సంగారెడ్డి(మెదక్ జిల్లా): సంగారెడ్డి కోర్టు వద్ద బుధవారం రోడ్డు ప్రమాదం జరిగింది. లారీని తప్పించబోయి బైక్ డివైడర్‌ను ఢీకొట్టింది. ఈ ప్రమాదంలో బైక్‌పై ప్రయాణిస్తోన్న రిన్షా అనే ఏడాదిన్నర వయస్సు ఉన్న చిన్నారి అక్కడికక్కడే మృతిచెందగా..మరో ముగ్గురికి తీవ్రగాయాలయ్యాయి. పరిస్థితి విషమంగా ఉండటంతో క్షతగాత్రులను చికిత్స నిమిత్తం గాంధీ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.