మరో వీకెండ్ వచ్చేసింది. థియేటర్లలో నిఖిల్ 'స్పై' సినిమా విడుదలైంది. ఇది తప్పితే పెద్దగా చెప్పుకోదగ్గ చిత్రాలేం లేవు. దీంతో సినీ ప్రేక్షకుల దృష్టి ఓటీటీలపై పడింది. అందుకు తగ్గట్లే ఈ శుక్రవారం కూడా బోలెడన్ని మూవీస్ స్ట్రీమింగ్ కు రెడీ అయిపోయాయి. వీటిలో పలు తెలుగు సినిమాలు, వెబ్ సిరీసులు ఉన్నాయి. హిందీ-ఇంగ్లీష్ చిత్రాలు, సిరీసులు కూడా ఉన్నాయండోయ్. కరెక్ట్ గా చెప్పాలంటే శుక్రవారం ఒక్కరోజే దాదాపు 20 వరకు సినిమాలు స్ట్రీమింగ్ కానున్నాయి. ఇంతకీ అవేంటి? ఎందులో విడుదల కానున్నాయనేది లిస్ట్ ఇప్పుడు చూసేద్దాం. (ఇదీ చదవండి: SPY Review In Telugu: 'స్పై' సినిమా రివ్యూ) శుక్రవారం ఓటీటీల్లోకి వచ్చే సినిమాల లిస్ట్ నెట్‌ఫ్లిక్స్ అఫ్వా - హిందీ సినిమా సెలెబ్రిటీ - కొరియన్ సిరీస్ ఈజ్ ఇట్ టేక్ సీజన్ 2 - ఇంగ్లీష్ సిరీస్ లస్ట్ స్టోరీస్ 2 - హిందీ సిరీస్ (ఆల్రెడీ స్ట్రీమింగ్) సీ యూ ఇన్ మై 19th లైఫ్ - కొరియన్ సిరీస్ (స్ట్రీమింగ్‌లో ఉంది) ద విచర్ సీజన్ 3 - తెలుగు డబ్బింగ్ సిరీస్ (స్ట్రీమింగ్ అవుతోంది) ది ఇన్నర్ ఛాంబర్స్ - జపనీస్ సినిమా (స్ట్రీమింగ్) డిస్నీ ప్లస్ హాట్‌స్టార్ ద నైట్ మేనేజర్ సీజన్ 2 - హిందీ సిరీస్ గ్రేట్ ఎక్స్‌పెక్టేషన్స్ - ఇంగ్లీష్ సిరీస్ అమెజాన్ ప్రైమ్ జాక్ ర్యాన్ సీజన్ 4 - ఇంగ్లీష్ వెబ్ సిరీస్ వీరన్ - తెలుగు డబ్బింగ్ సినిమా ఫాస్ట్ X - ఇంగ్లీష్ మూవీ (ఆల్రెడీ స్ట్రీమింగ్) ద సాంగ్ ఆఫ్ స్కార్పియన్స్ - హిందీ సినిమా (స్ట్రీమింగ్ అవుతోంది) సబ్తూబెర్సామా బపక్ - ఇండోనేషియన్ సిరీస్ (స్ట్రీమింగ్) ఆహా అర‍్థమైందా అరుణ్ కుమార్ - తెలుగు సిరీస్ నిన్ను చేరే తరుణం - తెలుగు మూవీ జీ5 లక్డ్‌బగ్గా - హిందీ సినిమా విమానం - తెలుగు చిత్రం జియో సినిమా సార్జెంట్ - హిందీ మూవీ అడ్డా టైమ్స్ మిస్ కాల్ - బెంగాలీ సినిమా (ఇదీ చదవండి: 'స్పై' ఓటీటీ పార్ట్‌నర్ ఫిక్స్.. వచ్చేది ఆ ఓటీటీలోనే)

పలువురు లేడీ యాక్టర్స్.. కొన్ని విషయాలు బయటపెట్టడానికి అస్సలు మొహమాటపడట్లేదు. ఎలాంటి ఇబ్బంది లేకుండా చెప్పేస్తున్నారు. బాలీవుడ్ నటి నీనా గుప్తా కూడా ఇలాంటి వ్యాఖ్యలు చేస్తూ తెగ పాపులర్ అవుతోంది. కొన్నిరోజుల ముందు యువతని ఉద‍్దేశించి బోల్డ్ కామెంట్స్ చేసింది. ఇప్పుడేమో తన తొలిముద్దు అనుభవం గురించి షేర్ చేసుకుని, అందరికీ షాకిచ్చింది. అసలు అప్పుడు ఏం జరిగిందో పూసగుచ్చినట్లు బయటపెట్టింది. రాత్రంతా నిద్రపోలే..! 'ఓ యాక్టర్ గా మనం అన్ని రకాల సీన్స్ చేయాల్సి ఉంటుంది. కొన్నిసార్లు బురదలో దిగాలి. మరికొన్నిసార్లు ఎండలో గంటల తరబడి నిలబడాలి. సరే ఇది పక్కనబెడితే చాలా ఏళ్ల క్రితం దిలీప్ ధావన్ తో కలిసి నేను ఓ సీరియల్ చేశాను. మనదేశ చరిత్రలోనే అదే తొలిసారి ఓ సీరియల్ లో కిస్ సీన్ ఉండటం. అందులో నటించిన తర్వాత రాత్రంతా నాకు నిద్రపట్టలేదు' అని నీనా గుప్తా చెప్పింది. (ఇదీ చదవండి: 'విరూపాక్ష' డైరెక్టర్‌కి కాస్ట్‌లీ కారు గిఫ్ట్.. ఎన్ని లక్షలో తెలుసా?) డెటాల్ తో కడుక్కున్నా! 'అతడు(దిలీప్ ధావన్) చూడటానికి బాగానే ఉంటాడు. కానీ అలాంటి పరిస్థితిలో అదేం గుర్తుకురాదు. ఆ సీన్ జరిగే సమయానికి మానసికంగా నేను రెడీగా లేను. చాలా టెన‍్షన్ వచ్చేసింది. కానీ నాకు నేను చెప్పుకొని ఆ ముద్దు సన్నివేశాన్ని పూర్తిచేశాను. కొందరు నటులు కామెడీ చేయలేరు. కొందరు కెమెరా ముందు ఏడవలేరు. నేను మాత్రం చేసేయాలి అని అనుకుని ఆ సీన్ కంప్లీట్ చేశాను. ఆ తర్వాత మాత్రం డెటాల్ తో నోరు బాగా కడుక్కున్నాను. తెలియని వ్యక్తిని ముద్దు పెట్టుకోవడం ఏదేమైనా చాలా కష్టం' అని నీనా అన్నారు. సీక‍్వెల్‌లో బామ్మగా! 2018లో విడుదలైన 'లస్ట్ స్టోరీస్' ఓటీటీలో సెన్సేషన్ క్రియేట్ చేసింది. శృంగారం, దానికి సంబంధించిన చాలా విషయాల్ని ఓపెన్ గా మాట్లాడుకోవడం, చూపించడం లాంటివి అప్పట్లో ప్రేక్షకుల్ని నోటమాట రానీయకుండా చేశాయి. ఇప్పుడు దీనికి సీక్వెల్ గా 'లస్ట్ స్టోరీస్ 2'ని సిద్ధం చేశారు. జూన్ 29 నుంచి నెట్‌‌ఫ్లిక్స్‌లో ఇది స్ట్రీమింగ్ కానుంది. ఇందులో మృణాల్ ఠాకూర్ పాత్రకు బామ్మగా నీనా గుప్తా నటించింది. 'పెళ్లికి ముందు టెస్ట్ డ్రైవ్‌కి వెళ్లండి' లాంటి డబుల్ మీనింగ్ డైలాగ్స్ చెప్పి ఓరి బాబోయ్ అనుకునేలా చేసింది. ఇప్పుడు ఈమెనే తన తొలి ముద్దు గురించి బయటపెట్టి షాకిచ్చింది. (ఇదీ చదవండి: నిధి అగర్వాల్‌కు కొత‍్త కష్టాలు.. అన్నీ ఉన్నాసరే!)

