ముంబై: బాలీవుడ్ చిత్రం 'హౌస్ఫుల్ 3' సినిమా తొలి మూడు రోజుల్లో 100 కోట్ల రూపాయల (గ్రాస్) వసూళ్లు సాధించింది. ఈ చిత్ర నిర్మాణ సంస్థ ఈరోస్ ఇంటర్నేషన్ ఈ విషయాన్ని అధికారికంగా వెల్లడించింది. భారత్లో 73.02 కోట్లు, విదేశాల్లో 27.01 కోట్ల రూపాయల కలెక్షన్లు వచ్చినట్టు పేర్కొంది. ఘనవిజయం అందించిన అభిమానులకు కృతజ్ఞతలు చెబుతూ ఈ సినిమా హీరో అక్షయ్ కుమార్ ట్వీట్ చేశాడు.
 
 శుక్రవారం విడుదలైన ఈ కామెడీ సినిమాకు భిన్నమైన టాక్ వచ్చినా బాక్సాఫీసు వద్ద భారీ కలెక్షన్లతో దూసుకెళ్తోంది. బాలీవుడ్ దర్శక ద్వయం సాజిద్‌-ఫర్హాద్‌ తాజా సినిమా 'హౌస్‌ఫుల్-3‌'లో అక్షయ్‌కుమార్, రితేశ్‌ దేశ్‌ముఖ్‌, అభిషేక్‌ బచ్చన్‌ హీరోలుగా నటించారు. అక్షయ్, రితేశ్, అభిషేక్‌ లకు జోడీగా జాక్వలిన్ ఫెర్నాండెజ్‌, లిసా హేడన్‌, నర్గీస్‌ ఫక్రీ నటించారు.


 ముంబై: ఇటీవల విడుదలైన బాలీవుడ్ చిత్రం 'హౌస్ఫుల్ 3' సినిమా బాక్సాఫీసు వద్ద మంచి కలెక్షన్లు రాబడుతోంది. విడుదలైన తొలి రెండు రోజుల్లో 30 కోట్ల రూపాయలకు పైగా వసూలు చేసింది.
 
 శుక్రవారం విడుదలైన ఈ సినిమాకు తొలి రోజు 15.21 కోట్లు, రెండో రోజు 16.30 కోట్ల రూపాయల కలెక్షన్లు వచ్చాయి. రెండు రోజులు కలిపి మొత్తం 31.51 కోట్ల రూపాయలు (నెట్) వసూలు చేసింది. బాలీవుడ్ దర్శక ద్వయం సాజిద్‌-ఫర్హాద్‌ తాజా సినిమా 'హౌస్‌ఫుల్-3‌'లో అక్షయ్‌కుమార్, రితేశ్‌ దేశ్‌ముఖ్‌, అభిషేక్‌ బచ్చన్‌ హీరోలుగా నటించారు. ఈ కామెడీ సినిమాకు భిన్నమైన టాక్ వచ్చినా బాక్సాఫీసు వద్ద భారీ కలెక్షన్లతో దూసుకెళ్తోంది.
 
 గతంలో సూపర్ హిట్ అయిన 'హౌస్‌ఫుల్‌' సినిమాకు థర్డ్ పార్ట్‌గా ఈ సినిమా ప్రేక్షకుల ముందుకు వచ్చింది. అక్షయ్, రితేశ్, అభిషేక్‌ లకు జోడీగా జాక్వలిన్ ఫెర్నాండెజ్‌, లిసా హేడన్‌, నర్గీస్‌ ఫక్రీ నటించారు. అక్షయ్‌, రితేశ్‌ 'హౌస్‌ఫుల్‌' తొలి రెండు పార్ట్‌లలో కనిపించగా.. మూడో పార్టులో అభిషేక్ ఎంట్రీ ఇచ్చాడు.


 ముంబై: బాలీవుడ్ దర్శక ద్వయం సాజిద్‌-ఫర్హాద్‌ తాజా కామెడీ సినిమా 'హౌస్‌ఫుల్-3‌'... హౌస్‌ఫుల్‌ కలెక్షన్లు సాధిస్తోంది. తొలిరోజు 15.21 కోట్లు రాబట్టిన ఈ సినిమా రెండోరోజు మరింతగా పుంజుకొని రూ. 16.31 కోట్లు రాబట్టింది. దేశవ్యాప్తంగా ఈ సినిమా ఆడుతున్న థియేటర్లు ప్రేక్షకులతో కళకళలాడుతున్నాయని పరిశీలకులు చెప్తున్నారు.  శుక్రవారం విడుదలైన ఈ సినిమా రెండురోజుల్లో మొత్తంగా 31.51 కోట్లు రాబట్టింది.
 
