సాక్షి, ఏలూరు: సోషల్‌ మీడియాలో హాయ్‌ అంటూ ఆమెకు దగ్గరయ్యాడు. ప్రతీరోజూ చాటింగ్‌, కాల్స్‌ చేసి ఆమెకు నమ్మకం కలిగించాడు. ఇంతలోనే నువ్వంటే ఇష్టమని మనసులోని మాట తనకు చెప్పేశాడు. తర్వాత తన అసలు రంగు బయటపెట్టాడు యువకుడు. వీడియో కాల్‌ చేసి ఆమెతో అసభ్యకరంగా మాట్లాడుతూ.. వీడియోలు రికార్డు చేశాడు. అనంతరం.. ఆమెను వేధింపులకు గురిచేశాడు. దీంతో, రంగంలోకి దిగిన పోలీసులు.. రంగుల రాజాను అదుపులోకి తీసుకున్నాడు.  వివరాల ప్రకారం.. విజయనగరం జిల్లాకు చెందిన నవీన్‌.. ఇన్స్‌స్టాగ్రామ్‌లో హైదరాబాద్‌లో ఎంబీఏ చేస్తున్న యువతితో పరిచయం పెంచుకున్నాడు. తరుచు ఆమెతో చాటింగ్‌, కాల్స్‌ చేస్తూ చనువుతో మెదిలాడు. ఇలా కొద్దిరోజులు గడిచాక.. ఆమెను ప్రేమిస్తున్నానంటూ మనసులోని కపట ప్రేమను వ్యక్తం చేశాడు. అతడి మాటలు నమ్మిన బాధితురాలు నవీన్‌కు గ్రీన్‌సిగ్నల్‌ ఇచ్చింది. దీంతో, స్పీడ్‌ పెంచిన నవీన్‌.. యువతితో చనువు పెంచుకుని వీడియో కాల్స్‌ చేస్తూ అసభ్యకరంగా వీడియోలు తీసి రికార్డు చేసుకున్నాడు.  ఇక, కొద్దిరోజులు గడిచిన తర్వాత వారిద్దరూ ఏకాంతంగా మాట్లాడుతున్న వీడియోలను ఆమెకు చూపించిన బెదిరింపులకు దిగాడు. డబ్బులు కావాలని డిమాండ్‌ చేశాడు. తాను అడిగిన డబ్బులు ఇవ్వకపోతే ఆ వీడియోలను ఆమె బంధువులకు, సోషల్‌ మీడియాలో పోస్ట్‌ చేస్తానంటూ బెదిరించి బాధితురాలు దగ్గరి నుంచి రూ.25వేలు వసూలు చేశాడు. తాజాగా వీడియోలను అడ్డుపెట్టుకుని మరో లక్ష రూపాయాలు డిమాండ్‌ చేశాడు. దీంతో, చేసేదేమీ లేక బాధితురాలు ఈ విషయాన్ని తన పేరెంట్స్‌ చెప్పింది. ఈ క్రమంలో వారంతా కలిసి ఓ ప్లాన్‌ చేశారు. తన ఇంటి వద్దే నవీన్‌కు డబ్బులు ఇస్తానని చెప్పి.. అక్కడికి రావాలని కోరింది. ఈ క్రమంలో నవీన్‌.. ఆమె ఇంటి వద్దకు రావడంతో.. అతడిని పట్టుకోవాలని వారు ప్రయత్నించారు. నవీన్‌ అక్కడి నుంచి తప్పించుకున్నాడు. దీంతో, బాధితురాలు కుటుంబ సభ్యులు పోలీసులకు ఫిర్యాదు చేయడంతో నవీన్‌ను పోలీసులు అదుపులోకి తీసుకున్నారు.  ఇది కూడా చదవండి: ఘాతుకం: కళ్లకు గంతలు.. కాళ్లు చేతులు వైర్లతో కట్టేసి.. ప్రేయసిని పూడ్చిపెట్టాడు