మిల్కీ బ్యూటీ తమన్నా ప్రస్తుతం బాలీవుడ్ వెబ్ సిరీస్‌లతో బిజీగా ఉంది. ఇటీవలే 'జీ కర్దా' సిరీస్‌తో ఫుల్ రొమాంటిక్‌ సీన్స్‌తో నటించిన ముద్దుగుమ్మ.. మరోసారి లస్ట్ స్టోరీస్‌తో ప్రేక్షకుల ముందుకొస్తోంది. ఈ సిరీస్‌లో తన ప్రియుడు విజయ్ వర్మతో కలిసి నటించింది. ఇప్పటికే ఈ వెబ్ సిరీస్ ట్రైలర్ రిలీజ్ కాగా.. తమన్నా ఈసారి మరింత బోల్డ్ సీన్స్‌లో నటించినట్లు తెలుస్తోంది.  (ఇది చదవండి: జెట్ స్పీడ్‌లో శ్రీలీల కెరీర్.. ఆ అంశాలే కలిసొచ్చాయా?) ఈ సిరీస్ ప్రమోషన్లలో భాగంగా  తాజాగా దీనికి సంబంధించిన ఓ ప్రోమోను రిలీజ్ చేసింది తమన్నా. అందులో తమన్నా మాట్లాడుతూ.. ఇందులో అమ్మ, నాన్నతో పాటు అందరి ప్రేమ ఉంది. లస్ట్ స్టోరీస్ జూన్ 29న నెట్‌ఫ్లిక్స్‌కు రాబోతోంది' అంటూ చెప్పుకొచ్చింది. అయితే ఈ ప్రోమో ప్రారంభంలోనే తమన్నా.. విజయ్‌తో బోల్ట్ సీన్‌ను చూపించారు. అందులో తమన్నా ముద్దుపెడుతున్న సీన్‌పై నెటిజన్స్ మండిపడుతున్నారు. ఇప్పటి వరకు తమన్నా ఇలాంటి సీన్స్ చూడలేదని అభిమానులు ఆశ్చర్యం వ్యక్తం చేస్తున్నారు. కొందరేమో మీరు 'భారతీయ సంస్కృతిని నాశనం చేస్తున్నారు' అంటూ కామెంట్స్ చేశారు. 'నిన్ను ఇలా చూస్తున్నందుకు సిగ్గు పడుతున్నాం' అంటూ పోస్ట్ చేశాడు. మీరు సీ గ్రేడ్ నటులతో ఇలాంటి సీన్స్ ఎలా చేస్తారంటూ మరో నెటిజన్ మండిపడ్డారు. మరొకరు రాస్తూ.. 'తమన్నా దయచేసి కోలీవుడ్, టాలీవుడ్‌కి తిరిగి వచ్చేయండి' విజ్ఞప్తి చేయగా.. ఇలాంటి వాటితో మీ ఫ్యాన్ ఫాలోయింగ్ తగ్గిపోతోందంటూ మరో నెటిజన్ కామెంట్ చేశారు. కాగా.. లస్ట్ స్టోరీస్-2 ఈనెల 29న నెట్‌ఫ్లిక్స్‌ వేదికగా స్ట్రీమింగ్ కానుంది.  (ఇది చదవండి: ట్రైలర్ బాగుంది కానీ ఆ బూతు డైలాగ్ ఎందుకు పెట్టారో?) View this post on Instagram A post shared by Netflix India (@netflix_in)

‘ఆదిపురుష్‌’ విడుదలైన తర్వాత రెండు వారాల వరకు థియేటర్లో ప్రేక్షకులను రప్పించే సినిమాలు ఏవీ విడుదల కాలేదనే చెప్పవచ్చు.  ‘ఆదిపురుష్‌’ ఎఫెక్ట్‌ వల్ల కొన్ని సినిమాలను వాయిదా కూడా వేసుకున్నారు. అందువల్ల గత వారంలో పెద్ద చిత్రాలేవి విడుదల కాలేదు. దాదాపు అన్ని చిన్న సినిమాలు విడుదలయ్యాయి. వాటిలో ఏ ఒక్కటి కూడా సినీ ప్రేక్షకులను మెప్పించలేదు. కానీ జూన్‌ 30న బాక్సాఫీస్‌ వద్ద మళ్లీ సందడి కొనసాగనుంది. ఈ వారం  థియేటర్‌లోనే కాకుండా ఓటీటీలోనూ వెబ్‌సిరీస్‌లతో పాటు పలు కొత్త సినిమాలు ప్రేక్షకులను అలరించేందుకు సిద్ధమయ్యాయి. నిఖిల్‌ హీరోగా పాన్‌ ఇండియా సినిమా  'స్పై' జూన్‌ 29న గురువారం విడుదల కానుంది. నేతాజీ సుభాష్‌ చంద్రబోస్‌ డెత్‌ మిస్టరీతో పాటు ఆయన జీవితానికి సంబంధించిన ఎప్పుడూ వినని అంశాలతో సినిమాను తెరకెక్కించారు. నిఖిల్‌ ప్రధాన కథానాయకుడిగా నటిస్తున్న ఈ మూవీలో ఆర్యన్‌ రాజేశ్‌, ఐశ్వర్య మేనన్‌, సన్యా ఠాకూర్‌ కీలక పాత్రలు పోషిస్తున్నారు. ప్రముఖ ఎడిటర్‌ గ్యారీ బి.హెచ్‌ దర్శకత్వం వహిస్తున్నారు.  కె.రాజశేఖర్‌రెడ్డి కథని సమకూర్చడంతోపాటు, ఈడీ ఎంటర్‌టైన్‌మెంట్స్‌ పతాకంపై స్వయంగా  నిర్మిస్తున్నారు.   శ్రీ విష్ణు హీరోగా 'వివాహభోజనంబు' ఫేమ్‌ రామ్‌ అబ్బరాజు దర్శకత్వంలో రూపొందిన చిత్రం 'సామజ వరగమన'. అనిల్‌ సుంకర సమర్పణలో రాజేష్‌ దండా నిర్మించిన ఈ చిత్రం జూన్‌ 29న విడుదల కానుంది.  ఈ సినిమా ట్రైలర్‌ను హీరో చిరంజీవి విడుదల చేసిన విషయం తెలిసిందే. సినిమాకు మంచి రెస్పాన్స్‌ వస్తుందని ఆయన చిత్ర యూనిట్‌కు శుభాకాంక్షలు తెలిపారు. 2008లో 'ఇండియానా జోన్స్‌ అండ్‌ ది కింగ్‌డమ్‌ ఆఫ్‌ క్రిస్టల్‌ స్కల్‌' అప్పట్లో పెద్ద హిట్‌గా నిలిచింది. తాజాగా  దాదాపు 14ఏళ్ల తర్వాత అదే సీరిస్‌లో 'ఇండియానా జోన్స్‌' కొత్త చిత్రం జూన్‌ 30న థియేటర్లోకి రాబోతోంది. అడ్వెంచర్‌ సినీ ప్రియులకు ఈ సినిమా పండుగే అని చెప్పవచ్చు. ఈ వారం థియేటర్‌/ ఓటీటీల్లోకి వచ్చే మూవీస్‌ ఇవే డిస్నీ+హాట్‌స్టార్‌ • వీకెండ్‌ ఫ్యామిలీ (వెబ్‌సిరీస్‌) జూన్‌ 28 • ది నైట్‌ మేనేజర్‌ (సిరీస్‌2) జూన్‌30 నెట్‌ ఫ్లిక్స్‌ • లస్ట్‌ స్టోరీస్‌ 2 (హిందీ) జూన్‌ 29 • అఫ్వా (హిందీ) జూన్‌30   అమెజాన్‌ ప్రైమ్‌ • జాక్‌ ర్యాన్‌ (వెబ్‌సిరీస్‌ 4) జూన్‌ 30 థియేటర్లో • నిఖిల్‌ 'స్పై' జూన్‌ 29 • 'ఇండియానా జోన్స్‌' జూన్‌ 29 • శ్రీ విష్ణు  'సామజ వరగమన' జూన్‌ 30 • 'లవ్‌ యూ రామ్‌'  జూన్‌ 30 • పాయల్‌ రాజ్‌పుత్‌ 'మాయా పేటిక' జూన్‌ 30   ఆహా • అర్థమయ్యిందా అరుణ్‌కుమార్‌ (తెలుగు సిరీస్‌) జూన్‌ 30

