కమర్షియల్‌ హీరోగా కొనసాగుతూనే విభిన్న పాత్రల్లో అలరిస్తున్న విలక్షణ నటుడు తమిళ్‌ హీరో ధనుష్‌. సూపర్‌ స్టార్‌ రజనీకాంత్‌ అల్లుడైనా ఆ పేరును వాడుకోకుండా తన నటనపై ఆధారపడ్డారు. కోలీవుడ్‌లో స్టార్‌ హీరోగా కొనసాగుతూనే బాలీవుడ్‌లోనూ సక్సెస్‌ఫుల్‌ హీరో అనిపించుకున్నాడు ధనుష్‌. ఇప్పుడు భారత సరిహద్దులు దాటి ప్రపంచ సినీ పరిశ్రమలో అడుగుపెట్టాడు. ధనుష్‌ నటించిన ‘ద ఎక్స్‌ట్రార్డినరీ జర్నీ ఆఫ్‌ ద ఫకీర్‌’ ఈ శుక్రవారం ప్రేక్షకుల ముందుకు రానుంది. ఈ సందర్భంగా చిత్రబృందం కెనాడాలో ఏర్పాటు చేసిన ప్రీమియర్‌ షోకు అద్భుతమైన రెస్పాన్స్ వచ్చింది. ముఖ్యంగా హీరో ధనుష్‌ నటనకు హాలీవుడ్ సినీ జనాలు కూడా ఫిదా అయ్యారు. ఈ మూవీకి వచ్చిన స్పందనను చిత్ర దర్శకుడు కెన్‌ స్కాట్‌  ట్విట్టర్‌ ద్వారా అభిమానులతో పంచుకున్నాడు. సినిమాలో ధనుష్‌ నటనకు ప్రేక్షకులంతా మంత్రముగ్ధులయ్యారన్నారు కెన్‌. విడుదలకు ముందే నటుడు ధనుష్‌ స్పెయిన్‌ ప్రజల అభిమానాన్ని చూరగొన్నాడని ట్వీట్‌ చేశారు. దీనికి కృతజ్ఞతలు తెలుపుతూ ధనుష్‌ కూడా ట్వీట్‌ చేశారు. ‘ద ఎక్స్‌ట్రార్డినరీ జర్నీ ఆఫ్‌ ద ఫకీర్‌’ చిత్రంలో ధనుష్‌ అజాత శత్రు అనే మెజీషియన్‌ పాత్రలో నటించారు. రొమైన్‌ ప్యుర్తోలస్‌ రాసిన నవల ఆధారంగా తెరకెక్కిన ఈ సినిమా.. ఇప్పటికే పలు ఫిల్మ్‌ ఫెస్టివల్స్‌లో విమర్శకుల ప్రశంసలను అందుకుంది. ధనుష్‌ కూడా ఫకీర్‌ విడుదల కోసం ఎంతో ఆసక్తిగా ఎదురుచూస్తున్నారు. ఫ్రాన్స్‌లో జరిగిన ఓ వేడుకలో ధనుష్‌ మాట్లాడుతూ... కోలీవుడ్‌లో హీరో స్థాయి నుంచి విదేశీ చిత్రంలో ప్రధాన పాత్రలో నటించే స్థాయికి ఎదగటం ఆనందంగా ఉందన్నారు. అందుకు సహకరించిన ప్రతీ ఒక్కరికీ కృతజ్ఞతలు తెలుపుతూ భావోద్వేగానికి లోనయ్యారు. ఓ మామూలు నటుడిగా మొదలై అంతర్జాతీయ స్థాయికి ఎదిగిన ధనుష్‌ కెరీర్‌ కొత్త తరానికి ఆదర్శం అంటున్నారు సినీ విశ్లేషకులు. Last night, at the premiere of "THE EXTRAORDINARY JOURNEY OF THE FAKIR" in Sherbrooke Canada, another STANDING OVATION for DHANUSH. / Ovation hier soir à la première de "L'EXTRAORDINAIRE VOYAGE DU FAKIR" à Sherbrooke!!!  @dhanushkraja @LRCF6204 pic.twitter.com/btDd9f8FbQ — Ken Scott (@kenscottfakir) 19 June 2019

తమిళ క్రేజీ స్టార్‌ ధనుష్‌ హీరోగా రూపొందిన తాజా హాలీవుడ్‌ చిత్రం ‘ఎక్స్‌ట్రార్డినరీ జర్నీ ఆఫ్‌ ద ఫకీర్‌’ ప్రపంచవ్యాప్తంగా ఆసక్తి రేపుతోంది. ఇప్పటికే అంతర్జాతీయంగా పలు ఫిల్మ్‌ ఫెస్టివల్స్‌లో ప్రదర్శించబడి విమర్శకుల ప్రశంసలు అందుకుంటోంది. బార్సిలోనా సెయింట్‌ జోర్డి ఫిల్మ్‌ ఫెస్ట్‌లో ఈ సినిమా బెస్ట్‌ కామెడీ మూవీగా ఆడియన్స్‌ ఛాయిస్‌ అవార్డ్‌ అందుకుంది. ఈ నెల 21న మన దేశంతో పాటు మరిన్ని దేశాల్లో ధియేటర్లలో విడుదల కానుంది. జపాన్‌లో మంచి ఆదరణతో చైనాలోనూ విడుదల కానుంది. ఈ చిత్రకథ ఏంటంటే... వీధి ఇంద్రజాలికుని విశ్వయాత్ర సౌరభ్‌గుప్తా నిర్మాతగా, ప్రముఖ హాలీవుడ్‌ దర్శకుడు కెన్‌స్కాట్‌ దర్శకత్వం వహించిన ఈ సినిమాలో ధనుష్‌ అజా అనే ఇంద్రజాలికుని పాత్ర పోషించారు. ఒక భారతీయ స్ట్రీట్‌ మెజిషియన్‌ అనూహ్యంగా విదేశాలకు, పారిస్‌ వరకూ చేసిన ప్రయాణం నేపథ్యంగా అల్లుకున్న ఈ సినిమా కథకు రొమైన్‌ పుర్టోలస్‌ రాసిన నవల ఆధారం. అనూహ్యంగా సాగిన ఫకీర్‌ ప్రయాణంతో పాటు శరణార్థుల సమస్యలను కూడా ఈ సినిమా చూపిస్తుంది. ఈ సినిమాలోని ‘మడారి..’ పాట మంచి హిట్‌ నెంబర్‌గా నిలిచింది. ఈ పాటలో ఫ్రెంచ్‌ నటి బెర్నైస్‌ బెజో ధనుష్‌ సరసన నర్తించడం విశేషం. ఈ సందర్భంగా విడుదల చేస్తున్న గోల్డెన్‌ రేషియో ఫిల్మ్స్‌ సిఈఓ అభయానంద్‌ సింగ్‌ మాట్లాడుతూ – ‘‘మాన్‌ సూన్‌ వెడ్డింగ్‌’ తర్వాత అంతటి యూనివర్సల్‌ అప్పీల్‌ ఉన్న సినిమా కావడంతోనే హక్కులు తీసుకున్నాం. ప్రపంచ వ్యాప్తంగా 160 దేశాల్లో రిలీజ్‌ చేస్తున్నాం. సంచలన సాధిస్తుందనే నమ్మకం ఉంది’’ అన్నారు.

