బిగ్‌బాస్‌ కంటెస్టెంట్‌ రాఖీ సావంత్‌ వైవాహిక జీవితం చిక్కుల్లో పడింది. ఇప్పటికే తల్లిని కోల్పోయి పుట్టెడు దుఃఖంలో ఉన్న రాఖీకి తన ప్రవర్తనతో తలనొప్పిలా తయారయ్యాడు ఆమె భర్త అదిల్‌ దురానీ. అదిల్‌ తనను కాదని మరో అమ్మాయితో తిరుగుతున్నాడంటూ కన్నీరుమున్నీరుగా విలపించింది నటి. జిమ్‌ నుంచి బయటకు వస్తూ అక్కడున్న మీడియాతో తన గోడు వెల్లబోసుకుంది రాఖీ సావంత్‌. 'నా పెళ్లి ప్రమాదంలో పడింది. అదిల్‌ మరో అమ్మాయికి దగ్గరవుతున్నాడు. ఖురాన్‌ మీద ఒట్టేసి మరీ ఆ అమ్మాయి నెంబర్‌ బ్లాక్‌ చేసి తనను మర్చిపోతానన్నాడు. కానీ అతడు మాట తప్పాడు. అదిల్‌ పెద్ద మోసగాడు. ఆ అమ్మాయి దగ్గర కొన్ని డర్టీ ప్రూఫ్స్‌ ఉండటంతో నా భర్తను బ్లాక్‌మెయిల్‌ చేస్తోంది. దయచేసి ఎవరూ అదిల్‌ను ఇంటర్వ్యూ చేయకండి. ఎందుకంటే అతడు నన్ను వాడుకుని ఇండస్ట్రీకి వద్దామనుకున్నాడు. జిమ్‌కు నాకోసం వచ్చేవాడు కాదు. నా ద్వారా ఇంటర్వ్యూలతో ఫేమస్‌ అవుదామనుకున్నాడు. కాబట్టి ఎవరూ అతడిని స్టార్‌ను చేయొద్దు. అదిల్‌ను పెళ్లి చేసుకుంటే నాకంటూ మంచి కుటుంబం ఉంటుందనుకున్నా. అతడితో కలిసి బిడ్డను కనాలనుకున్నా. అంతలోనే ఇన్ని శిక్షలు.. ఎందుకు మా ఇద్దరి మధ్యలో దూరి నన్ను టార్చర్‌ పెడుతున్నారు..' అంటూ బోరుమని విలపించింది రాఖీ. View this post on Instagram A post shared by Viral Bhayani (@viralbhayani) చదవండి: బాలీవుడ్‌లో అత్యధిక వసూళ్లు రాబట్టిన రెండో సినిమాగా రికార్డ్‌ స్టార్‌ హీరో నన్ను కాల్‌ గర్ల్‌లా వాడుకున్నాడు: నటి

బాలీవుడ్ నటి రాఖీ సావంత్ ఇంట్లో తీవ్ర విషాదం నెలకొంది. బ్రెయిన్ ట్యూమర్, క్యాన్సర్‌లో బాధపడుతున్న​‍ ఆమె తల్లి జయ కన్నుమూశారు.  రాఖీ సావంత్ తల్లి చనిపోయిందని నటి భర్త ఆదిల్ దురానీ ధృవీకరించారు. కాగా.. ఆమె కొద్ది రోజులుగా ఆస్పత్రిలో బ్రెయిన్ ట్యూమర్‌తో పోరాడుతోంది.  చికత్స పొందుతూ ముంబయిలోని ఆస్పత్రిలో తుదిశ్వాస విడిచారు. ఈ విషయం తెలుసుకున్న పలువురు బాలీవుడ్ ప్రముఖులు సంతాపం తెలుపుతున్నారు. తన తల్లి మరణ వార్తను రాఖీ సావంత్‌ సోషల్‌మీడియాలో పోస్ట్‌ చేసింది.  తల్లి ఆసుపత్రిలో ఉన్న వీడియోను పోస్ట్‌ చేసిన రాఖీ ఎమోషనల్‌ నోట్ రాసింది. ‘ఇకపై నన్ను ఆశీర్వదించే మా అమ్మ చేయి నా తలపై ఉండదు. ఇంకా నేను కోల్పోవడానికేమీ లేదు. అమ్మా.. నేను నిన్ను ఎప్పటికీ ప్రేమిస్తూనే ఉంటాను. మిస్‌ యూ అమ్మా' అని తన ఇన్‌స్టాలో పోస్ట్ చేసింది. ఇది చూసిన ఆమె అభిమానులు, నటీనటులు ధైర్యం చెబుతున్నారు. ఇటీవలే రాఖీ సావంత్‌ను సమస్యలు చుట్టుముట్టిన సంగతి తెలిసిందే. తల్లి మరణంతో మరింత విషాదంలో మునిగిపోయింది నటి. తల్లి మరణాన్ని తట్టుకోలేక బోరున ఏడ‍్చేసింది రాఖీ సావంత్.  View this post on Instagram A post shared by Rakhi Sawant (@rakhisawant2511)

