంచి సమయం లేదు అంటూ తన భర్త రెండో  జయంతిని పురస్కరించుకుని ఈ ప్రకటన చేసింది మేఘనా. మన కలని బహుమతిగా ఇచ్చేందుకు ఇంతకంటే మంచి టీం కూడా తనకు దొరకదని ఆమె వ్యాఖ్యానించింది. అంతేకాదు నిర్మాత పన్నగా లేకపోతే తాను ఈ ప్రాజెక్ట్ గురించి ఆలోచించనని కూడా తెలిపింది.  కాగా మేఘన భర్త, కన్నడ హీరో చిరు సర్జా 2020, జూన్‌ 7న తీవ్రమైన గుండెపోటుతో కన్నుమూశారు. అప్పటికే గర్భవతి అయిన మేఘన అక్టోబర్‌ 22న మగబిడ్డకు జన్మనిచ్చింది. ఎపుడూ సోషల్‌మీడియాలో యాక్టివ్‌గా ఉండే మేఘనా గత నెలలో తన కొడుకు పేరును రాయన్‌ రాజ్‌ సర్జాగా రివీల్‌ చేసింది. అంతేకాదు కొడుకుతో కలిసి జరుపుకున్న దసరా వేడుకల ఫోటోలు, వీడియోలను కూడా షేర్ చేసింది. మరోవైపు అక్టోబర్ 22 న రాయన్‌ ఫస్ట్‌ బర్తడే జరుపుకోనున్నాడు. View this post on Instagram A post shared by Meghana Raj Sarja (@megsraj) View this post on Instagram A post shared by Meghana Raj Sarja (@megsraj) View this post on Instagram A post shared by Meghana Raj Sarja (@megsraj)

నటి మేఘన రాజ్‌ కన్నడ, మలయాళ చిత్రసీమలోని అగ్ర కథానాయికలలో ఒకరు. ‘కాదల్ సొల్లా వందేన్’, 'నంద నందిత' వంటి చిత్రాలతో తమిళ ప్రేక్షకులకు సైతం సుపరిచితురాలే. అయితే గతేడాది ఆమె భర్త కన్నడ స్టార్‌ హీరో చిరంజీవీ సర్జా గుండెపోటుతో అక​స్మాత్తుగా మరణించాడు. ఆ సమయంలో నటి నాలుగు నెలల గర్భవతి. అనంతరం ఆమె ఓ కుమారుడికి జన్మనిచ్చింది. అయితే చిరు మరణించిన దాదాపు ఏడాది తర్వాత మేఘన, కన్నడ ‘బిగ్‌బాస్‌ 4’ విన్నర్‌ ప్రథమ్‌ను వివాహం చేసుకోబోతున్నట్లు రూమర్స్‌ సోషల్‌ మీడియాలో హల్‌చల్‌ చేస్తున్నాయి. వీటిపై ప్రథమ్‌ ట్విట్టర్‌లో తీవ్రంగా స్పందించారు. ఆయన యూట్యూబ్‌లోని ఓ వీడియోని షేర్‌ చేశాడు. ‘వ్యూస్‌, డబ్బు కోసం ఇతరులకు ఇబ్బంది కలిగించేలా రూమర్స్‌ ప్రచారం చేస్తున్నారు. ఇప్పటికి వరకు ఈ వీడియోను పట్టించుకోలేదు కానీ దాదాపు 2.7 లక్షలపైగా దీన్ని చూశారు. వీటిపై చట్టపరంగా చర్యలు తీసుకుంటేనే ఇంకొకరు  ఇలాంటివి పెట్టకుండా ఉంటారు’ అని ఆయన తెలిపాడు. (చదవండి: Keerthy Suresh: కమెడియన్‌కి జోడీగా కీర్తీ సురేష్‌..?) కాగా, మేఘనా రాజ్‌ ఇప్పటివరకు ఈ రూమర్స్‌పై స‍్పందించలేదు. కానీ తన దివంగత భర్త చిరంజీవి కోరిక మేరకు నటనపై దృష్టి పెట్టినట్లు తెలుస్తోంది. ఈ నటులు ఇద్దరూ దాదాపు పది సంవత్సరాలు ప్రేమించుకొని 2018లో వివాహం చేసుకు​న్నారు. భర్త అకాల మరణంతో నటి ఎంతో కుంగిపోయింది. ఈ తరుణంలో ఇటువంటి పుకార్లు రావడం ఆమెను ఎంతో ఇబ్బంది పెడుతున్నాయి. చిరు మరణం అనంతరం తరచుగా ఆయన ఫోటోలు సోషల్‌ మీడియాలో షేర్‌ చేస్తూ భర్తపై ప్రేమని వ్యక్తం చేస్తుంటుంది. (చదవండి: కోర్టుపై నమ్మకం పోయింది: కంగనా రనౌత్‌) ನಾನ್ ನೋಡಿದ್ರೂ ignore ಮಾಡೋಣ ಅಂತಿದ್ದೆ!! But just one DAy ಲಿ 2.70 lakh views ಆಗಿದೆ!! Views ಆಗ್ಲಿ,#ದುಡ್ಡಾಗ್ಲಿ ಅಂತ ಈ ಮಟ್ಟಕ್ಕೆ ಈ youtube channel ಇಳಿದಾಗ ಸ್ವಲ್ಪ ಕಾನೂನಾತ್ಮಕವಗಿ ನೋಡಬೇಕಗುತ್ತದೆ!@meghanasraj ಇಂತಹ ಒಂದುchannel ನ ನೀವು ಕಾನೂನಾತ್ಮಕವಗಿ delete ಮಾಡ್ಸಿದ್ರೆ ಇನ್ನಷ್ಟು ಜನ ಎಚ್ಚೆತ್ತುಕೊಳ್ತರೆ! pic.twitter.com/mJUSH5Nxrb — Olle Hudga Pratham (@OPratham) September 14, 2021

