సాక్షి, హైదరాబాద్‌: తెలంగాణలో పురుగుమందుల వాడకం మితిమీరుతున్నట్టు భారతీయ వైద్య పరిశోధన మండలి (ఐసీఎంఆర్‌), జాతీయ పోషకాహార సంస్థ (ఎన్‌ఐఎన్‌) వెల్లడించాయి. దీంతో రైతులను తీవ్రమైన శ్వాసకోశ, చర్మ వ్యాధులు పట్టిపీడిస్తున్నాయని పేర్కొంది. వరి, పత్తి పండించే రైతులే ఎక్కువగా పురుగు మందులు వాడుతున్నారని తేలింది. ఐసీఎంఆర్, ఎన్‌ఐఎన్‌ సంస్థలు నిర్వహించిన ‘దేశంలో ముఖ్యంగా తెలంగాణలో పురుగుల మందు వాడకం–రైతుల ఆరోగ్యంపై ప్రభావం–నివేదిక’అనే అధ్యయనంలో ఈ ఫలితాలు వెల్లడయ్యాయి. 18–70 ఏళ్ల మధ్య వారిపై సర్వే చేశారు. అందులో కనీసం ఒక సంవత్సరం పాటు పురుగుమందులు పిచికారీ చేసిన వారున్నారు.వయస్సు, లింగం, ఎత్తు, బరువు, రక్తంలో గ్లూకోజ్‌ స్థాయి, విద్యాస్థాయి, ప్రధానవృత్తి, వారు అనుసరించే వ్యవసాయ పద్ధతులు, పురుగుమందుల వాడకం, విస్తీర్ణం, ఖర్చులు, కూలీల పనులు, çపురుగు మందుల వినియోగానికి గల కారణాలు తదితర సమాచారం సేకరించారు. కేంద్ర ఆరోగ్య కుటుంబ సంక్షేమశాఖ ఆధ్వర్యంలో రక్తం, మూత్ర నమూనాలను సేకరించారు. పురుగు మందులను ఎక్కువగా వాడటం వల్ల కొందరు కేన్సర్, అల్జీమర్స్‌ వంటి పెద్ద వ్యాధులకు కూడా గురువుతున్నారని పేర్కొంది.ప్రపంచ ఆరోగ్య సంస్థ నిర్దేశించిన లెక్కల ప్రకారం 28 రకాల పురుగు మందుల్లో 11 రకాల మందులు అత్యంత ప్రమాదకరమైనవిగా వర్గీకరించింది. రైతుల నుంచి సేకరించిన రక్త, మూత్ర నమూనాల ద్వారా వారిలో పురుగు మందుల అవశేషాలు కనుగొన్నట్టు ఆ నివేదిక తెలిపింది. నిషేధిత రసాయనాలు కూడా విరివిగా ఉపయోగిస్తున్నారని తేలి్చంది. యాదాద్రి–భువనగిరి, వికారాబాద్, సంగారెడ్డి జిల్లాల్లోని గ్రామాల్లో క్రాస్‌ సెక్షనల్‌ సర్వే జరిగింది. అధ్యయన నివేదికలోని ముఖ్యాంశాలు ⇒ వాణిజ్య పంటల్లో మితిమీరిన పురుగు మందుల వినియోగం వల్ల అనేక నష్టాలు వాటిల్లుతున్నాయి. అవగాహన లేకపోవడంతో తీవ్రమైన అనారోగ్యాలకు గురవుతున్నారు. ⇒ రైతులు పురుగుమందులను కలపడానికి ఒట్టి చేతులను ఉపయోగించడం వల్ల కూడా నష్టం జరుగుతోంది. ⇒ పురుగు మందుల మితిమీరిన వాడకం వల్ల ఊపిరి ఆడక పోవడం, ఛాతీనొప్పి, గుండె కొట్టుకునే వేగం పెరగడం, వాంతులు, తిమ్మిరి, కండరాల బలహీనత, తలనొప్పి, తల తిరగడం, బ్యాలెన్స్‌ సమస్యలు తలెత్తుతున్నాయి. ⇒ ఆదాయాన్ని పెంచుకోవాలన్న ఉద్దేశంతో వాణిజ్య పంట లు పండించే రైతులు పురుగు మందులను మితిమీరి వా డారు. నిషేధిత రసాయనాలను కూడా వినియోగించారు. ⇒ అవగాహన ఉన్న రైతులు మాత్రం 36 శాతం తక్కువగా పురుగు మందులను వినియోగించినట్టు తేలింది. ఈ రైతులు మెరుగైన విత్తన రకాలు, సేంద్రియ పురుగు మందులు వాడుతున్నారని తేలింది. ⇒ పురుగు మందులకు గురికావడం వల్ల రైతుల్లో జీర్ణాశయ సమస్యల నుంచి నాడీ సంబంధిత లక్షణాలు, శ్వాసకోశ వ్యాధులు సంభవిస్తున్నాయి. దీర్ఘకాలిక ఆరోగ్య సమస్యలు వంటివి చుట్టుముడుతున్నాయి. పిల్లలు కూడా పురుగు మందులకు గురవుతున్నారు. ⇒ సేంద్రియ పురుగు మందులు వాడటం వల్ల అనారోగ్య సమస్యలు తగ్గుతాయి.

ఢిల్లీ: ఆరోగ్యంగా ఉండటంలో పౌష్టిక ఆహారం కీలక పాత్ర పోషిస్తుంది. పోషకాలతో కూడిన ఆహారం తినటం వల్ల శరీరకంగా బలంగా ఉంటాం. సమతుల ఆహారం తీసుకోవటంతో వ్యాధులు సైతం దరిచేరవు. ఇందుకోసమే.. తాజాగా భారత ప్రభుత్వం, ఐసీఎంఆర్‌ సంయుక్తంగా కొన్ని ముఖ్యమైన ఆహార మార్గదర్శకాలను విడుదల చేసింది.భారతీయులకు ఈ ఆహార మార్గదర్శకాలను పోషకాహార పరిశోధనా సంస్థ, ఐసీఎంఆర్‌ నేషనల్‌ ఇన్సిటిట్యూట్‌ ఆఫ్ న్యూట్రిషన్ (ఐసీఎంఆర్‌-ఎన్‌ఐఎన్‌), హైదరాబాద్ అభివృద్ధి చేసింది. ఈ 17 ముఖ్యమైన ఆహార మార్గదర్శకాలతో కూడిన ఈ బుక్‌ను ఐసీఎంఆర్‌-ఎన్‌ఐఎన్‌ డెరెక్టర్‌ డాక్టర్‌. హేమలత బుధవారం విడుదల చేశారు.ముఖ్యమైన 17 ఆహార మార్గదర్శకాలు ఇవే..1. సమతుల ఆహారం కోసం అన్ని రకాల ఆహారాలను తినాలి.2. గర్భిణిలు, పాలు ఇచ్చే తల్లులు సాధారణం కంటే కొంచం అధిక మోతాదులో పౌష్టిక ఆహారం తీసుకోవాలి.3. మొదటి ఆరు నెలల పాటు శిశువులకు తల్లి పాలు తప్పనిసరిగా ఇవ్వాలి. అదేవిధంగా శిశువులకు రెండేళ్లు వచ్చే వరకు ఆపై కూడా తల్లి పాలు అందించాలి. 4. శిశువులకు ఆరు నెలల తర్వాత ఇంట్లో ప్రత్యేకంగా తయారుచేసిన ఘన, ద్రవ ఆహారాన్ని తినిపించాలి.5. చిన్నపిల్లలు అనారోగ్యం పాలు కాకుండా.. బలంగా, ఆరోగ్యంగా ఉండేందుకు చాలినంత ఆహారాన్ని అందించాలి.6. కూరగాయలు, పప్పులు, చిక్కుళ్లు సమృద్ధిగా ఉన్న ఆహారాన్ని తినాలి.7. ఆహారంలో నూనెను సాధారణ మోతాదులో వాడాలి. మంచి కొవ్వు కోసం నూనె గింజలు, పప్పులు, అవసరమైన ఫ్యాటీ యాసిడ్స్‌ ఆహారంలో భాగం చేసుకోవాలి.8. నాణ్యమైన ప్రోటిన్‌, ఆమైనో యాసిడ్స్‌తో కూడిన ఆహారం తీసుకోవాలి. కండరాల దృఢత్వం కోసం ప్రోటిన్‌ సప్లిమెంట్లుకు దూరంగా ఉండటం మంచిది.9. జీవనశైలిలో ఉబకాయం, అధిక బరువు పెరగకుండా జాగ్రత్తలు తీసుకోవాలి.10. ఆరోగ్యం కోసం శరీరాన్ని కదిలిస్తూ.. రోజు వ్యాయామాన్ని అలవాటు చేసుకోవాలి.11. ఆహారంలో ఉప్పును అధికంగా తినటం తగ్గించాలి. 12. నాణ్యమైన, పరిశుభ్రమైన ఆహారాన్ని మాత్రమే తినాలి13. మంచి ఆహార తయారీ పద్దతులు పాటించాలి.14. అధిక మోతాదులో శుద్ధి చేసిన నీటిని మాత్రమే తాగాలి.15. అధిక కొవ్వు, తీపి ఉండే ఆహారానికి దూరంగా ఉండాలి.16. వృద్ధులు ముఖ్యంగా పౌష్టిక విలువలు అధికంగా ఉన్న ఆహారాన్ని తీసుకోవాలి.17.ఆరోగ్యకరమైన ఆహారాన్ని ఎంపిక చేసుకోవటం కోసం.. ఆహార పదార్థాల మీద ఫుడ్‌ లెబుల్స్‌ను చదవాలి.