బాలీవుడ్‌ నటి రాఖీ సావంత్‌ను పోలీసులు అరెస్ట్‌ చేశారు. ఈ విషయాన్ని మరో బాలీవుడ్‌ నటి షెర్లిన్‌ చోప్రా సోషల్‌ మీడియా వేదికగా వెల్లడించింది. ఈ మేరకు ఆమె ట్వీట్‌ చేస్తూ తనపై అభ్యంతరకర భాష వాడినందుకు గానూ పోలీసులు రాఖీని అరెస్ట్‌ చేశారని ఆమె పేర్కొంది. ‘‘అంబోలి పోలీసులు ఎఫ్‌ఐఆర్ 883/2022కి సంబంధించి రాఖీ సావంత్‌ను అరెస్టు చేశారు. నిన్న రాఖీ సావంత్ ఏబీఏ 1870/2022ను(ముందస్తు బైయిల్‌) ముంబై సెషన్ కోర్టు తిరస్కరించింది’’ అని షెర్లిన్ చోప్రా ట్విట్టర్‌లో పేర్కొంది.   చదవండి: ప్రముఖ నటుడు, కమెడియన్‌ వడివేలు ఇంట విషాదం కాగా గతేడాది రాఖీ సావంత్‌, షెర్లిన్‌ చోప్రా మధ్య పెద్ద వివాదం నెలకొన్న సంగతి తెలిసిందే. సోషల్‌ మీడియాలో ఒకరిపై ఒకరు మాటల యుద్దం చేసుకున్నారు. మీటు వివాదంలో బాలీవుడ్ నటుడు, బిగ్ బాస్ కంటెస్టెంట్ సాజిద్ ఖాన్‌పై షెర్లిన్ సంచలన వ్యాఖ్యలు చేసింది. అంతేకాదు అతడిపై పోలీసులకు ఫిర్యాదు కూడా చేసింది. అయితే అతడికి రాఖీ మద్దతు తెలుపుతూ షెర్లిన్‌ను దూషించింది. దీంతో ఒకరిపై ఒకరు ముంబై పోలీసులకు ఫిర్యాదు చేసుకున్నారు. అంబోలి, ఓషివారా పోలీస్ స్టేషన్లలో రాఖీపై షెర్లిన్‌ ఫిర్యాదు చేసింది.  చదవండి: శృతి హాసన్‌కు ఐ లవ్‌ యూ చెప్పడంపై గోపిచంద్‌ మలినేని వివరణ తన వీడియో లింక్‌లు, ఫోటోలను సోషల్ మీడియాలో ప్రసారం చేశారనే ఆరోపణలపై నటి షెర్లిన్‌ ఇచ్చిన ఫిర్యాదు మేరకు నటి రాఖీ సావంత్‌ను అరెస్ట్‌ చేశామని పోలీసు అధికారిక తెలిపారు. అలాగే తనపై ఐపీసీలో సెక్షన్లు 354ఏ, 509, 504తో పాటు ఇన్ఫర్మేషన్ టెక్నాలజీ చట్టంలోని సంబంధిత నిబంధనల కింద ఎఫ్‌ఐఆర్ నమోదైనట్టుగా చెప్పారు. అంబోలి పోలీసు బృందం గురువారం సావంత్‌ను అదుపులోకి తీసుకుని విచారణ కోసం పోలీసు స్టేషన్‌కు తీసుకువచ్చినట్లు అధికారి తెలిపారు. ఇదిలా ఉంటే ప్రియుడి అదిల్‌ ఖాన్‌ గతేడాది సీక్రెట్‌ పెళ్లి చేసుకున్న రాఖీ ప్రస్తుతం గర్భవతిగా ఉన్నట్లు వార్తలు వినిపిస్తున్నాయి. BREAKING NEWS!!! AMBOLI POLICE HAS ARRESTED RAKHI SAWANT IN RESPECT WITH FIR 883/2022 YESTERDAY, RAKHI SAWANT’S ABA 1870/2022 WAS REJECTED BY MUMBAI SESSIONS COURT — Sherlyn Chopra (शर्लिन चोपड़ा)🇮🇳 (@SherlynChopra) January 19, 2023

బాలీవుడ్‌లో ఐటం సాంగ్స్‌తో పేరు సంపాదించుకున్న అందాల భామ రాఖీ సావంత్. బిగ్‌బాస్‌ షోతో మరింత పాపులర్‌ అయిన రాఖీ బిగ్‌బాస్‌ షో నుంచి బయటకు వచ్చాక తరుచూ వార్తల్లో నిలుస్తోంది. భర్త రితేశ్‌ సింగ్‌తో బ్రేకప్‌, అంతలోనే బిజినెస్‌మెన్‌తో లవ్‌, ఎంగేజ్‌మెంట్‌.. ఇలా నిత్యం సెన్సేషన్‌ అవుతోందీ నటి. తనకంటే ఆరేళ్లు చిన్నవాడైన అదిల్‌ దురానీతో ప్రేమాయణం సాగిస్తూ ముంబై రోడ్లపై చెట్టాపట్టాలేసుకొని తిరుగుగుంది ఈ బ్యూటీ. అయితే తాజాగా రాఖీ సావంత్‌కు సంబంధించిన ఓ వార్త ఆమె ఫ్యాన్స్‌ను ఆందోళనకు గురిచేస్తుంది. ఇటీవలె మేజర్ సర్జరీ చేయించుకున్న రాఖీ తన పరిస్థితిని అభిమానులతో షేర్‌ చేసుకుంది. గర్భాశయంలో కణతి వల్ల తీవ్రంగా కడుపునొప్పి వచ్చింది. దీంతో సర్జరీ చేయించుకోవాల్సి వచ్చింది. ముంబైలోని క్రిటికేర్ హాస్పిటల్ జుహులో సుమారు 4గంటలపాటు శస్త్రచికిత్స జరిగింది. సర్జరీ తర్వాత చాలా బలహీనంగా అనిపించింది అంటూ రాఖీ తెలిపింది. దీంతో ఆమె త్వరగా కోలుకోవాలంటూ ఆమె ఫ్యాన్స్‌ సహా నెటిజన్లు కామెంట్స్‌ చేస్తున్నారు. 

బిగ్‌బాస్‌ షో నుంచి బయటకు వచ్చాక నటి రాఖీ సావంత్‌ తరచూ వార్తల్లో నిలుస్తోంది. భర్త రితేశ్‌ సింగ్‌తో బ్రేకప్‌, ఆ వెంటనే బిజినెస్‌మెన్‌తో లవ్‌, ఎంగేజ్‌మెంట్‌.. ఇలా నిత్యం సెన్సేషన్‌ అవుతోందీ రాఖీ.  తనకంటే ఆరేళ్ల చిన్నవాడైన అదిల్‌ దురానీతో ప్రేమలో పడింది. అతడితో  కొత్త జీవితం ప్రారంభించాలని ఆశగా ఎదురు చూస్తోన్న ఆమెకు తాజాగా అతడు షాకిచ్చినట్లు తెలుస్తోంది. ఇటీవల ఎక్కడ చూసిన ఆదిల్‌తో జంటగా దర్శనమిస్తున్న ఆమె బుధవారం ముంబై ఎయిర్‌పోర్టులో ఒంటరిగా  కనిపించింది. ఎయిర్‌పోర్ట్‌లో ఆమెను చూడానికి మీడియా పర్సన్స్‌ తమ కెమెరాలకు పని చెప్పారు.  చదవండి: ఆయన కోసమే నగ్నంగా నటించా.. హీరోయిన్‌ షాకింగ్‌ కామెంట్స్‌ ఈ సందర్భంగా రాఖీతో వారు మాట్లాడుతున్న వీడియోను ప్రముఖ బాలీవుడ్‌ రిపోర్టర్‌ తన ఇన్‌స్టాగ్రామ్‌లో షేర్‌ చేయడం ఇది వైరల్‌గా మారింది. ఇందులో రాఖీ మాట్లాడుతూ.. బాయ్‌ఫ్రెండ్‌ ఆదిల్‌ కలిసేందుకు ఢిల్లీ వెళ్లానని, కానీ అతడు తనన కలవలేదంటూ ఆవేదన వ్యక్తం చేసింది. ‘ఆదిల్ కోసమే ఇలా రెడీ అయ్యానని, ఫ్లయిట్‌లో రెండు గంటల పాటు ఏడవడంతో తన కాజల్ చెరిగిపోయిందంటూ. నేను నిన్న ఢిల్లీకి వెళ్లి, ఈ రోజు ముంబైకి వచ్చానని మీకు తెలుసా? అతడు నన్ను కలుసుకునేందుకు కూడా రాలేదు. మేము ఇద్దరం కలిసి ముంబైకి రావాల్సి ఉంది. కానీ నేను ఒక్కదాన్నే వచ్చాను. నేను ఎంతో బాధలో ఉన్నాను’’ అంటూ చెప్పుకొచ్చింది. అయితే ఆదిల్‌ కాల్‌ చేయండి, వీడియో కాల్‌ మాట్లాడండి అని ఓ మీడియా వ్యక్తి రాఖీకి సూచించాడు. చదవండి: పెళ్లి వార్తలపై స్పందించిన నిత్యా మీనన్‌ దీంతో ఆమె తాను అతడికి ఫోన్‌ చేసే ప్రసక్తే లేదని చెప్పింది. తనకు ఆత్మగౌరవం ఉందని, వెనక్కి తగ్గేదే లేదు అని వ్యాఖ్యానించింది. ఇక ఈ వీడియోపై నెటిజన్లు రకరకాలుగా స్పందిస్తున్నారు. కొందరు ఆమెకు సపోర్ట్‌గా కామెంట్స్‌ చేస్తుంటే మరికొందరు ‘నీ మాజీ భర్త రితేష్‌ లాగే ఇతను కూడా నిన్ను వదిలించుకున్నాడు’ కాగా రాఖీ ఇప్పటికే పలువురితో సహాజీవనం, పెళ్లి, విడాకులతో ఎన్నో సమస్యలు ఎదుర్కొంది. 2009లో ‘రాఖీ కా స్వయంవర్’ రియాలిటీ షో ద్వారా పరిచయమైన ఎలేష్ పురుంజన్ వాలాను భాగస్వామిగా ఎంపిక చేసుకుంది. అతడితో కొన్ని నెలల డేటింగ్‌ అనంతరం విడిపోయింది. ఆ తర్వాత 2019లో ఎన్‌ఆర్‌ఐ రితేష్‌ను వివాహం చేసుకుని 2022 ప్రారంభంలో విడాకులు తీసుకుని విడిపోయింది. ఆ వెంటనే ఆదిల్‌ దుర్రానీతో ప్రేమలో​ పడింది.  View this post on Instagram A post shared by Viral Bhayani (@viralbhayani)