కోలీవుడ్, బాలీవుడ్‌లను దాటి హాలీవుడ్‌ స్థాయికి ఎదిగిన అతికొద్ది మంది కోలీవుడ్‌ నటుల్లో ధనుష్‌ ఒకరు. ఈయన నటించిన హాలీవుడ్‌ చిత్రం ది ఎక్స్‌ట్రార్డనరీ జర్నీ ఆఫ్‌ పకిరి.  కెన్‌స్కాట్‌ దర్శకత్వం వహించిన ఈ చిత్రం పకీర్‌ అనే యువకుడి ఎక్స్‌ట్రార్డనరీ జర్నీ ఇతివృత్తంగా తెరకెక్కింది. తన తండ్రిని వెతుక్కుంటూ ముంబై నుంచి ప్యారిస్‌ దేశానికి వెళ్లే పకీర్‌ ఎలాంటి సంఘటనలను ఎదుర్కొన్నారన్న పలు ఆసక్తికరమైన అంశాలతో కూడిన చిత్రం పకిరి. ధనుష్‌ కథానాయకుడిగా ఈ సినిమాలో స్ట్రీట్‌ మెజీషియన్‌గా నటించారు. ఈ చిత్రం పలు ఇతర భాషల్లోనూ అనువాదం అయ్యి విడుదలైంది. తమిళంలో పకిరి అనే టైటిల్‌తో ఈ నెల 21న తెరపైకి రావడానికి రెడీ అవుతోంది. ఈ నేపథ్యంలో మంగళవారం చిత్ర ట్రైలర్‌ను యూనిట్‌ వర్గాలు విడుదల చేశారు. కాగా ఆంగ్లం, ఫ్రెంచ్‌ భాషల్లో గత ఏడాది విడుదలైన ఈ చిత్రం అక్కడ మంచి విజయాన్ని అందుకుంది. అంతేకాదు పలు అంతర్జాతీయ చిత్రోత్సవాల్లోనూ ప్రదర్శింపబడింది. కాగా తమిళ ప్రేక్షకులను అలరిస్తుందనే నమ్మకాన్ని చిత్ర వర్గాలు వ్యక్తం చేస్తున్నారు. కాగా ఇక్కడ ధనుష్‌ నటించిన చిత్రం విడుదలై చాలా కాలమైంది. మారి–2 చిత్రం తరువాత ఆయన చిత్రమేదీ తెరపైకి రాలేదు. ఆ పకిరి చిత్రం ఆ లోటును భర్తీ చేస్తుందన్నమాట. ప్రస్తుతం ధనుష్‌ వెట్రిమారన్‌ దర్శకత్వంలో అసురన్‌ చిత్రంలో నటిస్తున్నారు. ఇందులో ఆయన మరోసారి ద్విపాత్రాభినయం చేస్తున్నారు. వి.క్రియేషన్స్‌ పతాకంపై కలైపులి ఎస్‌.థాను నిర్మిస్తున్న ఈ చిత్రం షూటింగ్‌ చివరి దశకు చేరుకుంది. దీని తరువాత సత్యజ్యోతి ఫిలింస్‌ సంస్థలో ధనుష్‌ వరుసగా రెండు చిత్రాల్లో నటించనున్నారు. ఇందులో ఒక చిత్రానికి దురై సెంథిల్‌కుమార్, మరో చిత్రానికి రామ్‌కుమార్‌ దర్శకత్వం వహిస్తున్నారు. ఇందులో దురై సెంథిల్‌ తెరకెక్కిస్తున్న చిత్రం ఈ ఏడాది చివరిలో విడుదలయ్యే అవకాశం ఉంది. ఇక రామ్‌కుమార్‌ దర్శకత్వంలో ధనుష్‌ నటిస్తున్న చిత్రం 2020లో తెరపైకి రానుంది.

యాక్టర్‌గా దేశవ్యాప్తంగా ఫిదా చేశారు ధనుష్‌. స్టేట్‌ అవార్డులు తన సొంతం చేసుకున్నారు. గత ఏడాది ‘ది ఎక్స్‌ట్రార్డినరీ జర్నీ ఆఫ్‌ ది ఫకీర్‌’  అనే ఇంగ్లీష్‌ సినిమాలో కూడా కనిపించారు. రాజస్థాన్‌లోని ఓ ఫకీర్‌ ప్యారిస్‌ ఎలా వెళ్లాడు? అతని ఈ జర్నీలో జరిగిన సంఘటనల ఆధారంగా ఈ చిత్రం రూపొందింది. ఈ సినిమా మంచి విజయం సాధించడమే కాకుండా చాలా మంది మనసులు గెలుచుకుంది. లేటెస్ట్‌గా ఓ అవార్డు కూడా గెలుచుకుంది. ఇటీవల జరిగిన బార్సిలోనా ఇంటర్నేషనల్‌ ఫిల్మ్‌ ఫెస్టివల్‌లో  బెస్ట్‌ కామెడీ ఫిల్మ్‌ విభాగంలో ‘ది ఎక్స్‌ట్రార్డినరీ జర్నీ ఆఫ్‌ ది ఫకీర్‌’ ఎంపికైంది. ఫకీర్‌ చేసిన ఈ ఫన్నీ జర్నీ జ్యూరీకు కూడా నచ్చడంతో ‘బెస్ట్‌ కామెడీ ఫిల్మ్‌’గా అవార్డు గెలుచుకుంది.