సాక్షి, హైదరాబాద్‌: భారతీయులు వంటకాల్లో తరచూ ఉపయోగించే దాల్చిన చెక్క ప్రొస్టేట్‌ కేన్సర్‌ నివారణకు దోహదపడుతుందని హైదరాబాద్‌ కేంద్రంగా పనిచేస్తున్న జాతీయ పోషకాహార సంస్థ (ఎన్‌ఐఎన్‌) జరిపిన అధ్యయనం తేల్చింది. దాల్చిన చెక్కతో మన ఆరోగ్యానికి ఎన్నో మేళ్లు జరుగుతాయన్నది చాలాకాలంగా తెలిసిన విషయమే. ఎన్‌ఐఎన్‌ తాజా అధ్యయనం ఈ విషయాన్ని మరోసారి రుజువు చేసింది. దాల్చిన చెక్కలోని చైనామాల్డీహైడ్, ప్రొసైనాడిన్‌ బీ–2లను ఎలుకలకు అందించినప్పుడు ప్రాథమిక దశలోని ప్రొస్టేట్‌ కేన్సర్‌పై సానుకూల ప్రభావం చూపినట్లు తెలిసింది. అధ్యయనంలో భాగంగా శాస్త్రవేత్తలు ఎలుకలకు 16 వారాలపాటు దాల్చిన చెక్క, దాంతోపాటు చైనామాల్డీహైడ్, ప్రొసైనాడిస్‌ బీ–2లను అందించారు. ఆ తరువాత ఈ ఎలుకలకు ప్రొస్టేట్‌ కేన్సర్‌ వచ్చేలా చేశారు. దాల్చిన చెక్క, దాంట్లోని రసాయనాలను ఆహారంగా తీసుకున్న 60–70 శాతం ఎలుకల్లో కేన్సర్‌ లక్షణాలేవీ కనిపించలేదు. ఈ పదార్థాలు శరీరంలోని ఆక్సిడేటివ్‌ స్ట్రెస్‌ను సమర్థంగా తట్టుకోగలగడం వల్లనే వాటికి కేన్సర్‌ సోకలేదని భావిస్తున్నట్లు ఈ అధ్యయనానికి నేతృత్వం వహించిన డాక్టర్‌ అయేశా ఇస్మాయిల్‌ తెలిపారు. ప్రొస్టేట్‌ గ్రంథిలో కేన్సర్‌ కణాల వ్యాప్తి కూడా తక్కువగా ఉన్నట్లు తమ పరిశీలనలో తెలిసిందన్నారు. అంతేగాకుండా... ఎముకల్లోని ఖనిజాల మోతాదు ఎక్కువైందని, ఎముకలు బలహీనమయ్యే ప్రమాదం తగ్గిందని వివరించారు. ప్రొస్టేట్‌ కేన్సర్‌ నివారణలో దాల్చిన చెక్క ఉపయోగపడగలదన్న విషయం ఎలుకల్లో రుజువైనప్పటికీ మనుషుల్లో వాడకానికి సంబంధించి మరిన్ని పరిశోధనలు జరగాల్సి ఉందని సంస్థ డైరెక్టర్‌ డాక్టర్‌ ఆర్‌.హేమలత తెలిపారు. ‘కేన్సర్‌ ప్రివెన్షన్‌ రీసెర్చ్‌’జర్నల్‌ తాజా సంచికలో ఈ పరిశోధన వివరాలు ప్రచురితమయ్యాయి.    

సమాజాన్ని దీర్ఘకాలిక వ్యాధులు పట్టిపీడిస్తున్నాయి. దేశంలో జరుగుతున్న మరణాల్లో 65 శాతం దీర్ఘకాలిక వ్యాధుల వల్లే సంభవిస్తున్నాయని... అధిక బరువు, ఊబకాయం వల్ల షుగర్‌ వచ్చే ప్రమాదం ప్రజల్లో 73 శాతం ఎక్కువగా ఉందని కేంద్ర ప్రభుత్వ ఆధ్వర్యంలోని భారతీయ వైద్య పరిశోధనా మండలి (ఐసీఎంఆర్‌) తేల్చిచెప్పింది. ఈ మేరకు దీర్ఘకాలిక వ్యాధులపై ఐసీఎంఆర్, ఎన్‌ఐఎన్‌ సహా 21 సంస్థలు సర్వే చేశాయి. దేశవ్యాప్తంగా 600 ప్రాంతాల నుంచి దీర్ఘకాల వ్యాధులతో బాధపడుతున్న 10,659 మందిని (18–69 ఏళ్ల వయసు వారు) సర్వే చేసి ఈ వివరాలు వెల్లడించాయి. తెలంగాణలో జాతీయ పోషకాహార సంస్థ (ఎన్‌ఐఎన్‌) సర్వే చేసింది. సర్వే నివేదికపై పార్లమెంటు ఇటీవల చర్చించింది. దేశంలో దీర్ఘకాలిక వ్యాధులపై జరిగిన మొట్టమొదటి సర్వే ఇదేనని కేంద్రం తెలిపింది.  – సాక్షి, హైదరాబాద్‌ సర్వేలో వెల్లడైన అంశాలు...  ►2019లో దేశంలో దీర్ఘకాలిక జబ్బులతో 61 లక్షల మంది చనిపోయారు. అందులో షుగర్‌తో 1.70 లక్షల మంది మరణించారు. 1990తో పోలిస్తే దీర్ఘకాలిక వ్యాదులతో మరణించే వారి సంఖ్య రెట్టింపు అయింది.  ►ధూమపానం వల్ల గుండె జబ్బులు వచ్చే అవకాశం 15.5 శాతం ఎక్కువ. అధికంగా పొగతాగడం వల్ల కేన్సర్‌ ముప్పు సైతం 39 శాతం పెరుగుతుందని సర్వే తేల్చింది.  ఉప్పుతో పెరుగుతున్న ముప్పు...  ►సర్వేలో పాల్గొన్న వారిలో సగటు ఉప్పు విని­యోగం 8 గ్రాములుగా వెల్లడైంది. అందులో పు­రుషుల్లో ఉప్పు సగటు వినియోగం 8.9 గ్రాములుకాగా, మహిళలు 7.1 గ్రాము­లు వా­డుతున్నారు. పట్టణాల్లో 8.3 గ్రాము­లు, పల్లె­ల్లో 8 గ్రాముల మేర వాడుతున్నారు. ప్రపంచ ఆరోగ్య సంస్థ చెప్పినదానికంటే దేశం­లో రెట్టింపు ఉప్పు వినియోగం జరుగుతోంది.  ‘పొగ’బారిన 33% మంది  సర్వే ప్రకారం దేశంలో 32.8 శాతం మంది పొగతాగుతున్నారు. అందులో పురుషులు 51.2 శాతం, మహిళలు 13 శాతం ఉన్నారు. పట్టణాల్లో 25 శాతం, పల్లెల్లో 36.8 శాతం పొగ తాగుతున్నారు.   ►15.9 శాతం మంది మద్యం సేవిస్తున్నారు. అందులో పురుషులు 28.3 శాతం, మహిళలు 2.4 శాతం ఉన్నారు. పట్టణాల్లో 14.2 శాతం, పల్లెల్లో 16.7 శాతం ఉన్నారు. అందులో అధిక మద్యం సేవించేవారు 5.9 శాతం మంది ఉన్నారు. అధిక మద్యం సేవించేవారిలో పురుషులు 10.9 శాతం, 0.5 శాతం మహిళలున్నారు. పట్టణాల్లో 10.7 శాతం, పల్లెల్లో 6.1 శాతం అధిక మద్యం సేవిస్తున్నారు. దేశంలో మద్యం వినియోగించే వారిలో 20–35 ఏళ్లవారే ఎక్కువగా ఉన్నారు.  వేధిస్తున్న ఊబకాయం...  ►సర్వేలో పాల్గొన్న వారిలో 41.3 శాతం మంది శారీరక శ్రమ చేయడంలేదు. అందులో పురుషులు 30.9 శాతం మంది, మహిళలు 52.4 శాతం ఉన్నారు. పట్టణాల్లో 51.7 శాతం, గ్రామాల్లో 36.1 శాతం మంది చేయడంలేదు.   ►26.1 శాతం మంది అధిక బరువుతో బాధపడుతున్నారు. అందులో పురుషులు 23.3 శాతం, మహిళలు 29.3 శాతం ఉన్నారు. పట్టణాల్లో 42.5 శాతం మంది అధిక బరువు సమస్యతో బాధపడుతున్నారు, గ్రామాల్లో ఇది 18 శాతంగా ఉంది.  పెరుగుతున్న బీపీ, షుగర్‌...   ►28.5 శాతం మందిని బీపీ పట్టిపీడిస్తోంది. పురుషుల్లో 29.9 శాతం, మహిళల్లో 27 శాతం బీపీతో బాధపడుతున్నారు. ఇక పట్టణాల్లో 34 శాతం, గ్రామాల్లో 25.7 శాతం మంది బీపీతో ఉన్నారు.   ►9.3 శాతం మంది షుగర్‌తో బాధపడుతున్నారు. అందులో పురుషుల్లో 8.5 శాతం, మహిళల్లో 10.2 శాతం షుగర్‌ ఉంది. పట్టణాల్లో 14.4 శాతం, గ్రామాల్లో 6.9 శాతంగా ఉంది.  2040 నాటికి ‘బరువు’మూడింతలు ►సర్వే అంచనాల ప్రకారం 2040 నాటికి అధిక బరువు బాధితుల సంఖ్య రెట్టింపు కానుంది. ఊబకాయం బాధితుల సంఖ్య మూడింతలు అవుతుంది. బీఎంఐ 25–30 మధ్య ఉంటే అధిక బరువు అంటారు. బీఎంఐ 30 కంటే ఎక్కువగా ఉంటే ఊబకాయం అంటారు. నడుము చుట్టుకొలత పురుషుల్లో 90 సెంటీమీటర్లు, మహిళల్లో 80 సెంటీమీటర్ల కంటే ఎక్కువ ఉంటే అధిక పొట్ట ఉన్నట్లు లెక్క.  ►బీపీ 140/90 కంటే ఎక్కువ ఉంటే అధికంగా ఉన్నట్లు. షుగర్‌ ఫాస్టింగ్‌ 126 కంటే ఎక్కువ ఉంటే మధుమేహం ఉన్నట్లు లెక్క.  వ్యాయామానికి విరామం...  ►ఈ సర్వే ప్రకారం దేశంలో 98.4 శాతం మంది నిర్ణీత పరిమాణంలో కూరగాయలు, పండ్లు తీసుకోవడంలేదు.   ►వారానికి కనీసం 150 నిమిషాలపాటు తేలికపాటి నుంచి మధ్యస్థ స్థాయి లేదా 75 నిమిషాలపాటు తీవ్రస్థాయిలో శారీరక శ్రమ చేయాలి. ఆ ప్రకారం శారీరక శ్రమ చేయనివారు 41.3 శాతం మంది ఉన్నారు.  ప్రతి మూడు మరణాల్లో రెండు అవే... గత 30 ఏళ్లలో జీవనశైలి జబ్బుల ప్రభావం భారతీయుల్లో రెట్టింపైంది. దేశంలో ప్రస్తుతం సంభవించే ప్రతి 3 మరణాలలో రెండు వీటికి చెందినవే. తగిన శారీరక శ్రమ, బరువును అదుపులో ఉంచుకోవడం, తాజా కూరగాయలు, పండ్లు రోజుకు 400 గ్రాములకు తగ్గకుండా తీసుకోవడం ద్వారా ఈ జబ్బులను దూరం చేయవచ్చు.  – డాక్టర్‌ హరిత, వైద్యురాలు, నిజామాబాద్‌  