నీనా గుప్తా, కాజోల్, మృణాల్ ఠాకూర్, తమన్నా,విజయ్ వర్మ ప్రధాన పాత్రల్లో తెరకెక్కిన చిత్రం లస్ట్ స్టోరీస్-2. ఈ వెబ్‌ సీరిస్‌ ఓటీటీ ఫ్లాట్‌ఫామ్‌ నెట్‌ఫ్లిక్స్‌లో విడుదల కానుంది. ఈ సీరిస్‌లో నీనా గుప్తా 'డాడీ మా' రోల్‌లో నటించింది. కొన్నాళ్లుగా సినిమాల్లో వయసుకు తగిన పాత్రలు రాకపోవడంతో ఆమె దూరంగానే ఉంటూ వచ్చింది. లస్ట్ స్టోరీస్- 2తో నీనా గుప్తా తిరిగి టెలివిజన్ స్క్రీన్‌లలోకి వచ్చింది. ఈ సీరిస్‌ ట్రైలర్‌లో శృంగార సన్నివేశాలతో పాటు బోల్డ్‌ సంభాషణలు ఉన్నాయి. ఇదే విషయంపై తాజాగా ఆమె పలు ఆసక్తికరమైన వ్యాఖ్యలు చేసింది. (ఇదీ చదవండి: మద్యం తాగుతారా? నెటిజన్‌ ప్రశ్నకు శ్రుతీహాసన్‌ సమాధానమిదే!) శృంగారం గురించి యువత తెలుసుకోవడం చాలా ముఖ్యమైనదని నీనా చెప్పింది. కాలేజీకి వెళ్లే రోజుల్లో అమ్మాయిలు ముద్దులు పెట్టుకోవడం ద్వారా గర్భం దాల్చుతారని అప్పట్లో నమ్మేదానినని నీనా తెలిపింది. తన మదర్‌ ఎంతో స్ట్రిక్ట్ అంటూ తన గతానికి సంబంధించిన కొన్ని అనుభవాలను ఇలా పంచుకుంది. 'నాకు పన్నెండు, పదమూడు సంవత్సరాలు వచ్చే వరకు కూడా.. నా తల్లిదండ్రులు ప్రత్యేక బెడ్‌రూమ్‌లో పడుకోలేదు.  మేము అందరం ఒకే గదిలో పడుకునేవాళ్లం. నేను, నా సోదరుడు మంచం ప్రక్కన క్రింద పడుకునేవాళ్లం. కానీ కొన్నిసార్లు నేను నా తల్లిదండ్రుల మధ్య పడుకుంటాను. అప్పటికి మాకు శృంగారం గురించి ఏమీ తెలియదు. మా అమ్మ నాకు శృంగార అంటే ఏమిటో చెప్పలేదు, పీరియడ్స్ అంటే ఏమిటో కూడా చెప్పలేదు. నేను కాలేజీలో చదువుతున్నప్పుడు మా అమ్మ ఎంత కఠినంగా ఉండేదంటే, నన్ను నా స్నేహితురాళ్లతో కలిసి సినిమా చూడటానికి కూడా వెళ్లనివ్వదు.' 'నాకు ఇప్పటికీ గుర్తుంది. నేను కాలేజీలో చదివే రోజుల్లో  ముద్దు పెట్టుకోవడం ద్వారా  గర్భవతి అవుతారని నమ్మేదాన్ని. అప్పట్లో ఇలాంటి విషయాలు తల్లులు కూడా తమ కుమార్తెలతో చెప్పడానికి భయపడతారు. పూర్వ కాలంలో, పెళ్లికి ముందు శృంగారంపై అమ్మాయికి కొంత సమాచారం ఇచ్చేవారు. ఎందుకంటే.. పెళ్లి తర్వాత మొదటి రాత్రి ఏం జరుగుతుందో చెప్పేవారు. ఆ సమయంలో అబ్బాయితో ఎలా ఉండాలో చెప్పేవారు. ఇలా ఎందుకు చేసేవారంటే? శృంగారం విషయంలో కొత్తజంట మధ్య గొడవలు రాకూడదని..  శృంగారం కోసం భర్త  అడిగినప్పుడు అమ్మాయి 'కర్తవ్యం' ఎలా నెరవేర్చాలో అప్పటి తల్లులు చెప్పేవారు.' అని నీనా గుప్తా అన్నారు. (ఇదీ చదవండి: పిల్లలు ఎందుకు కలగలేదో ఓపెన్‌గానే చెప్పేసిన నటి) ఇది నేటికీ కొన్నిచోట్ల జరిగే విషయమేనని, పరిస్థితులు పెద్దగా మారలేదని ఆమె అన్నారు. అందుకే ఇలాంటి విషయాలకు లస్ట్ స్టోరీస్- 2 ముఖ్యమైనదని తెలిపింది. ఈ సీరిస్‌లో శృంగార సన్నివేశాలు ఉంటాయి. తప్పేముంది?  మనిషి జీవితంలో అందరూ తెలుసుకోవాల్సిన విషయాన్నే ఒక సినిమా ద్వారా తెలుపుతున్నామని చెప్పుకొచ్చింది. ముఖ్యంగా అమ్మాయిలకు ఈ సినిమా ఎంతగానో తోడ్పడుతుందని తాను నమ్ముతున్నట్లు పేర్కొంది. View this post on Instagram A post shared by Neena Gupta (@neena_gupta)

మిల్కీ బ్యూటీ తమన్నా, బాలీవుడ్ నటుడు విజయ్ వర్మ జంటగా లస్ట్ స్టోరీస్‌-2 వెబ్ సిరీస్‌లో నటించారు. ఈ జంట సినిమాల్లోనే కాదు.. నిజ జీవితంలో ప్రేమలో ఉన్నట్లు ఇప్పటికే ప్రకటించారు. ఇటీవలే ఈ సిరీస్‌కు సంబంధించిన ట్రైలర్‌ను మేకర్స్ రిలీజ్ చేశారు. ఇందులో తమన్నా, విజయ్ వర్మ రొమాంటిక్ సీన్స్‌ మరింత బోల్డ్‌గా ఉన్నాయంటూ కామెంట్స్ కూడా వస్తున్నాయి. (ఇది చదవండి: హద్దులు దాటేస్తున్న తమన్నా.. 'లస్ట్ స్టోరీస్ 2'లో కూడా!) ప్రస్తుతం లస్ట్‌ స్టోరీస్‌-2 ప్రమోషన్స్‌లో భాగంగా తమన్నా ఓ ఇంటర్వ్యూలో పాల్గొన్నారు. ఈ సందర్భంగా ఈ సిరీస్ గురించి పలు ఆసక్తికర విషయాలను పంచుకున్నారు. తాజాగా లస్ట్ స్టోరీస్-2 లో మొదటి రోజు షూటింగ్ ఎందుకు రద్దు చేయాల్సి వచ్చిందో తమన్నా భాటియా వెల్లడించింది. అంతే కాకుండా విజయ్ వర్మ ఫస్ట్ ఇంప్రేషన్‌పై నోరు విప్పింది. తనకు ఆరోగ్యం సరిగా లేకపోవడంతో షూటింగ్‌కి హాజరు కాలేకపోయానని తమన్నా తెలిపింది. అయితే విజయ్ వర్మ మాత్రం  తాను ఈ సిరీస్ పట్ల భయంగా ఉన్నట్లు భావించాడని పేర్కొంది.   తమన్నా మాట్లాడుతూ.. 'తాను ఏడెనిమిది రోజులు షూట్ చేశా. కానీ ఇది చాలా కఠినంగా అనిపించింది. మొదటి రోజు షూట్‌ను రద్దు చేసుకున్నప్పుడు ఈ సిరీస్ పట్ల తాను భయంగా, పిరికితనంగా ఉన్నట్లు విజయ్ భావించాడు. కానీ నేను ఓ పవర్‌ఫుల్ నటుడితో కలిసి పనిచేసే అవకాశం వచ్చిందని భావించా. అంతే కాదు విజయ్ కూడా ఓ ఊసరవెల్లి. తనకు నిర్ధిష్టమైన పాత్ర కోసం ఎలాగైనా మారతాడు. నేను అతని పనిని గతంలో కూడా చూశా. .' అంటూ నవ్వుతూ చెప్పుకొచ్చింది. కాగా.. ఈ వెబ్ సిరీస్‌లో నీనా గుప్తా, కాజోల్, మృణాల్ ఠాకూర్, అమృత శుభాష్, అంగద్ బేడీ, కుముద్ మిశ్రా, తిల్లోతమా షోమే ప్రధాన పాత్రల్లో కనిపించనున్నారు. ఈ సిరీస్‌ను కొంకణా సేన్ శర్మ, ఆర్ బాల్కీ, అమిత్ రవీందర్నాథ్ శర్మ, సుజోయ్ ఘోష్ నిర్మించారు. ఈ వెబ్ సిరీస్ ఈనెల 29 నుంచి నెట్‌ఫ్లిక్స్ వేదికగా స్ట్రీమింగ్ కానుంది. కాగా.. ఈ సిరీస్‌లోనే తమన్నా, విజయ్ ప్రేమలో పడ్డారు.  (ఇది చదవండి: ప్రభాస్ 'ఆదిపురుష్‌'.. ఆ రెండు మినహాయిస్తే: రామాయణ నటుడు)