ఈ ఏడాది నటుడిగా హాలీవుడ్‌ చిత్రం ‘ది ఎక్స్‌ట్రార్డినరీ జర్నీ ఆఫ్‌ ది ఫకీర్‌’, నిర్మాతగా మామ  రజనీకాంత్‌తో ‘కాలా’ చిత్రాలు చేశారు ధనుష్‌. ఇప్పుడు డైరెక్టర్‌గా తన సెకండ్‌ మూవీని స్టార్ట్‌ చేశారట ఈ మల్టీటాలెంటెడ్‌ హీరో. ‘పవర్‌ పాండి’ చిత్రం ద్వారా ధనుష్‌ దర్శకుడిగా మారిన సంగతి తెలిసిందే. ఈ చిత్రంలో ధనుష్‌ ఓ కీలక పాత్ర చేశారు. దర్శకుడిగా తన మలి చిత్రంలో కూడా కీలక పాత్రతో సరిపెట్టాలనుకుంటున్నారట ధనుష్‌. ఎందుకంటే డైరెక్టర్‌ ఈజ్‌ కెప్టెన్‌ ఆఫ్‌ ది షిప్‌ కదా. లీడ్‌ రోల్‌ కూడా చేస్తే డైరెక్షన్‌ డైవర్ట్‌ అయ్యే అవకాశం ఉందని ధనుష్‌ అనుకుంటున్నారట. నటుడిగా ధనుష్‌ చేసిన ‘ఎౖన్నై నోక్కి  పాయుమ్‌ తోటా, మారి 2 , వడ చెన్నై’ ఈ ఏడాది చివర్లో రిలీజ్‌ కానున్నాయి.

‘డైరీ అస్సలు ఖాళీ’ లేదు అంటున్నారు తమిళ హీరో ధనుష్‌. నటుడిగా, నిర్మాతగా, దర్శకుడిగా 2018 షెడ్యూల్‌ మొత్తం బిజీగా ఉండబోతోందట. ప్రస్తుతం హాలీవుడ్‌ డెబ్యూ మూవీ ‘ది ఎక్స్‌ట్రార్డినరీ జర్నీ అఫ్‌ ది ఫకీర్‌’  ప్రమోషన్‌లో బిజీగా ఉన్నారు. దాని తర్వాత మామ రజనీకాంత్‌ హీరోగా తాను నిర్మించిన ‘కాలా’ సినిమా రిలీజ్‌ పనుల్లో మునిగిపోతారట. ఆ వెంటనే నటుడిగా మారిపోయి బాలాజీ మోహన్‌ దర్శకత్వంలో తెరకెక్కుతోన్న సూపర్‌ హిట్‌ మూవీ ‘మారీ’ సీక్వెల్‌ ‘మారీ 2’ లాస్ట్‌ షెడ్యూల్‌లో జాయిన్‌ అయి, ఆగస్ట్‌ కల్లా కంప్లీట్‌ చేస్తారట. ఆ తర్వాత డైరెక్టర్‌గా తన సెకండ్‌ మూవీను స్టార్ట్‌ చేస్తారట. ఈ పీరియాడికల్‌ మూవీని శ్రీ తేనాండాళ్‌ ఫిల్మ్స్‌ నిర్మించనుంది. సో.. ఈ ఇయర్‌ అంతా నటుడిగా, నిర్మాతగా, డైరెక్టర్‌గా ధనుష్‌ డైరీ ఫుల్‌ బిజీ అన్నమాట. 