సాక్షి, హైదరాబాద్‌: హైదరాబాద్‌లోని జాతీయ పోషకాహార సంస్థ (ఎన్‌ఐఎన్‌) శాస్త్రవేత్త, బయో కెమిస్ట్రీ విభాగ అధ్యక్షుడు జి.భానుప్రకాశ్‌రెడ్డి పోషక శాస్త్రాల అంతర్జాతీయ సమాఖ్య (ఐయూఎన్‌ఎస్‌) సభ్యుడిగా ఎన్నికయ్యారు. పోషక శాస్త్రాల అభివృద్ధికి భానుప్రకాశ్‌ రెడ్డి చేసిన సేవలకు ఈ గుర్తింపు లభించింది. ఎన్‌ఐఎన్‌లో పాతికేళ్లుగా పని చేస్తున్న డాక్టర్‌ రెడ్డి అసాంక్రమిక ఆరోగ్య సమస్యల్లో కణస్థాయి పోషకాలపై పలు పరిశోధనలు నిర్వహిస్తున్నారు. ఇప్పటివరకు అంతర్జాతీయ జర్నల్స్‌లో 190 పరిశోధన పత్రాలను ప్రచురించారు. దేశంలో ఐదేళ్లలోపు పిల్లల్లో విటమిన్‌–ఏ స్థాయిలపై డాక్టర్‌ భానుప్రకాశ్‌ రెడ్డి చేసిన విశ్లేషణ ప్రపంచవ్యాప్తంగా విటమిన్‌–ఏ సప్లిమెంటేషన్‌ విధానాన్ని మెరుగుపరిచింది. మధుమేహ వ్యాధిలో వచ్చే సమస్యలకు సూక్ష్మ పోషకాల పాత్రపై కూడా డాక్టర్‌ రెడ్డి పరిశోధనలు చేశారు. 

హైదరాబాద్‌లోని ఐసీఎంఆర్‌–నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌(నిన్‌).. ఉద్యోగాల భర్తీకి దరఖాస్తులు కోరుతోంది. ► మొత్తం పోస్టుల సంఖ్య: 24 ► పోస్టుల వివరాలు: ప్రాజెక్ట్‌ ఫీల్డ్‌ వర్కర్లు–13, ప్రాజెక్ట్‌ టెక్నీషియన్లు–04, ప్రాజెక్ట్‌ ఫీల్డ్‌ అటెండెంట్‌–07. ► ప్రాజెక్ట్‌ ఫీల్డ్‌ వర్కర్లు: అర్హత: సైన్స్‌ సబ్జెక్టుల్లో ఇంటర్మీడియట్‌/బ్యాచిలర్స్‌ డిగ్రీ ఉత్తీర్ణులవ్వాలి. లోకల్‌ లాంగ్వేజ్‌ తెలిసి ఉండాలి. వయసు: 30 ఏళ్లు మించకుండా ఉండాలి. జీతం: నెలకు రూ.18,000 చెల్లిస్తారు. ► ప్రాజెక్ట్‌ టెక్నీషియన్లు: అర్హత: సైన్స్‌ సబ్జెక్టుల్లో ఇంటర్మీడియట్‌తోపాటు రెండేళ్ల డిప్లొమా(ఎంఎల్‌టీ)ఉత్తీర్ణులవ్వాలి. సంబంధిత పనిలో అనుభవం ఉండాలి. వయసు: 30 ఏళ్లు మించకుండా ఉండాలి. జీతం: నెలకు రూ.18,000 చెల్లిస్తారు.  (మరిన్ని ఉద్యోగ నోటిఫికేషన్ల కోసం ఇక్కడ క్లిక్‌ చేయండి) ► ప్రాజెక్ట్‌ ఫీల్డ్‌ అటెండెంట్‌: అర్హత: హైస్కూల్‌/తత్సమాన ఉత్తీర్ణులవ్వాలి. ఫీల్డ్‌లో అనుభవంతోపాటు తెలుగు తెలిసి ఉండాలి. వయసు: 25ఏళ్లు మించకుండా ఉండాలి. జీతం: నెలకు రూ.15,800 చెల్లిస్తారు. ► ఎంపిక విధానం: షార్ట్‌లిస్టింగ్, ఆన్‌లైన్‌ ఇంటర్వ్యూ ఆధారంగా ఎంపికచేస్తారు. ► దరఖాస్తు విధానం: ఆఫ్‌లైన్‌ ద్వారా దరఖాస్తు చేసుకోవాలి. దరఖాస్తును డైరెక్టర్, ఐసీఎంఆర్‌–నిన్, తార్నాక, హైదరాబాద్‌–500007. ► దరఖాస్తులకు చివరితేది: 02.02.2022 ► వెబ్‌సైట్‌: nin.res.in

జూలూరుపాడు: పోషకాహార లోపమే వ్యాధులకు ప్రధాన కారణమని ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌(ఐసీఎంఆర్‌)– జాతీయ పోషకాహార సంస్థ (ఎన్‌ఐఎన్‌) హైదరాబాద్‌ డిప్యూటీ డైరెక్టర్, శాస్త్రవేత్త డాక్టర్‌ జె.శ్రీనివాసరావు పేర్కొన్నారు. గురువారం భద్రాద్రి కొత్తగూడెం జిల్లా జూలూరుపాడు మండలం భేతాళపాడు గ్రామానికి వచ్చిన ఐసీఎంఆర్‌ – ఎన్‌ఐఎన్‌ బృందం జిల్లా వైద్య ఆరోగ్య శాఖ అధికారులతో కలసి అవగాహన సదస్సును నిర్వహించారు. ఈ సందర్భంగా శ్రీనివాసరావు మాట్లాడుతూ..తెలంగాణలో గిరిజన జనాభా అధికంగా ఉన్న గ్రామాల్లో కిడ్నీ వ్యాధిగ్రస్తులు ఉన్నట్లు తెలంగాణ రాష్ట్ర ఆరోగ్యశ్రీ, నేషనల్‌ హెల్త్‌ ఫ్యామిలీ సర్వే(ఎన్‌హెచ్‌ఎఫ్‌ఎస్‌), ఇతర జాతీయ సంస్థల నివేదికల్లో వెల్లడైందని తెలిపారు. భద్రాద్రి కొత్తగూడెం, నల్లగొండ, మహబూబాబాద్, ఆదిలాబాద్, ఆసిఫాబాద్‌ జిల్లాల్లో మహిళలు, యువతులు, చిన్నారుల్లో 60% మంది రక్తహీనతతో బాధపడుతున్నట్లు సర్వే ద్వారా తేలిందని చెప్పారు.  మరోసారి నమూనాల సేకరణ గ్రామంలో కిడ్నీ వ్యాధులతో పలువురు మరణించిన నేపథ్యంలో ‘సాక్షి’ప్రధాన సంచికలో గతేడాది అక్టోబర్‌ 10న ‘ఆ ఊరికి ఏమైంది?’శీర్షికతో కథనం ప్రచురితమైంది. ఈ కథనానికి స్పందించిన డాక్టర్‌ శ్రీనివాసరావు ఆధ్వర్యంలోని బృందం అదే నెల 26న గ్రామాన్ని సందర్శించి కిడ్నీ వ్యాధిగ్రస్తుల నుంచి నమూనాలను సేకరించారు. ఈ నేపథ్యంలో గురువారం వ్యాధిగ్రస్తులనుంచి మరోసారి నమూనాలను తీసుకున్నారు. అనంతరం వైరా ఎమ్మెల్యే రాములు నాయక్‌ మాట్లాడుతూ..ఎలాంటి అపోహలు పెట్టుకోకుండా ప్రజలు మిషన్‌ భగీరథ నీళ్లు తాగాలని సూచించారు. కార్యక్రమంలో భద్రాద్రి కొత్తగూడెం డీఎంహెచ్‌ఓ డాక్టర్‌ శిరీష, అడిషనల్‌ డీఎంహెచ్‌ఓ డాక్టర్‌ దయానంద్, డీఎంఓ డాక్టర్‌ భూక్యా వీరబాబు,తహసీల్దార్‌ లూథర్‌ విల్సన్, జెడ్పీచైర్మన్‌ కోరం కనకయ్య తదితరులు పాల్గొన్నారు. 

