రాజమండ్రి: ఏపీ సర్కార్ చేపట్టిన ఫైబర్ గ్రిడ్ ప్రాజెక్టులో లొసుగులున్నాయని మాజీ ఎంపీ ఉండవల్లి అరుణ్ కుమార్ ఆరోపించారు. ఏపీ ముఖ్యమంత్రి చంద్రబాబు ద్వంద్వ వైఖరిని ఆయన మరోసారి బయటపెట్టారు. టెరా సాఫ్ట్వేర్ అనే కంపెనీని ఆంధ్రప్రదేశ్ ముఖ్యమంత్రి చంద్రబాబు సర్కారే ఈ ఏడాది మే నెలలో బ్లాక్ లిస్ట్లో పెట్టిందని.. అయితే, నేడు అదే కంపెనీకి ఏకంగా రూ.333 కోట్ల భారీ టెండర్ ఎలా అప్పగిస్తారని ఉండవల్లి అరుణ్ కుమార్ శనివారమిక్కడ ప్రశ్నించారు. టెరా సాఫ్ట్వేర్ కంపెనీతో చంద్రబాబుకి చెందిన హెరిటేజ్ కంపెనీకి దగ్గరి సంబంధాలు ఉన్నాయని ఆయన ఆరోపించారు.