సాక్షి, ముంబై: దివంగత కన్నడ హీరో చిరంజీవి సర్జా సోదరుడు ధృవ సర్జా ఒక అందమైన వీడియో సోషల్‌ మీడియాలో షేర్‌ చేశారు. చిరు, మేఘనా తనయుడు రాయన్‌ రాజ్‌తో ఆడుకుంటూ, ముద్దాడుతున్న వీడియోను ఇన్‌స్టాలో పోస్ట్‌ చేశారు.  భార్య ప్రేరణతో కలిసి రాయల్‌ రాజ్‌ను ఎత్తుకున్న ఫోటోను, అలాగే బుజ్జి రాయన్‌ కాలితో ధృవను తన్నుతున్న ఫోటో కూడా యాడ్‌ చేశారు. దీనిపై తల్లి మేఘనా రాజ్‌  భావోద్వేగంతో స్పందించారు. అటు అభిమానులు  కూడా సంతోషం వ్యక్తం చేస్తున్నారు.  దీంతో ఈ వీడియో ఇపుడు వైరల్‌గా మారింది. సోదరుడు అకాల మరణం తరువాత మేఘనను అక్కున చేర్చుకొని అన్నీ తానే అయి చూసుకున్నాడు ధృవ. ఈ క్రమంలో భర్తలేని లోటు తెలియనివ్వకుండా మేఘనాకు ఘనంగా సీమంతం కూడా జరిపించాడు. అంతేకాదు తన అన్నయ్యే మళ్లీ పుడతాడంటూ  రూ. 10 లక్షల విలువ చేసే వెండి ఉయ్యాలను బహుమతిగా ఇవ్వడం  అప్పట్లో  విశేషంగా నిలిచింది. 2018లో చిరు సర్జా, నటి మేఘనా రాజ్‌ను ప్రేమించి పెళ్లి చేసుకున్నాడు. అంతా హాయిగా సాగిపోతోంది అనుకుంటున్న తరుణంలో పెళ్లైన రెండేళ్లకే చిరు సర్జా మరణించడం అందర్నీ దిగ్భ్రాంతికి గురి చేసింది. గతేడాది జూన్‌ 7న తీవ్ర గుండెపోటుతో  35 ఏళ్లకే  కన్నుమూశారు. అప్పటికే గర్భవతిగా ఉన్న మేఘనాను ఈ సంఘటన హతాశురాలిని చేసింది. అయితే అక్టోబర్‌ 22న పండంటి మగబిడ్డకు జన‍్మనివ్వడంతో ఈ విషాదంనుంచి మేఘనకు కాస్తంత ఊరట  లభించింది. తరచూ తన భావాలను సోషల్‌ మీడియాలో షేర్‌ చేసుకునే మేఘనా తన చిన్నారి, జూనియర్‌ చిరు  పేరును ‘‘రాయన్‌ రాజ్‌’’ అంటూ ఇటీవల ఒక బ్యూటిఫుల్‌ వీడియోను షేర్‌ చేశారు. కాగా తెలుగులో బెండు అప్పారావు, లక్కీ తదితర చిత్రాల్లో నటించిన మేఘనా, చిరంజీవి సర్జాతో ‘ఆటగార’, ‘రామ్‌లీలా’ వంటి చిత్రాల్లో నటించిన సంగతి తెలిసిందే.

Meghana Raj Son Name Revealed: దివంగత కన్నడ హీరో చిరంజీవి సర్జా భార్య, నటి మేఘనా రాజ్‌ తన కొడుకు పేరును రివీల్‌ చేసింది. తన బాబుకు రాయన్‌ రాజ్‌ సర్జా అని నామకరణం చేసినట్లు వెల్లడించింది. ఈ మేరకు సోషల్‌ మీడియాలో బ్యూటిఫుల్‌ వీడియోను షేర్‌ చేసింది. ఇందులో భర్తతో కలిసి ఉన్న వీడియో క్లిప్పింగ్‌లను యాడ్‌ చేయడంతో పాటు కొడుకు ఆడుకుంటున్నట్లుగా చూపించింది. అనంతరం జూనియర్‌ చిరు పేరును రాయన్‌ అని పరిచయం చేసింది. ప్రస్తుతం ఈ వీడియో సోషల్‌ మీడియాలో వైరల్‌గా మారింది, కాగా తెలుగులో బెండు అప్పారావు, లక్కీ తదితర చిత్రాల్లో నటించిన మేఘనా.. చిరంజీవి సర్జాతో ‘ఆటగార’, ‘రామ్‌లీలా’ వంటి చిత్రాల్లో నటించారు. ఆ సినిమాల సమయంలో ప్రేమలో పడ్డ ఈ ఇద్దరూ 2018లో పెళ్లి చేసుకున్నారు. పెళ్లైన రెండేళ్లకే మేఘనను ఒంటరిని చేస్తూ చిరు సర్జా గతేడాది జూన్‌ 7వ తేదీన చిరు సర్జా గుండెపోటుతో కన్నుమూశాడు. ఆ సమయంలో గర్భవతిగా ఉన్న ఆమె అక్టోబర్‌ 22న పండంటి మగబిడ్డకు జన్మనిచ్చింది. View this post on Instagram A post shared by Meghana Raj Sarja (@megsraj)

యశవంతపుర: శాండల్‌వుడ్‌ నటుడు చిరంజీవి సర్జా కన్నుమూసి సోమవారానికి ఏడాది అయ్యింది. 2020 జూన్‌ 7న ఆయన హఠాత్తుగా గుండెపోటుతో మృతి చెందారు. కనకపుర రోడ్డులోని కగ్గిలిపుర నలగుళి వద్ద ధ్రువసర్జా ఫాంహౌస్‌లో సర్జా సమాధికి భార్య మేఘనారాజ్, చిన్నారి కొడుకు జూనియర్‌ చిరు, కుటుంబసభ్యులతో కలిసి పూజలు చేశారు. ప్రముఖ నటుడు, మేనమామ అర్జున్‌ సర్జా చిరుతో తీసుకున్న చిన్ననాటి ఫోటోలను సోషల్‌ మీడియాలో అప్‌లోడ్‌ చేసి సర్మించుకున్నారు. జీవితంలో పూర్తి మిస్‌ అయ్యామని, మీరు ఎక్కడ ఉన్నా నవ్వుతూ ఉండాలని కోరుకున్నారు. చదవండి:  చిరంజీవి సర్జా తొలి వర్థంతి, మేఘన ఎమోషనల్‌