సాక్షి, హైదరాబాద్‌: పిల్లల మేధోశక్తితో పాటు ఏకాగ్రత పెరగాలంటే ఎక్కువగా ఒమేగా–3 పాలీ అచ్‌శాచురేటెడ్‌ ఫ్యాటీ ఆమ్లాలు ఆహారంతో పాటు అందేలా చూడాలని జాతీయ పోషకాహార సంస్థ (ఎన్‌ఐఎన్‌) శాస్త్రవేత్తలు సూచించారు. ముఖ్యంగా హైదరాబాద్‌లోని పిల్లల్లో (7– 13 ఏళ్ల మధ్య వయస్కులు) ఈ రకమైన కొవ్వులు తక్కువగా ఉన్నాయని ఎన్‌ఐఎన్‌ అధ్యయనం ఒకటి స్పష్టం చేసింది. శరీర, జీవక్రియలు సక్రమంగా జరిగేందుకు కొవ్వులు లేదా ఫ్యాటీ ఆమ్లాలు చాలా అవసరం. ఆహారంలోని కొన్ని రసాయనాల ద్వారా శరీరం వీటిని తయారు చేసుకోగలదు. కానీ కొవ్వుల్లో కొన్నింటిని మాత్రం తయారుచేసుకోలేదు. ఆల్ఫా లినోలిక్‌ యాసిడ్‌ (ఏఎల్‌ఏ) లేదా ఒమేగా–3, లినోలిక్‌ యాసిడ్‌ (ఎల్‌ఏ) లేదా ఒమేగా–6 ఫ్యాటీ ఆమ్లాలను ఆహారం ద్వారా అందించాల్సి ఉంటుంది. అందుకే వీటిని ఆవశ్యక కొవ్వులుగా పిలుస్తారు. ఒమేగా–3 ఫ్యాటీ ఆమ్లాల్లో రెండు రకాలు ఉంటాయి. అవి డోకోసా హెక్జనోయిక్‌ యాసిడ్‌ (డీహెచ్‌ఏ), ఈకోసాపెంటనోయిక్‌ యాసిడ్‌ (ఈపీఏ). మెదడులో ఉండే పాలీ అన్‌శాచురేటెడ్‌ ఫ్యాటీ ఆమ్లాల్లో డీహెచ్‌ఏ అత్యధికం. గుండె, రోగ నిరోధక వ్యవస్థ, మేధోశక్తి పనితీరుపై ప్రభావం చూపుతుంటుంది. గర్భధారణ చివరి త్రైమాసికంలో పిండంలోని మెదడులోకి చేరే డీహెచ్‌ఏ.. పుట్టిన తర్వాత రెండేళ్లవరకు ఎక్కువఅవుతూ ఉంటుంది. తద్వారా మెదడు ఎదుగుదలపై ప్రభావం చూపుతుంది.  శాఖాహారులకు అవిశగింజలు, చియాసీడ్స్‌.. హైదరాబాద్‌లోని 5 పాఠశాలల నుంచి 625 మంది విద్యార్థులను ఎంపిక చేసుకుని వారు ఒమేగా–3 ఫ్యాటీ ఆమ్లాలను ఎలా.. ఎంత మోతాదుల్లో అందుకుంటున్నారో పరిశీలించారు. చాలా మందిలో తక్కువగా ఉన్నట్లు గుర్తించారు. వీరిలో 80 శాతం మంది ఒమేగా–3 ఫ్యాటీ ఆమ్లాలు అధికంగా ఉండే చేపలను ఆహారంగా తీసుకుంటున్నారని, కానీ నెలకు 100 గ్రాములకు మించి తినకపోవడం, ఈపీఏ, డీహెచ్‌ఏలు అత్యధికంగా ఉండే సముద్ర చేపలను కాకుండా మంచినీటి చేపలను తినడం కారణంగా తగిన మోతాదులో శరీరానికి ఈ ఫ్యాటీ ఆమ్లాలు అందట్లేదని తెలిసింది. ఈపీఏ, డీహెచ్‌ఏ ప్రయోజనాలను గరిష్ట స్థాయిలో పొందేందుకు వారానికి వంద నుంచి 200 గ్రాముల వరకు చేపలు.. ముఖ్యంగా ఉప్పునీటి చేపలను తినడం అవసరమని ఎన్‌ఐఎన్‌ సూచించింది. మాంసం, పౌల్ట్రీ, గుడ్లలో ఈపీఏ, డీహెచ్‌ఏలు తక్కువ మోతాదులో ఉంటాయని, శాఖాహారంలో అసలు ఉండవని ఈ అధ్యయనం నిర్వహించిన శాస్త్రవేత్త పి.దేవరాజ్‌ తెలిపారు. అవిశగింజలు, చియాసీడ్స్, వాల్‌నట్స్‌ వంటి వాటిల్లో ఏఎల్‌ఏ పూర్వ రూపంలోని రసాయనాలు కొన్ని ఉంటాయని, శాఖాహారులు వీటిని తీసుకోవడం ద్వారా ఏఎల్‌ఏ లేమిని భర్తీ చేసుకోవచ్చని సూచించారు. ఆవనూనె, సోయా నూనెల్లోనూ ఈ కొవ్వులు ఉంటాయని తెలిపారు. ఒమేగా–3 ఫ్యాటీ ఆమ్లాలను ఎక్కువగా తీసుకోవాల్సిన అవసరాన్ని ఈ అధ్యయనం తెలుపుతోందని ఎన్‌ఐఎన్‌ డైరెక్టర్‌ డాక్టర్‌ ఆర్‌.హేమలత వివరించారు.   

హైదరాబాద్‌లోని భారత ప్రభుత్వ ఆరోగ్య, కుటుంబ సంక్షేమ మంత్రిత్వ శాఖకు చెందిన నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌(ఎన్‌ఐఎన్‌).. ఉద్యోగాల భర్తీకి దరఖాస్తులు కోరుతోంది. » మొత్తం పోస్టుల సంఖ్య: 06 » పోస్టుల వివరాలు: సైంటిస్ట్‌–సి(మెడికల్‌)–01,అడ్మిన్‌ అసిస్టెంట్‌ (మల్టిపర్సన్‌)–01, రీసెర్చ్‌ అసిస్టెంట్‌–01, ప్రాజెక్ట్‌ టెక్నీషియన్‌–3(ల్యాబ్‌ టెక్నీషియన్‌)–01, డేటా ఎంట్రీ ఆపరేటర్‌–01, అటెండెంట్‌–01. » సైంటిస్ట్‌–సి(మెడికల్‌): అర్హత: ఎంబీబీఎస్, పోస్టు గ్రాడ్యుయేట్‌ డిగ్రీ(ఎండీ / ఎంఎస్‌/ డీఎన్‌బీ) ఉత్తీర్ణతతో పాటు ఏడాది అనుభవం ఉండాలి. వయసు: 40 ఏళ్లు మించకూడదు. వేతనం నెలకు రూ.75,000 చెల్లిస్తారు. » అడ్మిన్‌ అసిస్టెంట్‌(మల్టిపర్సన్‌): అర్హత: ఏదైనా గ్రాడ్యుయేషన్‌ ఉత్తీర్ణతతో పాటు అకౌంట్స్‌/అడ్మినిస్ట్రేటివ్‌ విభాగాల్లో ఐదేళ్ల అనుభవం ఉండాలి. వయసు: 30ఏళ్లు మించకూడదు. వేతనం నెలకు రూ.31,000 చెల్లిస్తారు. » రీసెర్చ్‌ అసిస్టెంట్‌: అర్హత: బయోకెమిస్ట్రీ/ నర్సింగ్‌/పబ్లిక్‌ హెల్త్‌ సబ్జెక్టుల్లో గ్రాడ్యుయేషన్‌ ఉత్తీర్ణులవ్వాలి. సంబంధిత పనిలో మూడేళ్ల అనుభవం ఉండాలి. వయసు: 30 ఏళ్లు మించకూడదు. వేతనం నెలకు రూ.31,000 చెల్లిస్తారు. » ప్రాజెక్ట్‌ టెక్నీషియన్‌–3(ల్యాబ్‌ టెక్నీషియన్‌): అర్హత: సైన్స్‌ సబ్జెక్టుల్లో  ఇంటర్మీ డియట్‌ ఉత్తీర్ణతతో పాటు మెడికల్‌ ల్యాబొరేటరీ టెక్నీషియన్‌లో రెండేళ్ల డిప్లొమా ఉండాలి. సంబంధిత పనిలో ఐదేళ్ల  అనుభవం ఉండాలి. వయసు: 30 ఏళ్లు మించకూడదు. వేతనం నెలకు రూ.25,000 చెల్లిస్తారు. » డేటా ఎంట్రీ ఆపరేటర్‌: అర్హత: ఇంటర్మీడియట్‌ ఉత్తీర్ణులవ్వాలి. డేటా ఎంట్రీలో మూడేళ్ల అనుభవం ఉండాలి. వయసు: 28 ఏళ్లు మించకూడదు. వేతనం నెలకు రూ.20,000 చెల్లిస్తారు. » అటెండెంట్‌: అర్హత: హైస్కూల్‌/తత్సమాన ఉత్తీర్ణులవ్వాలి. ల్యాబ్‌/ఫీల్డ్‌ వర్క్‌లో రెండేళ్ల అనుభవం ఉండాలి. వయసు: 25 ఏళ్లు మించకూడదు. వేతనం నెలకు రూ.15,000 చెల్లిస్తారు. » పని ప్రదేశం: ఎంఆర్‌హెచ్‌ఆర్‌యూ, చంద్రగిరి, చిత్తూరు జిల్లా, ఆంధ్రప్రదేశ్‌. » ఎంపిక విధానం: షార్ట్‌లిస్టింగ్, ఇంటర్వ్యూ ఆధారంగా ఎంపిక చేస్తారు. » దరఖాస్తు విధానం: ఈమెయిల్‌ ద్వారా దరఖాస్తు చేసుకోవాలి. » దరఖాస్తులకు చివరి తేది: 15.03.2021 » వెబ్‌సైట్‌: https://www.nin.res.in/ హెచ్‌పీసీఎల్ ఉద్యోగాలు.. దరఖాస్తు చేసుకోండి

