‘‘మణిశర్మ సంగీతం అందించారంటే ఆ సినిమా గురించి ఆలోచించాల్సిన అవసరం లేదు. ఈ సినిమా చూసినవాళ్లంతా మాకైతే నచ్చింది అనేలా దర్శకుడు తెరకెక్కించి ఉంటారని అనుకుంటున్నాను’’ అని కృష్ణంరాజు అన్నారు. శ్రీబాలాజీ, సోనీ చరిష్టా, కృష్ణ, రిషిక ముఖ్యతారలుగా త్రినాథ్ కోసూరు దర్శకత్వంలో ఎ.పి.రాధాకృష్ణ నిర్మిస్తున్న ‘నాకైతే నచ్చింది’ పాటల సీడీని కృష్ణంరాజు ఆవిష్కరించారు. ఈ నెలలోనే చిత్రాన్ని విడుదల చేస్తామని ఎగ్జిక్యూటివ్ నిర్మాత బీఆర్ రాజు తెలిపారు. నాలుగు పాటలూ బాగా కుదిరాయని నిర్మాత చెప్పారు.
  


 ప్రేమ, వినోదం, యాక్షన్ సమాహారంతో రాధాకృష్ణ ఫిలిం సర్క్యూట్ సంస్థ నిర్మిస్తున్న చిత్రం ‘నాకైతే నచ్చింది’. శ్రీ బాలాజి, సోని చరిష్టా, రిషకా హీరో హీరోయిన్లుగా త్రినాధ్ కోసూరి దర్శకత్వంలో ఏపీ రాధాకృష్ణ నిర్మిస్తున్నారు. ప్రస్తుతం నిర్మాణానంతర కార్యక్రమాలు జరుపుతున్నారు. 
  
  ఈ సందర్భంగా రాధాకృష్ణ మాట్లాడుతూ -‘‘యూత్‌ఫుల్ మైండ్‌గేమ్‌తో సాగే  చిత్రం ఇది. శ్రీ బాలాజీకి తొలి సినిమా అయినా అద్భుతంగా నటించాడు. వైజాగ్, కాకినాడ, యానాం, ముమ్మిడివరం తదితర ప్రాంతాల్లో షూటింగ్ చేశాం’’ అని చెప్పారు.
  
  సహనిర్మాత బీఆర్ రాజు మాట్లాడుతూ -‘‘ఎంటర్‌టైన్‌మెంట్ నేపథ్యంలో సాగే యూత్‌ఫుల్ స్టోరీ ఇది. ప్రస్తుతం డబ్బింగ్, ఎడిటింగ్ కార్యక్రమాలు జరుపుతున్నాం. ఈ నెలలో పాటలను విడుదల చేస్తాం’’ అన్నారు. సిరి, కృష్ణ, రఘ, గౌతంరాజు, రైనా తదితరులు నటిస్తున్న ఈ చిత్రానికి కథ: సహాయ్‌రాజ్, మాటలు: చందు, కెమెరా: పీఆర్‌కే రాజు.