 అక్షయ్‌కుమార్, రితేశ్‌ దేశ్‌ముఖ్‌, అభిషేక్‌ బచ్చన్‌ హీరోలుగా నటించిన ఈ కామెడీ మూవీ మీద క్రిటిక్స్‌ పెదవి విరిచారు. రివ్యూలూ సోసోగానే వచ్చాయి. ఒక్క అక్షయ్‌ నటన తప్ప పెద్దగా కామెడీ లేకుండానే 'హౌస్‌ఫుల్‌-3' ఉందంటూ రివ్యూలు అభిప్రాయపడ్డాయి. ఈ రివ్యూల సంగతి ఎలా ఉన్నా.. ఈ సినిమా కలెక్షన్లు భారీగా ఉన్నట్టు బాలీవుడ్ ట్రెడ్ విశ్లేషకుడు తరణ్‌ ఆదర్శ్‌ ట్విట్టర్‌లో తెలిపారు. తొలిరెండో రోజుల్లో భారత్‌లో రూ. 31.51 కోట్లు సాధించిన ఈ సినిమా ఆదివారం మరింతగా వసూళ్లు రాబట్టే అవకాశముందని పేర్కొన్నారు. ఈ విదేశాల్లోనూ ఈ సినిమా పెద్ద ఎత్తున వసూళ్లు రాబట్టుతున్నదని, యూఈఏ కలుపుకొని విదేశాల్లో రెండురోజుల్లో ఈ సినిమా రెండు మిలియన్‌ డాలర్లు (రూ. 13.36కోట్లు) రాబట్టిందని వెల్లడించారు.
 
 గతంలో సూపర్ హిట్ అయిన 'హౌస్‌ఫుల్‌' సినిమాకు థర్డ్ పార్ట్‌గా తాజా సినిమా ప్రేక్షకుల ముందుకు వచ్చింది. అక్షయ, రితేశ్, అభిషేక్‌ లకు జోడీగా జాక్వలిన్ ఫెర్నాండెజ్‌, లిసా హేడన్‌, నర్గీస్‌ ఫక్రీ నటించారు. అక్షయ్‌, రితేశ్‌ 'హౌస్‌ఫుల్‌' తొలి రెండు పార్ట్‌లలో కనిపించగా.. మూడో పార్టులో తాజాగా అభిషేక్ ఎంట్రీ ఇచ్చాడు. ఈ సినిమాను నడియావాలా గ్రాండ్‌సన్స్ ఎంటర్‌టైన్‌మెంట్‌ నిర్మించింది.


 ముంబై: బాలీవుడ్ దర్శక ద్వయం సాజిద్‌-ఫర్హాద్‌ తాజా సినిమా 'హౌస్‌ఫుల్-3‌'... అక్షయ్‌కుమార్, రితేశ్‌ దేశ్‌ముఖ్‌, అభిషేక్‌ బచ్చన్‌ హీరోలుగా నటించిన ఈ కామెడీ మూవీ మీద క్రిటిక్స్‌ పెదవి విరిచారు. రివ్యూలూ సోసోగానే వచ్చాయి. ఒక్క అక్షయ్‌ నటన తప్ప పెద్దగా కామెడీ లేకుండానే 'హౌస్‌ఫుల్‌-3' ఉందంటూ రివ్యూలు అభిప్రాయపడ్డాయి. ఈ రివ్యూల సంగతి ఎలా ఉన్నా.. తొలిరోజు మాత్రం ఈ సినిమా భారీగానే కలెక్షన్లు రాబట్టింది. శుక్రవారం విడుదలైన ఈ సినిమా తొలిరోజు రూ. 15.21 కోట్లు రాబట్టిందని చిత్ర యూనిట్‌ ఓ ప్రకటనలో తెలిపింది.
 