తమన్నా గుర్తుకు రాగానే మిల్కీ బ్యూటీ, సూపర్ హీరోయిన్, డ్యాన్సులు బాగా చేస్తుంది... తెలుగు ప్రేక్షకులకు నిన‍్న మొన్నటివరకు ఇవే తెలుసు. కానీ ఇప్పుడు ఆ పరిస్థితి లేదు. ఎందుకంటే సినిమాల వరకు తనకు తాను కొన్ని హద్దులు పెట్టుకుని, వాటిని తూచ తప‍్పకుండా పాటించింది. ఇప్పుడేమో వాటిని బ్రేక్ చేసేసింది. ఇదంతా కూడా ఓటీటీల వల్లే జరిగిందనడంలో ఎలాంటి సందేహం లేదు. ఇప్పుడు 'లస్ట్ స్టోరీస్ 2'లోనూ అలానే రెచ్చిపోయింది. తమన్నాకు ఏమైంది? సినిమాల‍్లో హీరోయిన్ గా చేసినన్నీ రోజులు.. ముద్దు, రొమాంటిక్ సీన్లకు తమన్నా దూరంగా ఉంది. ఓటీటీల్లోకి ఎంట్రీ ఇచ్చిన కొత్తలో సినిమాలు, సిరీస్ లు చేసింది గానీ తనకు తాను పెట‍్టుకున్న రూల్స్ బ్రేక్ చేయలేదు. కానీ ఈ మధ్య 'జీ కర్దా' వెబ్ సిరీస్ లో మాత్రం రెచ్చిపోయింది. బూతు సీన్లు, బూతు డైలాగ్స్ తో మనం చూస్తున్నది తమన్నానేనా అనేంతలా గీత దాటేసింది. కెరీర్ లాస్ట్ స్టేజీకి వచ్చేసిందో ఏమో మరి? లేదంటే డబ్బు కోసమే ఇదంతా చేస్తుందా అని సందేహం వస్తోంది. (ఇదీ చదవండి: ఆ బిజినెస్‌లో 'కేజీఎఫ్' విలన్ రూ.1000 కోట్ల పెట్టుబడి?) ట్రైలర్ లో ఏముంది? నెట్‌ఫ్లిక్స్ ఒరిజినల్ సిరీస్‌ల్లో 'లస్ట్ స్టోరీస్' ఓ సంచలనం. శృంగారం, దానికి సంబంధించిన డబుల్ మీనింగ్ డైలాగ్స్ ని నేరుగా మాట్లాడేయటం అప్పట్లో అందరినీ అవాక్కయ్యేలా చేసింది. ఇప్పుడు దానికి కొనసాగింపుగా రెండో భాగాన్ని తీసుకొస్తున్నారు. జూన్ 29 నుంచి స్ట్రీమింగ్ కానున్న ఈ సిరీస్ ట్రైలర్ ని తాజాగా విడుదల చేశారు. తొలి భాగాన్ని పోలినట్లే ఇందులోనూ పలు పాత్రలు ఉన్నాయి. పెళ్లి చేసుకోబోయే జంట, ఓ వివాహిత, ఓ మధ‍్య వయసు జంట, ఓ సింగిల్ అమ్మాయి, ఓ పనిమనిషి పాత్రలు ఇందులో కీలకం. ఆర్.బాల్కీ, కొంకన్ సేన్ శర్మ, సుజోయ్ ఘోష్, అమిత్ రవీంద్రనాథ్ శర్మ నాలుగు ఎపిసోడ్స్ కు దర్శకత్వం వహించారు. విజయ్ తో తమన్నా తమన్నా నటుడు విజయ్ వర్మతో రిలేషన్ లో ఉంది. ఈ మధ్యనే బహిరంగంగా ఈ విషయాన్ని బయటపెట్టింది. ఈ సిరీస్ షూటింగ్ టైంలోనే వీళ్లిద్దరూ ప్రేమలో పడ్డారు. రియల్ కపుల్ కాస్త రీల్ పైనా రెచ్చిపోయారు. ఈ సిరీస్ లో విజయ్ పాత్రకు ఆల్రెడీ పెళ్లి అవుతుంది. అయినాసరే తమన్నా పాత్రతో రిలేషన్ పెట్టుకుంటాడు. వీళ్ల బంధం చివరకు ఏమైందనేది తెలియాలంటే సిరీస్ వచ్చేవరకు ఆగాలి. ఇదే సిరీస్ లో అగ్ని పర్వతం, టెస్ట్ డ్రైవ్ పదాలతో కొన్ని డబుల్ మీనింగ్ డైలాగ్స్ కూడా ఉన్నాయి. ట్రైలర్ లేదా సిరీస్ చూడాలనుకుంటే మాత్రం బీ కేర్‌ఫుల్!  (ఇదీ చదవండి: మేనేజర్ మోసం.. రష్మిక షాకింగ్ నిర్ణయం!)

మిల్కీ బ్యూటీ తమన్నా, విజయ్ వర్మ గురించి ప్రత్యేకంగా చెప్పాల్సిన పనిలేదు. ఈ ఏడాది న్యూ ఇయర్‌ వేడుకల్లో గోవాలో కనిపించిన జంట.. ఆ తర్వాత చాలాసార్లు కెమెరాలకు చిక్కారు. ఆ తర్వాత వీరిద్దరు డేటింగ్‌లో ఉన్నారంటూ గాసిప్స్ వినిపించిన సంగతి తెలిసిందే. ప్రస్తుతం వీరిద్దరు కలిసి లస్ట్‌ స్టోరీస్-2 వెబ్ సిరీస్‌లో నటించారు. ఈ సిరీస్‌ ప్రమోషన్లలో పాల్గొన్న తమన్నా.. విజయ్‌తో ఉన్న బంధం గురించి తొలిసారి నోరు విప్పారు. విజయ్‌తో లవ్‌లో ఉన్నానని తమన్నా ప్రకటించారు. ఆ తర్వాత విజయ్ వర్మ సైతం తమన్నాతో రిలేషన్‌ నిజమేనని వెల్లడించారు.  (ఇది చదవండి: Video: డెలివరీ డేట్‌ ఫిక్స్‌...ఆసుపత్రికి ఉపాసన!) తాజాగా వెబ్ సిరీస్ ప్రమోషన్లలో భాగంగా ఓ ఫోటోషూట్‌ నిర్వహించారు. ఆ ఫొటోలను తమన్నా తన సోషల్‌ మీడియాలో షేర్‌ చేయగా అవి వైరలయ్యాయి. ఇవీ చూసిన ఓ నెటిజన్ ' అన్నీ తమన్నానే.. విజయ్ కేవలం ఓ నటుడు' మాత్రమే అంటూ కామెంట్ చేశాడు. దీనికి స్పందించిన విజయ్ వర్మ..  'మీ మాటలను అంగీకరిస్తున్నా.. నాకు అన్నీ తమన్నానే' అంటూ రిప్లై ఇచ్చారు. విజయ్ ట్వీట్ చూసిన తమన్నా కూడా రిప్లై ఇస్తూ ఎమోజీలను జత చేసింది. ప్రస్తుతం ఇది సోషల్ మీడియాలో వైరల్‌గా మారింది. కాగా.. తమన్నా, విజయ్‌ వర్మ కలిసి నటించిన వెబ్‌ సిరీస్‌ లస్ట్‌ స్టోరీస్‌2 జూన్‌ 29 నుంచి నెట్‌ ఫ్లిక్స్‌ వేదికగా ప్రసారం కానుంది. దీని ప్రమోషన్స్‌ కోసం ఈ ప్రేమజంట ప్రత్యేక ఫొటోషూట్‌ చేసింది.  (ఇది చదవండి: ఆదిపురుష్‌ మూవీ ఓ పెద్ద జోక్‌.. తీవ్ర విమర్శలు చేసిన నటుడు) I kinda agree https://t.co/4SsbMUuJEl — Vijay Varma (@MrVijayVarma) June 19, 2023