సాక్షి, సిటీబ్యూరో: సోషల్‌మీడియా యాప్‌ ఇన్‌స్టాగ్రామ్‌లో లవ్‌ ఆ్రస్టాలజర్‌ గోపాల్‌ శాస్త్రిగా ప్రకటనలు ఇచ్చి, సంప్రదించిన వారిని నిండా ముంచుతున్న పంజాబ్‌లోని మొహాలీ ప్రాంతానికి చెందిన లలిత్‌ ఎట్టకేలకు చిక్కాడు. నగర యువతి నుంచి రూ.47.11 లక్షలు కాజేసిన ఇతడిని అక్కడ అరెస్టు చేసి నగరానికి తీసుకువచ్చినట్లు జాయింట్‌ సీపీ డాక్టర్‌ గజరావ్‌ భూపాల్‌ సోమవారం ప్రకటించారు.  వివరాల ప్రకారం.. లలిత్‌ తండ్రి గోపాల్‌ చాంద్‌ జ్యోతిష్యుడు. ఆయన నుంచి వారసత్వంగా ఈ విద్యను నేర్చుకుని వృత్తి చేపట్టాడు. కొన్నాళ్ల క్రితం ఇన్‌స్టాగ్రామ్‌లో ఖాతాలు తెరిచిన లలిత్‌ ఆన్‌లైన్‌ జ్యోతిష్యమంటూ గూగుల్, యూట్యూబ్స్‌లో యాడ్స్‌ ఇచ్చాడు. నగరానికి చెందిన ఓ యువతి సాఫ్ట్‌వేర్‌ ఇంజినీర్‌గా పని చేస్తోంది. జాతకాలు, పూజలపై నమ్మకం ఉన్న ఆమె కొన్ని వ్యక్తిగత సమస్యల నేపథ్యంలో వాటి పరిష్కారం కోసం ప్రయత్నాలు చేసింది. ఇలా ఉండగా  ఆన్‌లైన్‌లో వచ్చిన ఓ ప్రకటన ఆమె దృష్టిని ఆకర్షించింది. అందులోని ఫోన్‌ నంబర్‌లో సంప్రదించింది. తన విషయాన్ని గోపాల్‌ శాస్త్రిగా చెప్పుకున్న లలిత్‌కు చెప్పగా సమస్యలు పరిష్కరిస్తానంటూ నమ్మబలికాడు.  తొలుత ఆమె వివరాలు తెలుసుకున్న బురిడీ బాబా ఏదో పరిశీలనలు చేస్తున్నట్లు బిల్డప్‌ ఇచ్చాడు. చివరకు జాతకంలో కొన్ని దోషాలు ఉన్నాయని, నివారణ పూజలు చేసి సరిదిద్దుతానని నమ్మబలికాడు. పూజ ప్రారంభించడానికి, ఇతర ఖర్చులకు రూ.32 వేలు చెల్లించాలని కోరాడు. ఇలా మొదలెట్టిన అతగాడు పలు దఫాలుగా రకరకాల పేర్లు చెప్పి ఆమె నుంచి రూ.47.11 లక్షలు వసూలు చేశాడు. బాధితురాలు సిటీ సైబర్‌ క్రైమ్‌ ఏసీపీ కేవీఎం ప్రసాద్‌కు ఫిర్యాదు చేసింది. ఆయన ఆదేశాలతో కేసు నమోదు చేసుకున్న ఇన్‌స్పెక్టర్‌ కె.హరిభూషణ్‌రావు నేతృత్వంలోని బృందం దర్యాప్తు చేసింది. లలిత్‌ను మొహాలీలో అరెస్టు చేసి పీటీ వారెంట్‌పై సిటీకి తీసుకువచ్చింది. గతంలో పాతబస్తీకి చెందిన ఓ మహిళ కూడా ఇదే తరహాలో రూ.4 లక్షలు కోల్పోయింది. ఆ నేరంలో ఇతడి ప్రమేయంపై ఆరా తీస్తున్నారు.     