కన్నడ స్టార్‌ హీరో, దివంగత నటుడు చిరంజీవి సర్జా మృతి చెంది నేటికి ఏడాది. గతేడాది జూన్‌ 7వ తేదీన చిరు సర్జా గుండెపోటుతో తుదిశ్వాస విడిచిన సంగతి తెలిసిందే. సోమవారం(జూన్‌ 7) ఆయన మొదటి వర్థంతి సందర్భంగా ఆయన భార్య, నటి మేఘనా రాజ్‌ ఓ పోస్టు షేర్‌ చేశారు. చిరు, మేఘనాలు మాట్లాడుకుంటుండగా ప్రేమతో ఆమెను చూస్తున్న ఫొటోను అభిమానులతో పంచుకున్నారు. దీనికి మేఘన ‘మన ప్రేమ నాది’ అంటు ఎమోషనల్‌ క్యాప్షన్‌తో హార్ట్‌ ఎమోజీని జోడించి అభిమానులను, నెటిజన్లను కదిలించారు. తన పోస్టుపై ప్రముఖ నటి, మేఘన స్నేహితురాలు నజ్రీయా నజీంతో పాటు పలువురు నటీనటులు  స్పందించారు.  కాగా చిరంజీవి సర్జా మృతి చెందే సమయానికి మేఘన అయిదు నెలల గర్భవతిగా ఉన్న విషయం తెలిసిందే. గతేడాది అక్టోబర్‌లో జూనియర్‌ సర్జాకు ఆమె జన్మనిచ్చింది. అప్పటి నుంచి అతడికి సంబంధించిన ప్రతి వీడియోలను, ఫొటోలను ఎప్పటికప్పుడు సోషల్‌ మీడియాలో ఆమె షేర్‌ చేస్తున్నారు. అంతేగాక చిరు సర్జాతో తనకున్న జ్ఞాపకాలను తరచూ అభిమానులతో పంచుకుంటూ ఆమె భావోద్వేగానికి లోనవుతున్నారు. View this post on Instagram A post shared by Meghana Raj Sarja (@megsraj)

సాక్షి, బెంగళూరు :  కన్నడ నటి మేఘనా రాజ్‌ తన కొడుకు చిరు(సింబా) అరుదైన ఫోటోలను షేర్‌ చేసింది. గత కొన్ని రోజులు క్రితం మేఘనా తన చిన్నారి ఫోటోను ఇన్‌స్టాగ్రామ్‌లో షేర్‌ చేసింది. ఇందులో జూనియర్‌ చిరు ఎల్లో టీషర్ట్‌ ధరించి ఉన్నాడు. అయితే చిరంజీవి సర్జా అభిమానులు ఈ ఫోటోను, చిరంజీవి, మేఘనాలతో కొలైడ్‌ చేసి అపురూపంగా తీర్చిదిద్దారు. ఇందులో ముగ్గురూ పసుపు రంగు దుస్తుల్లో కనిపించారు. ఈ ఫోటోను మేఘనా తన ఇన్‌స్టా స్టోరీలో షేర్‌ చేస్తూ అభిమానులకు థ్యాంక్స్‌ చెప్పింది. కాగా చిరంజీవి-మేఘనాలు 2018లో మేలో వివాహం చేసుకున్న సంగతి తెలిసిందే. అయితే గతేడాది జూన్‌ 7న చిరు సర్జా గుండెపోటుతో మరణించాడు.   ఆ సమయంలో 5 నెలల గర్భవతిగా ఉన్న మెఘనా రాజ్‌ గతేడాది అక్టోబర్‌లో మగబిడ్డకు జన్మనిచ్చింది. అతడి చిరునవ్వులో, కళ్లలో, కదలికలో.. ఇలా అన్నింటిలోనూ తన భర్తను చూసుకుంటున్నానని పేర్కొంది. 36 ఏళ్ల వయసులో చిరంజివి సర్జా గుండెపోటుతో ఆకస్మికంగా కన్నుమూయడం అటు కుటుంబ సభ్యులను, ఇటు అభిమానులను తీవ్ర దిగ్భ్రాంతికి గురిచేసింది. చిరంజీవి సర్జా 'వాయుపుత్ర' చిత్రంతో 2009లో కన్నడ ఇండస్ట్రీలో అడుగు పెట్టాడు. సంహార, ఆద్య, ఖాకీ, సింగ, అమ్మా ఐ లవ్‌ యూ, ప్రేమ బరాహ, దండం దశగుణం, వరదనాయక వంటి పలు సినిమాల్లో నటనతో ఆకట్టుకున్నాడు. పదేళ్ల కెరీర్‌లో ఎన్నో విజయాలు అందుకున్నాడు.  చదవండి : జూనియర్‌ 'చిరు'ను పరిచయం చేసిన మేఘనా భావోద్వేగం: కుమారుడిని ఎత్తుకున్న చిరు సర్జా!

