Bigg Boss Telugu 5, Uma Devi About VJ Sunny: కార్తీకదీపం ఫేమ్‌ పావుశేరు భాగ్యం బిగ్‌బాస్‌ షోను రఫ్ఫాడించిన సంగతి తెలిసిందే! మంచితనానికి మంచిగా ఉంటూనే తేడా వస్తే తిట్లదండకం అందుకునే ఉమాదేవి అంటే హౌస్‌లో అందరూ బెంబేలెత్తిపోయేవారు. ఆమెతో ఎందుకు గొడవ పెట్టుకోవడంలే అని దూరందూరంగానే ఉండేవారు. అలా అందరితో తగాదాలు పెట్టుకుని ఉమాదేవి రెండోవారంలోనే హౌస్‌ నుంచి ఎలిమినేట్‌ అయింది. అప్పటినుంచి ఆమె సన్నీకి సపోర్ట్‌ చేస్తూ వస్తోంది. అయితే ఈ షోకు రాకముందే అతడితో కలిసి సీరియల్‌లో నటించిన ఉమాదేవి ఒకానొక సమయంలో సన్నీని ఇంటి అల్లుడిగా చేసుకోవాలనుకున్నానని చెప్తూ అందరికీ షాకిచ్చింది. తాజాగా ఇదే విషయం గురించి సాక్షి ఎంటర్‌టైన్‌మెంట్‌ ఛానల్‌తో మాట్లాడింది. 'కళ్యాణ వైభోగమే సీరియల్‌ మొదలు పెట్టినప్పుడు సన్నీ హీరో అని చెప్పారు. సన్నీ ఎవరు? అని అడిగితే నా పెద్ద కూతురు వీజే అని చెప్పింది. అప్పటికే అతడికి చాలామంది ఫాలోవర్స్‌ ఉన్నారు. నేను వెళ్లి అతడితో మాట్లాడాను. అబ్బాయి బాగున్నాడు, పెద్దమ్మాయికి ఇచ్చి పెళ్లి చేయొచ్చు అని మనసులో అనుకున్నాను. కానీ అంతలోనే మా పెద్దమ్మాయి వచ్చి సన్నీ అన్న అంది. ఆరోజు నుంచి సన్నీ నా కూతుళ్లను చెల్లెలుగా, వీళ్లు అతడిని అన్నగా ఫిక్సయిపోయారు. అలా అత్త అవ్వాల్సినదాన్ని సన్నీకి పిన్నీనైపోయాను. నా కూతురు అతడిని అన్న అని పిలవకపోతే సీన్‌ ఇంకోలా ఉండేది' అని చెప్పుకొచ్చింది ఉమాదేవి.

సినిమాలతో పాటు సీరియల్స్‌లోనూ నటిస్తూ మంచి గుర్తింపు సంపాదించుకుంది ప్రియ. ఎన్నో ఏళ్లుగా ఇండస్ట్రీలో రాణిస్తున్న ప్రియకు ఇటీవల బిగ్‌బాస్‌ షో నుంచి పిలుపు వచ్చింది. వెంటనే వచ్చిన అవకాశాన్ని అందిపుచ్చుకుంటూ షోలో వాలిపోయింది. అక్కడ ఇతర కంటెస్టెంట్లను, వారి గేమ్‌ను అంచనా వేస్తూ ఎత్తుకు పైఎత్తులు వేస్తూ గేమాడింది ప్రియ. కెప్టెన్సీ కాలేరని తెలిసినా చిరునవ్వుతో ఆ నిర్ణయాన్ని స్వాగతించి ఎందరో మనసులను కొల్లగొట్టింది. చివరకు అసాధ్యం అనుకున్న కెప్టెన్సీని సైతం సుసాధ్యం చేస్తూ ఐదో వారం కెప్టెన్‌గా అవతరించింది. కానీ సన్నీతో వైరం కొనితెచ్చుకుని అతడి మీద నోరు పారేసుకోవడంతో అప్రతిష్ట మూటగట్టుకుంది. టాస్క్‌లో అతడిని రెచ్చగొట్టడం, చెంప పగలగొడతానంటూ హెచ్చరించడంతో సోషల్‌ మీడియాలోను ఆమెను ట్రోల్‌ చేశారు. ఫలితంగా ఓట్లు తగ్గి ఏడో వారంలో షో నుంచి ఎలిమినేట్‌ అయింది. View this post on Instagram A post shared by Priya (@priyaartist) ఇదిలా వుంటే నేడు(నవంబర్‌ 21న) ప్రియకు వరుసకు కూతురయ్యే లోహిత పెళ్లి జరిగింది. ఈ వివాహ వేడుకలకు బిగ్‌బాస్‌ కంటెస్టెంట్లు జెస్సీ, ఉమాదేవి, సరయు విచ్చేశారు. పెళ్లి వేడుకల్లో స్పెషల్‌ అట్రాక్షన్‌గా నిలిచిన వీరి ఫొటోలు ప్రస్తుతం సోషల్‌ మీడియాలో వైరల్‌గా మారాయి. కాగా 'మా ఇంట్లో పెళ్లి వేడుకలు షురూ' అంటూ ఇంటి ముందు ముగ్గులేసిన ఫొటోను ప్రియ ఈ మధ్యే ఇన్‌స్టాగ్రామ్‌లో షేర్‌ చేసింది. హల్దీ, మెహందీ వేడుకలకు సంబంధించిన ఫొటోలను సైతం ఎప్పటికప్పుడు పంచుకుంది. View this post on Instagram A post shared by £0{-}!t{-}@👑 (@lohi.79) View this post on Instagram A post shared by £0{-}!t{-}@👑 (@lohi.79)

Bigg Boss Telugu 5 Contestant Uma Devi Home Tour: బిగ్‌బాస్ షోను అల్లాడించింది ఉమాదేవి. 'కార్తీక‌దీపం' సీరియ‌ల్‌తో భాగ్యంగా ఫేమ‌స్ అయిన ఈమె బిగ్‌బాస్ షోతో ఉమ‌త్త‌గా మ‌రింత పాపుల‌ర్ అయింది. ఒక‌రిని న‌వ్వించాల‌న్నా, న‌లుగురితో పోట్లాడాల‌న్నా ఆమెకు ఆమే సాటి. నాకు ఒక‌రు ఎదురొచ్చినా, నేను ఒక‌రికి ఎదురెళ్లినా వాళ్ల‌కే రిస్క్ అన్న డైలాగ్ ఆమెకు స‌రిగ్గా స‌రిపోతుంది. కంటెస్టెంట్ల‌తో క‌య్యానికి కాలు దువ్వుతూ నెగెటివ్ టాక్ పెంచుకున్న ఈమె రెండోవారంలోనే హౌస్ నుంచి ఎలిమినేట్ అయింది. బిగ్‌బాస్ నుంచి వ‌చ్చిన త‌ర్వాత ఉమాదేవి సొంతంగా 'ఉమ‌త్త' అనే యూట్యూబ్ ఛాన‌ల్ కూడా మొద‌లు పెట్టింది. ఈ మ‌ధ్యే త‌ను ఇల్లు మారాన‌ని చెప్తూ ఆ ఇంటిని చూపిస్తూ హోమ్ టూర్ వీడియో పోస్ట్ చేసింది. ఇందులో త‌న‌ ఇంటికి సంబంధించిన విశేషాలు పంచుకుంది. ఈ ఇంటిలో వంట‌గ‌ది, పూజ గ‌దితో పాటు రెండు బెడ్‌రూమ్‌లు ఉన్నాయి. చ‌ద‌వండి: Bigg Boss Telugu 5: సిరి, ష‌ణ్నుకు నాగ్ సపోర్ట్‌, స‌న్నీని వాయించేశాడుగా! ప్ర‌స్తుతం ఉంటున్న ఇల్లు తూర్పుముఖంగా ఉంద‌ని, అది త‌న‌కు క‌లిసొచ్చింద‌ని చెప్పుకొచ్చింది. ర‌మ‌ణ మ‌హ‌ర్షి ఫొటోల‌తో పాటు ఆయ‌న పుస్త‌కాలు కూడా త‌న ద‌గ్గ‌ర ఉన్నాయంది. త‌న‌కు వ‌చ్చిన అవార్డుల‌ను చూపిస్తూ మురిసిపోయింది. త‌ను మొట్ట‌మొద‌ట‌గా వ‌సంత కోకిల సీరియ‌ల్‌లో న‌టించాన‌ని, ఆ సీరియ‌ల్ 50 ఏళ్లు పూర్తి చేసుకున్న‌ప్పుడు ప్ర‌త్యేక‌ అవార్డు ఇచ్చార‌ని తెలిపింది. నేను చేసిన ప్ర‌తి సినిమాలు 100 రోజులు విజ‌య‌వంతంగా న‌డ‌వడం గ‌ర్వ‌కార‌ణ‌మ‌ని పేర్కొంది. పెద్ద వంశీగారు న‌న్ను మొద‌టిసారి చూసిన‌ప్పుడు హీరోయిన్‌గా చేయాల్సిన‌వాళ్లు ఇలాంటి పాత్ర‌లెందుకు చేస్తున్నార‌ని అడిగార‌ని, ఇది త‌న‌కు పెద్ద కాంప్లిమెంట్ అని చెప్పుకొచ్చింది. ఇంట్లో ఉన్న బొమ్మ‌లు, ఫ్రిజ్ చూపిస్తూ దాని వెన‌క చ‌రిత్ర‌ను వివ‌రించింది. మొత్తంగా ఈ ఇల్లే త‌న చిన్న ప్ర‌పంచమ‌ని చెప్తూ హౌస్ మొత్తాన్ని చూపించింది ఉమాదేవి.