టి20 ప్రపంచకప్‌లో భాగంగా సూపర్‌-12లో టీమిండియా మరో విజయం ఖాతాలో వేసుకుంది. పాకిస్తాన్‌పై మధురమైన విజయం సాధించిన టీమిండియా అదే జోరును నెదర్లాండ్స్‌పై చూపించింది. కోహ్లికి తోడుగా సూర్యకుమార్‌ యాదవ్‌, రోహిత్‌ శర్మలు హాఫ్‌ సెంచరీలతో మెరవడం.. ఆపై బౌలర్లు కట్టుదిట్టమైన బంతులతో నెదర్లాండ్స్‌ను తక్కువ స్కోరుకే పరిమితం చేశాడు. ఇక మ్యాచ్‌లో 25 బంతుల్లో ఫిఫ్టీ మార్క్‌ను అందుకున్న సూర్యకుమార్‌ తన ఫామ్‌ను కంటిన్యూ చేశాడు. ప్లేయర్‌ ఆఫ్‌ ది మ్యాచ్‌గా నిలిచిన సూర్యకుమార్‌.. కోహ్లితో చేసిన బ్రొమాన్స్‌ సోషల్‌ మీడియాలో వైరల్‌గా మారింది. విషయంలోకి వెళితే.. మ్యాచ్‌ విజయం అనంతరం కోహ్లి తన ఇన్‌స్టాగ్రామ్‌లో మరొక స్ట్రాంగ్‌ విజయం(Another Strong Result) అంటూ పోస్ట్‌ చేశాడు. దీనిపై స్పందించిన సూర్యకుమార్‌.. ''శూర్‌-వీర్‌ కలిపి'' అంటూ ట్యాగ్‌ చేశాడు.  దీనర్థం ఏంటంటే.. కరణ్‌-అర్జున్‌ లాగా శూర్‌-వీర్‌(సూర్యకుమార్‌లో మొదటి రెండు.. కోహ్లిలో మొదటి రెండు అక్షరాలు కలిపి) టీమిండియాను గెలిపించారని. కాగా సూర్య ట్యాగ్‌కు స్పందించిన కోహ్లి..'' హహహ.. మాన్లా బహు(గుడ్‌ వన్‌ బ్రదర్‌)'' అంటూ పేర్కొన్నాడు.  ఇక మ్యాచ్‌లో తొలుత బ్యాటింగ్‌ చేసిన టీమిండియా.. రోహిత్‌ శర్మ, విరాట్‌ కోహ్లి, సూర్యకుమార్‌ యాదవ్‌లు ఫిఫ్టీలతో కథం తొక్కడంతో నిర్ణీత 20 ఓవర్లలో రెండు వికెట్ల నష్టానికి 179 పరుగులు చేసింది. అనంతరం 180 పరుగుల భారీ లక్ష్యాన్ని ఛేదించేందుకు బరిలోకి దిగిన నెదర్లాండ్స్‌.. నిర్ణీత ఓవర్లలో 9 వికెట్లు కోల్పోయి 123 పరుగులు మాత్రమే చేయగలిగింది. భారత బౌలర్లందరూ మూకుమ్మడిగా రాణించడంతో నెదర్లాండ్స్‌ భారీ తేడాతో ఓడింది. భువీ 3 ఓవర్లలో 2 మెయిడిన్లు వేసి 2 వికెట్లు పడగొట్టగా.. అర్షదీప్‌, అక్షర్‌ పటేల్‌, అశ్విన్‌లు కూడా తలో 2 వికెట్లు తీశారు. షమీకి ఓ వికెట్‌ దక్కింది. వరుసగా రెండు విజయాలతో గ్రూఫ్‌-2లో అగ్రస్థానంలో ఉన్న టీమిండియా తన తర్వాతి మ్యాచ్‌ను ఆదివారం(అక్టోబర్‌ 30న) సౌతాఫ్రికాతో ఆడనుంది. View this post on Instagram A post shared by Virat Kohli (@virat.kohli) చదవండి: నెదర్లాండ్స్‌పై గెలుపు.. 'సంతోషంగా మాత్రం లేను' బుమ్రా ప్రపంచ రికార్డు సమం చేసిన భువీ.. మరో అరుదైన రికార్డు కూడా..!     var request = 'https://www.sakshi.com/knowwidget/kwstr_1971406958.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