దివంగత నటుడు చిరంజీవి సర్జా జ్ఞాపకాల సుడిగుండంలో నుంచి ఇప్పటికీ బయటకు రాలేకపోతోంది అతడి భార్య మేఘనా రాజ్‌. భర్త చనిపోయిన కొద్ది రోజులకే పండంటి బిడ్డకు జన్మనిచ్చిన ఆమె ఈఫిల్‌ టవర్‌ ముందు చిరుతో కలిసి దిగిన ఫొటోను సోషల్‌ మీడియాలో షేర్‌ చేసింది. 'ఇప్పటికీ నిన్ను ప్రేమిస్తూనే ఉన్నాను. తిరిగొచ్చేయ్‌..' అంటూ ఎమోషనల్‌ అయింది. ఇది చూసిన అభిమానులు నిజంగానే చిరు మళ్లీ వస్తే బాగుండు అని, కానీ తిరిగిరాని లోకాలకు వెళ్లిపోయి మనందరికీ తీరని అన్యాయం చేశాడని కామెంట్లు చేస్తున్నారు. కాగా చిరంజీవి సర్జా గతేడాది జూన్‌ 7న గుండెపోటుతో బెంగళూరులో కన్నుమూసిన విషయం తెలిసిందే. ఆ సమయంలో గర్భవతిగా ఉన్న మేఘనా రాజ్‌ అక్టోబర్‌లో పండంటి మగబిడ్డకు జన్మనిచ్చింది. అతడి చిరునవ్వులో, కళ్లలో, కదలికలో.. ఇలా అన్నింటిలోనూ తన భర్తను చూసుకుంటున్నానని పేర్కొంది. కాగా చిరంజీవి సర్జా 'వాయుపుత్ర' చిత్రంతో 2009లో కన్నడ ఇండస్ట్రీలో అడుగు పెట్టాడు. సంహార, ఆద్య, ఖాకీ, సింగ, అమ్మా ఐ లవ్‌ యూ, ప్రేమ బరాహ, దండం దశగుణం, వరదనాయక వంటి పలు సినిమాల్లో నటనతో ఆకట్టుకున్నాడు. పదేళ్ల కెరీర్‌లో ఎన్నో విజయాలు అందుకున్నాడు.  View this post on Instagram A post shared by Meghana Raj Sarja (@megsraj) చదవండి:  బర్త్‌డే పార్టీ!: మీ సోదరుడు చనిపోయాడు, గుర్తుందా? భావోద్వేగం: కుమారుడిని ఎత్తుకున్న చిరు సర్జా!

సాక్షి, బెంగళూరు : కన్నడ నటి మేఘనా రాజ్‌ మొదటిసారిగా తన కొడుకును అభిమానులకు పరిచయం చేశారు. ఈ సందర్భంగా జూనియర్‌ చిరు(సింబా)అంటూ చిన్నారి పేరును ప్రకటించారు. తమ జీవితంలో జరిగిన ముఖ్యమైన సంఘటనలతో ఒక నిమిషం పాటు నిడివి ఉన్న వీడిమోను మేఘనా షేర్‌ చేశారు. అక్టోబర్ 22, 2017న దివంగత నటుడు చిరంజీవి-మేఘనాల ఎంగేజ్‌మెంట్‌తో వీడియో ప్రారంభం అవుతుంది. సరిగ్గా మూడేళ్ల తర్వాత అదే రోజున 2020లో మేఘనా పండంటి మగబిడ్డకు జన్మనిచ్చిన సంగతి తెలిసిందే.  'నేను పుట్టకముందు నుంచే మీరు నన్ను ఎంతో అభిమానించారు. మొదటిసారి మిమ్మల్ని కలుసుకుంటున్న తరుణంలో మీ అందరికీ ఒకటే చెప్పదలుచుకున్నా. మీ అందరి ప్రేమాభిమానాలకు కృతఙ్ఞతలు..నేను మీ జూనియర్‌ సీ' అంటూ మేఘన తన కొడుకును ఇంట్రడ్యూస్‌ చేశారు. ఎంతో ఎమెషనల్‌గా సాగే ఈ వీడియోను నెటిజన్లను విపరీతంగా ఆకర్షిస్తుంది. ఇప్పటికే  ఈ వీడియోకు 10 లక్షలకు పైగానే వ్యూస్ వచ్చాయి. కాగా  చిరంజీవి-మేఘనాలు 2018లో మేలో వివాహం చేసుకున్న సంగతి తెలిసిందే. అయితే గతేడాది జూన్‌ 7న చిరు సర్జా గుండెపోటుతో మరణించాడు.  అప్పటికే 5 నెలల గర్భవతిగా ఉన్న మెఘనా రాజ్‌ గతేడాది అక్టోబర్‌లో మగబిడ్డకు జన్మనిచ్చారు.  36 ఏళ్ల వయసులో చిరంజివి సర్జా గుండెపోటుతో ఆకస్మికంగా కన్నుమూయడం అటు కుటుంబ సభ్యులను, ఇటు అభిమానులను తీవ్ర దిగ్భ్రాంతికి గురిచేసింది.  చదవండి : (భర్త కటౌట్‌తో నటి సీమంతం) (నిన్ను ప్రేమిస్తూనే ఉంటా: మేఘనా రాజ్‌) View this post on Instagram A post shared by Meghana Raj Sarja (@megsraj)

కన్నడ నటి మేఘనా రాజ్‌కు ఓ అభిమాని అరుదైన బాహుమతి ఇచ్చింది. దివ్య అనే ఇన్‌స్టాగ్రామ్‌ యూజర్‌ ఇచ్చిన ఈ బాహుమతిని చూసి మేఘనాతో పాటు చిరంజీవి సర్జా అభిమానులు సైతం భావోద్వేగానికి లోనవుతున్నారు. కాగా గతేడాది మేఘనా పడ్డంటి మగ బిడ్డకు జన్మనిచ్చిన సంగతి తెలిసిందే. ఈ నేపథ్యంలో ఆమె తరచూ తన కుమారుడికి సంబంధించి ఫొటోలను షేర్‌ చేస్తూంటారు. ఈక్రమంలో ఆమె కుమారుడిని ఎత్తుకుని నవ్వుతున్న ఓ షాడో ఫొటోను ఇటీవల షేర్‌ చేశారు. ఇక ఈ ఫొటోను దివ్య అనే అభిమాని‌ మేఘనా స్థానంలో చిరు సర్జా ఫొటోను ఎడిట్‌ చేసి శనివారం తన ఇన్‌స్టాగ్రామ్‌లో పోస్ట్‌ చేసింది. దీనికి ‘తండ్రి ప్రేమ ఎప్పుడూ కుమారుడి హృదయంలో ముద్రించబడి ఉంటుంది’ అంటూ మేఘనాను ట్యాగ్‌ చేసింది. (చదవండి: మళ్లీ నా బిడ్డను చూస్తున్నట్టే ఉంది!) ప్రస్తుతం ఈ ఫొటో నెటిజన్లను తెగ ఆకట్టుకుంటోంది. కుమారుడిని ఎత్తుకుని ఉన్న ఈ ఫొటోపై సర్జా అభిమానులు తమదైన శైలిలో స్పందిస్తున్నారు. ఇక దీనిపై మేఘనా సైతం స్పందిస్తూ భావోద్యేగానికి లోనయ్యారు. ఇంతటి అమూల్యమైన బహుమతినిచ్చినందుకు సదరు అభిమానికి ఆమె ధన్యవాదాలు తెలిపారు. కాగా చిరంజీవి-మేఘనాలు 2018లో మేలో వివాహం చేసుకున్న సంగతి తెలిసిందే. ఈ క్రమంలో గతేడాది జూన్‌ 7న చిరు సర్జా గుండెపోటుతో మరణించాడు. ఇక అప్పటికే 5 నెలల గర్భవతిగా ఉన్న మెఘనా రాజ్‌ గతేడాది అక్టోబర్‌లో మగబిడ్డకు జన్మనిచ్చారు. (చదవండి: మన బిడ్డ రూపంలో నిన్ను తీసుకొస్తా!) View this post on Instagram A post shared by chiru meghana forever (@_divya.33)