 గతంలో సూపర్ హిట్ అయిన 'హౌస్‌ఫుల్‌' సినిమాకు థర్డ్ పార్ట్‌గా తాజా సినిమా ప్రేక్షకుల ముందుకు వచ్చింది. అక్షయ, రితేశ్, అభిషేక్‌ లకు జోడీగా జాక్వలిన్ ఫెర్నాండెజ్‌, లిసా హేడన్‌, నర్గీస్‌ ఫక్రీ నటించారు. అక్షయ్‌, రితేశ్‌ 'హౌస్‌ఫుల్‌' తొలి రెండు పార్ట్‌లలో కనిపించగా.. మూడో పార్టులో తాజాగా అభిషేక్ ఎంట్రీ ఇచ్చాడు. ఈ సినిమాను నడియావాలా గ్రాండ్‌సన్స్ ఎంటర్‌టైన్‌మెంట్‌ నిర్మించింది.


 సాధారణంగా సినిమా సెట్లో హుషారైన ఒక్క హీరోయిన్ ఉంటే చాలు సందడి వాతావరణం కనిపిస్తోంది. అలాంటి ముగ్గురు తారలు ఒకేసారి ఒకేచోటు ఉన్నారంటే వారి గొడవలు, ఒకరిపై ఒకరు కామెంట్లు చేసుకోవడం సహజమే. కానీ, ఇక్కడ చూడండి లీసా హెడాన్, నర్గీస్ ఫక్రీ, జాక్వెలైన్ ఫెర్నాండేజ్ ఎంత జాలీగా ఆడుతూ పాడుతూ ఎంజాయ్ చేస్తున్నారు. ముగ్గురు హీరోయిన్లు ఒకే ఫ్రేమ్ లో కనిపించి, డ్యాన్స్ చేస్తూ కనిపించారు. బాలీవుడ్ హీరో రితేష్ దేశ్ ముఖ్ ఓ ఫొటోను తన ఖాతాలో పోస్ట్ చేశాడు. హౌస్ ఫుల్ లో అందమైన భామలు అంటూ ట్వీట్ చేశాడు. ఉదయ్ చోప్రాతో బ్రేకప్ తర్వాత మూడాఫ్ లో ఉన్న నర్గీస్ ఫక్రీ షూటింగ్ నుంచి వెళ్లిపోయింది. ఇప్పుడు మూవీ ప్రమోషన్లలో పాల్గొంటుంది.
 
 బాలీవుడ్ లో హౌస్ ఫుల్ సిరీస్ మూవీలో ఎంత పాపులర్ చెప్పనక్కర్లేదు. ఆ సిరీస్ నుంచి తాజాగా విడుదులకు సిద్ధంగా ఉన్న మూవీ 'హౌస్ఫుల్ 3'. 2010లో హౌస్ఫుల్, 2012లో హౌస్ఫుల్ 2 కామెడీ థ్రిల్లర్ మూవీలు. ఈ మూవీలో అలరించిన అక్షయ్ కుమార్, రితేష్ దేశ్ముఖ్ లేటెస్ట్ మూవీలో కూడా నటిస్తున్నారు. వీరితో పాటు అభిషేక్ బచ్చన్, నర్గీస్ ఫక్రీ, జాక్వెలైన్ ఫెర్నాండేజ్, లీసా హెడాన్ కీలక పాత్రల్లో కనిపించనున్న ఈ మూవీని ఫర్హాద్, సాజిద్ తీస్తున్నారు. జూన్ 3న ఈ మూవీ విడుదలకు సిద్ధంగా ఉంది.
  
 
 Housefull of Beautiful ladies @HaydonLisa @NargisFakhri @Asli_Jacqueline pic.twitter.com/7dTUHtxURh
 — Riteish Deshmukh (@Riteishd) 27 May 2016


 న్యూఢిల్లీ: బాలీవుడ్ నుండి హాలీవుడ్ తెరకు ఎంతో మంది నటీనటులు పరిచయమయ్యారు. అందులో కొందరు సక్సెస్ అయ్యారు. ఇప్పటికే దీపికా పదుకొనే, ప్రియాంకచోప్రా హాలీవుడ్ సినిమాలతో సందడి చేస్తుండగా మరో బ్యూటీ జాక్వలిన్ ఫెర్నాండెజ్ కూడా హాలీవుడ్ ఎంట్రీ ఇవ్వనుంది. బాలీవుడ్ లో మంచి క్రేజ్ తెచ్చుకున్న శ్రీలంక అందం హాలీవుడ్ లోనూ తన మార్క్ పేరు తెచ్చుకునేందుకు తాపత్రయ పడుతోంది. ఇప్పటివరకూ అమెరికన్, బ్రిటీష్ మూవీలు, షోలు చేయలేదని అందుకే కాస్త కంగారుగా ఉన్నట్లు పేర్కొంది. అక్కడి మూవీల కోసం పూర్తిగా మారిపోవాలని అనుకున్నానని, నటీనటులకు హద్దులు లేవని అభిప్రాయపడింది.
 