ఈ ఏడాది ప్రేమికుల రోజే భర్తతో తెగదెంపులు చేసుకుంది రాఖీ సావంత్‌. అతడు తనకిదివరకే పెళ్లైన విషయాన్ని దాచిపెట్టి మోసం చేశాడంటూ సోషల్‌ మీడియాలో బోరుమంది. తనను మోసం చేసి పెళ్లి చేసుకున్నవాడితో కలిసి ఉండేదే లేదంటూ బ్రేకప్‌ చెప్పేసింది. కొంతకాలానికే రాఖీ అదిల్‌ దురానీ అనే బిజినెస్‌మెన్‌తో ప్రేమలో పడింది. తన జీవితంలో కొత్త అధ్యాయం మొదలైందనుకుంటున్న క్రమంలో మాజీ భర్త రితేశ్‌ వేధిస్తున్నాడంటూ పోలీస్‌ స్టేషన్‌ మెట్లెక్కింది రాఖీ. అన్ని రకాలుగా తనను నిలువు దోపిడీ చేసిన రితేశ్‌ సోషల్‌ మీడియా ఖాతాలను హ్యాక్‌ చేసి ఆ డబ్బును వాడుకుంటున్నాడని ఆరోపించింది. ఈ క్రమంలో మాజీ భర్త గురించి ఓ ఇంటర్వ్యూలో పలు విషయాలు చెప్పుకొచ్చింది. 'రితేశ్‌ నాకు కారు గిఫ్టిచ్చిన మాట వాస్తవమే. కానీ అది నేనెప్పుడో అతడికి తిరిగిచ్చేశాను. అతడి జ్ఞాపకాలు ఏవీ నాకు అవసరం లేదు. నా కోసం కోట్లు ఖర్చు చేశాడని చెప్పుకు తిరుగుతున్నాడు, అది పూర్తిగా అవాస్తవం. నాకు ఇచ్చిన నగలు కూడా నకిలీవే. ఓసారి మా అమ్మకు ఆరోగ్యం బాగోలేనప్పుడు నా నగలు అమ్ముదామని దుకాణానికి వెళ్తే అవి నకిలీవని తెలిశాయి. ఇలా చేయడానికి నీకు సిగ్గనిపించడం లేదా? అని అతడికి మెసేజ్‌ చేశాను. దానికతడు స్పందిస్తూ నీకదే ఎక్కువ అని రిప్లై ఇచ్చాడు. చదువుసంధ్య లేనిదాన్నని ఎప్పుడూ తిడుతుండేవాడు.  నా అకౌంట్స్‌ హ్యాక్‌ అయిన విషయం వార్తల్లోకెక్కడంతో అతడు వాటిని తిరిగిచ్చేశాడు. ఇప్పుడు నేను అన్నింటి పాస్‌వర్డ్స్‌ మార్చేశాను. పోలీసులకు చేసిన ఫిర్యాదు కూడా వెనక్కు తీసుకుంటాను. నిజంగా ప్రేమించేవారు కేసులు పెట్టరు. రితేశ్‌ను నేను ప్రేమించి, పెళ్లి చేసుకుంది నిజం. కానీ అతడు ప్లేటులో భోజనం పెట్టి విసిరేసేవాడు. కొట్టేవాడు. అయినా సరే నేనతడి కాళ్లు పట్టుకుని నాతో ఉండమని బతిమాలేదాన్ని. ఆ తర్వాత తనకు పెళ్లై, పిల్లలున్న విషయాన్ని దాచిపెట్టాడని తెలిసింది. నిలువునా మోసపోయాను. మా అమ్మను ఆస్పత్రిలో చేర్పించాక ఒక్క రూపాయి కూడా సహాయం చేయలేదు. అప్పుడు సల్మాన్‌ ఖాన్‌ నన్ను ఆదుకున్నాడు. ఇప్పుడు నా ప్రియుడితో కొత్త జీవితం మొదలుపెడదామంటే కూడా అడ్డుపడుతున్నాడు' అని చెప్పుకొచ్చింది రాఖీ సావంత్‌. చదవండి: సబ్‌స్క్రిప్షన్లు ఎక్కువైపోయాయా? ఈ ఓటీటీల్లో ఫ్రీగా చూసేయొచ్చు