బెంగళూరు: నటి, దివంగత హీరో చిరంజీవి సర్జా భార్య మేఘనా రాజ్‌ కరోనా బారిన పడ్డారు. వారి చిన్నారి కుమారుడికి కూడా కోవిడ్‌ సోకింది. ఈ విషయాన్ని మేఘనా రాజ్‌ స్వయంగా వెల్లడించారు. ప్రస్తుతం తమ ఆరోగ్యం నిలకడగానే ఉన్నందున ఆందోళన చెందాల్సిన అవసరం లేదని తెలిపారు. ఈ మేరకు.. ఇన్‌స్టాగ్రామ్‌లో మంగళవారం నోట్‌ షేర్‌ చేశారు. ‘‘హలో.. మా అమ్మానాన్న, నాకు, నా కుమారుడికి కోవిడ్‌ పాజిటివ్‌గా నిర్ధారణ అయ్యింది... గత కొన్ని వారాలుగా మమ్మల్ని కలిసిన వారు కూడా పరీక్షలు నిర్వహించుకోవాలని కోరుతున్నాం.. ప్రస్తుతం మేం చికిత్స పొందుతున్నాం.. చిరు అభిమానులకు ఓ విజ్ఞప్తి.. జూనియర్‌ చిరు ఆరోగ్యం బాగుంది. నేనెల్లప్పుడూ తనతోనే ఉంటున్నా. దయచేసి ఎవరూ ఆందోళన చెందవద్దు.. మహమ్మారిపై యుద్ధంలో మా కుటుంబం గెలుపొందుతుంది. వైరస్‌ను జయిస్తాం’’ అని మేఘన పేర్కొన్నారు.  కాగా సౌతిండియా సీనియర్‌ హీరో అర్జున్‌ మేనల్లుడు, కన్నడ నటుడు చిరంజీవి సర్జా(36) జూన్‌ 7న గుండెపోటుతో మృతి చెందిన విషయం విదితమే. ఇక అప్పటికే గర్భవతి అయిన చిరు భార్య మేఘనను ఓదార్చడం ఎవరితరం కాలేదు. అయితే భర్త భౌతికంగా దూరమైనా, తన మనసులో ఎప్పుడూ బతికే ఉంటారంటూ ధైర్యం కూడదీసుకున్న ఆమె, భర్త కటౌట్‌ పక్కన పెట్టుకుని సీమంతం వేడుక చేసుకున్నారు. అక్టోబరులో ఆమె పండంటి మగ బిడ్డకు జన్మనిచ్చారు.(చదవండి: ప్రేమ పెళ్లి: దారుణంగా హింసించేవాడు..) View this post on Instagram A post shared by Meghana Raj Sarja (@megsraj)

సాక్షి, బెంగళూరు : దివంగత కన్నడ హీరో చిరంజీవి సర్జా భార్య, నటి  మేఘనా రాజ్ గురువారం మగబిడ్డకు జన్మనిచ్చారు. దక్షిణ బెంగళూరులోని ఒక ప్రైవేట్ ఆసుపత్రిలో బాబు పుట్టాడని  చిరంజీవి సర్జా  సోదరుడు, నటుడు ధ్రువ సర్జా ఇన్‌స్టాగ్రామ్‌లో పోస్ట్ చేశారు. తమ అన్నయ్యే మళ్లీ పుడతాడంటూ  చెప్పకొస్తున్న ధ్రవ "బేబీ బాయ్, జై హనుమాన్"   అంటూ  ఆనందం ప్రకటించారు. స్వీట్లు పంచి సంతోషాన్ని వ్యక్తం చేశారు. అలాగే తన బిడ్డకు వెండి ఉయ్యాల  కావాలన్న అన్న కోరికను నేరవేర్చానని  ధ్రువ తెలిపారు. బాబుకి ఏపేరు పెట్టాలన్నది ఇంకా నిర్ణయించలేదన్నారు. చాలా సంతోసంగా ఉంది..మళ్లీ నా చిరంజీవిని చూస్తున్నట్టు ఉందంటూ చిరంజీవి సర్జా తల్లి  ఉద్వేగానికి లోనయ్యారు. ఈ రోజు  మేఘనా, చిరంజీవి నిశ్చితార్థం చేసుకున్న రోజని కూడా ఆమె గుర్తు చేసుకున్నారు. కాగా చిరంజివి సర్జా 36 ఏళ్ల వయసులో గుండెపోటుతో ఆకస్మికంగా కన్నుమూయడం అటు కుటుంబ సభ్యులను, ఇటు అభిమానులను తీవ్ర దిగ్భ్రాంతికి గురిచేసింది. అయితే చిరంజీవి చనిపోయే సమయానికే అతని భార్య మేఘనా రాజ్ గర్భవతి. ఇటీవల మేఘనా బేబీ షవర్ చిత్రాలు సోషల్ మీడియాలో వైరల్ అయిన సంగతి తెలిసిందే.

