టీమిండియా దిగ్గజం సచిన్‌ టెండూల్కర్‌ క్రికెట్‌ గురించి సలహా ఇస్తే ఎవరు కాదంటారు చెప్పండి. మాస్టర్‌ బ్లాస్టర్‌ ఎలాంటి సలహాలు ఇచ్చినా అవి అందికి ఉపయోగపడేలానే ఉంటాయి. క్రికెట్‌లో లెక్కలేనన్ని రికార్డులు నెల​కొల్పిన సచిన్‌ ప్రస్తుతం రోడ్‌సేఫ్టీ వరల్డ్‌ సిరీస్‌లో బిజీగా ఉ‍న్న సంగతి తెలిసిందే.  ఇండియా లెజెండ్స్‌కు నాయకత్వం వహిస్తున్న సచిన్‌.. సౌతాఫ్రికా లెజెండ్స్‌తో మ్యాచ్‌లో 16 పరుగులు చేసి ఔటయ్యాడు. స్టువర్ట్‌ బిన్నీ విధ్వంసంతో ఇండియా లెజెండ్స్‌ తమ తొలి మ్యాచ్‌లో 61 పరుగుల తేడాతో ఘన విజయం సాధించింది.  ఈ విషయం పక్కనబెడితే.. సచిన్‌ తన ఇన్‌స్టాగ్రామ్‌లో ఒక వీడియోను షేర్‌ చేశాడు. అందులో బ్యాట్‌ హాండిల్‌ను, గ్రిప్‌ను ఎలా శుభ్రపరుచుకోవాలో చూపించాడు. ''ఇలాంటి చిన్న విషయాలు ఎవరు చెప్పరు'' అంటూ వీడియోకు క్యాప్షన్‌ జత చేశాడు. ఈ ప్రక్రియ అంతా బాగానే ఉన్నప్పటికి క్రికెట్‌ ఫ్యాన్స్‌ మాత్రం సచిన్‌ను ఒక విషయంలో తప్పుబట్టారు. అదేంటంటే.. బ్యాట్‌ను క్లీన్‌ చేసే క్రమంలో నీటిని చాలా వరకు వృథా చేశాడు. అవసరం ఉన్నప్పుడు ట్యాప్‌ తిప్పితే సరిపోయేది.. కానీ సచిన్‌ అలా చేయకుండా వీడియోలో మాట్లాడుతున్నంత సేపు ముందు కుళాయిలో నీరు వృథాగా పోతూనే ఉంది. ఈ అంశంమే సచిన్‌ను చిక్కుల్లో పడేలా చేసింది. సచిన్‌ వీడియోనూ చూసిన చాలా మంది అభిమానులు.. దిగ్గజం నీరు వృథా చేయడంపైనే ఫోకస్‌ పెట్టారు. ఎందుకంటే సచిన్‌ టెండూల్కర్‌ ప్రస్తుతం ముంబై సివిక్‌ బాడీ ''సేవ్‌ వాటర్‌'' క్యాంపెయిన్‌కు బ్రాండ్‌ అంబాసిడర్‌గా ఉన్నాడు. క్రికెట్‌లో దిగ్గజంగా పేరు పొంది.. అందునా ''సేవ్‌ వాటర్‌'' క్యాంపెయిన్‌కు బ్రాండ్‌ అంబాసిడర్‌గా ఉన్న సచిన్‌ ఇలా చేయడం అభిమానులు జీర్ణించుకోలేకపోయారు. ''సచిన్‌ సార్‌.. మీరు చెప్పాలనుకున్న విషయం మంచిదే కావొచ్చు.. కానీ ఇలా నీరును వృథా చేయడం బాగాలేదు''.. ''సార్‌.. నీటిని రక్షించాలన్న మీ మాటలు మరిచిపోయారా.. ముంబై సివిక్‌ బాడీ అయిన ''సేవ్‌ వాటర్‌'' క్యాంపెయిన్‌కు మీరు బ్రాండ్‌ అంబాసిడర్‌ అన్న సంగతి గుర్తుంది కదా'' అంటూ కామెంట్‌ చేశారు. View this post on Instagram A post shared by Sachin Tendulkar (@sachintendulkar) చదవండి: ఫామ్‌లోనే లేడు.. పాఠ్య పుస్తకాల్లోకి మాత్రం ఎక్కాడు అదే జరిగితే గంగూలీ, జై షా పదవులు ఊడటం ఖాయం!


 ముంబైః స్వచ్ఛభారత్ అభియాన్ పథకంలో భాగంగా గ్రేటర్ ముంబై మునిసిపల్ కార్పొరేషన్ (ఎంసీజీబీ) రెండు ప్రాంతాల్లో బయో డైజెస్టర్ టాయిలెట్లను ప్రారంభించింది. ఈ ఆధునిక సాంకేతిక మరుగుదొడ్లను శివశేన ఎంపీ రాహుల్ శేవాలే ప్రారంభించారు. గ్రేటర్ ముంబైలోని ధారవి, మాహిమ్ ప్రాంతాల్లో బయో డైజెస్టర్ టాయిలెట్లను ప్రారంభించారు. ఈ రెండు టాయిలెట్లలో మొత్తం 30 సీటింగ్ బ్లాక్స్ కలిగిన ఉన్నట్లు తెలిపారు. ఇటువంటి బయో డైజెస్టింగ్ మరుగుదొడ్లను మరిన్ని వార్డుల్లో ముఖ్యంగా స్లమ్ ప్రాంతాల్లో ఏర్పాటు చేసేందుకు సివిక్ బాడీ ప్రణాళికలు చేస్తున్నట్లు ఎంసీజీఎం అసిస్టెంట్ కమిషనర్ రమాకాంత్ బిరదర్ తెలిపారు.
 
 బయో డైజెస్టర్ మరుగుదొడ్లలో చెడు వాసన వచ్చే అవకాశం తక్కువగా ఉంటుందని, ఎక్కువ నీరు కూడా అవసరం లేకుండానే శుభ్రంగా ఉంచుకునే అవకాశం ఉంటుందని ఎంసీజీఎం కమిషనర్ తెలిపారు. ఇటువంటి బయో టాయిలెట్లకు సేవేజ్ లైన్లతో కనెక్షన్లు, సెప్టిక్ ట్యాంకులవంటివి కూడా అవసరం లేదన్నారు. ఈ అధునాతన టాయిలెట్లను స్వచ్ఛభారత్ అభియాన్ నిధులతో పాటు, ఎన్జీవోల సహకారంతో నిర్మించినట్లు బిరదర్ తెలిపారు. ఈ టాయిలెట్లలో బొద్దింకలు, ఈగలవల్ల  ఇన్ఫెక్షన్లు వచ్చే అవకాశం కూడా ఉండదని, బయో డైజెస్టర్ టాయిలెట్లలో సాలిడ్ వేస్ట్ తీయాల్సిన అవసరం కూడా ఉండకపోవడంతో ఎక్కువగా నిర్వహణ ఖర్చు ఉండదని సివిక్ బాడీ అధికారులు పేర్కొన్నారు.  పే అండ్ యూజ్ పద్ధతిలో వీటిని వాడకంలోకి తేనున్నట్లు అధికారులు తెలిపారు.