 మెర్సిడేజ్ పాపాలయా, కాథరిన్ బార్రెల్, బ్లైథే హబ్బార్డ్ ముఖ్యపాత్రల్లో కనిపించనున్న ఓ సైకలాజికల్ థ్రిల్లర్ మూవీలో ఆమె నటిస్తోంది. సైకాలజీ స్డూడెంట్ గా ఆమె కనిపించనుంది. మొదట చేయాల్సింది ఇంగ్లీష్ యాస మాట్లాడం నేర్చుకోవాలని అక్కడి వారు ఆమెకు సూచించారు. దీంతో ఇంగ్లీష్ మాట్లాడే యాసను మార్చుకోవడానికి హాలీవుడ్ మూవీలు చూశానని చెప్పింది. ప్రస్తుతం 'హౌస్ ఫుల్ 3' లో అక్షయ్ కుమార్, రితేష్ దేశ్ ముఖ్, అభిషేక్ బచ్చన్, నర్గీస్ ఫక్రీ, లారాదత్తాలతో కలిసి నటించింది. గతంలో చేసిన సినిమాలలో అలాంటి చిత్రాలు చేయలేదంటూ హాలీవుడ్ మూవీ వివరాలు పంచుకుంది.


 ముంబై: బాలీవుడ్ స్టార్ హీరో అక్షయ్ కుమార్ వాచీ చోరీ చేశాడు. హీరో ఏంటీ.. వాచీని దొంగిలించడమేంటని ఆశ్చర్యపోతున్నారా.. ఆ వివరాలు చూడండి. బాలీవుడ్, హిందీ టీవీ ప్రేక్షకులకు పరిచయం అక్కర్లేని కార్యక్రమం 'ద కపిల్ శర్మ షో'. ఈ షో లేటెస్ట్ ఈవెంట్లో కొందరు బాలీవుడ్ స్టార్లు పాల్గొని అభిమానులను అలరించారు. 'హౌస్ ఫుల్ 3' మూవీలో నటిస్తున్న హీరోలు అభిషేక్ బచ్చన్, అక్షయ్ కుమార్, రితేష్ దేశ్ ముఖ్ కపిల్ శర్మ టీవీ షోలో పాల్గొన్ని సందడి చేశారు.
 
 కపిల్ శర్మ ఈవెంట్లో ఓ లక్కీ కాంటెస్టెంట్ ను విజేతగా ఎంపికచేస్తారు. అతడిని స్టేజ్ మీదకు పిలిచి గిఫ్ట్ ఇచ్చారు. అయితే స్టార్ హీరోలతో ఆ లక్కీ అభిమాని హ్యాపీగా ఉన్నాడు. వారితో కొద్దిసేపు ముచ్చటిస్తుండగా.. అక్షయ్ చాకచక్యంగా ఆ వ్యక్తి వద్ద నుంచి వాచీ కొట్టేశాడు. ఈ విషయం అక్షయ్ చెప్పేవరకూ అతడు గుర్తించలేకపోయాడట. కొద్దిసేపటి తర్వాత అక్షయ్ ఆ లక్కీ కాంటెస్టెంట్ ను పిలిచి వాచీ ఇచ్చేసి అతడితో కాసేపు ముచ్చటించాడు. తన వాచీని హీరో ఎప్పుడు కొట్టేశాడో అర్థంకాక లక్కీ పర్సన్ ఆశ్చర్యపోయాడు. తమ మూవీ ప్రమోషన్లో భాగంగా కొన్ని సీన్ల గురించి ఈ స్టార్ హీరోలు అభిమానులతో కొద్ది సమయం ముచ్చటించారు.


 బాలీవుడ్ ఇండస్ట్రీలో బ్రేకప్ సీజన్ నడుస్తోంది. ఇప్పటికే చాలా మంది బాలీవుడ్ జంటలు విడిపోగా తాజాగా ఈ లిస్ట్ లో మరో హాట్ కపుల్ జాయిన్ అయ్యింది. చాలా రోజులుగా  డేటింగ్ చేస్తున్న బాలీవుడ్ స్టార్ ఉదయ్ చోప్రా, నర్గీస్ ఫక్రీలు విడిపోయారు. నర్గీస్ పెళ్లి ప్రస్థావనను ఉదయ్ తిరస్కరిచటంతో అలిగిన నర్గీస్ న్యూయార్క్ వెళ్లిపోయింది.
 