సాక్షి, హైదరాబాద్‌: గ్రేటర్‌ హైదరాబాద్‌ పరిధిలోని సగం మందిలో కోవిడ్‌ నిరోధక యాంటీబాడీలు ఉన్నట్లు ఓ తాజా అధ్యయనం స్పష్టం చేసింది. సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ (సీసీఎంబీ), జాతీయ పోషకాహార సంస్థ (ఎన్‌ఐఎన్‌), భారత్‌ బయోటెక్‌లు సంయుక్తంగా హైదరాబాద్‌ వ్యాప్తంగా రక్త పరీక్షలు నిర్వ హించి, విశ్లేషించగా దాదాపు 54% మందిలో కరోనా వైరస్‌ను అడ్డు కునే యాంటీబాడీలు ఉన్నట్లు తెలిసింది. గ్రేటర్‌ హైదరాబాద్‌ పరిధిలోని 30 వార్డుల్లో దాదాపు 9 వేల మంది నుంచి రక్తం సేకరించి తాము ఈ పరిశోధన నిర్వహించామని, ఒకట్రెండు వార్డులు మిన హాయించి మిగిలిన చోట్ల యాంటీబాడీల మోతాదు దాదాపు ఒకేలా ఉందని సీసీఎంబీ డైరెక్టర్‌ డాక్టర్‌ రాకేశ్‌ మిశ్రా గురువారం తెలిపారు. అత్యధికంగా కొన్ని వార్డుల్లో 70% జనాభాలో యాంటీబాడీలు కనిపించగా.. కొన్ని వార్డుల్లో 30% మందిలో మాత్రమే యాంటీబాడీలు కనిపించినట్లు తెలిపారు. ఇవీ వివరాలు.. గ్రేటర్‌ హైదరాబాద్‌ పరిధిలో కోవిడ్‌ వ్యాప్తి, తీవ్రత తదితర అంశాలను అంచనా వేసేందుకు ఈ అధ్యయనం నిర్వహించారు. జనవరి మూడో వారం నుంచి మొదలుపెట్టి 3 వారాల పాటు 9 వేల మంది నుంచి రక్త నమూనాలు సేకరించారు. 10 ఏళ్ల వయసు మొదలుకొని 70 ఏళ్లపైబడిన వారి వరకు నమూనాలు తీసుకున్నారు. జాతీయ పోషకాహార సంస్థ శాస్త్రవేత్తలు, సిబ్బంది నమూనాల సేకరణ చేపట్టగా సీసీఎంబీ అత్యాధునిక శాస్త్ర వ్యవస్థల సాయంతో ఆ నమూనాల్లో యాంటీబాడీల ఉనికి గుర్తించింది. దాదాపు 53 శాతం మంది పురుషుల్లో యాంటీబాడీలు కనిపించగా, మహిళల్లో ఈ సంఖ్య 56 శాతంగా ఉంది. 70 ఏళ్లపైబడ్డ వారిలో 49 శాతం మందిలో మాత్రమే యాంటీబాడీలు ఉన్నాయి. కరోనా కారణంగా వృద్ధులు ఇళ్లకే పరిమితం కావడం వల్ల ఇలా జరిగి ఉంటుందని శాస్త్రవేత్తలు అంచనా వేస్తున్నారు. కోవిడ్‌ బారిన పడ్డ వ్యక్తుల కుటుంబాల్లో 78 శాతం మంది కరోనాకు నిరోధకత పెంచుకోవడం గమనార్హం. రోగులతో సంబంధాలు ఉన్న వారిలో 68 శాతం మంది యాంటీబాడీలను కలిగి ఉన్నారు. అంతేకాకుండా గదుల సంఖ్య ఎక్కువగా ఉండి.. సభ్యుల సంఖ్య తక్కువగా ఉన్న కుటుంబాల్లో వ్యాధి బారిన పడ్డవారు తక్కువగా ఉన్నారని జాతీయ పోషకాహార సంస్థ శాస్త్రవేత్త ఎ.లక్ష్మయ్య తెలిపారు. 75 శాతం మందికి తెలియదు.. తమకు కోవిడ్‌ వచ్చి శరీరంలో యాంటీబాడీలు వృద్ధి చెందినట్లు సర్వేలో పాల్గొన్న 75 శాతం మందికి తెలియలేదని లక్ష్మయ్య తెలిపారు. వైరస్‌ సోకినా లక్షణాలు లేకపోవడం వల్ల ఇలా జరిగిందని పేర్కొన్నారు. లక్షణాలు ఉన్న వారితో పాటు, లేనివారిలోనూ 54 శాతం మందిలో యాంటీబాడీలు ఉన్నట్లు ఈ పరిశోధన తెలిపిందని వివరించారు. సర్వేలో పాల్గొన్న వారిలో 18 శాతం మందికి గతంలో కోవిడ్‌ సోకినట్లు తెలుసని, వీరిలో 90 శాతం మందిలో యాంటీబాడీలు గుర్తించామని తెలిపారు. ఇదే మంచి తరుణం.. జనాభాలో 54 శాతం మందిలో యాంటీబాడీలు ఉన్నంత మాత్రాన వైరస్‌ ప్రమాదం తప్పినట్లేనని అనుకోవద్దని, ఈ పరిస్థితిని అనుకూలంగా మార్చుకుని వైరస్‌ను అంతమొందించేందుకు అందరూ కలసికట్టుగా ప్రయత్నించాలని సీసీఎంబీ డైరెక్టర్‌ డాక్టర్‌ రాకేశ్‌ మిశ్రా స్పష్టం చేశారు. జనాభాలో సగం మందిలో యాంటీబాడీలు ఉండటం మంచి విషయమే అయినా.. అలసత్వం పనికిరాదని, టీకాలు వేసుకోవడం ద్వారా కనీసం 80 శాతం మందిలో యాంటీబాడీలు వృద్ధి చెందేలా చూసుకోవాలని తద్వారా మాత్రమే వైరస్‌ను అంతమొందించొచ్చని స్పష్టం చేశారు. మరికొన్ని నెలల పాటు ముఖానికి మాస్కులు వేసుకోవడం, భౌతిక దూరం పాటించడం, చేతులు తరచూ శుభ్రం చేసుకోవాలని సూచించారు. కార్యక్రమంలో భారత్‌ బయోటెక్‌కు చెందిన శాస్త్రవేత్త కృష్ణ మోహన్‌ పాల్గొన్నారు.  

సాక్షి, హైదరాబాద్‌: రాష్ట్రంలో ప్రతి నలుగురిలో ఒకరికి యాంటీబాడీస్‌ (ప్రతి దేహకాలు) అభివృద్ధి చెందాయి. ఈ మేరకు భారతీయ వైద్య పరిశోధన మండలి (ఐసీఎంఆర్‌), జాతీయ పోషకాహార సంస్థ (ఎన్‌ఐఎన్‌) మంగళవారం వివరాలు వెల్లడించాయి. కోవిడ్‌పై పోరాడే యాంటీబాడీస్‌ రాష్ట్ర వ్యాప్తంగా 24.1% మందిలో ఉన్నట్లు తెలిపింది. హైదరాబాద్‌ మినహా రాష్ట్రవ్యాప్తంగా ఈ పరిస్థితి ఉందని పేర్కొంది. డిసెంబర్‌లో జనగాం, నల్లగొండ, కామారెడ్డి జిల్లాల్లో మూడో విడత సీరో సర్వే జరిగింది. ఆ వివరాలను ఐసీఎంఆర్‌–ఎన్‌ఐఎన్‌ మంగళవారం ఓ ప్రకటనలో వెల్లడించాయి. జనగాం జిల్లాలో మే నెలలో 0.49%, ఆగస్టులో 18.2%, డిసెంబర్‌లో 24.8% మందిలో యాంటీబాడీస్‌ వృద్ధి చెందాయి. నల్లగొండ జిల్లాలో మేలో 0.24 శాతం, ఆగస్టులో 11.1%, డిసెంబర్‌లో 22.9 శాతం యాంటీబాడీస్‌ వృద్ధి చెందాయి. కామారెడ్డి జిల్లాలో మేలో 0.24%, ఆగస్టులో 6.9%, డిసెంబర్‌లో 24.7 శాతం అభివృద్ధి చెందాయి. ఆ ప్రాంత సీరో సర్వేను రాష్ట్రానికి వర్తింపచేయగా, గతేడాది మేలో మొదటి సీరో సర్వేలో రాష్ట్రవ్యాప్తంగా 0.33 శాతం మాత్రమే కరోనా యాంటీబాడీస్‌ అభివృద్ధి చెందాయి. ఆ తర్వాత ఆగస్టులో రెండో సీరో సర్వేలో 12.5 శాతం జనాభాలో యాంటీబాడీస్‌ వృద్ధి చెందినట్లు తేలింది. గత డిసెంబర్‌లో జరిపిన మూడో సర్వేలో 24.1 శాతం మందిలో యాంటీబాడీస్‌ అభివృద్ధి చెందాయని తెలిపాయి.  దేశవ్యాప్తంగా 3 రెట్లు వృద్ధి  ఆగస్టుతో పోలిస్తే డిసెంబర్‌లో దేశవ్యాప్తంగా సగటున యాంటీబాడీస్‌ 3.1 రెట్లు పెరగగా, తెలంగాణలో 2 రెట్లు పెరిగినట్లు ఐసీఎంఆర్‌–ఎన్‌ఐఎన్‌ డైరెక్టర్‌ డాక్టర్‌ ఆర్‌.హేమలత పేర్కొన్నారు. కోవిడ్‌ ప్రొటోకాల్స్‌ అమలు చేయడం, మాసు్కలు ధరిం చడం వల్ల ఇప్పటికీ వైరస్‌ వ్యాప్తి నెమ్మదిగా, నిలకడగా ఉందని ఐసీఎంఆర్‌ నోడల్‌ ఆఫీసర్‌ డాక్టర్‌ లక్ష్మయ్య అభిప్రాయపడ్డారు. అయితే మున్ముందు కూడా ప్రజలు మాస్కులు ధరించాలని, పరిశుభ్రత, భౌతిక దూరం పాటించాలని కోరారు.   హైదరాబాద్‌లో ప్రత్యేకంగా సర్వే..  హైదరాబాద్‌లో ప్రత్యేకంగా సీరో సర్వే జరుగుతోందని, తమ అంచనా ప్రకారం దాదాపు 50 శాతం మందిలో యాంటీబాడీస్‌ వృద్ధి చెందే అవకాశం ఉందని డాక్టర్‌ లక్ష్మయ్య ‘సాక్షి’తో పేర్కొన్నారు. దేశవ్యాప్తంగా డిసెంబర్‌ 17 నుంచి జనవరి 8 వరకు నిర్వహించిన మూడో సీరో సర్వేలో 21.5 శాతం మందిలో యాంటీబాడీస్‌ అభివృద్ధి చెందాయని ఐసీఎంఆర్‌–ఎన్‌ఐఎన్‌ వెల్లడించాయి. గతేడాది మే 11 నుంచి జూన్‌ 4 మధ్య నిర్వహించిన సర్వేలో 0.7 శాతం మందిలో, ఆగస్టు 17 నుంచి సెపె్టంబర్‌ 22 మధ్య నిర్వహించిన సర్వేలో 7.1 శాతం మందిలో యాంటీబాడీస్‌ వృద్ధి చెందాయని తెలిపాయి. దేశవ్యాప్తంగా మూడో సర్వేలో మహిళల్లో 22.7 శాతం, పురుషుల్లో 20.3 శాతం మందిలో యాంటీబాడీస్‌ వృద్ధి చెందినట్లు వెల్లడించాయి. వయసు వారీగా చూస్తే 10–17 ఏళ్ల వయసు వారిలో 25.3 శాతం, 18–44 ఏళ్ల వయసు వారిలో 19.9 శాతం, 45–60 ఏళ్ల మధ్య వయసు వారిలో 23.4 శాతం, 60 ఏళ్లు పైబడిన వారిలో 23.4 శాతం యాంటీబాడీస్‌ అభివృద్ధి అయినట్లు తెలిపాయి. మూడో సర్వే ప్రకారం ఆరోగ్య కార్యకర్తల్లో 25.7 శాతం యాంటీబాడీస్‌ అభివృద్ధి చెందినట్లు వెల్లడించాయి. కాగా, డాక్టర్లు, నర్సుల్లో మాత్రం అత్యధికంగా 26.6 శాతం యాంటీబాడీస్‌ వృద్ధి చెందాయి. యాంటీ బాడీస్‌ అంటే?  వైరస్‌ మన శరీరంలోకి ప్రవేశించినప్పుడు రెండు రకాల రోగనిరోధక శక్తి ఏర్పడుతుంది. వాటినే బీ సెల్‌ ఆధారిత, టీ సెల్‌ ఆధారిత రోగ నిరోధక శక్తి అంటారు. బీ సెల్‌ ఆధారిత రోగ నిరోధక శక్తి వల్ల మన శరీరంలో యాంటీబాడీస్‌ ఉత్పత్తి అవుతాయి. ఇవి రెండు రకాలు. వాటినే ఐజీఎం, ఐజీజీ అంటారు. మన శరీరంలో కరోనా ఇన్‌ఫెక్షన్‌ వచ్చిన వారం రోజుల్లో యాంటీ బాడీల ఉత్పత్తి మొదలవుతుంది. యాంటీబాడీస్‌ ఉన్నాయంటే గతంలో కరోనా ఇన్‌ఫెక్షన్‌ వచ్చి పోయినట్లు అర్థం. ఇవి ఎన్ని నెలలు ఉంటాయనేది వైరస్‌ రకాన్ని బట్టి ఉంటుంది. ఐసీఎంఆర్‌ అంచనా ప్రకారం కోవిడ్‌లో అవి ఆరు నెలలు ఉంటాయి.

