మ్యూజిక్ డెరైక్టర్, యాక్టర్, ‘మనలో ఒకడు’ ఆర్పీ పట్నాయక్ ఈ వారం ‘బూమ్‌బూమ్’ షోలో కనిపించనున్నారు. కాంట్రవర్సీకి  భయపడని ఆర్పీ ‘బూమ్‌బూమ్’లో యాంకర్ అనసూయ రేపిన కాంట్రవర్సీకి జవాబు ఇస్తారా? మాటలు కట్ చేస్తారా? అది ఆదివారం రాత్రి 9.30 గం.కు జెమిని టీవీలో చూడవచ్చని ‘జెమినీ’ ప్రతినిధి పేర్కొన్నారు.
  


 ‘‘సంచలన వార్తల పేరుతో టీవీ ఛానళ్లు నిజాలను పక్కన పెడుతున్నాయి. ఆ మీడియా వ్యవస్థపై పోరాడిన ఓ అధ్యాపకుడు కృష్ణమూర్తి కథ ఇది. ఎవర్నీ టార్గెట్ చేయలేదు. సినిమా చూసి ఎవరైనా హర్టయితే ఆ పర్యవసానాలను ఎదుర్కోవడా నికి నేను రెడీ’’ అన్నారు ఆర్పీ పట్నాయక్. ఆయన హీరోగా నటించి, దర్శకత్వం వహించిన సినిమా ‘మనలో ఒకడు’.
 
 గురజాల జగన్మోహన్ నిర్మించిన ఈ సినిమా ఈ నెల 4న విడుదలవుతోంది. ఆర్పీ మాట్లాడుతూ - ‘‘మీడియాలో ప్లస్సూ, మైసస్సూ.. రెండూ ఉన్నాయి. ఈ సినిమాలో మైనస్సులు చూపిస్తున్నా. నిర్మాత సెన్సార్ అవుతుందో? లేదోనని భయపడ్డారు. ఇలాంటి సినిమాలు ప్రస్తుతం అవసర మని సెన్సార్ సభ్యులు ప్రశంసించారు. తదుపరి సినిమాతీయాలనుకుంటున్నా’’ అన్నారు.