సోషల్ మీడియాలో ఎన్నో రకాల వీడియోలు వైరల్‌ అవుతుంటాయి. కొన్ని కొన్ని వీడియోలు మన మనసుకు హత్తుకుంటాయి.  మరికొన్ని ఆహ్లాదాన్నిస్తాయి. ఇంకొన్నిసార్లు షాకింగ్‌ని కలిగిస్తాయి. తాజాగా బావ..మరదలి మధ్య ప్రేమ బంధాన్ని వర్ణించే ఓ వీడియో సాంగ్‌ వైరల్ అవుతోంది. సాధారణంగా ఏ కుటంబంలోనైనా సరదా కోసం బావను ఆటపట్టించడం..ఎగతాళి చేయడానికి మరదలు ప్రయత్నిస్తుంటారు. అయితే ఈ వీడియోలో మరదలు  తన  బావతో బాలీవుడ్ పాట కు  సరదాగా డ్యాన్స్ చేస్తూ నెటిజన్లును ఫిదా చేస్తుంది. అతను కూడా తన వంతు ప్రయత్నం పాటకు తగ్గట్లుగా హావభావాలు ప్రదర్శిస్తూ ఆకట్టుకున్నాడు. ఈ వీడియోను "బోల్డ్ మీరా స్వాగ్" అనే ఇన్‌స్టాగ్రామ్ యూజర్ షేర్ చేశారు. దీంతో  ఈ వీడియో ప్రస్తుతం సోషల్ మీడియాలో హల్‌చల్‌ చేస్తుంది. లేటు వయసులో మరదలితో ఘాటు డ్యాన్స్‌ అంటూ కొంతమంది నెటిజన్లు ఫన్నీ  కామెంట్స్ చేస్తున్నారు. View this post on Instagram A post shared by Bold Meera (@boldmeeraswag)

భారత బ్యాడ్మింటన్‌ ప్లేయర్‌ గుత్తా జ్వాల ఇటీవల తన ప్రియుడు, తమిళ హీరో విష్ణు విశాల్‌ని పెళ్లాడిన సంగతి తెలిసిందే. గత కొద్ది కాలంగా ప్రేమలో ఉన్న ఈ జంట.. ఏప్రిల్‌ 22న వివాహ బంధంలోకి అడుగుపెట్టారు. హైదరాబాద్ శివారులోని మొయినాబాద్‌లో వీరి వివాహం జరిగింది. ప్రస్తుతం ఈ జంట హైదరాబాద్‌లోనే ఎంజాయ్‌ చేస్తుంది.  కరోనా లాక్‌డౌన్‌ కారణంగా హనీమూన్‌కి వెళ్లలేకపోయిన ఈ ప్రేమ జంట.. పరిస్థితులు చక్కబడే వరకు హైదరాబాద్‌లోనే ఉండాలని డిసైడ్‌ అయింది. ఇదిలా ఉంటే.. పెళ్లి తర్వాత భర్తతో కలిసి తొలిసారి ఇన్‌స్టా రీల్స్‌ వీడియో చేసింది గుత్తా జ్వాల. అందులో విష్ణు విశాల్‌ బెడ్‌పై నిద్రపోయి ఉండగా.. గుత్తా జ్వాలా అతన్ని హత్తుకొని ముఖంతో ఫన్నీ హవభావాలు పలికిస్తూ ఉంది. బ్యాగ్రౌండ్‌లో లిల్‌గ్రౌండ్ బీఫ్ & గార్ఫీల్డ్ ర్యాన్’నథింగ్ టు డూ సాంగ్‌ ప్లే అవుతుంది. ‘నా ఫస్ట్‌ రీల్‌ ఇది చేయాల్సి వచ్చింది ’అంటూ ఈ వీడియోని తన ఇన్‌స్ట్రాగ్రామ్‌ అకౌంట్‌లో పోస్ట్‌ చేసింది జ్వాలా. ప్రస్తుతం ఈ వీడియో సోషల్‌ మీడియాలో వైరల్‌గా మారింది.  View this post on Instagram A post shared by Jwala Gutta (@jwalagutta1)   గుత్తా జ్వాల, విష్ణు విశాల్‌ పెళ్లి ఫోటోల కోసం ఇక్కడ క్లిక్‌ చేయండి 

స్టాక్‌హోమ్: పెళ్లి అనేది నూరేళ్ల పంట. వివాహం అనేది ప్రతి జంట జీవితంలో  ప్రత్యేకమైన రోజు. అయితే కొంతమంది కాబోయే దంపతులకు ప్రణాళిక ప్రకారమే అన్నీ జరుగుతాయా అనే ఆందోళన ఉంటే..