బాలీవుడ్‌ నటుడు విజయ్ వర్మ, మిల్కీ బ్యూటీ తమన్నా ఇటీవలే లస్ట్ స్టోరీస్-2 వెబ్‌ సిరీస్‌లో జంటగా నటించారు. సీతారామం బ్యూటీ మృణాల్ ఠాకూర్, నీనా గుప్తా, కాజోల్ ప్రధాన పాత్రల్లో తెరకెక్కిన ఈ వెబ్ సిరీస్ ఈనెల 29న ప్రేక్షకుల ముందుకు రానుంది. అయితే ఇప్పటికే వీరిద్దరూ డేటింగ్‌లో ఉన్నారంటూ చాలాసార్లు రూమర్స్ వచ్చిన సంగతి తెలిసిందే. ఇప్పటి వరకు సీక్రెట్‌గా ఉన్న బంధాన్ని మిల్కీ బ్యూటీ తాజాగా బయట పెట్టేసింది. దీంతో ఇన్ని రోజులుగా కొనసాగుతున్న సస్పెన్స్‌కు తెరదించింది తమన్నా భాటియా. తాజాగా విజయ్ వర్మ సైతం తమ రిలేషన్‌షిప్‌పై స్పందించారు.  ( ఇది చదవండి: స్టార్‌ హీరోయిన్‌ కూతురు ఆడుకుంటున్న బ్యాగు ధరెంతో తెలుసా?) ప్రస్తుతం లస్ట్ స్టోరీస్-2 ప్రమోషన్లతో బిజీగా ఉన్న విజయ్ వర్మ ఓ యూట్యూబ్‌ ఛానెల్‌తో చిట్‌చాట్‌ సందర్భంగా తమన్నాతో రిలేషన్‌పై నోరు విప్పారు. తమ ప్రేమ గురించి ఇన్ని రోజులు బయటకు చెప్పకపోవడానికి గల కారణాలు వెల్లడించారు.  విజయ్ వర్మ మాట్లాడుతూ.. 'ప్రస్తుతం నా జీవితంలో చాలా సంతోషంగా ఉన్నా. ఎందుకంటే ప్రజలకు నా ప్రొఫెషనల్ కెరీర్‌కు సంబంధించిన విషయాలు మాత్రమే చెప్పాలనుకున్నా. సరైన సమయం వచ్చినప్పుడు నా వ్యక్తిగత జీవితం గురించి మీతో చెబుదామనుకున్నా.' అని అన్నారు. కాగా.. ఇప్పటికే విజయ్‌తో ప్రేమలో ఉన్నానని.. లస్ట్ స్టోరీస్-2 సెట్స్‌లోనే లవ్‌లో పడినట్లు మిల్కీ బ్యూటీ చెప్పుకొచ్చింది. విజయ్‌ తోడుగా ఉంటే హ్యాపీగా ఉంటానని తెలిపింది. - కె.తారక రామ కుమార్‌ ( ఇది చదవండి: స్టార్ హీరో మనవరాలు డేటింగ్.. సోషల్ మీడియాలో వీడియో వైరల్!)

ఇండస్ట్రీలో హీరోయిన్‌ తమన్నాకు ప్రత్యేకమైన గుర్తింపు ఉంది. తెరపై తన అందం, అభినయం, డాన్స్‌తో కుర్రకారును కట్టిపడేస్తుంది. అలా మిల్కీ బ్యూటీగా అభిమానుల గుండెల్లో నిలిచిపోయింది. అయితే డేటింగ్‌ రూమర్స్‌తో వార్తల్లో ఉంటున్న తమన్నా.. తాజాగా వాటికి ఫుల్‌స్టాప్‌ పెట్టింది. ఎట్టకేలకు బాలీవుడ్‌ నటుడు విజయ్ వర్మతో రిలేషన్‌షిప్‌ నిజమేనని ఒప్పుకుంది. వారిద్దరూ జంటగా నటించిన 'లస్ట్ స్టోరీస్ 2' సెట్స్‌లో ప్రేమ కథ ప్రారంభమైందని ఆమె వెల్లడించింది. తమన్నా,  విజయ్ కలిసి పనిచేయడం ఇదే మొదటిసారి.   (ఇదీ చదవండి: ధనుష్‌కు షాక్‌ ఇచ్చిన కంగనా రనౌత్‌?) ఈ సినిమా ప్రమోషన్‌లో భాగంగా  ఒక ఇంటర్వ్యూలో ఆమె ఇలా అన్నారు. ' సహనటుడు అనే కారణంగా  విజయ్ వర్మను ఇష్టపడలేదు. నాకు చాలా మంది సహ నటులు ఉన్నారు. కానీ విజయ్‌ ప్రత్యేకమైన వ్యక్తి. నాకు  రక్షణగా నిలబడుతాడు అనే నమ్మకం ఉంది. మా ఇద్దరి మధ్య చాలా ఆర్గానిక్‌ బంధం ఉంది. నన్ను కిందకు లాగే వారి నుంచి రక్షిస్తాడు.  నా కోసం ఒక అందమైన ప్రపంచాన్ని సృష్టించుకున్నాను.  అనుకోకుండా ఆ ప్రపంచంలోకి నన్ను అర్థం చేసుకున్న వ్యక్తి వచ్చాడు. అతను నా పట్ల చాలా శ్రద్ధ వహిస్తాడు. తను ఉన్న ప్రదేశమే నాకు  సంతోషకరమైన ప్రదేశం' అని చెప్పింది. దీంతో అన్నీ అనుకూలిస్తే త్వరలో మరో జంట పెళ్లి పీటలు ఎక్కేందుకు సిద్ధంగా ఉంది అని నెటిజన్లు కామెంట్లు చేస్తున్నారు. View this post on Instagram A post shared by Tamannaah Bhatia (@tamannaahspeaks) View this post on Instagram A post shared by Vijay Varma (@itsvijayvarma) (ఇదీ చదవండి: బాలీవుడ్‌లో కన్నా సౌత్‌లోనే నెపోటిజం ఎక్కువ: అవికా గోర్‌)

మిల్కీ బ్యూటీ తమన్నా గురించి ప్రత్యేకంగా చెప్పాల్సిన పనిలేదు. టాలీవుడ్‌లో స్టార్ ‍హీరోలందరితో నటించిన ఈ భామ ప్రస్తుతం సినిమాలతో బిజీగా ఉంది. ప్రస్తుతం మెగాస్టార్ సరసన భోశాశంకర్‌లో నటిస్తోంది. అంతే కాకుండా బాలీవుడ్‌లో వెబ్ సిరీస్‌ల్లోనూ కనిపించనుంది. జీ కర్ధా, లస్ట్ స్టోరీస్-2 సిరీస్‌ల్లో నటించింది. వీటితో పాటు రజనీకాంత్‌తో కలిసి నటించిన జైలర్‌, అరణ్మణై–4, మలయాళం చిత్రం బాంద్రా, హిందీ చిత్రం బోల్‌ చుడియన్‌ చిత్రాలు లైన్‌లో ఉన్నాయి. అయితే తమన్నా నటించిన వెబ్‌ సిరీస్‌పై విమర్శలు వెల్లువెత్తుతున్నాయి. (ఇది చదవండి: తమన్నాకు రజినీకాంత్ గిఫ్ట్.. అదేంటో తెలుసా?) ఇటీవల రిలీజైన జీ కర్దా వెబ్ సిరీస్ ట్రైలర్‌లో తమన్నా మీతిమీరిన రొమాంటిక్ సీన్స్‌లో నటించడంపై నెటిజన్స్ ఆశ్చర్యం వ్యక్తం చేస్తున్నారు. ఈ రేంజ్‌లో బెడ్ రూమ్ సీన్లలో నటించిందా అంటూ షాకవుతున్నారు. దీంతో పాటు నెట్‌ఫ్లిక్స్‌లో రిలీజ్ కానున్న లస్ట్ స్టోరీస్-2 వెబ్ సీరిస్‌లోనూ బోల్డ్ సీన్స్‌లో నటించినట్లు తెలుస్తోంది. ఈ నేపథ్యంలో మిల్కీ బ్యూటీ బ్యాక్‌ టూ బ్యాక్ అడల్ట్ సీరిస్‌ల్లో నటించడంపై విమర్శలు వస్తున్నాయి. ఏకంగా తమన్నా ఆర్థికంగా దివాళా తీసిందా? అన్న అనుమానం వ్యక్తం చేస్తున్నారు.  తాజాగా సినీ తారలపై ఎప్పుడు విమర్శలు విరుచుకుపడుతూ.. తనకు తానుగా సినీ క్రిటిక్‌గా ఫీలయ్యే ఉమైర్ సంధు ట్వీట్ సోషల్ మీడియాలో వైరల్‌గా మారింది. ప్రస్తుతం సన్నిలియోన్ స్థానాన్ని తమన్నా భర్తీ చేస్తోందంటూ వివాదస్పద ట్వీట్ చేశారు. 40 ఏళ్ల వయసులో గుర్తింపు కోసమే అన్ని హద్దులు చేరిపేసిందంటూ ఉమైర్ సంధు పోస్ట్ చేశారు. ప్రస్తుతం ఇది సోషల్ మీడియాలో వైరల్‌గా మారింది.  (ఇది చదవండి: రామాలయానికి 100 టిక్కెట్లు ఉచితం) #TamannaahBhatia is the New “ Sunny Leone ” in India 🇮🇳 now. She is the Most Trending “ Naked Actress ” in Last 2 days. In her 40 age, She is crossing all limits to back in Position. As per insiders, she became bankrupt in Covid ! pic.twitter.com/aVOt2RmY87 — Umair Sandhu (@UmairSandu) June 9, 2023 View this post on Instagram A post shared by Tamannaah Bhatia (@tamannaahspeaks)