బిగ్‌బాస్‌ హౌస్‌ను గడగడలాడించింది ఉమాదేవి. మొదటివారం హౌస్‌మేట్స్‌కు ఉమాదేవస్య ఉగ్రరూపస్య సినిమా చూపించేసిందీ నటి. కానీ రెండోవారం తన కోపాన్ని కాస్త పక్కనపెడుతూ కామెడీకి ఎక్కువ ఇంపార్టెన్స్‌ ఇచ్చింది. టాస్కుల్లో కాస్త హింసాత్మకంగానే ఆడినా లోబోతో చేసిన కామెడీతో అందరినీ కడుపుబ్బా నవ్వించింది. అయితే ఆమె మాట్లాడిన బూతులే ఆమె పాలిట శాపంగా మారాయి. ప్రేక్షకులు ఆమె హౌస్‌లో ఉండటానికి వీల్లేదని డిసైడ్‌ చేయడంతో రెండోవారానికే తట్టాబుట్టా సర్దుకోక తప్పలేదు.  తాజాగా ఉమాదేవి సాక్షి టీవీతో ముచ్చటించింది. ఈ సందర్భంగా ఆమె మాట్లాడుతూ.. రెండోవారమే షో నుంచి వచ్చేయడం బాధగా ఉందని, ఇప్పటికీ బిగ్‌బాస్‌ హౌస్‌ను మిస్‌ అవుతున్నానని పేర్కొంది. ప్రియ, ప్రియాంకలతో కిచెన్‌లో కలిసి పని చేయడంతో తాము ఫ్రెండ్స్‌ అయ్యామని తెలిపింది. కెప్టెన్‌గా పని చేసిన సిరి, విశ్వలలో.. విశ్వ పర్ఫెక్ట్‌ అని చెప్పుకొచ్చింది. జెస్సీ, మానస్‌, రవి, సన్నీ.. టాప్‌ 5లో ఉంటారని అభిప్రాయపడింది. సన్నీ ఇంటాబయట ఒకేలా ఉన్నాడని, అందుకే అతడికి సపోర్ట్‌ చేస్తున్నానని తెలిపింది. ఆమె ఇంకా ఏం మాట్లాడిందో తెలియాలంటే కింది ఇంటర్వ్యూ చూసేయండి..

'కార్తీకదీపం' భాగ్యగా ఎంతగానో ఫేమస్‌ అయిన ఉమాదేవి ఈమధ్యే బిగ్‌బాస్‌ తెలుగు ఐదో సీజన్‌లో ఎంట్రీ ఇచ్చింది. ఉన్నది రెండువారాలే అయినా హౌస్‌లో ఒక్కొక్కరినీ గడగడలాడించి అందరినీ ఠారెత్తించింది. నామినేషన్స్‌ వస్తే చాలు పూనకం వచ్చినట్లు ఊగిపోయేది. మాటకు మాట దెబ్బకు దెబ్బ అన్నట్లుగా ప్రవర్తించేది! దాదాపు కంటెస్టెంట్లు అందరితో గొడవపడి బిగ్‌బాస్‌ షోలో గయ్యాళి గంపగా పేరు తెచ్చుకున్న ఉమాదేవి తాజాగా ఓ గొప్ప నిర్ణయం తీసుకుంది. తన రెమ్యునరేషన్‌ను ఓమంచి పని కోసం వినియోగించింది. బిగ్‌బాస్‌ ద్వారా తనకు వచ్చిన పారితోషికంలోని కొంత మొత్తాన్ని బోన్‌ క్యాన్సర్‌తో బాధపడుతున్న చిన్నారిని ఆదుకునేందుకు అందించింది. ఈ విషయం తెలిసిన నెటిజన్లు ఉమా మంచి మనసును మెచ్చుకోకుండా ఉండలేకపోతున్నారు. ఆమె గొంతే కాదు, మనసు కూడా పెద్దదే అంటూ ప్రశంసలు కురిపిస్తున్నారు. చిన్నారికి ప్రాణం పోసిన ఉమాదేవికి అంతా మంచి జరగాలని కోరుకుంటున్నారు. ఆమె వెళ్లిపోయాక షోలో పస లేకుండా పోయిందని, అంతా నసే ఉందని, వీలైనంత త్వరగా ఉమాదేవి రీఎంట్రీ ఇస్తే బాగుండని ఆశాభావం వ్యక్తం చేస్తున్నారు మరికొందరు.

Bigg Boss Telugu 5 Uma Devi Chit Chat With Fans: కార్తిక దీపం సీరియల్‌కి తెలుగు రాష్ట్రాల్లో ఎంత మంది ఫ్యాన్స్‌ ఉన్నారో ప్రత్యేకంగా చెప్పాల్సిన పనిలేదు. ఇక ఈ సీరియల్‌లో అర్థపావు భాగ్యంగా బుల్లితెర ప్రేక్షకులను ఎంతగానో అలరించిన నటి ఉమాదేవి బిగ్‌బాస్‌ సీజన్‌-5లో ఎంట్రీ ఇచ్చిన సంగతి తెలిసిందే. అయితే నామినేషన్‌ ప్రక్రియలో బూతులు మాట్లాడటం, చిన్న విషయానికే గొడవకు దిగడం ఆమెకు పెద్ద మైనస్‌గా మారాయి. దీంతో రెండో వారంలోనే ఆమె ఇంటి దారి పట్టింది.చదవండి: బిగ్‌బాస్‌: రెండు వారాలకు ఉమాదేవి ఎంత తీసుకుందంటే... ఇదిలా ఉండగా, తాజాగా ఇన్‌స్టాగ్రామ్‌ లైవ్‌లోకి వచ్చిన ఉమాదేవి..బిగ్‌బాస్‌ జర్నీ గురించి నెటిజన్లతో షేర్‌ చేసుకుంది. తాను ముక్కుసూటిగా మాట్లాడతానని, అయితే హౌస్‌మేట్స్‌ దాన్ని తప్పుగా అర్థం చేసుకున్నారని తెలిపింది. రెండో వారంలోనే హౌస్‌ నుంచి బయటకు రావడం బాధగా ఉందని, అక్కడే ఉంటే ఇంకా ఎక్కువగా ఎంటర్‌టైన్‌ చేసేదాన్ని అని అభిప్రాయపడింది. ఇక బిగ్‌బాస్‌ షో అందరూ అనుకుంటున్నట్లు కాదని అసలు స్క్రిప్టు అనేది ఉండదని, చాలా జెన్యూన్‌ గేమ్‌ షో అని పేర్కొంది. అవకాశం ఉంటే మరోసారి బిగ్‌బాస్‌ హౌస్‌లోకి వెళ్లి ఇంకా బాగా ఎంటర్‌టైన్‌ చేస్తానని వెల్లడించింది. త్వరలోనే అర్థపావు భాగ్యంగా సీరియల్‌లో కనిపిస్తానని చెప్పింది. 'మా డాక్టర్‌ బాబు జైలు నుంచి వచ్చాడో లేదో తెలియదు. కానీ మా డాక్టర్‌ బాబు బాగుండాలి. మా దీప బాగుండాలి' అంటూ ఫన్నీగా తెలిపింది.  Tamannaah: 'అనారోగ్యం.. అందుకే ప్రతిరోజు ఆ జ్యూస్‌ తాగుతా'