క‌న్న‌డ న‌టుడు చిరంజీవి స‌ర్జా, మేఘ‌నా రాజ్ బిడ్డ త్వ‌ర‌లోనే ఈ లోకానికి రానుంది. దీంతో చిరంజీవి సోద‌రుడు ధ్రువ సర్జా పండంటి బిడ్డ కోసం వెండితో త‌యారైన ఊయ‌ల‌ను బ‌హుమ‌తిగా ఇచ్చి ఆశ్చ‌ర్య‌ప‌రిచాడు. 10 ల‌క్ష‌ల విలువైన ఈ ఊయ‌ల‌కు సంబంధించిన ఫోటోలు సోష‌ల్ మీడియాలో వైర‌ల్ అవుతున్నాయి.  కాగా సీనియర్‌ హీరో అర్జున్‌ మేనల్లుడు, నటుడు అయిన చిరంజీవి సర్జా జూన్‌ 7న బెంగళూరులో మరణించిన విషయం విదితమే. 36 వయస్సులోనే గుండెపోటుతో ఆయన కన్నుమూయడం అందరినీ తీవ్ర వేదనకు గురిచేసింది. 2018లో చిరంజీవి సర్జా, కథానాయిక మేఘనా రాజ్‌ పెళ్లి చేసుకున్నారు. మరణించే నాటికే అతడి భార్య గర్భవతి. ఈ క్రమంలో చిరంజీవి సర్జా సతీమణి మేఘన సీమంతం వేడుక ఇటీవ‌లె  ఘనంగా జరిగింది. (నిన్ను ప్రేమిస్తూనే ఉంటా: మేఘనా రాజ్‌ ) భర్త జ్ఞాపకాలతో బ్రతుకుతున్న మేఘన చిరంజీవి స్టైల్‌గా నుంచున్నట్లు కటౌట్ తయారుచేయించి తన కుర్చీ పక్కనే పెట్టుకున్నారు. దూరం నుంచి చూస్తే చిరంజీవి నిజంగానే భార్య పక్కను నిలబడినట్లు ఉండటంతో కార్యక్రమానికి వచ్చిన వారంతా ఆశ్చర్యపోయారు. అతి తక్కువ మంది కుటుంబసభ్యుల సమక్షంలో జరిగిన ఈ వేడుకకు సంబంధించిన ఫొటోలు సోష‌ల్ మీడియాలో వైర‌ల్ అయ్యాయి. ‘చిరంజీవి కటౌట్‌ చూస్తుంటే‌ ఆయన నిజంగా వేడుకలో ఉన్నట్లే ఉంది’, ‘మేడమ్ మీకు అంతా మంచే జరగాలి. అలాగే మీరు ఎప్పుడూ సంతోషంగానే ఉండాలని కోరుకుంటున్నాం’ అని పలువురు నెటిజన్లు కామెంట్ చేశారు. (మేఘనా సర్జా సీమంతం వేడుక) View this post on Instagram @chirusarja @megsraj @arjunsarjaa @shankar.prerana @surajsarjaofficial @aishwaryaarjun @anj204 @classycaptures_official jai hanuman 🙂👍 A post shared by Dhruva Sarja (@dhruva_sarjaa) on Oct 15, 2020 at 10:34pm PDT

బెంగళూరు: కన్నడ నటుడు చిరంజీవి సర్జా జయంతి నేడు. ఈ సందర్భంగా ఆయన భార్య, నటి మేఘనా రాజ్‌ చిరును తలచుకుంటూ తీవ్ర భావోద్వేగానికి లోనయ్యారు. ‘‘హ్యాపీ బర్త్‌డే, మై వరల్డ్‌! అప్పుడు, ఇప్పుడు, ఎల్లప్పుడూ నిన్ను ప్రేమిస్తూనే ఉంటాను!’’ అని భర్త ఫొటో షేర్‌ చేసి ఉద్వేగపూరిత ​క్యాప్షన్‌ జతచేశారు. సంప్రదాయ వస్త్రధారణలో చిరునవ్వులు చిందిస్తున్న చిరంజీవి ఫొటో చూసి ఆయన ఫ్యాన్స్‌ కూడా భావోద్వేగానికి గురవుతున్నారు. త్వరలోనే చిరు తన బిడ్డ రూపంలో మళ్లీ తిరిగి వస్తారని, ఆరోగ్యం జాగ్రత్తగా చూసుకోవాలంటూ మేఘనకు సూచిస్తున్నారు.(చదవండి: మేఘనా సర్జా సీమంతం వేడుక) కాగా సీనియర్‌ హీరో అర్జున్‌ మేనల్లుడు, నటుడు అయిన చిరంజీవి సర్జా జూన్‌ 7న బెంగళూరులో మరణించిన విషయం విదితమే. 36 వయస్సులోనే గుండెపోటుతో ఆయన కన్నుమూయడం అందరినీ తీవ్ర వేదనకు గురిచేసింది. ఇక అప్పటికే గర్భవతి అయిన చిరు భార్య మేఘనను ఓదార్చడం ఎవరితరం కాలేదు. అయితే భర్త భౌతికంగా దూరమైనా, తన మనసులో ఎప్పుడూ బతికే ఉంటారంటూ ధైర్యం కూడదీసుకున్న ఆమె, ఇటీవల భర్త కటౌట్‌ పక్కన పెట్టుకుని సీమంతం వేడుక చేసుకున్నారు. ఆ ఫొటోలను సోషల్‌ మీడియాలో షేర్‌ చేయగా అప్పట్లో వైరల్‌ అయిన సంగతి తెలిసిందే. 