Urfi Javed Wear Broken Glass Dress Weighing 20 Kgs Video Viral: హిందీ బిగ్‌బాస్‌ ద్వారా చాలా ఫేమస్‌ అయింది ఉర్ఫీ జావేద్‌. బిగ్‌బాస్‌ తర్వాత బయటకొచ్చిన ఉర్ఫీ విభిన్నమైన, విచిత్రమైన డ్రెస్టింగ్‌ స్టైల్స్‌తో సోషల్‌ మీడియాలో అంతకన్నా ఎక్కువ పాపులర్‌ అయింది. డ్రెస్సింగ్ స్టైల్స్‌లో కొత్త కొత్త వెరైటీలను ట్రై చేస్తూ కొన్నిసార్లు ప్రశంసలు పొందితే, మరికొన్ని సార్లు తీవ్ర విమర్శల పాలైంది ఈ బ్యూటీ.  ఇంతకుముందు మెర్మేయిడ్‌ స్పాట్‌డ్‌ వేర్‌లో కనిపించిన ఉర్ఫీ జావేద్‌ మరోసారి సరికొత్త డ్రెస్‌లో దర్శనమిచ్చింది. దీనికి సంబంధించిన వీడియోను సోషల్ మీడియా ద్వారా పంచుకుంది. ఈ వీడియోలో ఉర్ఫీ పగిలిన గాజు ముక్కలతో చేసిన డ్రెస్‌ను వేసుకుంది.   ఈ పోస్ట్‌కు 'అవును, నేను పగిలిన గాజు ముక్కల డ్రెస్‌ వేసుకున్నాను. ఇది అద్భుతంగానే కనిపిస్తుందని అనుకుంటున్నాను. కానీ ప్రజలు ఇలాంటివి చూసి నాకు వెర్రి, పిచ్చి అనుకుంటారు. నిజానికి మనమందరం క్రేజీగా, పిచ్చిగా ఉన్నామని తెలుసుకోండి. కానీ నన్ను నేను చూసుకోడానికి నాకు తగినంత తెలివి, శక్తి ఉన్నాయి.' అని రాసుకొచ్చింది. దీంతో ఈ వీడియో నెట్టింట తెగ వైరల్‌ అయింది. ఈ వీడియోకు నటి రాఖీ సావంత్‌ ఫైర్‌ ఎమోజీని కామెంట్‌ పెట్టగా, పలువురు ప్రశంసిస్తున్నారు. కొందరు విమర్శిస్తున్నారు. ఇన్‌స్టా గ్రామ్‌లో 3 మిలియన్ల ఫాలోవర్లను చేరుకోవడంతో చిన్న పార్టీ ఏర్పాటు చేసింది ఉర్ఫీ జావేద్‌. ఆ పగిలి గాజు ముక్కల డ్రెస్‌ వల్ల గాయాలు అవుతుండటంతో దాన్ని తీసేసింది. అంతేకాకుండా ఈ డ్రెస్‌ 20 కేజీల బరువు ఉంటుందని ఉర్ఫీ జావేద్‌ తెలిపింది.  చదవండి: 👇 ప్యాంట్‌ వేసుకోలేదురా బాబూ.. ఉర్ఫీ పరుగోపరుగు సమంత చేస్తే ఒప్పు, నేను చేస్తే తప్పా? స్క్రీన్‌షాట్‌ షేర్‌ చేసిన ఉర్ఫీ View this post on Instagram A post shared by Uorfi (@urf7i)

వివాదాస్పద వ్యాఖ్యలతో తరచూ వార్తల్లో నానుతూ ఉంటుంది రాఖీ సావంత్‌. బిగ్‌బాస్‌ షోతో మరింత పాపులర్‌ అయిన ఆమె వాలంటైన్స్‌ డే రోజు తన భర్త రితేశ్‌ సింగ్‌తో విడిపోతున్నట్లు ప్రకటించింది. అతడికి ఆల్‌రెడీ పెళ్లై పిల్లాడు కూడా ఉన్నాడని తెలిసి తన గుండె ముక్కలయ్యిందని బాధపడింది. మొదటి భార్యకు విడాకులు ఇవ్వనందున తమ వివాహం చెల్లదంటూ అతడితో తెగదెంపులు చేసుకుంది. తాజాగా ఆమె వయసులో తనకంటే ఆరేళ్లు చిన్నవాడైన అదిల్‌ దురానీతో ప్రేమలో పడింది. ఈ విషయాన్ని ఓ మీడియాకిచ్చిన ఇంటర్వ్యూలో చెప్పుకొచ్చింది. రితేశ్‌తో బ్రేకప్‌ తర్వాత డిప్రెషన్‌లోకి వెళ్లిపోయాను. ఆ తర్వాత ఓసారి అదిల్‌ను కలిశాను. పరిచయమైన నెల రోజుల్లోనే అతడు నాకు ప్రపోజ్‌ చేశాడు. అతడు నాకంటే ఆరేళ్లు చిన్నవాడు కావడంతో నేను ప్రేమను అంగీకరించలేకపోయాను. కానీ అతడు.. వయసుతో సంబంధం లేకుండా మలైకా అరోరా- అర్జున్‌ కపూర్‌, ప్రియాంక చోప్రా- నిక్‌ జోనస్‌ జంటలు ప్రేమించుకోవడం లేదా? అన్యోన్యంగా ఉండటం లేదా? అని వారి గురించి చెప్పి ఒప్పించాడు. ఇంతకీ అతడికి, నాకు పరిచయం ఎలా అయిందంటే.. నాకు శైలే అని బిజినెస్‌ పార్ట్‌నర్‌ ఉన్నాడు. అతడి దగ్గర నుంచి అదిల్‌ నా నంబర్‌ తీసుకున్నాడు, అలా ఇద్దరం మాట్లాడుకున్నాం. కర్ణాటకలోని మైసూర్‌లో ఉంటున్న అతడు నన్ను కలవడం కోసం ముంబై వచ్చాడు. మైసూర్‌లో ఉన్నప్పుడు నాకు బీఎమ్‌డబ్ల్యూ కారు గిఫ్టిచ్చాడు అని చెప్పుకొచ్చింది. అయితే వీరి ప్రేమకు అదిత్‌ కుటుంబం పచ్చజెండా ఊపలేదట. రాఖీ డ్రెస్సింగ్‌ స్టైల్‌ వారికి అస్సలు నచ్చదట. కానీ వారిని ఎలాగైనా ఇంప్రెస్‌ చేస్తానంటోంది రాఖీ సావంత్‌. View this post on Instagram A post shared by Rakhi Sawant (@rakhisawant2511) చదవండి 👇  బిగ్‌బాస్‌ గ్రాండ్‌ ఫినాలే, అసలైన పోటీ ఆ ఇద్దరి మధ్యే! వాళ్లకు నా ఇంటికి వచ్చే అర్హత లేదు: కంగనా ఫైర్‌