ప్రతి సీజన్‌లో అందరి మీదా నోరు పారేసుకునే కంటెస్టెంట్‌ ఒకరుంటారు. చీటికీమాటికీ గొడవ పడుతూ, ప్రతి విషయాన్ని రాద్ధాంతం చేస్తూ నానా రభస చేస్తుంటారు. అయితే ఇలా ఆవేశం స్టార్లను బిగ్‌బాస్‌ త్వరగానే బయటకు పంపించివేస్తుంటాడు. అలా ఈ సీజన్‌లో పెద్ద గొంతేసుకుని అందరినీ ఓ ఆటాడేసుకుంది ఉమాదేవి. అంతేకాదు, నోటికొచ్చినట్లు చెడామడా తిట్టేసి తనకు బూతులు కూడా వచ్చని నిరూపించుకుంది. ఈ బూతులే ఆమె కొంప ముంచాయి. ఆమెను తన ఇంటికి చేర్చాయి. బిగ్‌బాస్‌ బజ్‌లో రెచ్చిపోయిన ఉమాదేవి అయితే ఇలా బూతులు మాట్లాడటం తప్పని తెలుసుకుని తన ప్రవర్తన మార్చుకుని మంచి దారిలో నడవాలనుకుంది ఉమాదేవి. కానీ చేతులు కాలాక ఆకులు పట్టుకుంటే ఏం లాభం! అప్పటికే జరగాల్సిన నష్టం జరిగిపోయింది. తన తప్పులు సరిదిద్దుకున్నా, అందరితో కలిసి ఉన్నా, కామెడీ చేసి జనాలను నవ్వించినా రెండోవారంలో ఎలిమినేట్‌ కాక తప్పలేదు. హౌస్‌ నుంచి బయటకు వచ్చిన ఆమె అరియానా గ్లోరీ వ్యాఖ్యాతగా వ్యవహరిస్తున్న బిగ్‌బాస్‌ బజ్‌లో పాల్గొంది. ఈ సందర్భంగా కంటెస్టెంట్ల నిజస్వరూపాలను బయటపెట్టింది. యాంకర్‌ రవి నాకు ఆ ఛాన్స్‌ఇవ్వలేదు ముందుగా సిరి, షణ్ముఖ్‌ల గురించి మాట్లాడుతూ.. 'వాళ్లిద్దరూ ఫ్రెండ్సేంటి? నాకర్థం కాదు. ఫ్రెండ్‌షిప్‌ కోసమే ఆడటానికి వచ్చారా? అదేదో వాళ్లింట్లో ఆడుకోవచ్చు కదా! సిరి ఉంటే షణ్ను ఉండాలి. మంచాలు కూడా పక్కపక్కనే వేసుకుంటారా ఎవరైనా? దాని పక్కనే వాడు మంచం వేసుకోవాలా? బయటకొచ్చాక కూడా వాళ్లిద్దరి మధ్య ఇదే ప్రేమ ఉంటుందా? ఆమె పనులు ఆమెకు, ఇతడి పనులు ఇతడికి ఉంటాయి. షణ్ముఖ్‌.. సిరి మాటలు వింటే కనుక ఏదో ఒక వారం బయటకు వచ్చేస్తాడు. యానీ మాస్టర్‌ చాలా కన్నింగ్‌. ఫాల్తూ గేమ్‌ ఆడుతోంది. యాంకర్‌ రవితో గట్టిగా గొడవపడాలి అనుకున్నా, కానీ ఆ ఛాన్స్‌ ఇవ్వలేదు. ప్రియ బిగ్‌బాస్‌ షోకు పనికిరాదు' అంటూ ఉమాదేవి సంచలన కామెంట్లు చేసింది. ప్రస్తుతం ఈ బిగ్‌బాస్‌ బజ్‌ ఇంటర్వ్యూ వీడియో యూట్యూబ్‌లో ట్రెండింగ్‌ అవుతోంది.

Bigg Boss Telugu 5 Uma Devi Remuneration: నాగార్జున వ్యాఖ్యాతగా ప్రసారం అవుతున్న బిగ్‌బాస్‌ సీజన్‌-5 రసవత్తరంగా సాగుతుంది. రెండు వారాల్లోనే కంటెస్టెంట్లు తమ ఉగ్రరూపాన్ని చూపించేస్తున్నారు. నామినేషన్స్‌ వచ్చేసరికి కంటెస్టెంట్ల అసలు రంగు బయటపడుతుంది. అప్పటి వరకు అణుచుకున్న కోపాన్ని ఒక్కసారిగా బయటకు తీస్తున్నారు. ఈ క్రమం‍లో తమను నామినేట్‌ చేసిన వ్యక్తులను నోటికి వచ్చినట్లు చెడుగుడు ఆడేసుకుంటున్నారు. చదవండి: బిగ్‌బాస్‌ షో.. మీరు అనుకుంటున్నట్లు కాదు: ఉమాదేవి  ఈ జాబితాలో మొదటగా చెప్పుకోవాల్సిన పేరు కార్తిక దీపం ఫేమ్‌ ఉమాదేవి. గత వారం జరిగిన నామినేషన్‌ ప్రక్రియలో నోటికొచ్చిన బూతులన్నీ మాట్లాడేసింది. ఆ బూతులకు బిగ్‌బాస్‌ బీప్‌ వేసినప్పటికీ ఫ్యామిలీ ఆడియన్స్‌కు ఇబ్బందిగా అనిపించింది. దీంతో ఆ వర్గం ఓట్లు బాగా తగ్గిపోయాయి. ఈ తప్పులన్నింటినీ సరిదిద్దుకునేలోపు ఆమె  రెండోవారంలోనే హౌస్‌ నుంచి ఎలిమినేట్‌ అయింది. లోబోతో కామెడీ చేస్తూ ఎంటర్‌టైన్‌ చేస్తున్నా నామినేషన్‌ ప్రక్రియలో బూతులు మాట్లాడకపోయి ఉంటే మరొకొన్ని రోజులు ఆమె బిగ్‌బాస్‌లో కంటిన్యూ అయ్యేదని పలువురు అభిప్రాయపడుతున్నారు. దీంతో గయ్యాళి అనే పేరు నుంచి తానెంటో నిరూపించుకుందాం అనుకున్న ఉమాదేవి చివరికి ఆ పేరుతోనే హౌస్‌ నుంచి బయటకు వెళ్లడం స్వయం కృపరాదం అనొచ్చు. ఇక బిగ్‌బాస్ కంటెస్టెంట్లకు వారం చొప్పున పారితోషికాన్ని చెల్లిస్తారు. ఆ లెక్కన రెండు వారాలకు గాను ఆమెకు సుమారు రూ. లక్షా  అరవై వేల పారితోషికం అందినట్లు సమాచారం. 

Bigg Boss 5 Telugu, Uma Devi Eliminated: బిగ్‌బాస్‌ తెలుగు ఐదో సీజన్‌లో రెండోవారం కూడా ముగిసింది. ఫస్ట్‌ వీక్‌లో సరయూ హౌస్‌ నుంచి వెళ్లిపోగా తాజాగా కార్తీకదీపం ఫేమ్‌ భాగ్యం అలియాస్‌ ఉమాదేవి షో నుంచి ఎలిమినేట్‌ అయ్యింది. బండ బూతులు మాట్లాడుతూ ఫ్యామిలీ ఆడియన్స్‌ ఆగ్రహానికి గురైన ఆమె సండే ఎపిసోడ్‌లో అందరి దగ్గరా వీడ్కోలు తీసుకుంది. ఆమెను ప్రేమగా పొట్టి అని పిలుచుకునే లోబో ఉమా ఎలిమినేట్‌ అవడాన్ని జీర్ణించుకోలేకపోయాడు. కన్నీళ్లు ఉబికి వస్తున్నా వాటిని కనురెప్ప దాటనీయకుండా జాగ్రత్తపడ్డాడు. ఇక స్టేజీ మీదకు వచ్చిన ఉమతో హోస్ట్‌ నాగార్జున ఓ గేమ్‌ ఆడించాడు. 17 మంది కంటెస్టెంట్ల ఫొటోలు ఉన్న కుండలను ఆమె ఎదుట పెట్టి అందులో 8 కుండలను బద్ధలు కొట్టాలని టాస్క్‌ ఇచ్చాడు. దీంతో ఆట మొదలెట్టిన ఉమా.. నీకు అనిపించింది చెప్పేస్తావ్‌ కానీ, కానీ ఎదుటివాళ్లు ఎలా తీసుకుంటారు? అనేది పట్టించుకోవంటూ సిరి ఫొటో ఉన్న కుండ పగలగొట్టింది. అంతేకాకుండా షణ్ముఖ్‌ ఆట సిరి ఆడుతుందని ఆరోపించింది. లహరి.. ఈ ప్లాట్‌ఫామ్‌ మీద చాలా వీక్‌ అని, పక్కవాళ్లు సపోర్ట్‌ చేస్తేనే ఆడుతుందే తప్ప సొంతంగా ఆడట్లేదని చెప్పింది. సేఫ్‌గా ఆడుతున్నారంటూ ప్రియ ఫొటో ఉన్న కుండ బద్ధలు కొట్టింది. షణ్ముఖ్‌ను నీ గేమ్‌ నువ్వు ఆడుకోమని సలహా ఇస్తూనే, సిరి కేవలం ఫ్రెండ్‌ మాత్రమేనని, గేమ్‌పరంగా తనను పక్కన పెట్టమని నొక్కి చెప్పింది. ఆ తర్వాత యాంకర్‌ రవి గురించి చెప్తూ అందరినీ దగ్గరకు తీసుకుంటున్నావు, కానీ ఈ క్రమంలో వేరేవాళ్లకు దూరమైపోతున్నావన్న విషయం గుర్తుపెట్టుకోమని హెచ్చరించింది. లోబోను హౌస్‌లో ఎంతోమంది కించపరుస్తున్నారంటూ ఎమోషనల్‌ అయింది. ఎంతోమంది స్వీట్‌ హార్ట్‌ అని అంటారు, కానీ లోపలి నుంచి అనరు. ఇకనైనా నీ బుర్రతో గేమ్‌ ఆడంటూ సలహా ఇచ్చింది. యానీ మాస్టర్‌తో ఎటువంటి గొడవా లేదని, కానీ ఆమెకు కోపం ఎక్కువని పేర్కొంది. ఇక్కడ మనకు ఎవ్వరూ ఏం కాదు! అమ్మ, అక్క, చెల్లి అని మాత్రం చూడకండి అని యానీ మాస్టర్‌కు సూచించింది. తర్వాత నటరాజ్‌ మాస్టర్‌ను బాగా ఆడాలని, ఇలాగే ఆడితే వేరే లెవల్‌లో ఉంటారంటూ అతడి కుండ పగలగొట్టింది. అనంతరం అందరి దగ్గరా వీడ్కోలు తీసుకుంది.