నీనా గుప్తా, కాజోల్, మృణాల్ ఠాకూర్, తమన్నా, విజయ్ వర్మ ప్రధాన పాత్రల్లో తెరకెక్కిన చిత్రం లస్ట్ స్టోరీస్-2. ఈ మూవీకి అమిత్ రవీందర్నాథ్ శర్మ, కొంకణ సెన్ శర్మ, ఆర్ బాల్కీ, సుజోయ్ ఘోష్ దర్శకత్వం వహించారు. తాజాగా ఈ చిత్ర టీజర్‌ను రిలీజ్ చేశారు మేకర్స్. ఈ మూవీ ప్రముఖ ఓటీటీ ఫ్లాట్‌ఫామ్‌ నెట్‌ఫ్లిక్స్‌లో విడుదల కానుంది. (ఇది చదవండి: చిన్న సూట్‌కేసుతో ముంబై వచ్చా.. చేతిలో డబ్బుల్లేక: నటి) ఈ చిత్రంలో సీనియర్ నటి నీనా గుప్తా ప్రధాన పాత్రలో నటించారు. టీజర్‌ ప్రారంభంలో నీనా గుప్తా మాటలు టీజర్‌పై మరింత ఆసక్తి పెంచుతున్నాయి. ఒక కారు కొనడానికి ముందు టెస్ట్ డ్రైవ్ చేస్తాం.. మరీ పెళ్లికి ముందు ఇలాగే చేయకూడదా అని అడిగింది. నీనా మాటలకు కాజోల్ నవ్వుతూ కనిపించింది. కాగా.. ఈ చిత్రంలో అంగద్‌కు జోడీగా మృణాల్, విజయ్ వర్మకు జంటగా తమన్నా నటిస్తున్నారు. ఈ టీజర్‌లో విజయ్, తమన్నా కూడా రొమాంటిక్‌గా కనిపించారు. కాగా.. విశాల్ భరద్వాజ్ వెబ్ సిరీస్ చార్లీ చోప్రా & ది మిస్టరీ ఆఫ్ సోలాంగ్ వ్యాలీలో కూడా నీనా నటిస్తున్నారు. కాజోల్ కూడా ది గుడ్ వైఫ్‌ వెబ్‌ సిరీస్‌లో కనిపించనుంది. (ఇది చదవండి: లలితా జ్యువెలరీలో దోపిడి, చివరకు ఎయిడ్స్‌తో.. ఆ దొంగ కథే జపాన్‌?) Love or lust… you decide. #LustStories2 Coming soon, only on @NetflixIndia! 🤩 #LustStories2OnNetflix#RBalki @konkonas @sujoy_g @iAmitRSharma @Neenagupta001 @mrunal0801 @Imangadbedi @TillotamaShome @AmrutaSubhash @itsKajolD #KumudMishra @RSVPMovies… pic.twitter.com/bo7tq7R3kr — Tamannaah Bhatia (@tamannaahspeaks) June 6, 2023

మహేశ్‌ బాబు  'నేనొక్కడే’ సినిమాతో టాలీవుడ్‌ ఎంట్రీ ఇచ్చింది కృతి సనన్‌. ఆ తర్వాత బాలీవుడ్‌లో నటిస్తూ బిజీ అయిపోయింది. కొద్ది కాలంలోనే  స్టార్‌ హీరోయిన్‌గా గుర్తింపు సాధించింది ఈ భామ. తాజాగా ఆ బ్యూటీకి సంబంధించి ఓ విషయాన్ని షేర్ చేసుకుంది. 2018లో వచ్చిన 'లస్ట్ స్టోరీస్' మూవీలోని నటించేందుకు అవకాశం వచ్చినా తిరస్కరించినట్లు తెలిపింది. కారణం అలాంటి బోల్డ్‌ సీన్లలో నటించేందుకు ఆమె తల్లి ఒప్పుకోలేదని తెలిపింది. దీంతో ఆ పాత్రలో కియారా అద్వానీ నటించింది. కరణ్ జోహార్  కృతి సనన్‌ను సంప్రదించగా ఆ ఆఫర్‌ను సున్నితంగా తిరస్కరించినట్లు ఇటీవల జరిగిన కాఫీ విత్ కరణ్ షోలో ఈ విషయాన్ని ఆయన వెల్లడించారు.  ఇటీవల ఓ మీడియాకు ఇచ్చిన ఇంటర్వ్యూలో కృతి తల్లి గీతా సనన్ ఈ విషయాన్ని తెలిపింది. ఆమె మాట్లాడుతూ..'కృతి కెరీర్ ప్రారంభంలోనే అలాంటి సన్నివేశాల్లో నటించడం నాకు నచ్చలేదు. అలాంటి బోల్డ్ సీన్లలో నటించేందుకు నా కుమార్తెను అందుకే అనుమతించలేదు' అని అన్నారు.  (చదవండి: ఇలాంటి చర్య భయానకం.. కోహ్లీ వీడియోపై బాలీవుడ్ తారల ఆగ్రహం) ఈ కార్యక్రమంలో పాల్గొన్న కృతి మాట్లాడుతూ.. 'మా అమ్మకు స్క్రిప్ట్ నచ్చకపోవడంతో ఆ పాత్రకు నో చెప్పింది. అందువల్ల నేను ఆ సినిమాలో నటించకపోవడమే మంచిదనిపించింది. నేను మధ్యతరగతి కుటుంబం నుండి వచ్చా. అందుకే ఇలాంటి సన్నివేశాల్లో నటించాలని నేను ఎప్పుడు అమ్మను అడగలేదు.'  అని అన్నారు. బాలీవుడ్ దర్శకుడు కరణ్ జోహార్ నిర్మించిన 'లస్ట్ స్టోరీస్' 2018లో నెట్‌ఫ్లిక్స్‌లో విడుదలైంది. ఈ చిత్రంలో అనురాగ్ కశ్యప్, జోయా అక్తర్, దిబాకర్ బెనర్జీ నటించారు. ప్రస్తుతం కృతి సనన్ వరుణ్ ధావన్‌తో కలిసి నటించిన 'భేడియా' ప్రమోషన్లలో బిజీగా ఉంది. ఆమెకు టాలీవుడ్ హీరో ప్రభాస్ 'ఆదిపురుష్', 'గణపత్', 'షెహజాదా', అనురాగ్ కశ్యప్ చిత్రాల్లోనూ నటించనుంది.   