మరికొందరు ఆనందంగా ఉంటారు. అయితే తాజాగా స్వీడన్‌కి చెందిన ఓ పెళ్లి వీడియో సోషల్‌ మీడియాలో తెగ వైరల్‌ అవుతోంది. వివాహ వేడుకలో పెళ్లి కొడుకు ‘క్యూబూల్‌ హై’( నేను అంగీకరిస్తున్నాను) అని చెప్పిన వెంటనే వధువు ఎనలేని సంతోషాన్ని వ్యక్తం చేసింది. ఆనందంతో ఎగిరి గంతేసింది. వరుడిని హత్తుకుని ముద్దు పెట్టుకుంది. కాగా ఈ వీడియోలో వివాహానికి వచ్చిన అతిథలు చుట్టూ వరుసలో కూర్చున్నారు. అయితే వధువు మొదట తన ఆనందాన్ని వ్యక్తం చేయడానికి సంశయించినా...బంధువుల ప్రోత్సాహంతో తన ఉత్సాహాన్ని వ్యక్తం చేసింది. ప్రస్తుతం ఈ వీడియోను ‘‘నిత్యం సంతోషంగా ఉండే భార్య’’ అనే క్యాప్షన్‌తో ఇన్‌స్టాగ్రామ్‌లో పోస్ట్‌ చేయగా..15 వేల మంది నెటిజన్లు వీక్షించారు. వధువు ఉత్సాహాన్ని చూసి నెటిజన్లు ఫిదా అవుతున్నారు. నూతన వధూవరులు సంతోషకరమైన వివాహ జీవితాన్ని గడపాలని ఆశీర్వదిస్తూ కామెంట్స్‌ చేస్తున్నారు.  ఇక దీనిపై ఓ నెటిజన్‌ స్పందిస్తూ.. "మీ ఇద్దరికీ అభినందనలు" అంటూ వ్యాఖ్యానించారు. అయితే మరో నెటిజన్‌ "ఇప్పుడు రక్తం పీల్చడానికి లైసెన్స్ పొందండి." అంటూ చమత్కరించారు.   View this post on Instagram A post shared by |~|@m€€[) (@romantic_cute_prince) (చదవండి: ధనవంతులు ఎక్కువగా ఇష్టపడే దేశం తెలుసా?)

హైదరాబాద్‌: దేశవ్యాప్తంగా కరోనా సెకండ్‌ వేవ్‌ విజృంభణ కొనసాగుతోంది. కరోనాపై పోరాటంలో వైద్యులు, వైద్య సిబ్బంది శక్తికి మించి పోరాడుతున్నారు. చాలా మంది వైద్యులు తమ వ్యక్తిగత సంతోషాలను పక్కన పెట్టి కరోనా బాధితులకు చికిత్స అందిస్తున్నారు. చాలా రోజులుగా కుటుంబాలకు దూరంగా గడుపుతున్నారు. ఈ క్రమంలో కొందరు డాక్టర్లు డ్యాన్స్‌ చేస్తూ కరోనా బాధితులకు చికిత్స చేయడంలో తమ ఆనందాన్ని వ్యక్తం చేస్తున్నారు. తాజాగా సల్మాన్‌, దిశా పటాని నటించిన "రాధే" చిత్రంలోని సీటీ మార్‌ పాటకు వైద్యులు డ్యాన్స్‌ చేస్తున్నవీడియో సోషల్‌ మీడియాలో తెగ వైరల్‌ అవుతోంది. ఈ వీడియోను బాలీవుడ్‌ భామ దిషా పటాని ఫ్యాన్స్‌ క్లబ్ ఇన్‌స్టాగ్రామ్‌లో షేర్ చేసింది. మే 14న హైదరాబాద్‌లోని కిమ్స్‌ ఆస్పత్రి డాక్టర్లు కాళ్లు కదుపుతూ చేసిన డ్యాన్స్‌ ఇన్‌స్టాగ్రామ్‌లో పోస్ట్‌ చేయగా.. 35,515 మంది నెటిజన్లు వీక్షించారు. డాక్లర్లు చేసిన డ్యాన్స్‌ని మెచ్చుకుంటూ నెటిజన్లు తమ ప్రేమను పంచుకుంటున్నారు. దీనిపై దిశా పటాని స్పందిస్తూ 'నిజమైన హీరోలు' అంటూ ప్రశంసించింది. "మా ప్రాణాలను కాపాడటానికి తమ ప్రాణాలను పణంగా పెట్టిన వైద్యులకు ధన్యవాదాలు" అని ఓ నెటిజన్‌ ప్రశంసల జల్లు కురిపించాడు. "మీరు నిజమైన హీరోలు. మీ డ్యాన్స్‌ చాలా బాగుంది." అంటూ మరో నెటిజన్‌ ఆనందాన్ని వ్యక్తం చేశారు.   View this post on Instagram A post shared by Team Disha (@teamdishap) (చదవండి: వెరైటీ ఫుడ్‌..దాన్ని చూసి నెటిజన్‌లు షాక్‌!)  