బాలీవుడ్‌ భాయ్‌జాన్‌ సల్మాన్‌ ఖాన్‌ వ్యాఖ్యాతగా వ్యవహరించిన హిందీ బిగ్‌బాస్‌ 14వ సీజన్‌కు ఈ మధ్యే శుభం కార్డు పడింది. సింగర్‌ రాహుల్‌ వైద్యను వెనక్కు నెట్టి సీరియల్‌ నటి రుబీనా దిలైక్‌ విజేతగా అవతరించింది. కానీ రూ.50 లక్షల ప్రైజ్‌మనీలో 35 లక్షలు మాత్రమే గెలుచుకుంది, కారణం రాఖీ సావంత్‌. ఎప్పటిలాగే గ్రాండ్‌ ఫినాలేలో డబ్బులు తీసుకుని స్వతాహాగా ఎలిమినేట్‌ అయే ఆప్షన్‌ పెట్టగా రాఖీ అందుకు మొగ్గు చూపింది. విన్నర్‌ ప్రైజ్‌మనీకి కోత పెడుతూ అందులో నుంచి రూ.14 లక్షలు తీసుకుని ఇంటిదారి పట్టింది. ఆమె తీసుకున్న తెలివైన నిర్ణయాన్ని చాలామంది మెచ్చుకున్నారు. దీని గురించి ఆమె మాట్లాడుతూ.. "నేను కచ్చితంగా గెలుస్తాను అనుకున్నా. కానీ, రానురానూ నాకన్నా రుబీనాకు గెలిచే అవకాశాలు ఎక్కువగా ఉన్నాయని అనిపించింది. ఒకవేళ గెలుపు చేజారితే రన్నరప్‌గా లేదంటే సెకండ్‌ రన్నరప్‌గా నిలుస్తానని భావించాను. కానీ దానివల్ల నాకెలాంటి ప్రయోజనం లేదు. ఎందుకంటే నా బ్యాంక్‌ బ్యాలెన్స్‌ ఇప్పుడు జీరో ఉంది. నాకిప్పుడు డబ్బులు చాలా అవసరం. కొన్ని నెలలుగా అమ్మ ఆరోగ్యం అస్సలు బాగోలేదు. నేను సంపాదించిందంతా చికిత్సకే అయిపోయింది. అందుకే డబ్బులు తీసుకుని ఎలిమినేట్‌ అయ్యా. బిగ్‌బాస్‌ తర్వాత నేను మొట్టమొదటగా అమ్మతోనే మాట్లాను. ఇప్పుడు ఆమె ఆరోగ్యం కుదుటపడేందుకు నా దగ్గర సరిపడేంత డబ్బులు ఉన్నాయి, అందుకు చాలా సంతోషంగా ఉంది" అని చెప్పుకొచ్చింది. రాఖీ సావంత్‌ వ్యాపారవేత్త రితేశ్‌ను పెళ్లాడింది. కానీ అతడికి ఇదివరకే పెళ్లైందని, ఓ బిడ్డ కూడా ఉన్నారని తెలిసి షాక్‌కు గురైంది. పైగా రాఖీతో పెళ్లి విషయాన్ని కూడా బయట ఎవరికీ చెప్పొద్దని మాట తీసుకున్నాడు. కానీ బిగ్‌బాస్‌కు వచ్చాక ఆ విషయాన్ని నటి బహిర్గతం చేసింది. దానికి తన భర్త ఎలా స్పందిస్తాడో తెలీదని, ఒకవేళ విడాకులు కూడా కావచ్చేమోనని చెప్పింది. కానీ ప్రస్తుతం తనకు మాతృత్వాన్ని అనుభవించాలని ఉందని మనసులోని మాట బయట పెట్టింది. తన అండాలను భద్రపర్చానని తెలిపింది. కానీ తనకు విక్కీ డోనార్‌ అవసరం లేదని తన బిడ్డకు నిజమైన తండ్రి కావాలని చెప్తోంది. ఒంటరి తల్లిగా ఉండటం అస్సలు ఇష్టం లేదంటోంది. కానీ ఇదెలా సాధ్యం అవుతుందో తెలీదంటూనే త్వరలోనే దీనికి పరిష్కారం దొరుకుతుందని ఆశిస్తోంది. చదవండి: అమ్మ కోసం ప్రార్థించండి: రాఖీ సావంత్‌ బాలీవుడ్‌ మీద నటుడి సంచలన వ్యాఖ్యలు

బోల్డ్‌, కాంట్రవర్సీ క్వీన్‌గా పేరొందిన నటి రాఖీ సావంత్‌ హిందీ బిగ్‌బాస్‌ సీజన్ ‌14లో "ఎంటర్‌టైనర్‌ ఆఫ్‌ ది హౌస్"‌ అన్న బిరుదును సొంతం చేసుకుంది. తనదైన కామెడీ టైమింగ్‌తో నవ్వించే రాఖీ.. నిన్నటి ఎపిసోడ్‌లో గతాన్ని గుర్తుచేసుకొని కన్నీటి పర్యంతమయ్యింది. తన తల్లికి గుండెపోటు వచ్చినప్పుడు చికిత్స చేయించడానికి డబ్బులు లేకపోవడంతో స్నేహితులను సహాయం కోరానని, దీన్ని అవకాశంగా తీసుకొన్న ఓ వ్యక్తి కారులో తనపై అఘాయిత్యం చేయడానికి ప్రయత్నించాడని చెబుతూ బోరున విలపించింది. అంతేకాకుండా తన భర్త రితేష్‌కు ఇది వరకే పెళ్లయి, ఒక బిడ్డ కూడా ఉన్నాడని షాకింగ్‌ కామెంట్స్‌ చేసింది. తనకు విడాకులు ఇస్తానంటూ భర్త పలుమార్లు బెదిరించాడని పేర్కొంది. రాఖీ నవ్వుల వెనక ఇంతటి బాధ ఉందని తెలిసి అక్కడే ఉన్న కంటెస్టెంట్‌, సింగర్‌ రాహుల్‌ కూడా ఎమోషనల్‌ అయ్యాడు. (బిగ్‌బాస్‌: రాఖీ సావంత్‌ విపరీత చేష్టలు) #RakhiSawant ne kaha ki unki maa ki tabiyat kharab hone ka kaaran hai Rakhi aur unke pati ke beech mein tanaav.#BB14 #BiggBoss #BiggBoss14 @BeingSalmanKhan pic.twitter.com/dmFo8tgfY7 — ColorsTV (@ColorsTV) February 3, 2021 కాగా రాఖీ 2018 నవంబర్‌లో టీవీ నటుడు దీపక్ కలాల్‌ను పెళ్లి చేసుకుంటానని ప్రకటించింది. అయితే అనూహ్యంగా డిసెంబర్‌31నే దీపక్‌ మరో అమ్మాయితో ఎంగేజ్‌మెంట్ చేసుకున్నాడని, కాబట్టి అతడిని పెళ్లి చేసుకోనని రాఖీ సెన్సేషనల్‌‌ స్టేట్‌మెంట్‌ ఇచ్చింది. ఆ తర్వాత 2019లో యూకేకు చెందిన రితేష్ అనే బిజినెస్‌మెన్‌ పెళ్లి చేసుకుంది. అయితే వీరిద్దరికి సంబంధించిన పెళ్లి ఫొటోలు ఇప్పటి వరకు బయటకు రాకపోవడం గమనార్హం.  (అతడితో ప్రేమలో ఉన్నాను: నటి) #RakhiSawant ne kaha ki unke pati ki unse pehle ho chuki hai shaadi, jisko sunkar @rahulvaidya23 reh gaye hai shocked.#BB14 #BiggBoss #BiggBoss14 @BeingSalmanKhan pic.twitter.com/ExmCM6g7MN — ColorsTV (@ColorsTV) February 3, 2021