తమిళసినిమా: తమిళ సినిమా గర్వించదగ్గ నటులలో ధనుష్‌ ఒకరు. నటుడు, గాయకుడు, గీతరచయిత, దర్శకుడు, నిర్మాత అంటూ తనకంటూ గుర్తింపును తెచ్చుకున్నారు. సినిమాలోని బహు శాఖల్లో తన ప్రతిభను చాటుకుంటున్న ధనుష్‌ నటుడిగానూ కోలీవుడ్, బాలీవుడ్‌ను దాటి హాలీవుడ్‌ ప్రేక్షకులను త్వరలోనే అలరించడానికి రెడీ అవుతున్నారు. ఈయన నటించిన హాలీవుడ్‌ చిత్రం ‘ది ఎక్స్‌ట్రార్డనరీ జర్నీ ఆఫ్‌ ద ఫకీర్‌’ చిత్రం నిర్మాణ కార్యక్రమాలను పూర్తి చేసుకుంది. త్వరలో ప్రపంచ వ్యాప్తంగా విడుదలకు సిద్ధం అవుతోంది. ఆంగ్లం, ఫ్రెంచ్‌ భాషల్లో రూపొందిన లవ్, కామెడీ, అడ్వంచర్‌ కథా చిత్రంగా ఉంటుంది. చిత్ర ట్రైలర్‌ ఇప్పటికే విడుదలై మంచి స్పందనను తెచ్చుకుంది. ఈ చిత్రం మరో రికార్డును సాధించింది. చిత్రాన్ని కేన్స్‌ అంతర్జాతీయ చిత్రోత్సవాల్లో ప్రదర్శించారు. ఈ చిత్రోత్సవాలు ఈ నెల 8వ తేదీ ఫ్రాన్స్‌లో ప్రారంభమయ్యాయి. ఈ చిత్రోత్సవాల్లో పాల్గొనడానికి నటుడు ధనుష్‌ గురువారం ‘ది ఎక్స్‌ట్రార్డనరీ జర్నీ ఆఫ్‌ ది ఫకీర్‌’చిత్ర యూనిట్‌తో కలిసి ఫ్రాన్స్‌కు వెళ్లారు. అక్కడ చిత్ర బృందంతో కలిసి తీసుకున్న ఫొటోలను తన ట్విట్టర్‌ అకౌంట్‌లో పోస్ట్‌ చేశారు.

ఎలాంటి పాత్రనైనా అవలీలగా పోషించగల నటుడు ధనుష్‌. సౌత్‌లోనే కాకుండా నార్త్‌లో కూడా మంచి ఫాలోయింగ్‌ ఉన్న ధనుష్‌ ఇప్పుడు  హాలీవుడ్‌ సినిమాలో తన అదృష్టాన్ని పరీక్షించుకోవడానికి రెడీ అయ్యారు. ‘వై దిస్‌ కొలవెరి డీ’ అంటూ ఇంతకు ముందు వరల్డ్‌ వైడ్‌ సెన్సేషన్‌ క్రియేట్‌ చేసినా ఫుల్‌ టైమ్‌ యాక్టర్‌గా ఒక ఫ్రెంచ్‌  సినిమా ద్వారా డెబ్యూ చేయనున్నారు. ‘ది ఎక్స్‌ట్రార్డినరీ జర్నీ ఆఫ్‌ ది ఫకీర్‌’ అనే ఓ ఫ్రెంచి కామెడీ అడ్వెంచర్‌ సినిమాలో హీరోగా నటిస్తున్నారు ధనుష్‌. ఈ సినిమాలో ధనుష్‌ క్యారెక్టర్‌ టీజర్‌ను ఇటీవల రిలీజ్‌ చేశారు. ‘ఎక్స్‌ట్రార్డినరీ జర్నీ ఆఫ్‌ ది ఫకీర్‌ హూ గాట్‌ ట్రాప్డ్‌ ఇన్‌ యాన్‌ అకియా వార్డ్‌రోబ్‌’ అనే నవల ఆధారంగా రూపొందుతున్న ఈ సినిమాకు  కెన్‌ స్కాట్‌ దర్శకత్వం వహిస్తున్నారు. ధనుష్, బెరెనిస్‌ బెజో, బార్ఖద్‌ అబ్ది ముఖ్య తారలుగా నటించిన ఈ సినిమాను లుక్‌ బోసీ, ఆదితీ ఆనంద్‌ నిర్మిస్తున్నారు. ఈ సినిమా గురించి దర్శకుడు స్కాట్‌ మాట్లాడుతూ – ‘‘ముంబైలో పుట్టి తన పరిసర ప్రాంతాలు తప్ప మరో ప్రపంచం తెలియని ఓ కుర్రాడు ప్రపంచాన్ని ఎలా చుట్టాడు? అనేది కథాంశం. వివిధ ప్రాంతాల యాక్టర్స్‌తో పని చేయటం, వాళ్ల కల్చరల్‌ బ్యాగ్రౌండ్‌ గురించి తెలుసుకోవటం చాలా ఇన్స్‌పిరేషనల్‌గా ఉంది. ధనుష్‌ అజాతశత్రూ లవాశ్‌ పటేల్‌ అనే ముంబై యువకుyì  పాత్ర పోషిస్తున్నారు. ఇండియా, ఇటలీ, ఫ్రాన్స్, లిబియా వంటి దేశాల్లో ఈ సినిమాను షూట్‌ చేశాం. ఫకీర్‌ ఫన్నీగా ఉంటూనే అడ్వెంచర్స్‌ చేస్తుంటాడు’’ అని అన్నారు.

సాక్షి, సినిమా : సౌత్‌ ఇండియన్‌ స్టార్‌ ధనుష్‌ నటించిన హాలీవుడ్‌ చిత్రం టీజర్‌ వచ్చేసింది. ‘ద ఎక్స్టార్డనరీ జర్నీ ఆఫ్ ద ఫకీర్’ చిత్రంలో ధనుష్‌ లీడ్‌ రోల్‌లో కనిపించబోతున్న విషయం తెలిసిందే. చిత్ర అనుభవాలను దర్శకుడు వివరిస్తుండగా.. ఓ బైట్‌ను విడుదల చేశారు. దీనిని ధనుష్‌ తన ఫేస్‌ బుక్‌ ఖాతాలో పోస్టు చేశారు.    అజాతశత్రు లావాష్‌ పటేల్‌ పాత్రలో ధనుష్‌ ఇందులో కనిపించబోతున్నాడు. ముంబైకి చెందిన ఈ కుర్రాడికి లోకజ్ఞానం తెలీదు. ఉన్న ఊరును, కన్నతల్లిని విడిచి ఉండలేని పటేల్‌ కొన్ని పరిస్థితుల రిత్యా ప్రపంచ యాత్రకు బయలుదేరుతాడు. ఈ క్రమంలో అతను ఎదుర్కునే పరిస్థితులు.. సాహసాలు, మధ్యలో ప్రేమ కథ ఇలా సాగుతోంది సినిమా. ఎమోషనల్‌ అండ్‌ కామెడీ డ్రామాగా ఈ చిత్రం తెరకెక్కించినట్లు దర్శకుడు కెన్‌ స్కాట్‌ వివరించాడు. ధనుష్‌ లాంటి నటుడితో పని చేయటం నిజంగా మంచి అనుభూతినిచ్చిందని ఆయన తెలిపారు. ధ‌నుష్ సరసన బెరనైస్‌ బెజో, అలెగ్జాండ్రా దడారియోలతో నటించారు. రొమైన్ ప్యూర్తొలా రాసిన 'ద ఎక్స్‌ట్రార్డిన‌రీ జ‌ర్నీ ఆఫ్ ద‌ ఫ‌కీర్ హూ గాట్ ట్రాప్‌డ్ ఇన్ యాన్ ఐకియా వార్డ్‌రోబ్‌' పుస్త‌కం ఆధారంగా కెనడియన్‌ స్క్రిప్ట్‌ రైటర్‌ కమ్‌ డైరెక‍్టర్‌ కెన్‌ స్కాట్‌ తెరకెక్కించారు. ఈ చిత్రం ఇండియా, ఫ్రాన్స్, ఇటలీ, లిబియాలో షూటింగ్ జరుపుకుంది. వివిధ దేశాల‌కు చెందిన టెక్నీషియ‌న్స్ ప‌నిచేసిన‌ట్టు ద‌ర్శ‌కులు తెలిపారు. మే 30న చిత్రం ప్రేక్షకుల ముందుకు రానుంది. ఇంగ్లీష్‌తోపాటు ఫ్రెంచ్‌లోనూ ఈ చిత్రం విడుదల కానుంది. ధనుష్‌ ఎవరో తెలీదు... డైరెక్టర్‌ ఈ సందర్బంగా ఈ చిత్ర డైరెక్టర్ కెన్‌ స్కాట్‌ ధనుష్‌​ గురించి ఆసక్తికర విషయాలు వెల్లడించారు. ధనుష్‌ అంటే తనకు ముందు ఎవరో తెలీదని ఆయన చెప్పారు. ‘ఈ సినిమాలో హీరో కోసం తాను ఎన్నో ఇండియన్ సినిమాలు చూశాను. అప్పుడే ధనుష్ ని చూశానని.. ధనుష్ అయితే తాను అనుకున్న పాత్రకి సరిగ్గా సరిపోతాడనిపించింది. ధనుష్‌ ఓ మంచి నటుడే కాదు. మేధావి కూడా.. ఏ విషయాన్ని అయినా క్షుణ్ణంగా పరిశీలించి దానిపై ఓ అభిప్రాయానికి వస్తాడు. సినిమాకు అతనే బలమని నా ఉద్దేశం. ద ఎక్స్ టార్డనరీ జర్నీ ఆఫ్ ద ఫకీర్‌లో ప్రేమ, సాహసం, అద్భుతాలు కలగలిపి ఉంటాయి అని తెలిపారు. 

కోలీవుడ్‌ స్టార్‌ హీరో ధనుష్‌ ఓ హాలీవుడ్‌ సినిమాలో నటిస‍్తున్న సంగతి తెలిసిందే. ఇప్పటికే సౌత్‌ తోపాటు  బాలీవుడ్‌ లోనూ నటుడిగా నిరూపించుకున్న ధనుష్‌, త్వరలో హాలీవుడ్‌ లో సత్తా చాటనున్నాడు. తాజాగా ధనుష్‌ నటిస్తున్న హాలీవుడ్‌ సినిమా ఫస్ట్‌లుక్‌ పోస్టర్‌ రిలీజ్‌ అయ్యింది. ‘ది ఎక్సట్రార్డినరీ జర్నీ ఆఫ్ ది ఫకిర్’ పేరుతో తెరకెక్కుతున్న  సినిమాలో ధనుష్‌ లుక్‌ కు మంచి రెస్పాన్స్‌ వస్తోంది. ఈ సినిమాలో ధనుష్‌ భారత్‌కు చెందిన ఒక కళాకారుడు ‘అజా’గా కనిపించబోతున్నాడు. ది ఎక్సట్రార్డినరీ జర్నీ ఆఫ్ ది ఫకిర్ అనే ప్రముఖ నవల ఆధారంగా ఈ సినిమాను తెరకెక్కిస్తున్నారు. హాలీవుడ్‌ మేకర్‌ కెన్‌ స్కాట్‌ఈ సినిమాకు దర్శకుడు. ధనుష్‌ తోపాటు  హాలీవుడ్‌ స్టార్స్‌ కిల్‌ బిల్‌ ఫేం ఉమా థుర్మాన్‌, పెర్సీ జాక్సన్‌ లు ఈ సినిమాలో కీలకపాత్రల్లో నటిస్తున్నారు. ప్రస్తుతం నిర్మాణాంతర కార్యక్రమాల్లో జరుపుకుంటున్న ఈ సినిమాను త్వరలో  రిలీజ్‌ చేసేందుకు ప‍్లాన్‌ చేస్తున్నారు.