తీసుకునే ఆహారంలో పోషకాలు లేకపోవడం, ఆరోగ్యం పట్లఅవగాహనా రాహిత్యంతో నగర బాలికలు రక్తహీనత బారినపడుతున్నట్టు ఎన్‌ఐఎన్‌ యువ శాస్త్రవేత్తల అధ్యయనంలో తేలింది. గ్రేటర్‌ పరిధిలోని 80 శాతంవిద్యార్థినుల్లో ఈ సమస్య ఉన్నట్టు గుర్తించారు. తార్నాక: మహిళలు ఆరోగ్యంగా ఉంటే సమాజమంతా ఆరోగ్యంగా ఉంటుందంటారు. అయితే నగరంలో పేద, మధ్య తరగతి మహిళలు ముఖ్యంగా అమ్మాయి లు అనేక రకాల అనారోగ్య సమస్యలు ఎదుర్కొంటున్నారు. అందులో అధికంగా వేధించే జబ్బు రక్తహీనత. అందుకు వారు తీసుకునే ఆహారంలో పోషక విలువలు లేకపోవడం, అవగాహనా రాహిత్యం వల్లనే ఈ సమ స్యలు ఉత్పన్నమవుతున్నాయి. నగర బాలికల్లో ఏర్పడుతున్న రక్తహీనతపై ఎన్‌ఐఎన్‌ యువ సైంటిస్టులు చేసిన అధ్యయనంలో ఈఅంశాలు వెల్లడయ్యాయి. దేశ ంలో దాదాపు 60 శాతం మంది మహిళలు ఎనీమియా తో బాధపడుతుండగా, గ్రేటర్‌ పరిధిలో నివసిస్తున్న పాఠశాల స్థాయి బాలికలు, డిగ్రీ కళాశాలల్లో చదువుతున్న విద్యార్థినులలో ఈసమస్య 80 శాతం వరకూ ఉన్నట్టు ఎన్‌ఐఎన్‌ శాస్త్రవేత్తలు చెపుతున్నారు. ఈ సమస్యకు కారణం పోషకాహార లోపంతో పాటు విటమిన్ల లోపమే ప్రధాన కారణమని తేల్చారు. ఈసమస్యను అధిగమించడానికి సరైన పోషక విలువలు కలిగిన ఆహారాన్ని తీసుకోవడంతో పాటు ఎనీమియాపై వారి లో అవగాహన కలిగించాలంటున్నారు. తార్నాకలోని జాతీయ పోషకాహార సంస్థ (ఎన్‌ఐఎన్‌)లో జరుగుతున్న ఆల్‌ ఇండియా ఉమెన్‌ అసోసియేషన్‌ మహిళా జాతీయ సదస్సులో పలువురు శాస్త్రవేత్తలు తమ అధ్యయనాలపై పోస్టరు ప్రదర్శన నిర్వహించారు. పలు విద్యాసంస్థల విద్యార్థినులపై అధ్యయనం   జాతీయ పోషకాహార సంస్థకు చెందిన యువశాస్త్రవేత్త లు నగర శివారులలోని నాలుగు ప్రభుత్వ విద్యాసంస్థలను ఎంపిక చేసుకుని అందులో చదువుతున్న విద్యార్థినులపై అధ్యయం నిర్వహించారు. పాఠశాల స్థాయి విద్యార్థినుల కోసం సాంఘిక సంక్షేమ శాఖ ఆధ్వర్యం లో నిర్వహిస్తున్న బోడుప్పల్‌ పీర్జాదిగూడలోని ఎస్టీ బాలికల హాస్టల్, మహేంద్రహిల్స్‌లోని ఎస్సీ బాలికల హాస్టళ్ల విద్యార్థినులపై అధ్యయనం చేశారు. ఇక డిగ్రీస్థాయి విద్యార్థినుల కోసం శామీర్‌పేట్‌లోని ప్రభుత్వ గురుకుల డిగ్రీ రెసిడెన్షియల్‌ కళాశాల విద్యార్థులను తీసుకుని అధ్యయనం సాగించారు. హాస్టల్‌ విద్యార్థినులలో.. ఎన్‌ఐఎన్‌ శాస్త్రవేత్తలు ఎంపిక చేసిన రెండు హాస్టళ్లలో 9 నుంచి 13 ఏళ్ల వయసు కలిగిన విద్యార్థినులపై అధ్య యనం చేశారు. వీరిలో ఐరన్, çహిమోగ్లోబిన్, విటమిన్‌–ఏ, బీ12 ఉండాల్సిన దానికంటే తక్కువగా ఉన్నా యి. అలాగే వారిలో రక్తస్రావాలు అధికంగా ఉన్నట్లు పారాసైటిక్‌ వ్యాధులు, జన్యుసంబంధ వ్యాధులకు గురువుతున్నట్లు గుర్తించారు. తెలంగాణ ప్రాంతంలో ఇప్పటికే 60 శాతం మంది మహిళలు ఎనీమియాతో బాధపడుతుండగా, ఈ ఆధ్యయనంలో పీర్జాదిగూడ హాస్టల్‌లో 81శాతం, మహేంద్రహిల్స్‌లో 56 శాతం మంది విద్యార్థినులు ఎనీమియాతో బాధపడుతున్నట్లు గుర్తించారు. అలాగే పీర్జాదిగూడలో ఐరన్‌ లోపంతో 52 శాతం, విటబవిటమిన్‌–ఏ లోపంతో 50 శాతం మంది బాధపడుతుండగా, మహేంద్రహిల్స్‌లో ఐరన్‌ లోపం తో 46 శాతం, విటమిన్‌ ఏ లోపం ఉన్నట్లు గుర్తించారు.  డిగ్రీ గురుకులాలలో.. శామీర్‌పేట్‌లోని రెండు డిగ్రీ గురుకులాల్లోని వివిధ కోణాల్లో 17 నుంచి 20ఏళ్ల మధ్య వయస్సు కలిగిన  523 మందిపై అధ్యయనం చేశారు. వీరిలో 319 మంది లో హిమోగ్లోబిన్, సెరం తక్కువగా ఉన్నట్లు గుర్తించారు. అలాగే 61శాతం అమ్మాయిలలో ఐరన్‌ డిఫీసియన్సీ ఎనీమియా  ఉన్నట్లు అధ్యయనంలో తేలింది. వీరి సోషియో ఎకనామిక్‌ స్టేటస్‌ను పరిశీలిస్తే 60శాతం అప్పర్, 68శాతం మిడిల్‌ అప్పర్, 65శాతం తక్కువ ఆదాయం, 80శాతం మంది బిలోపావర్టీలో ఉన్నవారిలో 80శాతం ఎనీమియా ఉన్నట్లు గుర్తించారు. మతాలవారీగా పరిశీలిస్తే హిందువుల్లో 65శాతం, క్రైస్తవుల్లో 83«శాతం ఇతరుల్లో 88శాతం ఎనీమియా లక్షణాలు కనుగొన్నారు. కులాల వారీగా పరిశీలిస్తే ఓబీసీ–60శాతం, ఎస్సీ–72శాతం, ఎస్టీలు 52శాతం, ఇతరులు 68శాతం మంది ఎనీమియాతో బాధపడుతున్నట్లు గుర్తించారు. అలాగే ఎనీమియా ఉన్నవారిలో రుతుస్రావ సమయంలో 77.6శాతం మందిలో రక్తస్రావం అధికంగా ఉండగా, కేవలం 24శాతం మందిలో మాత్రమే సాధారణ స్థితి ఉన్నట్లు తేల్చారు. క్లినికల్‌ ఎగ్జామ్‌తో లక్షణాలు   ఎనీమియాతో బాధపడుతున్న వారిని క్లినికల్‌ ఎగ్జామ్‌ చేయగా, వీరిలో పాలిపోయిన నాలుక, అలాగే పెచ్చిపోయిన నోరు, పెళుసుగా, నిర్జీవంగా మారిన అరచేతు లు, తెల్లబడిన వేలి గోరు అంచులు ఉన్నట్లు గుర్తించా రు. అందుకు ప్రధాన కారణం ఎనీమియాగా తేల్చారు. అవగాహన అవసరం   చాలా మంది అమ్మాయిల్లో ఎనీమియాపై అవగాహన లేదని అధ్యయనంలో తెలిసింది. 523 మందిని పరీక్షించి వారికోసం ప్రత్యేకంగా ప్రశ్నావళిని రూపొందించారు. అందులో కేవలం 23 శాతం మందికి మాత్రమే ఎనిమీయాపై అవగాహన ఉన్నట్లు గుర్తించారు. 28 శాతం మందికి మాత్రమేఅవగాహన ఎనీమియా గురించి చాలా మంది అమ్మాయిలకు అవగాహన లేదు. ఎనీమియా గురించి కేవలం 28శాతం మంది మహిళలకు మాత్రమే తెలుసు. ఎనీమియా వల్ల కలిగే ఆరోగ్య సమస్యలు, నివారణకు తీసుకోవాల్సిన చర్యల గురించి మహిళలకు అవగాహన కలిగించాలి. దీనివల్ల కొంత వరకైనా ఈవ్యాధి నుంచి ఉపశమనం పొందవచ్చు.– డాక్టర్‌ బ్లెస్సీ ప్రభు ప్రియాంక, ఎన్‌ఐఎన్‌ పోషకాహారాన్ని అందించాలి బాలికల్లో ఎనీమియా సమస్యకు ప్రధాన కారణం వారు తీసుకునే ఆహారంలో సరైన పోషక విలువలు లేకపోవడం. వారికి ఆహారంలో అటుకులు, బెల్లంతో తయారుచేసిన పదార్థాలు, పల్లిపట్టీలు వంటివి ఎక్కువగా ఇవ్వాలి. ఈ సమస్య సాంఘిక సంక్షేమ హాస్టళ్లు, గురుకుల రెసిడెన్సీ కళాశాలల అమ్మాయిల్లో అధికంగా ఉన్నందున వారి రోజువారీ మెనులో మార్పులు చేసేలా ప్రభుత్వం చర్యలు తీసుకోవాలి.– తుల్జా, ఎన్‌ఐఎన్‌