హీరో అర్జున్‌ మేనల్లుడు, నటుడు అయిన చిరంజీవి సర్జా కొద్ది నెలల క్రితం చనిపోయిన సంగతి తెలిసిందే. మరణించే నాటికే అతడి భార్య గర్భవతి. ఈ క్రమంలో చిరంజీవి సర్జా సతీమణి మేఘన సీమంతం వేడుక ఆదివారం ఘనంగా జరిగింది. భర్త జ్ఞాపకాలతో బ్రతుకున్న మేఘన చిరంజీవి స్టైల్‌గా నుంచున్నట్లు కటౌట్ తయారుచేయించి తన కుర్చీ పక్కనే పెట్టుకున్నారు. దూరం నుంచి చూస్తే చిరంజీవి నిజంగానే భార్య పక్కను నిలబడినట్లు ఉండటంతో కార్యక్రమానికి వచ్చిన వారంతా ఆశ్చర్యపోయారు. అతి తక్కువ మంది కుటుంబసభ్యుల సమక్షంలో జరిగిన ఈ వేడుకకు సంబంధించిన ఫొటోలను మేఘన సోషల్‌మీడియా వేదికగా అభిమానులతో పంచుకున్నారు. (చదవండి: మన బిడ్డ రూపంలో నిన్ను తీసుకొస్తా!) ఈసందర్భంగా ‘నాకెంతో ప్రత్యేకమైన ఇద్దరు వ్యక్తులు. చిరు.. నువ్వు ఇలాగే కదా ఈ వేడుక జరగాలని కోరుకున్నావు. నువ్వు కోరుకున్న విధంగానే జరిగింది. ఇకపైనా జరుగుతుంది. ఐ లవ్‌ యూ బేబీ మా’ అని పేర్కొన్నారు. మేఘన షేర్‌ చేసిన ఫొటోలు చూసిన అభిమానులు భావోద్వేగానికి గురి అవుతున్నారు. ‘చిరంజీవి కటౌట్‌ చూస్తుంటే‌ ఆయన నిజంగా వేడుకలో ఉన్నట్లే ఉంది’, ‘మేడమ్ మీకు అంతా మంచే జరగాలి. అలాగే మీరు ఎప్పుడూ సంతోషంగానే ఉండాలని కోరుకుంటున్నాం’ అని పలువురు నెటిజన్లు కామెంట్‌ చేస్తున్నారు. ఇక చిరంజీవి సర్జా కన్నడలో సుమారు 22 సినిమాల్లో నటించారు. ఈ క్రమంలో ఆయన నటి మేఘనా రాజ్‌ను ప్రేమించి పెళ్లి చేసుకున్నారు. ఈ ఏడాది జూన్ 7వ తేదీన ఛాతీ నొప్పితో ఇంట్లోనే కుప్పకూలి ప్రాణాలు కోల్పోయారు. అప్పటికే మేఘన గర్భవతిగా ఉన్నారు. తన భర్త సజీవంగా లేకపోయినా... ఆయన జ్ఞాపకాలు తనతోనే జీవితాంతం ఉంటాయని మేఘన పేర్కొన్నారు.

బెంగళూరు: చిత్ర పరిశ్రమల్లో కరోనా కలకలం సృష్టిస్తోంది. రోజురోజుకు మహమ్మారి బారిన పడుతున్న నటీనటుల సంఖ్య పెరుగుతోంది. ఇప్పటికే ఉత్తరాది, దక్షిణాది చిత్ర పరిశ్రమకు చెందిన పలువురు సెలబ్రిటీలకు కరోనా పాజిటివ్‌ వచ్చిన విషయం తెలిసిందే.  తాజాగా కన్నడ హీరో చిరంజీవి సర్జా సోదరుడు హీరో ధ్రువ సర్జా ఆయన భార్య ప్రేరణ శంకర్‌లు కూడా కరోనా బారిన పడ్డారు. ఈ విషయాన్ని ధ్రువ సర్జా సోషల్‌ మీడియాలో వేదికగా ప్రకటించాడు. వారిలో తేలికపాటి కరోనా లక్షణాలు కనిపించడంతో కోవిడ్‌ పరీక్షలు చేయించుకోగా పాజిటివ్‌ వచ్చినట్లు బుధవారం ట్వీట్‌ చేశాడు. (చదవండి: ‘నువ్వు లేకుండా ఉండలేం.. వచ్చేయ్‌’) ‘నాకు, నా భార్యకు పాజిటివ్‌ వచ్చింది. మాలో తేలికపాటి కరోనా లక్షణాలు ఉన్నందున బెంగుళూరులోని ఆసుపత్రిలో చేరాలని నిర్ణయించుకున్నాం. మేము త్వరలోనే కోలుకుని పూర్తి ఆరోగ్యంతో తిరిగి వస్తామని ఆశిస్తున్నాను. అయితే గత కొద్దిరోజులుగా ఎవరైతే మమ్మల్ని కలిశారో వారంతా కోవిడ్‌ పరీక్షలు చేయించుకోవాలని విజ్ఞప్తి చేస్తున్నాం’ అంటూ ధ్రువ ట్వీట్‌ చేశాడు. ఆయన సోదరుడు హీరో చిరంజీవి సర్జా జూన్‌ 7వ తేదీన మరణించిన విషయం తెలిసిందే. చిరంజీవి సర్జా మరణంతో విషాదంలో ఉన్న వారి కుటుంబ సభ్యులకు ఇది మరో చేదు వార్త. (చదవండి: కరోనా: ఆసుపత్రిలో చేరిన ప్రముఖ నిర్మాత)