 నటుడు ధనుష్‌ హాలీవుడ్‌ చిత్రంలో నటించనున్నారన్న ప్రచారం చాలా కాలంగా జరుగుతున్న విషయం తెలిసిందే. అది ఇటీవల ప్రారంభమైంది. ధనుష్‌ ప్రస్తుతం ఎన్నైనోక్కి పాయుం తోట్టా, వడచెన్నై, వేలై ఇల్లా పట్టాదారి 2 చిత్రాల్లో నటిస్తున్నారు. వీటిలో వేలై ఇల్లా పట్టాదారి–2 చిత్ర షూటింగ్‌ పూర్తి అయ్యింది. నిర్మాణాంతర కార్యక్రమాలు జరుపుకుంటోంది. ధనుష్‌ తాజాగా హాలీవుడ్‌ చిత్రానికి మూడు నెలలు కాల్‌షీట్స్‌ కేటాయిం చారు.
 
  బాగా పాపులర్‌ అయిన ఫ్రెంచ్‌ నవల ఆధారంగా కెనడాకు చెందిన కెన్‌ స్కాట్‌ దర్శకత్వం వహిస్తున్న ఈ చిత్రానికి ది ఎక్స్‌ట్రార్డనరీ జర్నీ ఆష్‌ ఫకీర్‌ అనే పేరును నిర్ణయించారు. ఇటీవలే బెల్జియంలో షూటింగ్‌ ప్రారంభమైన ఈ చిత్రం ఏకధాటిగా చిత్రీకరణను జరుపుకోనుందట. ఈ చిత్రాన్ని పూర్తి చేసిన తరువాత ధనుష్‌ నిర్మాణంలో ఉన్న వడచెన్న, ఎన్నై నోక్కి పాయుం తోట్టా చిత్రాలపై దృష్టిసారించనున్నారట. వీటితో పాటు దర్శకుడు కార్తీక్‌సుబ్బరాజ్‌ దర్శకత్వంలో ఒక చిత్రం చేయనున్నారని సమాచారం.


 కోలీవుడ్ స్టార్ హీరో ధనుష్ హీరోగా ఓ హాలీవుడ్ సినిమా రూపొందుతున్న విషయం తెలిసిందే. తమిళ్ తో పాటు తెలుగు, హిందీ భాషల్లో కూడా మంచి క్రేజ్ సొంతం చేసుకున్న ధనుష్, తొలి సారిగా హాలీవుడ్ సినిమా చేస్తుండటంతో ఆ సినిమా అందరి దృష్టిని ఆకర్షించింది. 'ది ఎక్స్ట్రాడినరీ జర్నీ ఆఫ్ ద ఫాకిర్' అనే పేరుతో ఈ సినిమాను తెరకెక్కిస్తున్నారు.
 
 ఫ్రెంచ్ నవల ఆధారంగా తెరకెక్కుతున్న ఈ సినిమా ఈపాటికే సెట్స్ మీదకు వెళ్లాల్సి ఉండగా.. దర్శకుడి అనూహ్య నిర్ణయంతో ఆగిపోయింది. ఇరాన్ ఫ్రెంచ్ ఫిలిం మేకర్ మర్జానే సత్రాపి దర్శకత్వంలో ఈ సినిమాను తెరకెక్కిస్తున్నట్టుగా ప్రకటించారు. అయితే ప్రీ ప్రొడక్షన్ దశలోనే దర్శకుడు ఈ ప్రాజెక్ట్ నుంచి తప్పుకోవటంతో చిత్రయూనిట్ డైలామాలో పడింది. అయితే నిర్మాణ సంస్థ మాత్రం ఎట్టి పరిస్థితుల్లో ఈ ప్రాజెక్ట్ ను ఆపేది లేదని ప్రకటించింది. త్వరలోనే మరో దర్శకుడితో ధనుష్ హీరోగా 'ది ఎక్స్ట్రాడినరీ జర్నీ ఆఫ్ ద ఫాకిర్' సెట్స్ మీదకు వెళ్లే అవకాశం ఉంది.