Karan Johar Ended His Deal With Netflix: నెట్‌ఫ్లిక్స్‌లో ప్రసారమైన లస్ట్‌ స్టోరీస్‌ సృష్టించిన సంచలనం అంతా ఇంతా కాదు. లస్ట్‌ స్టోరీస్‌తో మొదలైన బాలీవుడ్‌ ఏస్‌ డైరెక్టర్‌ కరణ్‌ జోహార్‌ , నెట్‌ఫ్లిక్స్‌ బంధానికి తెరపడింది. 2019 నుంచి ఇండియాలో మార్కెట్‌ విస్తరణలో భాగంగా నెట్‌ఫ్లిక్స్‌ సంస్థ ఒరిజనల్ కంటెంట్‌ అందించేందుకు కరణ్‌ జోహార్‌కు చెందిన ధర్మా ప్రొడక‌్షన్స్‌తో 2019లో జత కట్టింది. దీని ప్రకారం ధర్మా ప్రొడక‌్షన్‌ హౌజ్‌కి చెందిన ధర్మాన్‌ నుంచి వచ్చే అన్ని వెబ్‌ సిరీస్‌లు నెట్‌ఫ్లిక్స్‌లోనే ప్రసారం చేయాల్సి ఉంటుంది. లస్ట్‌ స్టోరీస్‌ కరణ్‌ జోహార్‌, నెట్‌ఫ్లిక్స్‌ ఒప్పందంలో భాగంగా వచ్చిన లస్ట్‌ స్టోరీస్‌ దేశ వ్యాప్తంగా సంచలనంగా మారింది. ఒక్కసారిగా నెట్‌ఫ్లిక్స్‌కి చందాదారుల సంఖ్య అమాంతం పెరిగింది. ఆ తర్వాత ఘోస్ట్‌ స్టోరీస్‌ కూడా మంచి ఆదరణ దక్కించుకుంది. మొత్తంగా ఎంటర్‌టైన్మెంట్‌ విభాగంలో ఈ రెండు సంస్థలు రెండేళ్ల పాటు పని చేశాయి.  ఇక చాలు రెండేళ్ల కాంట్రాక్టు ముగిసిన తర్వాత దాన్ని పొడిగించేందుకు కరణ్‌ జోహార్‌ ఆసక్తి చూపించలేదు. తమ ధర్మ ప్రొడక‌్షన్‌ హౌజ్‌ నుంచి వచ్చె వెబ్‌ సిరస్‌లను ఒకే ఓటీటీ ప్లాట్‌ఫారమ్‌కే పరిమితం చేసేందుకు ఆయన సుముఖంగా లేరు. దీంతో రెండేళ్ల పాటు కలిసి చేసిన ప్రయాణానికి పులిస్టాప్‌ పెట్టేశారు. మరోవైపు ధర్మా ప్రొడక‌్షన్‌ హౌజ్‌కి సంబంధించిన సినిమాలు ఎక్కువగా అమెజాన్‌ ప్రైమ్‌వీడియోస్‌, డిస్నీ హాట్‌స్టార్‌లో ఎక్కువగా రిలీజ్‌ అవుతున్నాయి.  విస్తరిస్తున్న ఓటీటీ ఇండియాలో ఓటీటీ మార్కెట్‌ శర వేగంగా విస్తరిస్తోంది. లీడింగ్‌లో ఉన్న అమెజాన్‌ ప్రైమ్‌కి ప్రస్తుతం 1.80 కోట్ల మంది సబ్‌‍స్క్రైబర్లు ఉండగా ఈ ఏడాది చివరి నాటికి 2.10 కోట్లకు పెంచాలని లక్ష్యంగా పెట్టుకుంది. మరోవైపు 2021 డిసెంబరు నాటికి  46 లక్షల మంది చందాదారులున్న నెట్‌ఫ్లిక్స్‌ సంస్థ దాన్ని 55 లక్షలకు పెంచుకోవాలని లక్ష్యంగా పెట్టుకుంది. హాట్‌స్టార్‌, జీ 5, సోనీ, వూట్‌, ఆల్ట్‌ బాలాజీలు సరైతం చందాదారులను ఆకట్టుకునేందుకు వెబ్‌ సిరీస్‌, కొత్త సినిమా రిలీజ్‌పై దృష్టి పెట్టాయి.  లాభసాటి వ్యవహారం ఓటీటీలకు యూత్‌ మహారాజ పోషకులుగా ఉన్నారు. దీంతో యూత్‌ను ఆకట్టుకునే వెబ్‌ సిరీస్‌లు నిర్మించే సంస్థలకు మంచి ఆఫర్లు ఇస్తున్నాయి. దీంతో ఒక్కో వెబ్‌ సిరీస్‌ని ఒక్కో ఓటీటీ ప్లాట్‌ఫార్మ్‌పై రిలీజ్‌ చేయడం ద్వారా ఇటు ఆర్థికంగా లాభసాటిగా ఉండటంతో పాటు బ్రాండ్‌ వాల్యూ కూడా పెరుగుతుందనే యోచనలో కరణ్‌ జోహార్‌ ఉన్నారు. అందువల్లే నెట్‌ఫ్లిక్స్‌కి బై చెప్పారని ఇండస్ట్రీ వర్గాలు అంటున్నాయి. చదవండి : సమంతకు నెట్‌ఫ్లిక్స్‌ భారీ ఆఫర్‌.. వైరల్‌ అవుతోన్న రెమ్యునరేషన్‌!

వెబ్‌ సిరీస్‌లకు రోజురోజుకూ ఆదరణ పెరుగుతున్న సంగతి తెలిసిందే. అందుకే పెద్ద పెద్ద నిర్మాణ సంస్థలు వెబ్‌ సిరీస్‌లు నిర్మించేందుకు ఆసక్తి చూపుతున్నాయి. ఆయా సిరీస్‌లలో నటించేందుకు స్టార్‌ హీరోలు, హీరోయిన్లు, దర్శకులు పచ్చజెండా ఊపుతున్నారు. ఆల్రెడీ అమలా పాల్‌ ఒక ఓటీటీ ప్లాట్‌ఫామ్‌ కోసం చేసిన హిందీ ‘లస్ట్‌ స్టోరీస్‌’ తెలుగు రీమేక్‌ స్ట్రీమింగ్‌కి రెడీ అవుతోంది. తాజాగా ‘కుడి ఎడమైతే’ పేరుతో రూపొందనున్న ఓ  వెబ్‌ సిరీస్‌లో నటించేందుకు అంగీకరించారట. పవన్‌ కుమార్‌ దర్శకత్వంలో తెలుగు ఓటీటీ యాప్‌ ‘ఆహా’ ఈ సిరీస్‌ని నిర్మించనుందని టాక్‌. థ్రిల్లర్‌ కథాంశంతో  ఎనిమిది ఎపిసోడ్లుగా ఈ సిరీస్‌ సాగుతుందని తెలిసింది.

‘లస్ట్‌స్టోరీస్‌’ ఆంథాలజీతో బాలీవుడ్‌లో ఎంట్రీ ఇచ్చింది ఆన్‌లైన్‌ స్ట్రీమింగ్‌ ఫ్లాట్‌ఫామ్‌ నెట్‌ఫ్లిక్స్‌. అదే ‘లస్ట్‌స్టోరీస్‌’తో టాలీవుడ్‌లోనూ అడుగుపెడుతోంది. తాజాగా కోలీవుడ్‌లోనూ నెట్‌ఫ్లిక్స్‌ ఓ ఆంథాలజీతో అడుగుపెట్టనుంది. నలుగురు దర్శకులు నాలుగు కథలను కలిపి ఓ చిత్రంగా మలచడమే ఆంథాలజీ. ఈ తమిళ ఆంథాలజీ పరువు హత్యలు ఆధారంగా ఉంటాయని తెలిసింది. తమిⶠ దర్శకులు గౌతమ్‌ మీనన్, సుధా కొంగర, విఘ్నేశ్‌ శివన్, వెట్రిమారన్‌ ఈ ఆంథాలజీను తెరకెక్కిస్తారట. వెట్రిమారన్‌ రూపొందించే భాగంలో సాయిపల్లవి, ప్రకాశ్‌ రాజ్‌ కీలక పాత్రల్లో నటించనున్నారని తెలిసింది. కాగా సాయి పల్లవికి తొలి డిజిటల్‌ ఎంట్రీ ఇదే కానుంది. సాయిపల్లవి, ప్రకాశ్‌ రాజ్‌ తండ్రీకూతుళ్లుగా నటించనున్న ఈ ఆంథాలజీ డిసెంబర్‌లో షూటింగ్‌ ప్రారంభం కానుంది. అయితే అంజలి ప్రధాన పాత్రలో విఘ్నేశ్‌ శివన్‌ తన భాగానికి సంబంధించిన చిత్రీకరణ ఇప్పటికే పూర్తి చేశారట.

నెట్‌ఫ్లిక్స్‌లో హిట్‌ అయిన హిందీ ఆంథాలజీ (ముగ్గురు లేదా నలుగురు దర్శకులు చిన్న చిన్న కథలను ఓ సినిమాగా రూపొందించడం) ‘లస్ట్‌ స్టోరీస్‌’. తాజాగా నెట్‌ఫ్లిక్స్‌ ఇప్పుడు తెలుగులోనూ ‘లస్ట్‌ స్టోరీస్‌’ను తీసుకురాబోతోంది. ఈ ఆంథాలజీని నందినీ రెడ్డి, తరుణ్‌ భాస్కర్, సంకల్ప్‌ రెడ్డి డైరెక్ట్‌ చే స్తారు. సంకల్ప్‌ రెడ్డి దర్శకత్వం వహించే కథలో ఈషారెబ్బా ముఖ్య పాత్రలో కనిపించనున్నారు. ఈ పార్ట్‌ షూటింగ్‌ ఇటీవలే ప్రారంభం అయింది. ఈషారెబ్బాపై కీలక సన్నివేశాలను చిత్రీకరిస్తున్నారు. ఈషా డిజిటల్‌ ఎంట్రీకి ఇదే తొలి వేదిక కానుంది. నందినీ రెడ్డి దర్శకత్వం వహించే భాగంలో అమలా పాల్‌ నటిస్తున్నారు.

