రైల్వేస్టేషన్‌ (విజయవాడ పశ్చిమ): ప్రయాణికుల రద్దీ దృష్ట్యా వివిధ ప్రాంతాలకు ప్రత్యేక రైళ్లు నడపనున్నట్టు విజయవాడ రైల్వే డివిజన్‌ ఇన్‌చార్జి పీఆర్వో జేవీ ఆర్కే రాజశేఖర్‌ సోమవారం ఒక ప్రకటనలో తెలిపారు. హైదరాబాద్‌–కోచివేలి ప్రత్యేక రైలు (07115) ఆగస్టు 4, 11, 18, 25వ తేదీల్లో, సెప్టెంబర్‌ 1, 8, 15, 22, 29న రాత్రి 9.00 గంటలకు హైదరాబాద్‌లో బయలుదేరుతుంది. కోచివేలి–హైదరాబాద్‌ రైలు (07116) ఆగస్టు 6, 13, 20, 27వ తేదీల్లో, సెప్టెంబర్‌ 3, 10,1 7, 24, అక్టోబర్‌ 1వ తేదీల్లో ఉదయం 7.45కు కోచివేలిలో బయలుదేరుతుంది. హైదరాబాద్‌–ఎర్నాకుళం ప్రత్యేక రైలు (07117) ఆగస్టు 1, 8, 15, 22, 29వ తేదీల్లో, సెప్టెంబర్‌ 5, 12,19, 26న మధ్యాహ్నాం 12.50కు హైదరాబాద్‌లో బయలుదేరుతుంది. ఎర్నాకుళం–హైదరాబాద్‌ రైలు (07118) ఆగస్టు 2, 9, 16, 23, 30వ తేదీల్లో, సెప్టెంబర్‌ 6, 13, 20, 27న రాత్రి 9.45కు ఎర్నాకుళంలో బయలుదేరుతుంది. ఈ ప్రత్యేక రైళ్లు  విజయవాడ మీదుగా రాక, పోకలు సాగిస్తాయని, ఈ అవకాశాన్ని ప్రయాణికులు సద్వినియోగం చేసుకోవాలని రాజశేఖర్‌ కోరారు. 


 నగరంపాలెం (గుంటూరు) : వేసవి సెలవులకు ప్రయాణికుల రద్దీ దృష్ట్యా హైదరాబాద్‌–కుచ్చివెల్లి– హైదరాబాద్‌కు, విశాఖపట్నం– తిరుపతి– విశాఖపట్నానికి డివిజను మీదుగా ప్రత్యేక రైళ్లు నడుపుతున్నట్లు గుంటూరు రైల్వే డివిజన్‌ అసిస్టెంట్‌ కమర్షియల్‌ మేనేజరు ఎండీ ఆలీ ఖాన్‌ఒక ప్రకటనలో తెలిపారు. ట్రైన్‌ నం.07115 హైదరాబాద్‌ – కొచ్చివెల్లి ప్రత్యేక రైలు ఫిబ్రవరి 04, 05, 18, 25, మార్చి 04, 11, 18, 25, ఏప్రిల్‌ 01, 08, 15, 22, 29, మార్చి 06, 13, 20, 27, జూన్‌ 03, 10, 17, 24 తేదీల్లో.. అనగా ప్రతి శనివారం హైదరాబాద్‌లో 21.00 గంటలకు బయలుదేరి ప్రతి సోమవారం కొచ్చివెల్లికి 03.20కి చేరుకుంటుందని తెలిపారు. ఇది డివిజను పరిధిలో నల్గొండకు 23.20/23.22, పిడుగురాళ్లకు ఆదివారం 00.45/00.47, గుంటూరుకు 02.55/03.15కి వచ్చి బయలుదేరుతుందని తెలిపారు. అలాగే ట్రైన్‌ నం : 07116 కుచ్చివెల్లి–హైదరాబాద్‌ ప్రత్యేక ఎక్స్‌ప్రెస్‌ రైలు టైం వివరాలను తెలిపారు. ట్రైన్‌ నం : 08573 విశాఖపట్నం– తిరుపతి ప్రత్యేక రైలు ఫిబ్రవరి 06, 13, 20, 27 తేదీల్లో అనగా.. ప్రతి సోమవారం విశాఖపట్నంలో 22.55కి బయలుదేరి న్యూగుంటూరుకు మంగళవారం 06.10/06.12కి వచ్చి బయలుదేరి తిరుపతికి  చేరుకుంటుందని తెలిపారు. ట్రైన్‌ నం: 08574 తిరుపతి– విశాఖపట్నం ప్రత్యేక రైలు ఫిబ్రవరి 07, 14, 21, 28 తేదీల్లో.. అనగా ప్రతి మంగళవారం తిరుపతిలో 15.30కి బయలుదేరి న్యూగుంటూరు 22.20/22.22కి వచ్చి బయలుదేరి విశాఖపట్నానికి బుధవారం 06.50కి చేరుకుంటుందని తెలిపారు.