Bigg Boss Telugu 5, Episode 15: సండేను ఫండేగా మార్చేందుకు రెడీ అయిన నాగార్జున ఆడవాళ్లు, మగవాళ్లకు డ్యాన్స్‌ కాంపిటీషన్‌ నిర్వహించాడు. అమ్మాయిలు ఎంచుకునే కప్పులో ఎవరి పేరుంటుందో వాళ్లతో కలిసి డ్యాన్స్‌ చేయాల్సి ఉంటుందని చెప్పాడు. ఈ క్రమంలో ఉమాదేవి - షణ్ముఖ్‌, లహరి - జెస్సీ, ప్రియ- యాంకర్‌ రవి, హమీదా - శ్రీరామ్‌, ప్రియాంక - మానస్‌, యానీ మాస్టర్‌ - విశ్వ, సిరి - నటరాజ్‌ మాస్టర్‌ పోటీపడుతూ డ్యాన్స్‌ చేశారు. ఈ జంటలలో ఎక్కువగా అబ్బాయిలే ఎక్కువ స్కోర్‌ చేశారు. ఓవరాల్‌గా అబ్బాయిలకు ఎక్కువ పాయింట్లు వచ్చినప్పటికీ బిగ్‌బాస్‌ మాత్రం అమ్మాయిలు గెలిచినట్లు ప్రకటించి మేల్‌ కంటెస్టెంట్లకు షాకిచ్చాడు. తర్వాత నాగ్‌ కాజల్‌ సేఫ్‌ అయినట్లు వెల్లడించాడు. హౌస్‌మేట్స్‌కు మటన్‌ పంపిస్తానన్న నాగ్‌ ఇక కాజల్‌ తనకు మటన్‌ బిర్యానీ తినాలని ఉందని మనసులోని కోరికను బయటపెట్టింది. దీంతో నాగ్‌ అందులో ఏముంది? వండుకుని తినంటూ పంచ్‌ ఇచ్చాడు. కానీ అంతలోనే హౌస్‌మేట్స్‌ అందరికీ మటన్‌ పంపిస్తానని కాకపోతే దాన్ని కాజల్‌ మాత్రమే వండాలని ట్విస్టిచ్చాడు. దీంతో కాజల్‌ చచ్చాన్రా దేవుడా అనుకున్నా మిగతా హౌస్‌మేట్స్‌ మాత్రం ఎలాగైనా ఆమెతో వండించి తీరతాం అని మనసులోనే ధృడంగా అనుకుని ఉంటారు. రాత్రిళ్లు నిద్రపోకుండా తిరిగే దెయ్యం సిరి అనంతరం నాగ్‌.. ఇంటిసభ్యులతో 'ఇంట్లో ఉన్న దెయ్యం' ఆట ఆడించాడు. మొదటగా ప్రియ.. రాత్రి సరిగా నిద్రపోకుండా దెయ్యంలా అటూ ఇటూ తిరుగుతుందని సిరికి దెయ్యం స్టిక్కర్‌ అతికించింది. మానస్‌.. శ్రీరామ్‌ తీసుకునే కొన్ని నిర్ణయాలు తనకు ఇమ్మేచ్యూర్‌డ్‌గా అనిపించాయంటూ అతడికి స్టిక్కర్‌ అతికించాడు. లహరి.. ఏదైనా గట్టిగా అరుస్తూ చెప్తుందని ఉమాదేవిని దెయ్యంతో పోల్చింది. హమీదా.. యానీ మాస్టర్‌ను దెయ్యం అనేసింది. శ్రీరామ్‌.. ఓటమిని తీసుకోలేడంటూ మానస్‌ను దెయ్యంగా అభిప్రాయపడ్డాడు. అందరి మీదా పగ, కానీ దెయ్యం మాత్రం ఆవిడే సన్నీ.. తనకు అందరి మీదా పగ ఉందంటూనే చివరగా ప్రియాంక సింగ్‌ నుదుటన స్టిక్కర్‌ అతికించాడు. విశ్వ.. కాజల్‌ దెయ్యంలా తన వెనకాల పడుతుందన్నాడు. ప్రియాంక.. లేట్‌గా పడుకునే లోబోను దెయ్యమని పేర్కొంది. జెస్సీ, శ్వేత, ఉమాదేవి, లోబో.. సిరిని; యానీ మాస్టర్‌.. హమీదాను; కాజల్‌, నటరాజ్‌ మాస్టర్‌.. విశ్వను; సిరి.. ఉమాదేవిని దెయ్యంగా అభివర్ణించారు. సన్నీ విషయంలో తప్పు చేశానంటూ షణ్ముఖ్‌ తనను తానే దెయ్యమని చెప్పుకున్నాడు. అది కుదరదని నాగ్‌ తెగేసి చెప్పడంతో సిరిని దెయ్యంగా అభివర్ణించాడు. తర్వాత ప్రియ, నటరాజ్‌ మాస్టర్‌ సేఫ్‌ అయ్యాడు. ఉమాదేవి ఎలిమినేట్‌ అయింది. అయితే ఇక్కడిదాకా వచ్చాను, ఏదో ఒకటి సాధించే వెళ్లాలి అంటూ నటరాజ్‌ మాస్టర్‌ కిందపడి వెక్కి వెక్కి ఏడ్చేశాడు. ఇక ఉమ వెళుతుంటే లోబో ఉబికి వస్తున్న కన్నీళ్లను ఆపుకునే ప్రయత్నం చేశాడు. అనంతరం రవి పుట్టిన రోజును పురస్కరించుకుని తన భార్య పంపిన లెటర్‌ చదివి ఎమోషనల్‌ అయ్యాడు. అలాగే తనకు గిఫ్ట్‌ ఇచ్చిన ఉంగరాన్ని ముద్దాడాడు.

నాకు ఒకరు ఎదురొచ్చినా, నేను ఒకరికి ఎదురెళ్లినా వాళ్లకే రిస్కు.. ఈ డైలాగ్‌ బిగ్‌బాస్‌ హౌస్‌లో ఉమాదేవికి సరిగ్గా సరిపోతుంది. ఆమెతో మాట్లాడటం కాదు కదా, ఆమె పక్కన కూచోవాలన్నా కూడా వణికిపోతుంటారు హౌస్‌మేట్స్‌. కానీ నామినేషన్స్‌లో మాత్రం ఈ భయాన్ని పక్కనపెట్టి ఆమె మీద ఉన్న కోపాన్నంతా బయటకు కక్కుతుంటారు. అయితే మాటకు మాట, దెబ్బకు దెబ్బ సమాధానంగా ఇవ్వడంలో ఆమెను మించినవాళ్లు లేరు. మరి అలాంటి ఉమాదేవి రెండో వారం ఎలిమినేట్‌ అయింది. కాదు, ఎలిమినేట్‌ చేసి ప్రేక్షకులే పంపించివేశారు. అందుకు గల కారణాలేంటో చూసేద్దాం.. నామినేషన్‌ సిరి, యానీ మాస్టర్‌, షణ్ముఖ్‌, విశ్వ.. రెండోవారంలో ఉమాదేవిని నామినేట్‌ చేశారు. అయితే ఇక్కడ విశ్వ చెప్పిన కారణమేంటంటే.. నాగార్జున ఉమాదేవి కోసం ప్రత్యేకంగా ఆలూ కూర పంపించి.. దీన్ని ఆమె మాత్రమే తినాలని, వేరేవాళ్లకు పంచకూడదని స్పష్టం చేశాడు. అయితే హౌస్‌లో ఓరోజు కూర లేకపోతే నాగ్‌ పంపించిన ఆలూ కూర ఇవ్వమన్నా ఉమాదేవి అందుకు అంగీకరించలేదంటూ విశ్వ ఆమెను నామినేట్‌ చేశాడు. నాగ్‌కు ఇచ్చిన మాటకు కట్టుబడే ఆ కూరను ఎవరికీ షేర్‌ చేయలేకపోయానంది ఉమ. నిజానికి ఆమె చెప్పిన పాయింట్‌ కరెక్టే, కానీ.. మాట్లాడేటప్పుడు బూతులు దొర్లడంతో అభాసుపాలవక తప్పలేదు. ముక్కు మీద కోపం, నోరు తెరిస్తే బూతులు కోపం వెనక సరైన కారణం ఉంటే అంగీకరిస్తారు ప్రేక్షకులు. కానీ కోప్పడటమే పనిగా పెట్టుకుంటే ఎవరికైనా విసుగు రాక తప్పదు. కనిపించిన ప్రతి కంటెస్టెంట్‌తో కయ్యానికి కాలు దువ్వడమే కాక నోటికొచ్చిన బూతులు మాట్లాడటమే ఆమెను నిందలపాలు చేసింది. ఆ బూతులకు బిగ్‌బాస్‌ బీప్‌ వేసినప్పటికీ ఫ్యామిలీ ఆడియన్స్‌కు ఇబ్బందిగా అనిపించింది. దీంతో ఆ వర్గం ఓట్లు బాగా తగ్గిపోయాయి. నిబంధనను తుంగలో తొక్కిన ఉమ బిగ్‌బాస్‌ హౌస్‌లో హింసకు తావు లేదన్న నిబంధనను తుంగలో తొక్కింది ఉమ. కెప్టెన్సీ కంటెండర్స్‌ టాస్కులో ప్రియాంక సింగ్‌ను కిందకు తోసేసింది. దీనికి సంబంధించిన వీడియో కొన్నిరోజులపాటు సోషల్‌ మీడియాలో తెగ వైరల్‌ అయింది. అంతేకాకుండా ఉమాదేవి కొట్టిందంటూ పలువురు లేడీ కంటెస్టెంట్లు కూడా ఆమెపై ఆరోపణలు చేయడం పెద్ద మైనస్‌గా మారింది. ఈ తప్పులన్నింటినీ సరిదిద్దుకునేలోపు ఆమె ఎలిమినేట్‌ అయింది. అయితే ఇప్పుడిప్పుడే గొడవలు తగ్గించేసి, ఇకపై బూతులు కూడా మాట్లాడనని శపథం చేసిన ఉమాదేవికి మరో ఛాన్స్‌ ఇవ్వకుండా అప్పుడే హౌస్‌ నుంచి పంపించేయడాన్ని చాలామంది తప్పుపడుతున్నారు. హౌస్‌లో ఉన్న చాలామందితో పోలిస్తే ఉమాదేవి బెటర్‌ అని, ఆమె కంటెంట్‌ ఇవ్వడంతో పాటు ఎంటర్‌టైన్‌ చేసిందని కామెంట్లు చేస్తున్నారు. మొదటి వారంలో అందరినీ బెదరగొట్టిన ఉమా, రెండో వారంలో మాత్రం తన రూటు మార్చుకుని లోబోతో కామెడీ చేస్తూ అదరగొట్టిందంటున్నారు. కానీ అప్పటికే జరగాల్సిన నష్టం జరిగిపోయింది. బిగ్‌బాస్‌ ఐదో సీజన్‌కు బైబై చెప్పేసింది.

