ఇది బ్రిటన్‌లో వేటకాలం. ‘హోల్కోంబి హంట్’గా పిలుచుకునే సంప్రదాయ వేడుక కూడా! దీనికి కనీసం వెయ్యేళ్ల చరిత్ర ఉంది. అందుకే ఉత్తర ఇంగ్లండ్ వేటగాడు స్టీవెన్ ఆష్‌వర్త్ తన వేటకుక్కలతో బయలుదేరాడు. అయితే, బ్రిటన్‌లో ప్రస్తుతం నక్కలు, జింకలు, కుందేళ్లు, మరికొన్ని వన్యప్రాణుల్ని ‘కుక్కలతో’ వేటాడటం మీద నిషేధం ఉంది. అందువల్ల ఆష్‌వర్త్‌లాంటివాళ్లు ఏం చేస్తారంటే, గుట్టుగా పోసిన సెంటు జాడను తమ కుక్కలతో పట్టించడం ద్వారా వేటాడిన తృప్తి పొందుతారు.