బిగ్‌బాస్‌లో గొడవలు సర్వసాధారణం. కానీ అవి శృతి మించితేనే అసలు సమస్య. ప్రస్తుతం హిందీ బిగ్‌బాస్‌ 14వ సీజన్‌ పరిస్థితి కూడా అలానే ఉంది. మాజీ కంటెస్టెంట్లను లోనికి పంపించగా వారు చేసే పనులతో ఇంటిసభ్యులు తలలు పట్టుకుంటున్నారు. ఈ క్రమంలో నటి, మాజీ కంటెస్టెంట్‌ రాఖీ సావంత్‌ వికృత చేష్టలకు కంటెస్టెంట్లు హడలెత్తిపోతున్నారు. ఎప్పుడు ఎలా ప్రవర్తిస్తుందోనని భయంతో ఆమె దరిదాపుల్లోకి వెళ్లడానికి కూడా ధైర్యం చేయట్లేదు. ప్రస్తుతం హౌస్‌లో జరుగుతున్న కెప్టెన్సీ టాస్కులో రాక్షసి అవతారం ఎత్తిన రాఖీ.. అంతకు ముందు రోజు తనతో గొడవకు దిగిన  జాస్మిన్‌ భాసిన్‌ను కెప్టెన్‌ కానివ్వనంటూ శపథం చేసింది. అటు కంటెస్టెంట్లను ఇబ్బందులకు గురి చేస్తూ ముప్పు తిప్పలు పెట్టింది.(చదవండి: రాహుల్ లేక‌పోతే బిగ్‌బాస్ చూడం!) మాజీ కంటెస్టెంట్‌ రాహుల్‌ మహాజన్‌ పంచె పట్టుకుని లాగారు. దాన్ని కర్చీఫ్‌లా ముక్కలు ముక్కలు చేస్తానని హెచ్చరించడమే కాకుండా నిజంగానే పంచె ఊడదీసి పేలికలుగా మార్చారు. దీంతో ఆమె విపరీత ప్రవర్తనపై హౌస్‌మేట్స్‌ గరమయ్యారు. ఇదే ఒక అమ్మాయికి జరిగితే ఇలాగే ఊరుకుంటారా? అని ప్రశ్నిస్తూ అలీ గోనీ టాస్కులో పాల్గొనేందుకు నిరాకరించాడు. అటు సోషల్‌ మీడియాలో సైతం రాఖీపై విమర్శలు గుప్పిస్తున్నారు. ఒక యువకుడిని దాదాపు నగ్నంగా నిలబెట్టినంత పని చేసిందని రాఖీపై ఫైర్‌ అవుతున్నారు. టాస్క్‌ను టాస్క్‌లా ఆడాలి కానీ అంత అతి పనికి రాదని ఘాటుగా కామెంట్లు చేస్తున్నారు. మరి రాఖీ ప్రవర్తనపై సల్మాన్‌ ఖాన్‌ ఎలా స్పందిస్తారో చూడాలి! (చదవండి: బిగ్‌బాస్‌: కంటెస్టెంట్‌ను దూషించిన తల్లి) View this post on Instagram A post shared by ColorsTV (@colorstv) View this post on Instagram A post shared by ColorsTV (@colorstv)

బాలీవుడ్‌ హాట్‌ బ్యూటీ రాఖీ సావంత్‌కు, తన మాజీ ప్రియుడికి మధ్య వాడీ వేడి మాటల యుద్ధం జరిగింది. రాఖీసావంత్‌ తనతో ప్రేమాయణం జరిపి రహస్యంగా వేరొకరిని పెళ్లి చేసుకుందని మాజీ ప్రియుడు దీపక్‌ కలల్‌ ఆరోపించారు. దీనికి పరిహారంగా రూ.4 కోట్లు ఇవ్వాలని డిమాండ్‌ చేశారు. ఇటీవల రాఖీసావంత్‌ బ్రిటన్‌కు చెందిన ఎన్నారై రితేష్‌ అనే వ్యక్తిని ముంబైలోని ఓ హోటల్‌లో వివాహం  చేసుకున్న విషయం తెలిసిందే. ఈ క్రమంలో ఆమె మాజీ ప్రియుడు రాఖీ సావంత్‌పై తీవ్ర విమర్శలు చేశారు. తన నుంచి రాఖీ తీసుకున్న 4 కోట్ల రూపాయలను తిరిగి ఇవ్వాలని ట్విటర్‌లో తీవ్రంగా మండిపడ్డారు.  తన భర్తను వదిలేసి తనతో జీవించాలని లేకుంటే  రాఖీ జీవితం నాశనం చేస్తానని బెదిరించాడు.  దీనిపై స్పందించిన రాఖీ సావంత్‌ దీపక్‌పై ట్విటర్‌లో తీవ్రంగా విరుచుకుపడ్డారు. మాటలు మంచిగా మాట్లాడాలని, అబద్దపు మాటలు మాట్లాడితే బాగోదని, తనను తన భర్తను ఏం చేయలేవంటూ ఘాటుగా విమర్శించారు. కాగా, దీపక్‌తో ప్రేమాయణం సాగించిన రాఖీసావంత్‌ తననే పెళ్లి చేసుకుంటుందని అభిమానులంతా ఊహించారు. కానీ వెడ్డింగ్‌ డ్రెస్‌లతో దిగిన ఫోటోలను సోషల్‌ మీడియాలో షేర్‌ చేస్తూ, తను ఓ ఎన్నారైను పెళ్లి చేసుకుంటున్నట్లు ప్రకటించి చివరిలో షాకిచ్చింది రాఖీసావంత్‌. 

సాక్షి, ముంబై : భారత్‌, పాకిస్తాన్‌ మధ్య ఉద్రిక్తతల నేపథ్యంలో దేశం కోసం అవసరమైతే తాను ప్రాణత్యాగానికి వెనుకాడనని బాలీవుడ్‌ నటి రాఖీ సావంత్‌ అన్నారు. పుల్వామా ఉగ్రదాడి అనంతరం భారత్‌ చేపట్టిన చర్యలను ఆమె సమర్ధించారు. పుల్వామా దాడి తర్వాత పాక్‌కు దీటుగా బదులిచ్చేందుకు ప్రధాని నరేంద్ర మోదీ తీసుకున్న చర్యలన్నీ సరైనవేనని రాఖీ సావంత్‌ సమర్ధించారు. దేశం కోసం చనిపోయేందుకు తాను సిద్ధంగా ఉన్నానని, తాను శత్రు శిబిరాల్లోకి 50 నుంచి 100 బాంబులు తీసుకెళతానని, అవసరమైతే వారిని మట్టుబెట్టి వస్తానని చెప్పుకొచ్చారు. పుల్వామా దాడికి మోదీజీ సరైన సమాధానం ఇచ్చారు. పాక్‌ కస్టడీలో ఉన్న మన పైలట్లు సురక్షితంగా తిరిగి దేశానికి చేరుకోవాలని తాను ప్రార్ధిస్తున్నానని చెప్పారు. పంజాబ్‌లోని లూథియానాలో ఓ కార్యక్రమంలో పాల్గొనేందుకు వచ్చిన రాఖీ ఈ వ్యాఖ్యలు చేశారు.