Bigg Boss 5 Telugu Second Week Elimination: బిగ్‌బాస్‌ తెలుగు ఐదో సీజన్‌లో రెండో వారం ఎలిమినేషన్‌ ప్రక్రియ మొదలైంది. ఈ వారం ఏడుగురు కంటెస్టెంట్లు కాజల్‌, లోబో, ప్రియాంక సింగ్‌, ఉమాదేవి, నటరాజ్‌ మాస్టర్‌, యానీ మాస్టర్‌, ప్రియ నామినేషన్‌లో ఉన్నారు. వీరిలో లోబో, యానీ మాస్టర్‌, ప్రియాంక సింగ్‌ సేఫ్‌ అయినట్లు నాగ్‌ శనివారం ఎపిసోడ్‌లో ప్రకటించాడు. దీంతో మిగతా నలుగురు నటరాజ్‌ మాస్టర్‌, ఉమాదేవి, ప్రియ, కాజల్‌ డేంజర్‌ జోన్‌లో ఉన్నారు. వీరిలో ఉమాదేవి, నటరాజ్‌ మాస్టర్‌ ఓటింగ్‌లో చివరి రెండు స్థానాల్లో ఉన్నట్లు వార్తలు వినిపిస్తున్నాయి. తాజాగా సోషల్‌ మీడియాలో చక్కర్లు కొడుతున్న సమాచారం ప్రకారం 'కార్తీకదీపం' ఫేమ్‌ అర్ధపావు భాగ్యం అలియాస్‌ ఉమాదేవి ఎలిమినేట్‌ అయిందట! ఈ విషయం తెలుసుకున్న ఆమె అభిమానులు షాక్‌కు గురవుతున్నారు. ప్రేక్షకులను ఎంతగానో ఎంటర్‌టైన్‌ చేసే ఆమెను నిర్దాక్షిణ్యంగా హౌస్‌ నుంచి పంపించివేస్తున్నారని అభిప్రాయపడుతున్నారు. ఇది కరెక్ట్‌ కాదంటూ బిగ్‌బాస్‌ను దుమ్మెత్తిపోస్తున్నారు. అందరి మీదా అరుస్తూ కంటెస్టెంట్లను హడలెత్తించే ఉమాదేవిని మొదటివారం సీరియస్‌ యాంగిల్‌లో అదీ కొంత నెగెటివ్‌గానే చూపించారు. కానీ ఈ వారం మాత్రం తనలోని కామెడీ యాంగిల్‌ను పరిచయం చేసి జనాలను కడుపుబ్బా నవ్వించిందీ ఉమా. అలాగే తనను ఎన్ని మాటలన్నా పట్టించుకోకుండా వారితో కలిసిపోవడం చాలామందిని ఆశ్చర్యానికి గురి చేసింది. ఇందుకు ప్రియాంక సింగ్‌, ఉమాల మధ్య జరిగిన గొడవే ఉదాహరణ. వీళ్లిద్దరి మధ్య ఎంతో పెద్ద గొడవ జరిగినప్పటికీ ఉమా తిరిగి పింకీకి ఫ్రెండ్‌షిప్‌ బ్యాండ్‌ కట్టి ఇట్టే కలిసిపోయింది. ఇక లోబోతో ఓవర్‌డోస్‌ కామెడీ చేస్తూ జనాలను నవ్విస్తోంది. కానీ బూతులు మాట్లాడటం, అందరితో గొడవలు పెట్టుకోవడమే ఆమె ఎలిమినేషన్‌కు కారణమని తెలుస్తోంది. 

బిగ్‌బాస్‌ తెలుగు ఐదో సీజన్‌ బుల్లితెర ప్రేక్షకులను బాగానే అలరిస్తోంది. ఇక్కడ టన్నుల కొద్దీ ఎంటర్‌టైన్‌మెంట్‌ లభించును అన్న నాగార్జున మాటను నిజం చేసేందుకు కంటెస్టెంట్లు కూడా బాగానే శ్రమిస్తున్నారు. కామెడీ అయినా కొట్లాట అయినా ఎక్కడా తగ్గేదే లే అన్నట్లుగా వ్యవహరిస్తున్నారు. కానీ కొన్నిసార్లు వీరి ఆగడాలు శృతి మించుతూ నానా హింసాత్మకంగా మారుతున్నాయి. అంతేకాకుండా విచ్చలవిడిగా బూతులు కూడా మాట్లాడేస్తున్నారు. ఇది ఫ్యామిలీ ఆడియన్స్‌ను ఇబ్బంది పెడుతోంది. మారుతున్న స్థానాలు ఇదిలా వుంటే రెండో వారం ఎలిమినేషన్‌ దగ్గరపడుతోంది. ఈసారి కాజల్‌, ఉమాదేవి, నటరాజ్‌ మాస్టర్‌, లోబో, ప్రియాంక సింగ్‌, యానీ మాస్టర్‌, ప్రియ నామినేషన్‌లో ఉన్నారు. విచిత్రమేంటంటే రోజుకొక విధంగా ఓటింగ్‌ ప్రక్రియలో మార్పులు కనిపిస్తున్నాయి. హౌస్‌లో గేమ్‌ మారుతున్న కొద్దీ కంటెస్టెంట్లకు వచ్చే ఓట్లలోనూ భారీ తేడాలు కనిపిస్తున్నాయి. అసలు గండం ఆమెకు కాదు! ఈ వారం ఉమాదేవికి గండం ఉందని అంతా అనుకున్నారు, కానీ అనూహ్యంగా ఆమెకు ఎక్కువ ఓట్లు పడుతున్నట్లు తెలుస్తోంది. ఆవేశం ఎక్కువే అయినా వినోదాన్ని అందించడంలో ఉమాదేవి రూటే సెపరేటు అంటూ చాలామంది నెటిజన్లు ఆమెకు ఓట్లేస్తున్నారు. దీంతో సోషల్‌ మీడియాలో పెద్దగా ఫాలోయింగ్‌ లేని నటరాజ్‌ మాస్టర్‌, యానీ మాస్టర్‌ డేంజర్‌ జోన్‌లో ఉన్నట్లు సమాచారం. ఈ వారం వీళ్లిద్దరిలోనే ఒకరు ఎలిమినేట్‌ అవుతారని, ఉమాదేవి మాత్రం పక్కా సేఫ్‌ అవుతుందని అంటున్నారు. మరి నిజంగానే ఆ కొరియోగ్రాఫర్లలో ఒకరు వెళ్లిపోతారా? లేదా ఉమాదేవినే బయటకు పంపించివేస్తారా? అన్నది ఆసక్తికరంగా మారింది.

బిగ్‌బాస్‌ తెలుగు ఐదో సీజన్‌లో ఎప్పటికప్పుడు సమీకరణాలు మారిపోతున్నాయి. కూల్‌ అనుకున్నవాళ్లు ఉగ్రరూపం చూపిస్తుంటే అమాయకులు అనుకున్నవాళ్లు యాటిట్యూడ్‌ చూపిస్తున్నారు. ఇక బూతులు మాట్లాడుతూ షోను పెంటపెంట చేస్తున్న కార్తీకదీపం ఫేమ్‌ ఉమాదేవిని ఆపడం మాత్రం ఎవరి వల్లా కావట్లేదు. అయితే ఆమెకు కాస్త నచ్చజెప్పుదామని చూసిన సన్నీ..  కాస్త ప్రేమగా మాట్లాడమని సలహా ఇవ్వగా.. కోపంలోనే ప్రేమను వెతుక్కోమని బదులిచ్చింది. తరచూ హౌస్‌మేట్స్‌తో గొడవలు పెట్టుకునే ఆమెకు నెటిజన్లు గయ్యాలి గంప అన్న బిరుదు కూడా ఇచ్చేశారు. కానీ అదేంటో విచిత్రంగా నేటి ఎపిసోడ్‌లో మాత్రం ఉమా తన కోపాన్ని అటకెక్కించి అందరినీ నవ్వించాలని కంకణం కట్టుకున్నట్లు కనిపిస్తోంది. ఈ మేరకు తాజాగా ఓ ప్రోమో రిలీజైంది. ఇందులో లోబో, ఉమా వేర్వేరు స్కిట్లతో నవ్వించడానికి రెడీ అయ్యారు. ముందుగా లోబో.. పింకీతో కలిసి తెగ నవ్వించాడు. తర్వాత ఉమా.. సిరికి షణ్నుకు ముడి పెడుతూ కామెడీ పండించింది. మరి వీరి స్కిట్లు చూసి ఎంజాయ్‌ చేయాలంటే ఎపిసోడ్‌ వచ్చేంతవరకు వేచి చూడాల్సిందే! అయితే ఈ ప్రోమో చూసిన జనాలు.. హౌస్‌లో ఉమా చేసే ఎంటర్‌టైన్‌మెంట్‌ వేరే లెవల్‌లో ఉంటుందని కామెంట్లు చేస్తున్నారు. తను ఉంటేనే హౌస్‌కు కళ అని, ఈ వారం తను ఎలిమినేట్‌ కాకూడదని కోరుకుంటున్నారు. 