 గతంలో ఉదయ్ పెళ్లి చేసుకుందామన్న సమయంలో తన కెరీర్ మీద దృష్టి పెట్టిన నర్గీస్ ఫక్రీ పెళ్లికి నో చెప్పింది. ఇప్పుడు అదే ప్రస్తావనను నర్గీస్ తీసుకువచ్చినప్పుడు ఉదయ్ చోప్రా నో చెప్పాడు. దీంతో తీవ్ర మానసిక వేదనకు గురైన నర్గీస్ ఫక్రీ అజర్, హౌస్ ఫుల్ 3 సినిమాల ప్రమోషన్ తో పాటు బాంజో షూటింగ్ ను కూడా మధ్యలో వదిలేసి వెళ్లిపోయింది.


 ముంబై: బాలీవుడ్ యాక్షన్ హీరో అక్షయ్‌కుమార్ భార్య, ఒకప్పటి హీరోయిన్ ట్వింకిల్ ఖన్నా మరోసారి వివాదాల్లో చిక్కుకుంది. ప్రస్తుతం రచయితగా, కాలమిస్ట్‌గా ముందుకుసాగుతున్న ట్వింకిల్‌ సోషల్ మీడియాలో చురుకైన ఛలోక్తులు విసరడంలో దిట్టగా పేరు తెచ్చుకుంది. ఆమె చేసే వ్యంగ్య వ్యాఖ్యలు కొన్నిసార్లు ఆనందాన్ని పంచితే.. కొన్నిసార్లు వివాదాలు రేపాయి. తాజాగా 'ఆర్ట్ ఆఫ్ లివింగ్' వ్యవస్థాపకుడు, శ్రీశ్రీ రవిశంకర్‌ను ఉద్దేశించి ఆమె చేసిన ట్వీట్‌ దుమారం రేపింది.
 'శ్రీశ్రీవి ఉదాత్తమైన ఆలోచనలు. కానీ యోగా చేసేటప్పుడు ఆయన సగం గడ్డం నోటిలోకే వెళుతుంది. ఈ విషయంలో రాందేవ్‌ బాబా పర్ఫెక్ట్‌ అని చెప్పొచ్చు' అంటూ ట్వింకిల్ ఖన్నా ట్విట్టర్‌లో కామెంట్ చేసింది. దీనికి 'హోలీ మెన్ అండ్ హెయిరీ టేల్స్‌' (పవిత్ర పురుషుల వెంట్రుకల కథలు) అనే హ్యాష్‌ట్యాగ్ జోడించింది. ట్వింకిల్ ట్వీట్‌ రవిశంకర్‌ అభిమానుల్ని గాయపర్చింది. దురుద్దేశంతో చేసిన ఈ వ్యాఖ్యలు లక్షలాది మంది రవిశంకర్ అనుచరులను గాయపర్చాయని, కాబట్టి  అక్షయ్ తాజా సినిమా 'హౌస్‌ఫుల్-3' తాము బహిష్కరిస్తారని హెచ్చరిస్తూ ఆర్ట్ ఆఫ్ లివింగ్ అంతర్జాతీయ డైరెక్టర్ దర్శక్ హథీ ట్వీట్‌ చేశారు.
 
 తన ట్వీట్‌పై వివాదం రేగడంతో ఆమె వెంటనే దానిని తొలగించారు. 'ఎవరి మనోభావాలను దెబ్బతీసే ఉద్దేశం నాకు లేదు. అది కేవలం జోక్‌ మాత్రమే. పొరపాటు ఏదైనా జరిగితే నేను సరిదిద్దుకోగలను' అంటూ ట్వింకిల్ వివరణ ఇచ్చారు. అదే సమయంలో అక్షయ్ సినిమాను బహిష్కరిస్తామని దర్శక్ హథీ చేసిన బెదిరింపులపై ఆమె తీవ్రంగా స్పందించారు. 'ఆర్ట్ ఆఫ్ లివింగ్ ఉపాధ్యాయుడు ఆర్ట్ ఆఫ్ బెదిరింపులను అనుసరిస్తున్నారా? నేనే ఏమైనా అంటే నన్ను అడగండి. అంతేకానీ నా భర్తను లాగి.. సినిమాను బహిష్కరిస్తామని హెచ్చరించడం సిగ్గుచేటు' అంటూ ఆమె తీవ్రంగా స్పందించారు. దీంతో తమ మనోభావాలు దెబ్బతినడం వల్లే తాను అలా స్పందించానని, నా వ్యాఖ్యలు ఏమైనా మిమ్మల్ని బాధిస్తే క్షమించండని దర్శక్ హాథీ మరో ట్వీట్‌లో వివరణ ఇచ్చారు.