తెలుగు ప్రేక్షకులకు సుపరిచితమైన సమీరా రెడ్డి ఇంట మరోసారి సందడి నెలకొంది. ఆ కుటుంబంలోకి మరో బుజ్జాయి విచ్చేసింది. అశోక్‌, జై చిరంజీవి చిత్రాల్లో హీరోయిన్‌గా నటించిన సమీరా ఆడపిల్లకు జన్మనిచ్చారు. ఈ విషయాన్ని ఆమె తన న ఇన్‌స్టాగ్రామ్‌లో షేర్‌ చేశారు. ‘మా లిటిల్ ఏంజెల్ ఈ ప్రపంచంలోకి అడుగుపెట్టింది. మీ ప్రేమ‌కి, ఆశీర్వాదాల‌కి ధ‌న్య‌వాదాలు’  అంటూ ... ఆ చిన్నారి చేతిని పట్టుకుని ఉన్న ఫోటోను పోస్ట్‌ చేశారు. 2014లో వ్యాపారవేత్త‌ అక్ష‌య్ వార్డేని వివాహం చేసుకున్న సమీరాకు నాలుగేళ్ల కుమారుడు హన్స్‌ ఉన్నాడు. మరోవైపు సమీరాకు అభిమానులు, బాలీవుడ్‌ సెలబ్రెటీల నుంచి శుభాకాంక్షలు వెల్లువెత్తుతున్నాయి. సినిమా ప్రపంచానికి గుడ్‌బై చెప్పిన సమీరా చివరగా 2013లో కన్నడ చిత్రం ‘వరదనాయక’లో కనిపించారు. కాగా సమీరా రెడ్డి ఫోటో షూట్‌లతో హల్‌చల్ చేశారు. మాతృత్వం స్త్రీకి అపురూపమైనదంటూ.. తొమ్మిదో నెలను ఎప్పటికీ గుర్తుంచుకునేలా... దాని కోసమే ఇలా ఫోటోలు దిగానని, ఇదే నిజమైన సమీరా అంటూ బుధవారం ఇన్‌స్టాగ్రామ్‌లో ఓ వీడియోను పోస్ట్‌ చేశారు. ఈ వీడియోలో ఆమె మేకప్‌ లేకుండా సహజంగా కనిపించారు.