Bigg Boss Telugu 5, Episode 11: కెప్టెన్సీ కంటెండర్స్‌ టాస్క్‌ ఏమో కానీ బిగ్‌బాస్‌ కుస్తీల ప్రోగ్రామ్‌లా మారిపోయింది. ఓ రకంగా చెప్పాలంటే వారి ఆటతో ప్రేక్షకులకు చెమట్లు పట్టించారు. అప్పటిదాకా స్నేహగీతం పాడుకున్నవాళ్లు కూడా బద్ధ శత్రువుల్లా మారిపోయారు. సైలెంట్‌గా కనిపించే శ్రీరామ్‌ శివాలెత్తిపోగా శ్వేత అందర్నీ ఓ ఆటాడించింది. కంటిచూపుతో గడగడలాడించే ఉమాదేవిపై దాడి చేయడంతో ఆమె కాళికా అవతారమెత్తింది. దీంతో మరోసారి యానీ మాస్టర్‌, ఉమాల మధ్య అగ్గి రాజుకుంది. మరి దొంగలున్నారు జాగ్రత్త టాస్క్‌లో ఇచ్చిన మూడు లెవల్స్‌లో ఏ టీమ్‌ గెలిచింది? అనేది చూసేద్దాం.. సిగ్గుతో తల దించుకోవాలి.. దొంగలున్నారు జాగ్రత్త టాస్క్‌లోని రెండో లెవల్‌ 'సాగరా సోదరా' టాస్క్‌లో నక్క(ఎల్లో) టీమ్ సభ్యులు ఎక్కువగా సాగదీసి నిలబడ్డారు. ఎల్లో టీం 33.3 మీటర్స్‌.. బ్లూ టీం 33 మీటర్స్ పొడువు ఉండగలిగాయి. అయితే ఇరువైపులా లెక్కలు తీసుకున్నాక మానస్‌ డన్‌ అనడంతో చివరి క్షణంలో శ్వేత కిందపడిపోయింది. అయితే అప్పటికే టాస్క్‌ అయిపోయింది కాబట్టి అది పరిగణనలోకి తీసుకోరని మానస్‌ టీమ్‌ ఎంత వారించినా అవతలి టీమ్‌ ఒప్పుకోలేదు. సంచాలకులు ఏకాభిప్రాయంతో ఒక నిర్ణయం తీసుకోకపోవడంతో టాస్క్‌ రద్దు చేస్తున్నట్లు బిగ్‌బాస్‌ ప్రకటించాడు. దీంతో శ్రీరామచంద్ర ఓవర్‌ ఎగ్జయిట్‌మెంట్‌లో డ్యాన్స్‌ చేశాడు. అతడి ప్రవర్తనకు చిర్రెత్తిన రవి టాస్క్‌ రద్దయినందుకు సిగ్గుతో తల దించుకోవాలని చురకలంటించాడు. సిగ్గు మీకు, కానీ మాకవసరం లేదు అని కౌంటరిచ్చింది ప్రియ. నాతో మైండ్‌ గేమ్‌ ఆడకు: రవికి వార్నింగ్‌ ఇచ్చిన సింగర్‌ ఆ తర్వాత మళ్లీ 'పంతం నీదా నాదా' టాస్క్‌ మొదలు కాగా ఎల్లో టీమ్‌ రెచ్చిపోయి ఆడింది. ఈ క్రమంలో శ్వేత కొట్టిందని సిరి ఆరోపించింది. దీంతో తిక్క లేచిన ప్రియ.. సాయంత్రం కాగానే ఆమెకు దెయ్యం పూనుతుందని మండిపడింది. టాస్క్‌కు బ్రేక్‌ ఇచ్చిన తర్వాత యాంకర్‌ రవి.. శ్రీరామచంద్రతో ఉన్న గొడవను పరిష్కరించుకుందామని చూశాడు. కానీ అతడితో మాట్లాడటానికి కూడా పెద్దగా ఇష్టపడని శ్రీరామ్‌.. సేఫ్‌ గేమ్‌ ఆడుకో, నాతో మైండ్‌ గేమ్‌ ఆడకు అని సలహా ఇచ్చాడు. తాను తెలుగువాళ్లకు చేరువయ్యేందుకు ఈ ప్లాట్‌ఫామ్‌ను ఎంచుకున్నానే తప్ప గెలవడానికి రాలేదని, రూ.50 లక్షలు ఇచ్చినా వాళ్ల ముఖాన కొడ్తానని చెప్పాడు. ఫ్యామిలీని గుర్తు చేసుకుని ఏడ్చేసిన లోబో ఇక తర్వాతి రోజు శ్రీరామ్‌- మానస్‌ మధ్య కూడా వాగ్వాదం జరిగింది. మానస్‌ను పిలిచి వయసెంత అని అడిగాడు శ్రీరామ్‌. అతడు 28 అని చెప్పాడు. అందుకే నీ ఏజ్‌ అడిగా, ఇప్పటికీ చిన్నపిల్లోడివే, నీకు మెచ్చురిటీ లేదని సింగర్‌ వ్యాఖ్యానించగా.. మీకు ఏజ్‌ పెరిగినా మెచ్యురెటీ లేదని రివర్స్‌ కౌంటరిచ్చాడు మానస్‌. మరోవైపు లోబో తన ఇంటిని గుర్తు చేసుకుని ఏడ్చేశాడు. తనకేమైనా ఐతే తన వాళ్లను చూసుకునే వాళ్లెవరూ లేరని కన్నీటి పర్యంతమయ్యాడు. ఆ తర్వాత ఆ గట్టునుంటావా? ఈ గట్టునుంటావా? టాస్క్‌ మొదలైంది. ఇందులో లోబో లేకుండానే గద్ద టీమ్‌ ఆడి గెలిచింది. దీంతో వారికి ఒక ఫ్లాగ్‌ వచ్చింది. ఉమాదేవిపై దాడి, ఆమె ఊరుకుంటుందా! అనంతరం 'పంతం నీదా నాదా' టాస్క్‌ తిరిగి ప్రారంభమైంది. ఇందులో ​అనుకోకుండా సన్నీ పింకీ చేయిని విసిరేయడంతో ఆమె కిందపడిపోయింది. అది చూసిన శ్రీరామ్‌.. పగిలిపోద్ది అని సన్నీని తిట్టాడు. తన మీద నోరు జారినందుకు సన్నీ ఆవేశపడుతుండగా.. మగాడివైతే ఆడుదువు రా అంటూ అతడిని మరింత రెచ్చగొట్టింది ప్రియ. పర్పుల్‌ టీమ్‌ మీద పడి పిల్లోస్‌ తీసుకోవాలని చూసిన ఉమాదేవిని ప్రియ ఓ వస్తువుతో కొట్టింది. తనను మాటంటేనే పడని ఉమా దెబ్బకు దెబ్బ తీయకుండా ఉంటుందా! తన మీద చేయి చేసుకున్న ఆ టీమ్‌ సభ్యులను ఉతికారేయాలని చూసింది. తనను కొడితే డ్రెస్సు చింపుతానని ఉమా అనడంతో యానీ మాస్టర్‌ రెచ్చిపోయింది. ఒసేయ్‌ ఉమా, సిగ్గు లేదా, థూ అని చీదరించుకుంది. మరోపక్క పర్పుల్‌ టీమ్‌ దగ్గరకు వచ్చిన శ్వేతను తన్నేందుకు ప్రయత్నించింది ప్రియ. రక్తాలు వచ్చేలా కొట్టుకు చస్తున్నా పట్టించుకోని బిగ్‌బాస్‌ అంతా అయిపోయాక మాత్రం హౌస్‌లో హింసకు తావు లేదంటూ హెచ్చరిక చేయడం గమనార్హం. శ్రీరామ్‌తో మసాజ్‌ చేయించుకున్న హమీదా ఈ టాస్క్‌ పూర్తయ్యే సమయానికి రెండు టీమ్స్‌ దగ్గరా 11 బెటాన్స్‌ ఉండటంతో ఇరు టీమ్స్‌కు ఐదు జెండాలు పంపించాడు బిగ్‌బాస్‌. ఇక రాత్రిపూట స్విమ్మింగ్‌ పూల్‌ దగ్గర కూర్చున్న శ్రీరామ్‌ హమీదాకు మసాజ్‌ చేశాడు. ఈ సందర్భంగా హమీదా.. నీ దగ్గర ఉండాలనిపిస్తుంది, కానీ అంతలోనే మళ్లీ దూరంగా ఉండాలనిపిస్తుంది అని మనసులోని మాట చెప్పింది. ఈ మాటతో గాల్లో తేలిపోయిన శ్రీరామ్‌.. ఇంకెవరైనా గుర్తొస్తే మాత్రం ఎవరి దగ్గరా ఉండకూడదు అని పంచ్‌ ఇవ్వడంతో ఫక్కున నవ్వేసింది హమీదా. వీరి మధ్య ఏమైనా మొదలువుతుందా? లేదా ఈ ఇద్దరిదీ స్నేహమేనా? అన్నది రానున్న రోజుల్లో తేలనుంది.