ప్రముఖ నటుడు నానా పటేకర్‌పై బాలీవుడ్‌ నటి తనుశ్రీ దత్తా చేసిన ఆరోపణలపై బాలీవుడ్‌లో ఇప్పటికీ వాడి వేడి చర్చ జరుగుతూనే ఉంది. కొందరు తనుశ్రీకి మద్దతుగా నిలిస్తే.. మరికొందరు నానాకి సపోర్ట్‌గా మాట్లాడుతున్నారు. నటి రాఖీ సావంత్‌ కూడా ఇటీవల ఓ టీవీ ఇంటర్వ్యూలో  నానాకి మద్దతుగా మాట్లాడారు. ‘‘నానా పటేకర్, గణేశ్‌ ఆచార్యపై వస్తున్న ఆరోపణలన్నీ అబద్ధాలు. నాకు మహిళలపై గౌరవం ఉంది. వారి గురించి తప్పుగా మాట్లాడాలన్నది నా ఉద్దేశం కాదు.  తనుశ్రీకి పిచ్చి పట్టింది. పదేళ్లుగా కోమాలో ఉండి ఈ మధ్యే బయటికి వచ్చింది. పదేళ్ల తర్వాత అమెరికా నుంచి వచ్చిన తనుశ్రీ అవకాశాలు లేక.. డబ్బుల కోసం ఇలాంటి వ్యాఖ్యలు చేస్తోంది.  నానాని తప్పుపడుతోంది’’ అన్నారు. రాఖీ సావంత్‌ వ్యాఖ్యలపై తనుశ్రీ ఫైర్‌ అయ్యారు. ఆమెపై రూ.10 కోట్లు పరువు నష్టం దావా వేశారు. ఈ వివాదం ఎంతవరకూ వెళుతుందో చూడాలి.

సాక్షి, ముంబై: లైంగిక వేధింపుల ఆరోపణలతో సంచలనం రేపిన నటి తనుశ్రీ దత్తా మరో కీలక అడుగు వేశారు. తనుశ్రీ -నానా పటేకర్‌ వివాదంలో నానాకు మద్దతుగా నిలవడంతోపాటు తనపై వివాదాస్పద వ్యాఖ్యలు చేసిన రాఖీ సావంత్‌ను  చట్టపరంగా సవాల్‌ చేసింది. 10 కోట్ల రూపాయల విలువైన పరువు నష్టం దావా వేసింది. ఈ మేరకు తనుశ్రీ న్యాయవాది నితిన్ మీడియాకు తెలిపారు. దీనికి రాఖీ సమాధానం చెప్పకపోతే, ఆమెకు రెండు సంవత్సరాలు శిక్ష విధించే అవకాశం ఉందని తెలిపారు. తనుశ్రీ దత్తా ఆరోపణలపై పచ్చి అబద్ధాల కోరు అంటూ బాలీవుడ్  రాఖీ సావంత్ తీవ్రంగా స‍్పందించింది. ముఖ్యంగా హారన్‌ ఓకే ప్లీజ్‌ మూవీ షూటింగ్‌ రోజు తనుశ్రీ డ్రగ్స్ తీసుకుని వ్యాన్‌లో 4 గంటల పాటు స్పృహ లేకుండా పడివుండడంతోనే తనతో ఆ పాట పూర్తి చేశారంటూ తనుశ్రీపై ఎదురు దాడికి దిగింది. ‘నానా ప‌టేకర్ లాంటి గొప్ప నటుణ్ని తనుశ్రీ అవ‌మానిస్తోంది. ఆయన చాలా గొప్ప వ్య‌క్తి. ఆయ‌న‌ మ‌హిళ‌ల‌తో చాలా గౌర‌వంగా ప్రవర్తిస్తార’ని రాఖీ తెలిపింది. అంతేకాదు తనుశ్రీ దత్తా  రక్తం నిండా మత్తుమందులే ఉంటాయని తెలిపింది. కేవలం ప‌బ్లిసిటీ కోస‌మే ఇన్నేళ్ల త‌ర్వాత త‌నుశ్రీ ఇలా మాట్లాడుతోందని పేర్కొంది. ఇంగ్లీష్‌లో బాగా మాట్లాడుతోంది కాబ‌ట్టి తనుశ్రీ మాట‌ల‌కు ప్రాధాన్యం ల‌భిస్తోంది. రుజువులు చూపిస్తే  తాను ఇండియా వదిలిపోతానని, ఆమె చేసిన ఆరోప‌ణ‌లు నిజ‌మైతే తన ముందుకు వ‌చ్చి మాట్లాడాల‌ంటూ రాఖీ స‌వాల్ చేసిన సంగతి విదితమే. దీంతో రాఖీపై రూ. 10 కోట్ల మేరకు తనుశ్రీ పరువునష్టం దావా వేసింది.

‘కెరీర్‌ బిగినింగ్‌ డేస్‌లో నేనూ క్యాస్టింగ్‌ కౌచ్‌ను ఫేస్‌ చేశాను’ అంటున్నారు బాలీవుడ్‌ హాట్‌ యాక్టర్‌ రాఖీ సావంత్‌. క్యాస్టింగ్‌ కౌచ్‌ ప్రస్తుతం ఇండియన్‌ ఫిల్మ్‌ ఇండస్ట్రీల్లో హాట్‌ టాపిక్‌. ఈ విషయం గురించి రాఖీ సావంత్‌ మాట్లాడుతూ –‘‘కెరీర్‌ స్ట్రగ్లింగ్‌ స్టేజ్‌లో ఉన్నప్పుడు నేనూ క్యాస్టింగ్‌ కౌచ్‌ ఎదుర్కొన్నాను. అలా అని అందరు దర్శకులు, నిర్మాతలను తప్పుపట్టడం లేదు. కేవలం కొందరిని మాత్రమే. అవును.. ఇండస్ట్రీలో సెక్సువల్‌ కరప్షన్‌ ఉంది. అయినా.. ఎక్కడ లేదని? నేను నా ట్యాలెంట్‌ని నమ్ముకున్నాను. అందుకే ఎక్కడా లొంగిపోలేదు. ‘నో’ చెప్పడం నేర్చుకున్నాను. ఆర్టిస్ట్‌గా ప్రూవ్‌ చేసుకోవడానికి నా ట్యాలెంట్‌ను ఉపయోగించుకున్నాను. స్ట్రగ్లింగ్‌ స్టేజ్‌లో ఉన్న ఆర్టిస్ట్‌లందరికీ నేను చెప్పేది ఒక్కటే. ఓపికగా ఉండండి. షార్ట్‌కట్స్‌కు టెంప్ట్‌ అవ్వకండి’’ అని పేర్కొన్నారు.  