సాక్షి, సినిమా :  ఇంగ్లీష్‌ టీవీ షోలతో పాపులర్‌ అయ్యి.. అర డజనుకు పైగా బాలీవుడ్‌ చిత్రాల్లో నటించింది సోఫియా హయత్(33)‌. అయితే పెద్దగా సక్సెస్‌ రాకపోవటంతో సినిమాలకు గుడ్‌ బై చెప్పేసిన ఈ బ్రిటీష్‌ సింగర్‌ ఆ మధ్య సన్యాసం స్వీకరించి ఆమె వార్తల్లో నిలిచారు.  మళ్లీ ఏమనిపించిందో ఏమో బాయ్‌ ఫ్రెండ్‌తో డేటింగ్‌ చేసి అతన్ని వివాహం చేసుకుంది. తర్వాత భర్తతో తరచూ హాట్‌ ఫోటోలు పెడుతూ.. చీప్‌ ట్రిక్స్‌ చేస్తోందంటూ ఫాలోవర్స్‌ నుంచి ఛీత్కారాలను ఆమె ఎదుర్కున్నారు. తాజాగా ఓ వ్యక్తి ఆమెకు ఇన్‌స్టాగ్రామ్‌లో ఓ సందేశం చేశాడు. అది చూసి చిర్రెత్తుకొచ్చిన ఆమె అందుకు ప్రతిగానే బదులు ఇవ్వగా.. అది ఇప్పుడు వైరల్‌ అవుతోంది.  అభిషేక్‌ సింగ్‌ అనే వ్యక్తి సోఫియాతో ఒక రాత్రి తనతో గడపాలని.. అందుకు రూ. 20 లక్షలు ఇస్తానంటూ ఆమెకు ఆఫర్‌ ఇచ్చాడు. అంతే ఆమెకు కోపం తెప్పించింది. ఆపై దానిని స్క్రీన్‌ షాట్‌ తీసి తన ఇన్‌స్ట్రామ్‌లో పోస్ట్‌ చేసింది. ఆ వ్యక్తికి సరైన సమాధానం ఇచ్చావ్‌ శభాష్‌.. అంటూ సోఫియా ఫ్యాన్స్‌ ప్రశంసలు కురిపిస్తున్నారు.                                    సోఫియా చేసిన పోస్ట్‌

సాక్షి, హైదరాబాద్‌: బాలీవుడ్‌ మెగాస్టార్‌ అమితాబ్‌ బచ్చన్‌ తండ్రి హరివంశ్ రాయ్ బచ్చన్‌ని చాలాకాలం తరువాత  గుర్తు చేసుకున్నారు.   హిందీ కవి దివంగత హరివంశ్ రాయ్ బచ్చన్ కళ్లల్లో నేను మొదటిసారి నీళ్లు చూశానని బిగ్‌బాస్‌ తన ఇంస్ట్రాగ్రామ్‌లో పోస్ట్‌ చేశారు. నేను కూలీ సినిమా షూటింగ్‌లో ఉన్నపుడు ఓ ప్రమాదంలో తీవ్రగాయాలయ్యాయి. ప్రమాదానంతరం నేను ఇంటికి వెళ్లాను.. నన్ను చూడగానే ఒక్కసారిగా ఆయన కన్నీంటితో నన్ను కౌగిలించుకొని, ఒక్కసారిగా కుప్పకూలిపోయారు. ఆ ప్రమాదం 1982 జులై 26న బెంగళూరులో జరిగింది. ‘నా జీవితం మొత్తంలో నేను ఎప్పుడూ మా నాన్న కళ్లల్లో నీళ్లు చూడలేదని.. కానీ నేను కూలీ సినిమా షూటింగ్‌లో ఉన్నపుడు ఓ ప్రమాదానంతరం ఇంటికి వచ్చిన వెంటనే ఆయన నన్ను చూసి గట్టిగా కౌగిలించుకుని, ఒక్కసారిగా కన్నీళ్లతో కూప్పకూలిపోయాడని’ అమితా బచ్చన్‌ తన ఇన్‌స్టాగ్రామ్‌లో  పోస్ట్‌ చేశారు. ప్రస్తుతం అమితాబ్‌ టాలీవుడ్ మెగాస్టార్‌ చిరంజీవి 151వ సినిమా సైరా నరసింహారెడ్డిలో నటిస్తున్న విషయం తెలిసిందే.  In my entire life I never ever saw tears in my Father’s eyes .. but when I survived my Coolie accident and came home .. he embraced me and broke down ... for the first time in front of me ... !!a moment captured by the media .. A post shared by Amitabh Bachchan (@amitabhbachchan) on Dec 26, 2017 at 10:50am PST