బిగ్‌బాస్‌ తెలుగు ఐదో సీజన్‌లో నెవర్‌ బిఫోర్‌, ఎవర్‌ ఆఫ్టర్‌ అన్న రేంజ్‌లో కొట్లాటలు జరుగుతున్నాయి. తొలివారం నుంచే నోటికి పని చెప్పిన కంటెస్టెంట్లు రెండోవారానికి వచ్చేసరికి చేతికి పని చెప్తున్నారు. ఒకరినొకరు తోసుకుంటూ, ఎత్తిపడేస్తూ, కొడుతూ నానా అరాచకం చేస్తున్నారు. మరీ ముఖ్యంగా లేడీ కంటెస్టెంట్లు మాత్రం తగ్గేదేలే అన్న రీతిలో ఫైట్‌ చేస్తున్నారు. కొట్టుకుందాం రా అంటూ కోట్లాది మంది ప్రేక్షకుల ముందే సవాలు విసురుతూ కుస్తీలు పడుతున్నారు. నాగార్జున 5 రెట్ల ఎంటర్‌టైన్‌మెంట్‌ అంటే ఏమో అనుకున్నాం గానీ మరీ ఇంత ఫన్‌ అండ్‌ ఫ్రస్టేషన్‌ ఉంటుందనుకోలేదంటున్నారు ప్రేక్షకులు. ప్రస్తుతం బిగ్‌బాస్‌ హౌస్‌లో కెప్టెన్సీ పోటీదారుల ఎంపిక కోసం టాస్క్‌ నడుస్తోంది. ఇందులో ఇంటిసభ్యులు రెండు గద్ద, నక్క టీములుగా విడిపోయారు. నిన్న వీరి మధ్య నడిచిన మొదటి లెవల్‌ టాస్క్‌ పంతం నీదా నాదాలో ఇంటిసభ్యులు రెచ్చిపోయి మరీ ఆడారు. గాయాలపాలవుతున్నా ఏ ఒక్కరూ వెనకడుగు వేయకుండా ఆడారు. నేడు సాగరా సోదరా అనే రెండో లెవల్‌ టాస్క్‌ మొదలు కానుంది. ఈ మేరకు తాజాగా ప్రోమో రిలీజైంది. ఈ టాస్క్‌లోనూ కంటెస్టెంట్ల మధ్య మరోసారి చిచ్చు రగిలినట్లు తెలుస్తోంది. ఉమాదేవి కొట్టిందని ఆరోపించిన సిరి ఏడ్చేయగా... ఆవేశంతో రగిలిపోయిన యానీ మాస్టర్‌ ఒసేయ్‌ ఉమా, సిగ్గు లేదా? థూ.. అంటూ నిప్పులు చెరిగింది. ఇక నటి ప్రియ.. తన మీదకొస్తే కాలితో తంతానని హెచ్చరించడం గమనార్హం. అయితే ఇలా తన్నించుకోవడానికి బిగ్‌బాస్‌ షోకు రాలేదని ఫైర్‌ అయింది శ్వేత. రసాభాసగా మారనున్న ఈ గేమ్‌లో ఏ టీమ్‌ గెలుస్తుంది? అన్నది ఆసక్తికరంగా మారింది.