అమలా పాల్‌ కాస్తా అమలా పూల్‌ అయిందేంటని ఆలోచిస్తున్నారా? కింద ఉన్న ఫొటో చూశారు కదా. పువ్వులు నిండిన తొట్టిలో అమలా పాల్‌ ఎలా ఎంజాయ్‌ చేస్తున్నారో? అందుకే అమలా పూల్‌ అన్నాం. షూటింగ్స్‌కి కాస్త విరామం ఇచ్చి తన బర్త్‌డేను (అక్టోబర్‌ 26) సెలబ్రేట్‌ చేసుకోవడానికి బాలీకి హాలిడేకు వెళ్లారు అమలా. అక్కడ కొన్ని రోజులు తనకు నచ్చినట్లుగా  గడిపారామె. ఆ వెకేషన్‌ ఫొటోలను తన ఇన్‌స్టాగ్రామ్‌ ద్వారా పంచుకున్నారు. వాటిలో పూలతో నిండిన బాత్‌ టబ్‌లో ‘హీలింగ్‌ బాత్‌’ చేస్తున్న ఫొటో ఒకటి. ఇక సినిమాల విషయానికి వస్తే.. అమలా పాల్‌ నటించిన  ‘అదో అంద పరవై పోల’ అనే తమిళ లేడీ ఓరియంటెడ్‌ చిత్రం, ‘ఆడు జీవితం’ అనే మలయాళ సినిమా విడుదలకు సిద్ధంగా ఉన్నాయి. నెట్‌ఫ్లిక్స్‌ నిర్మిస్తున్న ‘లస్ట్‌ స్టోరీస్‌’ యాంథాలజీలోనూ నటిస్తున్నారు అమలా పాల్‌. 

బాలీవుడ్‌ అగ్ర దర్శకులు జోయా అక్తర్, కరణ్‌ జోహార్, దిబాకర్‌ బెనర్జీ, అనురాగ్‌ కశ్యప్‌లతో ‘లస్ట్‌ స్టోరీస్‌’ అనే యాంథాలజీ (ఇద్దరు ముగ్గురు దర్శకులు కలసి ఒక్కో భాగానికి దర్శకత్వం వహించడం) రూపొందించింది నెట్‌ఫ్లిక్‌. తెలుగులోనూ ‘లస్ట్‌ స్టోరీస్‌’ను తీసుకు రాబోతోంది. సందీప్‌రెడ్డి వంగా, సంకల్ప్‌ రెడ్డి ఒక్కో భాగాన్ని డైరెక్ట్‌ చేయనున్నారు. ఇప్పుడు తమిళంలోనూ నెట్‌ఫ్లిక్‌ ఓ యాంథాలజీ ప్లాన్‌ చేసిందని సమాచారం. దర్శకులు గౌతమ్‌ మీనన్, సుధా కొంగర, వెట్రిమారన్, విఘ్నేష్‌ శివన్‌లు ఈ యాంథాలజీను డైరెక్ట్‌ చేయనున్నారట. ఇది తమిళ వెర్షన్‌ ‘లస్ట్‌ స్టోరీస్‌’ అని ప్రచారం జరుగుతోంది. ఈ  విషయంపై స్పష్టత రావాల్సి ఉంది. 

‘ఘాజీ, అంతరిక్షం’ వంటి చిత్రాలతో దర్శకుడిగా మంచి గుర్తింపు తెచ్చుకున్నారు సంకల్ప్‌రెడ్డి. మూడో చిత్రాన్ని బాలీవుడ్‌లో చేసే అవకాశం అందుకున్నారు. ఇప్పటికే స్క్రిప్ట్‌ పనులు లాక్‌ చేసిన ఆయన నటీనటులు, సాంకేతిక నిపుణుల ఎంపిక పనిలో ఉన్నారు. మరోవైపు ఆయన నెట్‌ఫ్లిక్స్‌ కోసం ఓ వెబ్‌ సిరీస్‌కి దర్శకత్వం వహించనున్నారట. గత ఏడాది బాలీవుడ్‌లో సంచలనం రేపిన ‘లస్ట్‌ స్టోరీస్‌’ తెలుగు వర్షన్‌ని సంకల్ప్‌ డైరెక్ట్‌ చేయనున్నారు. బాలీవుడ్‌లో నాలుగు విభాగాల్లో తెరకెక్కిన ‘లస్ట్‌ స్టోరీస్‌’ కి కరణ్‌ జోహార్, అనురాగ్‌ కశ్యప్, జోయా అక్తర్, దిబాకర్‌ బెనర్జీ దర్శకత్వం వహించారు. విక్కీ కౌశల్, కియారా అద్వానీ, మనీషా కోయిరాలా, భూమి ఫడ్నేకర్, సంజయ్‌ కపూర్, రాధికా ఆప్టే తదితరులు నటించిన ‘లస్ట్‌ స్టోరీస్‌’ తొలి భాగం గత ఏడాది జూన్‌ 15న ప్రారంభమై బాలీవుడ్‌లో సంచలనాలు సృష్టించింది. బాలీవుడ్‌ ‘లస్ట్‌ స్టోరీస్‌’ ని నిర్మించిన ఆర్‌ఎస్‌వీపీ ప్రొడక్షన్‌ హౌస్‌ తెలుగులోనూ నిర్మించనుంది. నాలుగు భాగాలుగా తెరకెక్కనున్న ఈ వెబ్‌ సిరీస్‌లో ఓ డైరెక్టర్‌గా సంకల్ప్‌ రెడ్డి ఫిక్సయ్యారు. మరో ముగ్గురు డైరెక్టర్స్‌ ఎవరన్నది ప్రకటించాల్సి ఉంది. సంకల్ప్‌ దర్శకత్వం వహిస్తున్న ఎపిసోడ్‌ మార్చి 2020కి ముగుస్తుంది. ఈ ‘లస్ట్‌ స్టోరీస్‌’ తెలుగులో ఎన్ని సంచలనాలు సృష్టిస్తుందే వేచి చూడాలి.

లెజెండరీ సింగర్‌ లతా మంగేష్కర్‌ కుటుంబ సభ్యులు బాలీవుడ్‌ నిర్మాత కరణ్‌ జోహర్‌పై మండిపడుతున్నారు. నెట్‌ప్లిక్స్‌ నిర్మించిన ‘లస్ట్‌ స్టోరీస్‌’  కోసం ఓ సన్నివేశంలో ఆమె పాడిన పాటను వాడటంపై ఆమె కుటుంబ సభ్యులు తీవ్ర అభ్యంతరం వ్యక్తం చేశారు. లస్ట్‌ స్టోరీస్‌లో కైరా అద్వానీ(భరత్‌ అనే నేను ఫేమ్‌) పాత్ర మేఘకి సంబంధించిన ఎపిసోడ్‌కు కరణ్‌ జోహర్‌ దర్శకత్వం వహించిన విషయం తెలిసిందే. భర్త నుంచి లైంగిక సంతృప్తి పొందలేక సతమతమయ్యే టీచర్‌ పాత్రలో కైరా నటించింది. ఈ ఫిలింలో ఆమె వైబ్రేటర్‌ను వాడే ఓ సన్నివేశం ఉంటుంది. అదే సమయంలో బ్యాక్‌ గ్రౌండ్‌లో కభీ ఖుషీ కభీ ఘమ్‌ టైటిల్‌ సాంగ్‌ వినిపిస్తుంటుంది. ఆ హిల్లేరియస్‌ సీన్‌ టోటల్‌గా లస్ట్‌ స్టోరీస్‌కే హైలెట్‌గా నిలిచింది. అయితే  ఆ పాటను అలాంటి సన్నివేశంలో వాడటంపై లతా మంగేష్కర్‌ కుటుంబ సభ్యులు అభ్యంతరం వ్యక్తం చేస్తున్నారు.  ‘ఆ పాట భక్తి బ్యాక్‌ గ్రౌండ్‌లో వచ్చేది. పైగా ఇది తన చిత్రాల్లో ది బెస్ట్‌ సాంగ్‌గా కరణ్‌ ఎప్పుడూ చెప్పుకుంటాడు. అలాంటప్పుడు ఆ పాటను కరణ్‌.. అలాంటి టైంలో ఎందుకు వాడారో మాకు అర్థం కావట్లేదు. ఇది ముమ్మాటికీ లతా దీదీని అగౌరవపరచటమే. ఈ విషయంపై దీదీ కూడా విచారం వ్యక్తం చేశారు. కానీ, వయసురిత్యా ఆమె మీడియా ముందుకు రాలేకపోయారు. అందుకే ఆమె తరపున మేం కరణ్‌ను నిలదీస్తున్నాం’ అని బంధువు ఒకరు ఓ ప్రముఖ ఛానెల్‌తో వ్యాఖ్యానించారు. ఇదిలా ఉంటే ఈ వ్యవహారంపై కరణ్‌ స్పందించాల్సి ఉంది.