శ్రీనగర్‌కాలనీ (హైదరాబాద్): వినికిడి సమస్య ఉన్నా... ఇతర విద్యార్థులకు ఏ మాత్రం తీసిపోమని నిరూపించారు శ్రీనగర్ కాలనీలోని ఆశ్రయ్- ఆకృతి బధిర విద్యార్థులు. ఇంగ్లీష్ మీడియంలో పరీక్షకు హాజరైన 8 మంది విద్యార్థులూ మంచి గ్రేడింగ్‌తో పాసయ్యారు. అనూష అనే విద్యార్థి 10గాను 8.3 గ్రేడ్, స్నేహ 8 గ్రేడ్ సాధించగా, మిగిలిన ఆరుగురు విద్యార్థులు కూడా మంచి గ్రేడ్ సాధించినట్టు పాఠశాల డెరైక్టర్ డీ.పీ.కె. బాబు  మీడియాకు తెలిపారు.