డీ. హీరేహళ్ (అనంతరం జిల్లా) : ఆంధ్రప్రదేశ్ ప్రభుత్వం చేపట్టిన జన్మభూమి కార్యక్రమాన్ని ఒక గ్రామస్తులు బహిష్కరించారు. ఈ సంఘటన శనివారం అనంతపురం జిల్లా డీ. హీరేహళ్ మండలం మలపనగుడి గ్రామంలో జరిగింది. వివరాల ప్రకారం.. మలపనగుడి గ్రామంలో జన్మభూమి కార్యక్రమాన్ని నిర్వహించేందుకు వెళ్లిన అధికారులను గ్రామస్తులు అడ్డుకున్నారు. ఎన్నిసార్లు ఫిర్యాదు చేసినా మా సమస్యలను పరిష్కరించకుండా ఇప్పుడు వచ్చి జన్మభూమి అంటే ఎలా అని గ్రామస్తులు నిలదీస్తున్నారు.