బెంగళూరు: కన్నడ హీరో చిరంజీవి సర్జా(39) మృతిపై యాక్షన్‌ కింగ్‌ అర్జున్‌తో సహా కుటుంబ సభ్యులంతా ఇప్పటికీ శోకసంద్రంలో మునిగిపోయారు. చిరంజీవి సర్జా అర్జున్‌కు మేనల్లుడు. చిరంజీవితో అర్జున్‌కు ఎంతో సానిహిత్యం ఉండేది. అంతేగాక చిరంజీవి అంతిమ కర్మలు ముగిసే వరకు కూడా అర్జున్‌ అక్కడే ఉన్నారు. కాగా జూన్‌ 7న చిరంజీవి సర్జా ఆకస్మికంగా గుండెపోటుతో హఠాన్మరణం చెందిన విషయం తెలిసిందే. బెంగుళూరులో ఉన్న ఫాంహౌజ్‌లో ఈనెల 8న కుటుంబ సభ్యుల మధ్య ఆయన అంత్యక్రియలు నిర్వహించారు.  తాజాగా శుక్రవారం చిరంజీవి సోదరుడు ధృవ్‌ సర్జా సోషల్‌ మీడియాలో పోస్ట్‌ చేశారు. సర్జా కుటుంబ సభ్యులను అందరి చిత్రాలతో వీడియోను రూపొందించి ‘అన్నయ్య లవ్‌ యూ సోమచ్‌’ అంటూ ఇన్‌స్టాగ్రామ్‌లో పంచుకున్నారు. ఈ వీడియోకు బ్యాక్‌గ్రౌండ్‌లో అర్జున్‌ వాయిస్‌ వినిసిస్తూ..తన అభిమాన మేనల్లుడికి వీడ్కోలు చెబుతూ, అతన్ని చాలా మిస్‌ అవుతున్నానని అర్జున్‌ చెప్పారు. (మన బిడ్డ రూపంలో నిన్ను తీసుకొస్తా!) ‘నిరాశ చెంది, కోపంతో నువ్వు కొన్ని రోజులు దూరంగా వెళ్లేవాడివి. కానీ అది వేరు. ఇప్పుడు నువ్వు మళ్లీ తిరిగిరాని లోకాలకు వెళ్లిపోయి, మా అందరికి దూరం అయ్యావు. నేను కళ్లు మూసిన ప్రతిసారి నీ చిరునవ్వు కనిపిస్తోంది. కొద్దిరోజుల్లో మేము నిన్ను మరిచిపోతాం అంటే అది అబద్దం. నీ మరణం మమ్మల్నీ ఎంతగానో గాయపరిచింది. నువ్వు ఎప్పటికీ మా గుండెల్లో చిరస్థాయిగా నిలిచిపోతావు. మీ తాత నీకు చిరంజీవి అని పేరు పెట్టారు, అది నిజమే. నీ మాటలు, చిరునవ్వు, జ్ఞాపకాలు, మా బంధం చిరంజీవిగా నిలిచిపోతాయి.’ అంటూ భావోద్వేగానికి లోనయ్యారు. (‘నువ్వు లేకుండా ఉండలేం.. వచ్చేయ్‌’) View this post on Instagram A post shared by Dhruva Sarja (@dhruva_sarjaa) on Jun 16, 2020 at 8:27pm PDT కాగా చనిపోయిన తన మేనల్లుడిని తన బిడ్డలో చూసుకోవాలన్న కోరికను అర్జున్‌ వ్యక్తపరిచాడు. ‘దయచేసి నువ్వు నీ పిల్లల రూపంలో మళ్లీ మా వద్దకు తిరిగి వచ్చేయ్‌. చిన్న పిల్లావాడి చిరునవ్వులో మీ ప్రతిబింబాన్ని చూసుకుంటాం. చిరు.. నిన్ను మేము చాలా ప్రేమిస్తున్నాము. మేము ఎప్పటికీ నీ జ్ఞాపకాలతోనే జీవిస్తాం. ప్రేమతో నీ కుటుంబం. అభిమానులు అంటూ అర్జున్‌కన్నీటి పర్యంతమయ్యారు. ఇదిలా ఉండగా 2018 మే 2న నటి మేఘనా రాజ్‌ను చిరంజీవి వివాహమాడారు.ప్రస్తుతం ఆమె మూడు నెలల గర్భవతి. (కన్నీటిపర్యంతమైన అర్జున్‌)

‘‘నా చిరూ.. ఎప్పటికీ నువ్వు నా చిరూవే. నీ గురించి చాలా చాలా చెప్పాలని ఉంది. ప్రపంచంలో ఎన్ని పదాలు ఉన్నా నువ్వు నాకెంత ముఖ్యమో చెప్పడానికి సరిపోవడంలేదు. నా స్నేహితుడు, నా ప్రేమికుడు, నా భాగస్వామి, నా కుమారుడు, నా ఆత్మవిశ్వాసం, నా భర్త... వీటన్నింటికంటే నువ్వు నాకు చాలా ఎక్కువ’’ అంటూ మేఘనా రాజ్‌ తన ఇన్‌స్టాగ్రామ్‌లో భర్త చిరంజీవి సర్జాని ఉద్దేశించి ఓ పోస్ట్‌ పెట్టారు.  నటుడు అర్జున్‌ మేనల్లుడు, హీరో చిరంజీవి సర్జా రెండు వారాల క్రితం చనిపోయిన విషయం తెలిసిందే. 2018లో చిరంజీవి సర్జా, కథానాయిక మేఘనా రాజ్‌ పెళ్లి చేసుకున్నారు. ప్రస్తుతం మేఘనా నాలుగు నెలల గర్భవతి. గురువారం తన మనోభావాలను ఈ విధంగా పంచుకున్నారామె. ‘‘నా ఆత్మలో నువ్వు సగభాగం. నేను తలుపువైపు చూసిన ప్రతిసారీ ‘ఇంటికొచ్చేశా’ అంటూ నువ్వు అరవడం చూడాలనుకుంటా.. కానీ ఎక్కడ? నిన్ను ఇక ఎప్పటికీ తాకలేను అనే ఫీలింగ్‌ నా హృదయాన్ని ముక్కలు చేస్తోంది. నా కడుపులో పెరుగుతున్న బిడ్డ మన ప్రేమకు ఓ చిహ్నం. ఈ బిడ్డ రూపంలో నిన్ను ఈ భూమ్మీదకు తీసుకురావడానికి ఆసక్తిగా ఉన్నాను. నీ చిరునవ్వుని వినడానికి ఎదురు చూస్తున్నా. నేను శ్వాసించినంత కాలం నువ్వు బతికే ఉంటావ్‌. నువ్వు నాలో ఉన్నావ్‌. ‘ఐ లవ్‌ యు’’ అంటూ భర్తతో ఉన్న ఈ ఫొటోను షేర్‌ చేశారు మేఘనా రాజ్‌. తెలుగులో బెండు అప్పారావు, లక్కీ తదితర చిత్రాల్లో నటించిన  మేఘనా.. చిరంజీవి సర్జాతో ‘ఆటగార’, ‘రామ్‌లీలా’ వంటి చిత్రాల్లో నటించారు. ఆ సినిమాల సమయంలోనే ఇద్దరూ ప్రేమలో పడి, పెళ్లి చేసుకున్నారు.