బిపాసా బసు, సన్నీ లియోన్, రాఖీ సావంత్‌.. వీళ్ల ముగ్గుర్లో ఒక కామన్‌ పాయింట్‌ ఉంది. ముగ్గురూ అందగత్తెలని తప్పించుకోవద్దు. ముగ్గుర్లో ఎవరు కనబడినా సినిమా పరుగులు తీస్తుందని చెప్పేయొద్దు. కేక పుట్టే క్యారెక్టర్లు చేశారని క్లాస్‌ పీకొద్దు. కొంచెం ఆలోచించండి. మీరు ఎవ్వరూ ఊహించలేని ఒక కామన్‌ పాయింట్‌ ఉంది. సాధారణంగా ఆ కామన్‌ పాయింట్‌ మగ మారాజుల దగ్గరే ఉంటుంది. ఎగ్జాక్ట్‌లీ! బీ సేఫ్‌. కాండోమ్‌ వాడండి. ఇది మన ప్రభుత్వమే కాదు, ప్రపంచమంతా రన్‌ అవుతున్న కాంపెయిన్‌.  అనవసరంగా జబ్బులు రాకుండా ఉండటానికి, అవసరం ఉన్నప్పుడే పిల్లల్ని కనడానికి బీ సేఫ్‌. కాండోమ్‌ వాడండి అని ప్రపంచంలో ఉన్న మగ మారాజులందరూ పుంజులై కూశారు. మన దగ్గర బిపాస, సన్నీ, ఇప్పుడు రాఖీ కాండోమ్‌ వాడమని ప్రకటనల్లో కనబడుతున్నారు.

సాక్షి, ముంబై: వివాదాస్పద బాబా, రేప్‌ కేసులో శిక్ష పడిన గుర్మీత్‌ రాంరహీం సింగ్‌ జీవితకథ ఆధారంగా 'అబ్‌ హోగా ఇన్సాఫ్‌' పేరిట సినిమా తెరకెక్కించేందుకు హాట్‌ భామ రాఖీ సావంత్‌ సిద్ధమవుతోంది. ఈ సినిమాలో గుర్మీత్‌ దత్తపుత్రిక, సన్నిహితురాలు హనీప్రీత్‌ ఇన్సాఫ్‌గా రాఖీ సావంత్‌ నటిస్తున్న సంగతి తెలిసిందే. తాజాగా ఈ సినిమాకు సంబంధించి ఓ చానెల్‌కు ఇంటర్వ్యూ ఇచ్చిన రాఖీ.. ఆసక్తికర విషయాలను వెల్లడించింది. గుర్మీత్‌ జీవితానికి సంబంధించిన ఎన్నో రహస్య అంశాలను ఈ సినిమాలో చూపిస్తానని, గుర్మీత్‌, హనీప్రీత్ గురించి తనకు చాలాకాలంగా తెలుసునని చెప్పుకొచ్చింది. 'మూడున్నరేళ్లుగా గుర్మీత్‌, హనీప్రీత్‌ గురించి నాకు తెలుసు. పలు సందర్భాల్లో వారిని నేను కలిశాను. డేరా పరిసరాల్లో నిర్మించిన గుహాలోకి సైతం నేను వెళ్లాను. గుర్మీత్‌ పుట్టినరోజు సందర్భంగా నన్ను పిలిచారు' అని రాఖీ తెలిపింది. గుర్మీత్‌ సినిమాల కోసం హనీప్రీత్‌ ఆడిషన్స్‌ నిర్వహించేదని తెలిపింది. 'ఓసారి గుర్మీత్‌, హనీప్రీత్‌ నన్ను ఓ హోటల్‌కు పలిచారు. గుర్మీత్‌ సినిమాల్లో నటించే అవకాశం కల్పిస్తానంటూ అమ్మాయిలను హనీప్రీత్‌ పిలిచేది. హోటల్‌లో ఇద్దరూ ఒకే గదిలో ఉండేవారు. అక్కడ బాత్రూమ్‌లో కొన్ని మూలికలు చూశాను. పాపపు ఉద్దేశంతో వాటిని అక్కడ ఉంచినట్టు నేను భావించాను. అతని నిజమైన ఉద్దేశాలు గ్రహించి నేను బెంబేలెత్తిపోయాను. నన్ను చంపేస్తాడేమోనని భయపడ్డాను' అని రాఖీ చెప్పింది. గుర్మీత్‌కు తాను సన్నిహితంగా ఉండటం చూసి హనీప్రీత్‌ ఆందోళన చెందేదని రాఖీ పేర్కొంది. 'తన ప్రియుడిని నేను పెళ్లి చేసుకుంటానేమోనని హనీప్రీత్‌ భయపడేది. గుర్మీత్‌ తన మహిళా శిషురాళ్లను లైంగికంగా దోచుకుంటున్న విషయం నాకు అప్పటికీ తెలియదు' అని చెప్పుకొచ్చింది.


 ముంబై: బుల్లితెర నటి ప్రత్యూష బెనర్జీ మరణాన్ని పబ్లిసిటీ కోసం వాడుకుంటున్న ఇద్దరు నటీమణులు.. రాఖీ సావంత్, డాలీ బింద్రాలపై చర్యలు తీసుకుంటున్నట్లు మెంబర్స్ ఆఫ్ సినీ అండ్ టీవీ ఆర్టిస్ట్స్ అసోసియేషన్(సీఐఎన్టీఏఏ) ప్రకటించింది. 'వీరు ఇలా ఎందుకు ప్రవర్తిస్తున్నారో నాకు తెలీదు. ఓ వైపు నటి చనిపోతే మరోవైపు వీరందరూ పబ్లిసిటీ కోసం పడిచస్తున్నారు. సీఐఎన్టీఏఏలో వీరు కూడా సభ్యులు కావడం మూలన సస్పెండ్ చేయలేకపోతున్నాం' అని వివాదాల కమిటీ చైర్మన్ అమిత్ భేల్ తెలిపారు.
 
 ప్రత్యూష మరణం తర్వాత డాలీ ఆమెతో వాట్సాప్లో జరిపిన సంభాషణను ప్రత్యూష తల్లి సమక్షంలో మీడియా ముందుకు తీసుకువచ్చారు. ప్రత్యూషను ఆసుపత్రికి తీసుకువచ్చినపుడు ఆమె నుదుటి మీద కుంకుమ బొట్టు ఉందని ఆమె పేర్కొంది. ఆత్మహత్యలు ఆగాలంటే ప్రధాన మంత్రి నరేంద్రమోదీ ఫ్యాన్లను బ్యాన్ చేయాలంటూ రాఖీ కోరింది. ఈ అంశాలపై సీఐఎన్టీఏఏ సభ్యులతో చర్చించానని త్వరలో చర్యలపై మాట్లాడుతానని తెలిపారు.