 ముంబై: బాలీవుడ్ నటుడు అక్షయ్ కుమార్ తనకు వెరీ లక్కీ అని సింగర్ మికా సింగ్ అంటున్నాడు. అక్షయ్ హీరోగా నటించిన 'హౌస్ ఫుల్ 3' మూవీలోనూ కొన్ని పాటలు పాడిన మికా ఆ హీరోపై తన అభిమానాన్ని చాటుకున్నాడు. తాను పాడిన పాట 'తాంగ్ ఉత్కే' ఆవిష్కరణలో మికా మాట్లాడుతూ... 'సింగ్ ఈజ్ కింగ్ లో తొలి పాట పాడాను. అది చాలా సూపర్ హిట్టయింది. సింగ్ ఈజ్ కింగ్ పాట కేవలం అక్షయ్ వల్లనే సక్సెస్ అయింది. ఆ హీరో కోసం నేను పాడిన పాటలు అన్నీ బాగా పాపులర్ అయ్యాయి' అని సింగర్ మికా ఆనందాన్ని వ్యక్తంచేశాడు.
 
 'స్టంట్స్ తో ప్రేక్షకులను ఆకట్టుకునే అక్షయ్ చాలా బాగా డ్యాన్స్ చేశాడు. దాంతో పాటలకు మంచి జోష్ వచ్చింది' అని మికా చెప్పాడు. ఇప్పటివరకూ చాలా పాటలు పాడాను. అందులో అక్షయ్ కోసం పాడినవే ఎక్కువగా ఉన్నాయ. నాకు మాత్రం 'సింగ్ ఈజ్ కింగ్' ఆల్ టైమ్ ఫెవరెట్ గా నిలిచిపోతుంది. లేటెస్ట్ మూవీ 'హౌస్ ఫుల్ 3'లో అభిషేక్ బచ్చన్, రితేష్ దేశ్ముఖ్, జాక్వెలైన్ ఫెర్నాండేజ్, నర్గీస్ ఫక్రీ, లిసా హేడాన్, తదితరులు కీలక పాత్రల్లో కనిపించనున్నారు.


 ముంబయి: ఎయిర్ లిఫ్ట్.. సింగ్ ఈజ్ బ్లింగ్ ఈ రెండు కూడా భిన్నమైన చిత్రాలు. ఒకటి ఎంతో సీరియస్ కంటెంట్ ఉన్న కథ అయితే మరొకటీ పూర్తి హాస్యభరిత అంశంతో కూడిన అంశం. అలాగే, రుస్తుం.. హౌజ్ ఫుల్ 3.. ఇవి కూడా పూర్తిగా భిన్నమైన చిత్రాలే.. ఈ చిత్రాలన్నింటిలో కూడా నటించిన హీరో అక్షయ్ కుమార్. ఆయన ఇలా ఎందుకు సీరియస్, కామెడీ చిత్రాల్లో వరుసగా నటిస్తున్నారని ప్రశ్నిస్తే.. అలా చేయడం తనకు ఎంతో సరదాను ఇస్తుంటుందని చెప్తున్నారు.
 
 హౌజ్ పుల్ చిత్ర విశేషాల గురించి తెలిపారు. తాను ఈ చిత్రంలో స్ప్లిట్ పర్సనాలటీ క్యారెక్టర్ తో నటించానని, అలా అని స్ప్లిట్ పర్సనాలిటీ స్టోరీలను చదవలేదని చెప్పారు. ఇది కేవలం ఒక కామెడీ చిత్రమే అన్నారు. ఈ చిత్రంలో తాను ఫుట్ బాల్ ప్లేయర్ గా నటిస్తున్నానని, డిస్ససోయేట్ ఐడెంటిటీ డిసార్డర్(డిడ్)తో బాధపడుతుంటానని తెలిపారు. కామెడీ చిత్రాలు, సీరియస్ కంటెంట్ ఉన్న చిత్రాల్లో తాను చివరివరకు నటిస్తూనే ఉంటానని చెప్పారు. రితేశ్ దేశ్ ముఖ్ తో నటించడం కొత్తగా చెప్పడానికి ఏం లేదని, అయితే, ఈ చిత్రంలో కొత్తగా అభిషేక్ బచ్చన్ ఎంట్రీ ఇచ్చాడని చెప్పారు. ఆయన ఒక జెంటిల్ మేన్ అని ఆయనతో నటించడం ఇష్టంగా భావిస్తానని తెలిపారు.