సాక్షి, సినిమా: ఒక్క సారి నేమ్‌ అండ్‌ ఫేమ్‌ వచ్చాక వారికిక కనకవర్షమే. పారితోషికం కూడా నిమిషాల లెక్కలో వచ్చి పడుతుంది. ఇందుకు ఉదాహరణ నటి ప్రయాంక చోప్రానే. మాజీ మిస్‌ వరల్డ్, బాలీవుడ్‌ అందాల తార, హాలీవుడ్‌ హాట్‌ స్టార్‌, ఐక్యరాజ్యసమితి గుడ్‌విల్‌ అంబాసిడర్‌గా తిరుగులేని ఐడెంటిటీ ప్రియాంక సొంతం. ఈ బ్యూటీ 2002లో కోలీవుడ్‌లో విజయ్‌కు జంటగా తమిళన్‌ చిత్రంలో నటించారు. ఆ తరువాత ఇక్కడ కనిపించకపోయినా బాలీవుడ్‌లో టాప్‌ హీరోయిన్‌ స్థాయికి ఎదిగిపోయారు.  అలా ప్రియాంక ఒక పక్క సినిమాలు, మరో పక్క వాణిజ్య ప్రకటనలు అంటూ రెండు చేతులా సంపాదించేస్తున్నారు. ఆ మధ్య హాలీవుడ్‌ చిత్రంలోనూ నటించి ఇండియన్‌ నటిని దాటి వరల్డ్‌ నటి అనిపించుకున్నారు. ప్రస్తుతం నంబర్‌వన్‌ హీరోయిన్‌గా రాణిస్తున్న ప్రియాంక చోప్రా నిమిషానికి కోటి రూపాయల లెక్కన పారితోషికం డిమాండ్‌ చేస్తున్నారు. ఏమిటి నమ్మశక్యంగా తేదు కదూ కానీ నమ్మితీరాలంటున్నాయి సినీ వర్గాలు.  అసలు కథేంటంటే సినిమాకు రూ.8 కోట్ల వరకూ పారితోషికం పుచ్చుకుంటున్న ఈ బ్యూటీ ఐదు నిమిషాల పాటలో లెగ్‌ షేక్‌ చేయడానికి ఐదు కోట్లు పారితోషికం డిమాండ్‌ చేశారట. త్వరలో బాలీవుడ్‌లో జరగనున్న ఒక అవార్డుల ప్రధాన వేడుకలో ఒక పాటకు ఆడటానికి ఐదు కోట్లు పారీతోషికం తీసుకోనున్నారన్నది తాజా సమాచారం. ప్రియాంక చోప్రా డాన్స్‌ చేస్తే మంచి ప్రచారం లభిస్తుందని ఆమె అడిగి పారితోషికాన్ని అందించడానికి ఆ కార్యక్రమం నిర్వాహకులు అంగీకరించినట్లు ప్రచారం హల్‌చల్‌ చేస్తోంది.  దీని గురించి ప్రయాంక చోప్రా తన ఇన్‌స్ట్రాగ్రామ్‌లో ముంబాయిలో జరగనున్న అవార్డుల ప్రధానోత్సవ కార్యక్రమంలో పాల్గొనడానికి అమెరికా నుంచి రానున్నట్లు పేర్కొన్నారు. ఆ వేదికపై ప్రియాంక చోప్రా తాను నటించిన చిత్రాలలోని కొన్ని పాటల సన్నివేశాలను కలిపి ఐదు నిమిషాల పాటు డాన్స్‌ వేయనుందని తెలుస్తోంది.  


 ముంబై: బాలీవుడ్ హీరో డినో మొరియా గాయపడ్డాడు. ఆదివారం సాయంత్రంగా ఫుట్ బాల్ ఆడుతుండగా అతడి కాలికి గాయమైంది. త్వరగా కోలుకునేందుకు ఫిజియోథెరపీ చేయించుకుంటున్నానని డినో మొరియా ట్విటర్ ద్వారా తెలిపాడు. కాలి గాయంతో విశ్రాంతి తీసుకోవాల్సి రావడం పట్ల నిరాశ వ్యక్తం చేశాడు. కొద్ది రోజుల పాటు తాను నడవలేనని వెల్లడించాడు.
 
 తనను నడవనివ్వకుండా చేసిన ఫుట్ బాల్ ఆటను ఇప్పటికి ప్రేమిస్తున్నానని పేర్కొన్నాడు. తాను ఫిట్ గా ఉండడానికి కారణం ఫుట్ బాల్ ఆడడమేనని ట్వీట్ చేశాడు. తన కాలికి గాయమైన ఫొటోను ఇన్ స్టాగ్రామ్ లో షేర్ చేశాడు. కాలికి కట్టుకుని కుర్చీపై పెట్టుకున్న ఫొటో పెట్టాడు. డినో మొరియా ఫొటోకు ఇన్ స్టాగ్రామ్ లో బోలెడు కామెంట్స్ వచ్చాయి.