సాక్షి, హైదరాబాద్‌: ఒక దేశం నుంచి మరో దేశానికి మానవ అక్రమ రవాణా కేసును ఛత్రినాక పోలీసులు ఎన్‌ఐఏకు బదిలీ చేశారు. వివరాలు.. బంగ్లాదేశ్‌ యువతులను హైదరాబాద్‌లోకి అక్రమంగా తరలించిన యూసఫ్‌ఖాన్‌, బీతి బేగం, సోజీబ్‌లను పోలీసులు అరెస్ట్‌ చేశారు. వీరు వివిధ దేశాల నుంచి యువతులను తీసుకువస్తూ హైదరాబాద్‌లోని ఉప్పుగూడలో వ్యభిచారం కార్యకలాపాలు నిర్వహిస్తున్నరని పోలీసులు తెలిపారు. అయితే ఏప్రిల్‌ 24న ఛత్రినాక పోలీసులు నగరంలోని వ్యభిచార కేంద్రాలపై రైడ్‌ చేసి.. యూసఫ్‌ఖాన్‌, బీతి బేగంలను అరెస్ట్‌ చేశారు. దీంతో  ఈకేసును మరింత లోతుగా విచారించేందుకు ఎన్ఐఏకు బదిలీ చేస్తున్నట్లు పోలీసులు బుధవారం తెలిపారు.

సాక్షి, హైదరాబాద్‌: పాఠశాల స్థాయి నుంచే విద్యార్థులు సృజనాత్మకను, నైపుణ్యాలను పెంచుకుంటే భవిష్యత్తుకు భరోసా ఉంటుం దని, అలాగే విద్యా వ్యవస్థలో నాణ్యమైన విద్యను అందించినప్పుడే దేశం అభివృద్ధి సాధిస్తుందని మహారాష్ట్ర గవర్నర్‌ సీహెచ్‌ విద్యాసాగర్‌రావు అన్నారు. గ్రామాలే కేంద్రంగా అభివృద్ధి జరగాలని అప్పుడే అనుకున్న ప్రగతి సాధించగలుగుతామని ఆయన పేర్కొన్నారు. హైదరాబాద్‌లోని నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌(ఎన్‌ఐఎన్‌)లో ‘‘ఇంటర్నేషనల్‌ కాన్ఫరెన్స్‌ ఫర్‌ డెవలప్‌మెంట్‌ డిస్కోర్స్‌’’కార్యక్రమానికి ఆయన ముఖ్య అతిథిగా హాజరై ప్రసంగించారు. ఈ సందర్భంగా విద్యాసాగర్‌రావు మాట్లాడుతూ చదువంటే కేవలం పరీక్షల కోసమేనన్న భావన నుంచి బయటకు రావాలని సూచించారు. నైపుణ్యాభివృద్ధి, నూతన ఆవిష్కరణలు, అంకుర పరిశ్రమలు దేశాన్ని అభివృద్ధి పథంలో నడిపించడానికి దోహదపడతాయన్నారు. టాటా కన్సల్టెంట్‌ సర్వీస్‌(టీసీఎస్‌) నిర్వహించిన సర్వేలో గణిత సమస్యల సాధనలో ఇండియాలోని 21 ఏళ్ల ఇంజనీరింగ్‌ గ్రాడ్యుయేట్లు ఓఈసీడీ దేశాల 15 ఏళ్ల విద్యార్థుల కంటే తక్కువ సామర్థ్యం కలిగి ఉండటం బాధాకరమన్నారు. మన దేశ విద్యా విధానాన్ని ప్రక్షాళన చేసే దిశగా కృషి జరగాలన్నారు. యువతకు తగిన ఉపాధి అవకాశాలు కల్పించాల్సిన అవసరముందని లేకుంటే అది సమాజా నికి పెను సవాలుగా పరిణమిస్తుందని హెచ్చరించారు. స్వాతంత్య్రం వచ్చి ఇన్నేళ్లు గడుస్తు న్నా గిరిజన గ్రామాలు ఇంకా అభివృద్ధి ఫలా లు అందుకోలేకపోతున్నాయని వాపోయారు. ఈ కార్యక్రమంలో నీతి అయోగ్‌ వైస్‌ చైర్మన్‌ డా.రాజీవ్‌కుమార్, తదితరులు పాల్గొన్నారు.  

సాక్షి, హైదరాబాద్‌: ఆహార పదార్థాల్లో కాలుష్య ఆనవాళ్లు గ్రేటర్‌ నగరవాసులను భయాందోళనకు గురిచేస్తున్నాయి. ఇతర రాష్ట్రాలు, నగరాలతో పోలిస్తే ఇక్కడ విక్రయిస్తున్న పలు రకాల కూరగాయలు, ఆకుకూరల్లో 9 నుంచి 30 శాతం అధికంగా క్రిమిసంహారకాల ఆనవాళ్లు ఉన్నట్లు జాతీయ పోషకాహార సంస్థ (ఎన్‌ఐఎన్‌) తాజా పరిశోధనలో తేలింది. దీంతో జీవనశైలి వ్యాధుల ముప్పు పెరుగుతోందని ఈ నివేదిక ఆందోళన వ్యక్తం చేసింది. బహిరంగ మార్కెట్లో విక్రయిస్తున్న పలు రకాల కూరల్లో ప్రధానంగా ఆర్గానో క్లోరిన్‌ అనే క్రిమి సంహారక మోతాదు అధికంగా ఉన్నట్లు స్పష్టమైంది. శరీరంలోని కొవ్వుల్లో నిల్వ.. ఆకుకూరలు, కూరగాయల్లో ఉండే క్రిమిసంహారకాలు ఆహార పదార్థాల ద్వారా మానవ శరీరంలోకి ప్రవేశిస్తే సుమారు 20 ఏళ్లపాటు అలాగే తిష్టవేసే ప్రమాదం ఉందని ఈ అధ్యయనం హెచ్చరించింది. కొన్ని రకాల క్రిమిసంహారకాల అవశేషాలు దేహంలోని కొవ్వు కణాల్లో నిల్వ ఉంటాయని.. పలు రకాల అనారోగ్య సమస్యలకు ఇవి కారణమౌతాయని తేలింది. దేశం లో సరాసరిన 10 శాతం మధుమేహ బాధితు లుండగా.. హైదరాబాద్‌లో సుమారు 16 శాతం మంది ఈ వ్యాధితో బాధపడుతున్నట్లు పేర్కొంది. ప్రధానంగా దక్షిణాది రాష్ట్రాల్లో మధుమేహ బాధితులు పెరిగేందుకు ఆర్గానో క్లోరిన్‌ ఆనవాళ్లు ఉన్న ఆహార పదార్థాలు తినడమే కారణమని జర్నల్‌ ఆఫ్‌ ఎండోక్రైన్‌ సొసైటీ తాజా జర్నల్‌లోనూ ప్రచురితమవడం గమనార్హం. 9 - 30 - రాష్ట్రంలోని ఆహార పదార్థాల్లో విష రసాయనాల శాతం 10% - దేశంలో సరాసరిన మధుమేహ బాధితులు 16% -నగరంలో మధుమేహంతో బాధపడుతున్నవారు ఆర్గానోక్లోరిన్‌... ఆకుకూరలు, కూరగాయల పంటలకు పట్టిన చీడపీడల నివారణకు క్రిమిసంహారకంగా ఉపయోగించే క్లోరినేటెడ్‌ హైడ్రోకార్భన్స్‌ ఆధారిత రసాయనాన్ని ఆర్గానోక్లోరిన్‌ అని పిలుస్తారు. ప్రధానంగా వీటిల్లో.. పాలకూర, గోంగూర, తోటకూర, క్యాబేజి, బెండకాయ, వంకాయ. తెలుగు రాష్ట్రాలు, తమిళనాడులో ఇలా.. తమిళనాడులో విక్రయిస్తున్న ఆకుకూరలు, కూరగాయల్లో మూడు నుంచి 9 శాతం ఆర్గానో క్లోరిన్‌ అవశేషాలుండగా.. హైదరాబాద్‌లో బహిరంగ మార్కెట్లు, సంతల్లో విక్రయిస్తున్న కూరగాయల్లో సుమారు 9 నుంచి 30 శాతం అధికంగా వీటి అవశేషాలున్నట్లు ఈ అధ్యయనం హెచ్చరించింది. మధుమేహానికి దోహదం.. తెలుగు రాష్ట్రాల్లో శరీర బరువు తక్కువగా ఉన్నవారు.. రక్తంలో కొవ్వు మోతాదు తక్కువ ఉన్నవారు సైతం మధుమేహవ్యాధి బారిన పడేందుకు ఆర్గానో క్లోరిన్‌ క్రిమిసంహారక ఆనవాళ్లు ఆహార పదార్థాల్లో చేరడమే ప్రధాన కారణమని వెల్లడించింది. మరోవైపు ఆర్గానో క్లోరిన్‌ క్రిమిసంహారకాల తయారీ దేశంలో అధికంగా జరుగుతోందని.. లిండేన్‌ వంటి నిషేధిత క్రిమిసంహారకాన్ని సైతం దేశంలో పలు ప్రాంతాల్లో విరివిగా వినియోగిస్తుండటంతో పలు అనర్థాలు తలెత్తుతున్నాయంది. తలసరి క్రిమిసంహారకాల వినియోగంలోనూ తెలుగు రాష్ట్రాలు ముందంజలో ఉండటం గమనార్హం. పరిష్కారం ఇదే.. బహిరంగ మార్కెట్లు, సంతల్లో కొనుగోలు చేసిన కూరగాయలను ఉప్పునీళ్లతో కడిగి శుభ్రం చేసుకోవాలి. ఆయా కూరగాయలు, ఆకుకూరలను బాగా ఉడికించి తినాలి.