 హౌస్‌ఫుల్ 3 : ట్రైలర్
 ఈ ఏడాది జూన్ 3న విడుదల అవుతున్న బాలీవుడ్ రొమాంటిక్ కామెడీ ఫిల్మ్ ‘హౌస్‌ఫుల్ 3’ అఫిషియల్ ట్రయల్ రిలీజ్ అయింది. అక్షయ్ కుమార్, అభిషేక్ బచ న్, రితేష్ దేశ్‌ముఖ్ వంటి వారితో కామెడీ పండించడంలో ఫర్హాద్ సాదిజ్ (దర్శకుడు) సక్సెస్ కొట్టారని ఈ ట్రైలర్ చూస్తే అర్థమౌతోంది. ‘నేను బటూక్ పటేల్. లండన్ సిటీ లక్కీయెస్ట్ ఫాదర్. ఎందుకంటే నవనాగరికులైన ముగ్గురు కూతుళ్ల తండ్రిని నేను’ అంటూ కారు డ్రైవ్ చేసుకుంటూ వస్తుండే బొమన్ ఇరానీతో ట్రైలర్ మొదలవుతుంది.
 
 వెంటనే ఆ ముగ్గురు కూతుళ్లూ ఆయన చెప్పినట్లుగానే నవ నాగరిక దుస్తులలో నవ్వుతూ, తుళ్లుతూ దర్శనం ఇస్తారు. అయితే వాళ్లకు పెళ్లి చెయ్యడం బొమన్‌కు ఇష్టం ఉండదు. వాళ్లు మాత్రం చక్కగా ప్రేమలో పడతారు. ఇక వాళ్ల బాయ్‌ఫ్రెండ్స్ పని.. ఆ అమ్మాయిల తండ్రిని తమ పెళ్లికి ఒప్పించడం. అందుకోసం ఆ ముగ్గురు హీరోలు ఎన్ని పాట్లు పడ్డారు  అన్నది సినిమాలో చూడవచ్చు. ట్రైలర్ ఆల్రెడీ హిట్ కొట్టేసింది.
  నిడివి : 3 ని. 27 సె.
  హిట్స్ : 78,97,608
  
 కపిల్ శర్మ షో - ఎపిసోడ్ 2
 లేటెస్ట్ బాలీవుడ్ చిత్రం ‘బాగీ’ హీరో టైగర్ ష్రాఫ్, అందులోనే ఆయన సరసన నటించిన అపురూప అందాల తార శ్రద్ధాకపూర్ కలిసి కపిల్ శర్మ దర్బార్‌లో అక్కడి గ్యాంగ్‌తో సినిమా ప్రమోషన్ కోసం వేసిన స్కిట్‌ల వంటి వీడియో షూట్ ఇది. సోనీ టీవీలో రెండో ఎపిసోడ్‌గా ఇది ప్రసారం అయింది. కలర్స్ టీవీ చానెల్ నుంచి విడిపోయి వచ్చి, కొంత విరామం తర్వాత కపిల్ శర్మ.. సోనీలో తన షోని మొదలు పెట్టారు. తొలి ఎపిసోడ్ ఏప్రిల్ 23న టెలికాస్ట్ అయింది. దానికి బాలీవుడ్ సూపర్‌స్టార్ షారుక్‌ఖాన్ ముఖ్య అతిథిగా వచ్చారు.
 
 కడుపు చెక్కలయ్యేలా నవ్వించడంలో తన సత్తా కొద్దిగానైనా తగ్గలేదని కపిల్ కూడా తన రీ ఎంట్రీతో నిరూపించుకున్నారు. ఇప్పుడీ రెండో ఎపిసోడ్‌లోనూ అతడు దానిని నిలబెట్టుకున్నాడు. వీడియో నిడివి కాస్త పెద్దదే అయినా... అందులోని గిలిగింతల కామెడీ వల్ల వీక్షణ సమయం ఎక్కువగా ఉన్నట్లు అనిపించదు.
  నిడివి : 1 గం. 10 ని.16 సె.
  హిట్స్ : 30,71,929


 అడల్ట్‌ చిత్రాలు, సెక్స్ కామెడీ సినిమాల్లో నటించడానికి తాను సిద్ధమే కానీ, బాలీవుడ్‌లో మాత్రం అలాంటి సినిమాలు చేయబోనని అంటోంది హీరోయిన్ నర్గీస్ ఫక్రీ. ప్రస్తుతం 'హౌస్‌ఫుల్‌-3' సినిమాలో నటిస్తున్న ఈ ముద్దుగుమ్మ ఇండియాలో అలాంటి సినిమాలు చేయలేనని, అమెరికా లేదా ఇతర విదేశాల్లో అయితే అలాంటి సినిమాలు చేసినా ఎలాంటి అభ్యంతరముండదని చెప్పుకొచ్చింది.
 
 అమెరికాకు చెందిన 36 ఏళ్ల మోడల్ అయిన నర్గీస్ కు ప్రస్తుతం బాలీవుడ్‌లో మంచి ఆఫర్లే వస్తున్నాయి. 'నేను ఇక్కడ అలాంటి (అడల్ట్‌, సెక్స్ కామెడీ) సినిమాలు చేయబోను. ఆ విషయంలో సెన్స్‌ హ్యూమర్‌ ఇండియాలో చాలా భిన్నంగా ఉంటుంది. అదే అమెరికా, జర్మనీ, లండన్‌లో అయితే వాళ్ల సెన్స్ ఆఫ్ హ్యుమర్‌ వేరే రకంగా ఉంటుంది. అమెరికాలో అయితే నేను తప్పకుండా ఆ సినిమాల్లో నటిస్తా. ఇక్కడ మాత్రం చేయను' అని నర్గీస్‌ తాజాగా సెలవిచ్చింది.
 
 బాలీవుడ్‌లో ఇప్పుడు అడల్ట్ కామెడీ సినిమాలకు మంచి మార్కెట్టే ఉంది. గ్రాండ్ మస్తీ, క్యా కూల్ హై హమ్, మస్తీజాదే వంటి పెద్దల సినిమాలు బాగానే కాసులు కురిపించాయి. అయితే, ఇప్పటివరకు బాలీవుడ్‌లో వచ్చిన అడల్ట్ కామెడీ సినిమాలు చూడలేదని నర్గీస్ తెలిపింది. అక్షయ్‌ కుమార్, అభిషేక్ బచ్చన్‌, రితేశ్‌ దేశ్‌ముఖ్, జాక్వలిన్ ఫెర్నాండెజ్, లిసా హెడెన్‌ వంటి ప్రముఖ తారాగణంతో సాజిద్-పర్హాద్ ద్వయం 'హౌస్‌ఫుల్-3'ను తెరకెక్కిస్తోంది. ఈ సినిమాతోపాటు అజారుద్దీన్ జీవిత చరిత్రతో తెరకెక్కుతున్న 'అజార్‌' సినిమాలోనూ నర్గీస్ నటిస్తోంది.


 అభిషేక్, ఐశ్వర్యల మధ్య కీచులాట మొదలైందని ఇండస్ట్రీలో పుకార్లు షికార్లు చేశాయి. ఇన్నేళ్ల పచ్చని సంసారంలో ఇదేంటని ఆరా తీస్తే.. అసలు విషయం తెలిసింది. తన గారాల పట్టి ఆరాధ్య కోసం ఇన్నేళ్లూ సినిమాలకు దూరంగా ఉన్న ఐశ్వర్య.. ‘ఏ దిల్ హే ముష్కిల్’ సినిమాతో మరో ఇన్నింగ్స్‌కు సిద్ధమవుతోంది. ఈ అందాల సుందరి రీ ఎంట్రీ ఇస్తున్న ఈ సినిమా.. అభిషేక్ నటిస్తున్న ‘హౌజ్‌ఫుల్ 3’ సినిమా రెండూ ఒకేసారి బాక్సాఫీస్ ముందుకు వచ్చేలా ఉన్నాయట. అదీ 2016లో. ఎప్పుడో ఆన్‌స్క్రీన్‌లో ఇద్దరి సినిమాలు క్లాష్ అవుతున్నాయని.. గాసిప్ రాయుళ్లు ఆఫ్‌స్క్రీన్‌లో ఇప్పుడే ముసలం పుట్టిందని వదంతులు పుట్టించారు.