తార్నాక : విద్యార్థులకు విద్యాబుద్దులు నేర్పి సక్రమ మార్గంలో నడిచేలా తీర్చిదిద్దాల్సిన ఓ శాస్త్రవేత్త కట్టు తప్పాడు.  తన వద్ద చదువుతున్న  ఓ విద్యార్థిపై కన్నేసి వక్రబుద్దిని బయటపెట్టాడు.  బాధితురాలు పోలీసులకు ఫిర్యాదు చేయడంతో ఉద్యోగం పోగొట్టుకుని కటకటాలు లెక్కిస్తున్నాడు. విద్యార్థినిని  మానసికంగా, శారీకరంగా వేధింపులకు గురిచేసి గత నాలుగు నెలలుగా తప్పించుకు తిరుగుతున్న సైంటిస్టును ఓయూ పోలీసులు శనివారం అరెస్టు చేసి రిమాండ్‌కు తరలించారు. శనివారం కాచిగూడ డివిజన్‌ ఏసీపీ నర్సయ్య, ఓయూ ఇన్‌స్పెక్టర్‌ జగన్‌ వివరాలు వెల్లడించారు. కోల్‌కతకు చెందిన దళిత విద్యార్థిని తార్నాకలోని జాతీయపోషకహార సంస్థ(ఎన్‌ఐఎన్‌)లో ఎమ్మెస్సీ అప్లయిడ్‌ న్యూట్రీషన్‌ కోర్సు చదువుతోంది. కోర్సు చివరి సెమిస్టర్‌లో భాగంగా ఆమె డిజర్టేషన్‌ (పరిశోధనా అంశానికి సంబంధించిన థీసిస్‌)ను పూర్తి చేయాల్సి ఉందిం. ఆమెకు పర్యవేక్షకునిగా ఎన్‌ఐఎన్‌లో డిప్యూటి డైరెక్టర్‌గా కొనసాగుతున్న ఈ–గ్రేడ్‌సైంటిస్టు డాక్టర్‌ భాస్కరాచా వ్యవహరిస్తున్నాడు. గత జనవరి నుంచి డిసర్టేషన్‌ పనిలో భాగంగా అతని ల్యాబ్‌కు వస్తున్న ఆమెపై కన్నేసిన భాస్కరచారి ఆమె పట్ల అసభ్యంగా ప్రవర్తిస్తున్నాడు. దీనిని ఆమె పెద్దగా పట్టించుకోకపోవడంతో మరింత రెచ్చిపోయి ఆమెకు వాట్సప్‌లలో బూతు బొమ్మలు, మెసేజ్‌లు పంపడం మొదలు పెట్టాడు. అతని ఆగడాలు శృతిమించడంతో ఇది మంచిపద్దతి కాదని సదరు విద్యార్థిని భాస్కరాచారిని వేడుకున్నా అతను పట్టించుకోకపోగా ఆమెపై శారీరక వేధింపులకు పాల్పడుతున్నాడు. దీంతో బాధితురాలు ఉన్నతాధికారులకు ఫిర్యాదు చేసింది. ముగ్గురు సభ్యులతో కూడిన విచారణ కమిటీని నియమించారు. ఈ కమిటీ నివేదిక ఆధారంగా సదరు సైంటిస్టును విధుల నుంచి తప్పించారు.  ఈ విషయం తెలియడంతో జాతీయ  ఎస్సీ కమిషన్‌ సభ్యులు ఎన్‌ఐఎన్‌ను సందర్శించి  ఉద్యోగులు, అధికారులు, కమిటీ సభ్యులు, బాధితురాలితో మాట్లాడి సైంటిస్టుపై కమిషన్‌ చైర్మన్‌కు నివేదిక అందజేశారు. అంతేగాక ఎస్సీ కమిషన్‌సభ్యులు, బాధిత విద్యార్థిని కలిసి ఓయూ పోలీసు స్టేషన్‌లో ఫిర్యాదు చేశారు. ఏసీపీ స్థాయి అధికారిచే విచారణ జరిపిన అనంతరం డాక్టర్‌ భాస్కర చారిపై కేసు నమోదు చేసిన  పోలీసులు అతడిని అరెస్టు చేసేందుకు ప్రయత్నించగా, గత రెండు నెలలుగా తప్పించుకు తిరుగుతున్నాడు. భాస్కరాచారి తమ బంధువుల ఇంట్లో దాక్కున్నట్లు సమాచారం అందడంతో ఓయూ పోలీసులు శుక్రవారం అతడిని అరెస్టు చేశారు. అతనిపై ఎస్సీ , ఎస్టీ అట్రాసిటీ యాక్టు2015,సెక్షన్‌ 354, 354(ఏ),509,3(1)(డబ్లు్య),3(2), 5(ఏ),67 ఐటీ యాక్టు సెక్షన్ల కింద కేసులు నమోదు చేసి రిమాండ్‌కు తరలించారు. 


 ఎన్‌ఐఎన్‌లో 8 పోస్టులు
  హైదరాబాద్‌లోని నేషనల్ ఇన్‌స్టిట్యూట్ ఆఫ్ న్యూట్రిషన్(ఎన్‌ఐఎన్) వివిధ విభాగాల్లో టెక్నికల్ ఆఫీసర్, టెక్నికల్ అసిస్టెంట్ పోస్టుల భర్తీకి దరఖాస్తులు ఆహ్వానిస్తోంది.చివరి తేది మార్చి 15. వివరాలకు www.ninindia.org చూడొచ్చు.
  
 మిధానిలో జూనియర్ ఎగ్జిక్యూటివ్ పోస్టులు
  హైదరాబాద్‌లోని మిశ్ర ధాతు నిగం లిమిటెడ్ (మిధాని).. వివిధ విభాగాల్లో జూనియర్ ఎగ్జిక్యూటివ్ పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 6. చివరి తేది ఫిబ్రవరి 24. వివరాలకు www.midhani.gov.in చూడొచ్చు.
  
 పట్నా ఎయిమ్స్‌లో 59 పోస్టులు
  పట్నాలోని ఆలిండియా ఇన్‌స్టిట్యూట్ ఆఫ్ మెడికల్ సెన్సైస్ (ఎయిమ్స్).. కాంట్రాక్ట్ ప్రాతిపదికన వివిధ విభాగాల్లో సీనియర్ రెసిడెంట్స్, జూనియర్ రెసిడెంట్స్/ట్యూటర్/ డిమాన్‌స్ట్రేటర్‌‌స పోస్టుల భర్తీకి ఇంటర్వ్యూలు నిర్వహించ నుంది. మొత్తం ఖాళీలు 59. వివరాలకు www.aiimspatna.org చూడొచ్చు.
  
 ఈఎస్‌ఐసీలో వివిధ పోస్టులు
  హిమాచల్‌ప్రదేశ్‌లోని ఎంప్లాయిస్ స్టేట్ ఇన్సూరెన్‌‌స కార్పొరేషన్ (ఈఎస్‌ఐసీ).. కాంట్రాక్ట్ ప్రాతిపదికన డాక్టర్ పోస్టుల భర్తీకి ఇంటర్వ్యూలు నిర్వహించనుంది.  ఇంటర్వ్యూ తేదీలు ఫిబ్రవరి 19, 23. వివరాలకు www.esic.nic.in చూడొచ్చు.
  
 నిమ్‌హాన్‌‌సలో వివిధ పోస్టులు
  బెంగళూరులోని నేషనల్ ఇన్‌స్టిట్యూట్ ఆఫ్ మెంటల్ హెల్త్ అండ్ న్యూరో సెన్సైస్ (నిమ్‌హాన్‌‌స) వివిధ విభాగాల్లో సీనియర్ ఇన్వెస్టిగేటర్, రీసెర్‌‌చ అసిస్టెంట్, స్టాటిస్టీసియన్ పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 7.  చివరి తేది ఫిబ్రవరి 20. వివరాలకు www.nimhans.ac.in చూడొచ్చు.
  
 హెచ్‌ఎల్‌ఎల్ లైఫ్ కేర్‌లో వివిధ పోస్టులు
  హెచ్‌ఎల్‌ఎల్ లైఫ్ కేర్ లిమిటెడ్ వివిధ పోస్టుల భర్తీకి ఇంటర్వ్యూలు నిర్వహించనుంది. వివరాలకు www.lifecarehll.ఛిౌఝ చూడొచ్చు.