Bigg Boss Telugu 5, Episode 09: రెండో వారం నామినేషన్‌ ప్రక్రియ వాడివేడిగా జరిగింది. ఎవరి బలమేంటో తేల్చుకుందాం రండంటూ సవాలు విసిరిన ఉమాదేవి నానాబూతులు కూడా మాట్లాడింది. ఆమె మాటలకు షణ్ముఖ్‌ బిత్తరపోగా యానీ మాస్టర్‌ ఏడ్చేసింది. ఇన్నాళ్లూ ఎంతో కూల్‌గా ఉన్న శ్వేత తనలోని ఉగ్రరూపం చూపించింది. ఆమె కోపానికి కారణమేంటి? ఈ వారం ఎవరెవరు నామినేట్‌ అయ్యారు? అనేది తెలియాలంటే ఈ స్టోరీ చదవాల్సిందే... శ్వేతతో ఫ్లర్ట్‌ చేస్తా, ​కానీ ఆ పిల్లకు అర్థం కావట్లే.. కాజల్‌ మరోసారి తన నోటికి పని చెప్పింది. సన్నీలో మన్మథుడు యాంగిల్‌ కనిపించట్లేదని, మానస్‌ ఫ్లర్టింగ్‌ చేస్తాడని, శ్రీరామచంద్ర అయితే అందులో నెక్స్ట్‌ లెవల్‌ అని జెస్సీతో చెప్పుకొచ్చింది. తనకు ఫ్లర్టింగ్‌ రాదన్న జెస్సీ తర్వాత ఓపెన్‌ అయిపోతూ.. శ్వేతతో ఫ్లర్ట్‌ చేస్తాను కానీ ఆ పిల్లకు అర్థం కావట్లేదన్నాడు. ఎలాగో కాజల్‌ చెవిన పడేశాడు కాబట్టి ఆమె త్వరలోనే శ్వేతకు ఈ విషయం చెప్పడం ఖాయం. నక్క వర్సెస్‌ గద్ద టీమ్‌ మండే రోజు నామినేషన్‌ ప్రక్రియతో మళ్లీ అగ్గి రాజేశాడు బిగ్‌బాస్‌. అందులో భాగంగా ఇంటిసభ్యులను రెండు టీములుగా విడిపోవాల్సి ఉంటుందన్నాడు. నక్క టీములో ఉమాదేవి, లహరి, రవి, జెస్సీ, మానస్‌, సన్నీ, కాజల్‌, శ్వేత, నటరాజ్‌ ఉండగా; గద్ద టీములో లోబో, యానీ మాస్టర్‌, శ్రీరామ్‌, ప్రియ, హమీదా, విశ్వ, సిరి, షణ్ముఖ్‌, ప్రియాంక ఉన్నారు. హౌస్‌మేట్స్‌ ఇంటి నుంచి బయటకు పంపేందుకు నామినేట్‌ చేయాలనుకున్న కంటెస్టెంట్‌పై పెయింట్‌ పూయాల్సి ఉంటుందన్నాడు. అయితే ఇంటిసభ్యులు వాళ్ల టీమ్‌ కాకుండా ఇతర టీమ్‌లో నుంచి ఇద్దరిని నామినేట్‌ చేయాల్సి ఉంటుందని మెలిక పెట్టాడు. సిరి కెప్టెన్‌ కావడంతో ఆమెను ఎవరూ నామినేట్‌ చేయడానికి వీల్లేదు. కిచెన్‌లోకి కాదు, ఆటలోకి రా..: సలహా ఇచ్చిన సన్నీ మొదటగా సిరి.. ఉమాదేవిని, నటరాజ్‌ మాస్టర్‌ను నామినేట్‌ చేసింది. నటరాజ్‌ మాస్టర్‌.. ప్రియ మంచి కోసం చెప్పినా తను నన్ను పక్కకు పిలిచి తిట్టేదని, అక్కడ హర్టయ్యాను అంటూ ఆమెను నామినేట్‌ చేశాడు. దీంతో చిర్రెత్తిపోయిన ప్రియ.. మీరు ముందు ఇన్‌ఫ్లూయెన్స్‌ చేయడం ఆపేయండని కౌంటరిచ్చింది. తర్వాత ప్రియాంక సింగ్‌ను నామినేట్‌ చేశాడు. యానీ మాస్టర్‌.. ఉమాదేవి, కాజల్‌ను; సన్నీ.. టాస్కుల్లో ఇంకా యాక్టివ్‌ కావాలని ప్రియను, కిచెన్‌లో ఉండకుండా ఆటలోకి రమ్మంటూ ప్రియాంక సింగ్‌ను నామినేట్‌ చేశాడు. పెద్ద పెద్ద హీరోలు గుర్తుపడతారు: లోబో సెల్ఫ్‌ డబ్బా ప్రియాంక.. నటరాజ్‌ మాస్టర్‌ను, 'వంట చేస్తే అందరూ తృప్తిగా తింటారనే వండుతాను, అలా అని కిచెన్‌లో ఉండిపోయి గేమ్‌ ఆడటం లేదంటే ఒప్పుకోను' అంటూ సన్నీని నామినేట్‌ చేసింది. మానస్‌.. తాను కెప్టెన్సీ కాకుండా అడ్డుకున్నందుకు లోబోను నామినేట్‌ చేశాడు. దీన్ని సహించలేకపోయిన లోబో.. LOBO నాటే నేమ్‌, ఇట్స్‌ ఏ బ్రాండ్‌, పెద్ద పెద్ద హీరోలు నన్ను గుర్తుపడతరు అని కాసేపు తనకు తాను డప్పు కొట్టుకున్నాడు. సపోర్ట్‌ చేయాలని పోతే తనకే నామం పెడుతున్నారని అసహనానికి లోనయ్యాడు.  మరి ఇదే మాట గతంలో ప్రస్తావించినప్పుడు ఎందుకు చెప్పలేదని మానస్‌ అడగ్గా.. 'మీరు హీరో కదా! విననీకి రెడీ లేరు, నా ముందు యాటిట్యూడ్‌ చూపిస్తున్నవ్‌, కానీ నా ముందు చిన్నపిల్లోడివి' అని ఆవేశపడ్డాడు. తర్వాత మానస్‌.. ప్రియకు రంగు పూసి నామినేట్‌ చేశాడు. ఉమాదేవి, కాజల్‌ను నామినేట్‌ చేసిన విశ్వ అనంతరం విశ్వ.. కంటెస్టెంట్లు కూర లేదన్నప్పుడు నాగార్జున ఇచ్చిన ఆలూ కూర వారికి పెట్టకపోవడం సరికాదంటూ ఉమాదేవిని నామినేట్‌ చేశాడు. అయితే నాగ్‌.. ఆ కూరను ఎవరికీ షేర్‌ చేయొద్దన్నాడని, ఆ మాటకు తాను కట్టుబడి ఉన్నానని ఉమ స్పష్టం చేసింది. ఈ క్రమంలో ఆమె బూతులు కూడా మాట్లాడటంతో ప్రియాంక సింగ్‌ పడీపడీ నవ్వింది. అనంతరం విశ్వ కాజల్‌ను నామినేట్‌ చేశాడు. లహరి.. హమీదా, యానీ మాస్టర్‌ను; హమీదా.. లహరి, సెట్‌ శ్వేత కనబడట్లేదని శ్వేతను నామినేట్‌ చేశారు. ఇక ఉమాదేవి తనవంతు రాగానే ఓ రేంజ్‌లో అందరికీ సవాలు విసిరింది. దమ్ముధైర్యం, బుద్ధిబలం ఉన్నవాళ్లు నాతో ఆడటానికి ట్రై చేయండి అని చాలెంజ్‌ చేసింది. నా పుట్టలో వేలు పెడితే నేను ఊరుకుంటానా అంటూ యానీ మాస్టర్‌, విశ్వలను నామినేట్‌ చేసింది. ఈ క్రమంలో ఉమాదేవి, ప్రియాంకసింగ్‌, యానీ మాస్టర్‌ల మధ్య పెద్ద ఫైటే నడిచింది. నాకు రెస్పెక్ట్‌ అవసరం లేదు అని ఉమా తేల్చి చెప్పడంతో పింకీ.. పోవే ఉమా పో.. అని వ్యంగ్యంగా మాట్లాడింది. సేఫ్‌ గేమ్‌ ఆడుతున్నారు, వాళ్లిద్దరూ ఫేక్‌: శ్వేత లోబో.. టాస్క్‌ ఆడగా, పని చేయగా చూడలేదంటూ శ్వేతను నామినేట్‌ చేశాడు.  రవి తనకు టఫ్‌ కాంపిటీషన్‌ అని, అతడితో దోస్తానా వద్దని దండం పెట్టేసి యాంకర్‌కు రంగు పూశాడు. తర్వాత వచ్చిన శ్వేత ఒక్కొక్కరికీ బొమ్మ చూపించింది. అసలు రంగులు బయటపడుతున్నాయంటూ లోబో కట్టిన ఫ్రెండ్‌షిప్‌ బ్యాండ్‌ను పడేసింది. నా లైఫ్‌లో నన్ను ఎవరూ సపోర్ట్‌ చేయలేదు. ఒక్కదాన్నే ఇక్కడి దాకా వచ్చానని ఆవేశపడింది. కాజల్‌, ప్రియ లేనప్పుడు వాళ్ల గురించి మాట్లాడావు, ఇప్పుడు మాత్రం సేఫ్‌ గేమ్‌ ఆడుతున్నావంటూ లోబోకు ఇచ్చిపడేసింది. సెట్‌ శ్వేత లేదని ఎలా అన్నావు? అంటూ హమీదా మీద చిందులు తొక్కింది. మీరిద్దరూ ఫేక్‌ అని తిట్టిపోసింది. ఉమాదేవి మీద ఉగ్రరూపం, చప్పట్లు కొట్టిన హౌస్‌మేట్స్‌ ఆడవాళ్లకు ఆడవాళ్లైనా గౌరవం ఇవ్వాలని ఉమాదేవి మీద మండిపడటంతో ఇంటిసభ్యులు అందరూ చప్పట్లు కొట్టారు. మిమ్మల్ని సపోర్ట్‌ చేసిన యానీ మాస్టర్‌ను అన్ని మాటలు ఎలా అనగలిగావు? అని నిలదీయడంతో మాస్టర్‌ కన్నీటిపర్యంతమైంది. అయితే ఉమా మాత్రం నోరు మెదపకపోవడం గమనార్హం. ఇక హమీదాను ఫేక్‌ అంటూ గట్టిగా ఆమె ముఖం మీద కొట్టినట్లుగా రంగు పూసింది. కళ్లలో పడుతుందని వారిస్తున్నా తనకు అనవసరం అంటూ దురుసుగా ప్రవర్తించింది. అయితే శ్వేత తను నన్ను కొట్టిందంటూ ఏడ్చేసింది హమీదా. మీ బూతులు వినలేకపోతున్నా: షణ్ముఖ్‌ అది అక్కడున్నవాళ్లందరికీ అర్థం కాగా.. మానవత్వం గురించి మాట్లాడిన నువ్వు చేసిందేంటి? అని శ్వేతను ప్రశ్నించింది ప్రియ. దీంతో తన తప్పు అంగీకరించిన శ్వేత మోకాళ్లపై కూర్చుని హమీదాకు సారీ చెప్పింది. అమ్మాయికి క్షమాపణలు చెప్పింది కానీ తనకు మాత్రం సారీ చెప్పలేదని హర్ట్‌ అయ్యాడు లోబో. అనంతరం షణ్ముఖ్‌.. మీరు కరెక్ట్‌ కావచ్చేమోగానీ హౌస్‌కు కరెక్ట్‌ కాదేమో అనిపిస్తోంది. పైగా మీరు మాట్లాడుతున్న బూతులు వినలేకపోతున్నానంటూ ఉమాదేవిని, ఒరిజినల్‌ క్యారెక్టర్‌ను చూడాలనుకుంటున్నానని జెస్సీని నామినేట్‌ చేశాడు. నామినేషన్‌లో ఏడుగురు కాజల్‌.. యానీ మాస్టర్‌, విశ్వను; జెస్సీ.. విశ్వ, లోబోను; శ్రీరామచంద్ర.. నటరాజ్‌ మాస్టర్‌, వంట రాదని అబద్ధం చెప్పావంటూ కాజల్‌ను నామినేట్‌ చేశారు. దీంతో మరోసారి ఏడ్చేసింది కాజల్‌. ప్రియ.. సేఫ్‌ గేమ్‌ ఆడుతున్నావంటూ సన్నీని, ఆ తర్వాత నటరాజ్‌ మాస్టర్‌ను నామినేట్‌ చేసింది. రవి.. ప్రియాంక సింగ్‌, శ్రీరామచంద్రను నామినేట్‌ చేశాడు. నామినేషన్‌ ప్రక్రియ ముగిసే సమయానికి నక్క టీమ్‌లో నుంచి ఉమా, నటరాజ్‌, కాజల్‌, గద్ద టీమ్‌లో నుంచి లోబో, ప్రియాంక, యానీ, ప్రియ నామినేట్‌ అయినట్లు బిగ్‌బాస్‌ వెల్లడించాడు.

Bigg Boss Telugu 5, Second Week Nominations: బిగ్‌బాస్‌ తెలుగు ఐదో సీజన్‌లో రెండో వారం నామినేషన్‌ల పర్వం మొదలు కానుంది. ఎలిమినేషన్‌కు దారులు వేసే నామినేషన్‌ అంటే ఎవరికి మాత్రం ఇష్టం? అందుకే తమను నామినేట్‌ చేసిన వారి మీదా, నామినేట్‌ చేయాలనుకునేవారి మీదా విరుచుకుపడుతున్నారు హౌస్‌మేట్స్‌. ఈ మేరకు తాజాగా మరో ప్రోమో రిలీజైంది. ఇందులో మానస్‌.. లోబోను నామినేట్‌ చేశాడు. దీన్ని సహించలేని లోబో.. నామినేట్‌ చేయడానికి సరైన కారణాలు చెప్పాలని హితవు పలకాడు. నువ్వు హీరో అనుకుంటున్నావు, వినడానికి కూడా రెడీగా లేవని మానస్‌ మీద మండిపడ్డాడు. తర్వాత కాజల్‌ వంతు రాగా.. గ్రూప్స్‌లో చాలామంది ఫేక్‌గా ఆడుతున్నారని అభిప్రాయపడింది. అనంతరం విశ్వను నామినేట్‌ చేసింది. నీ మెచ్యూరిటీ నచ్చిందంటూ శ్రీరామచంద్రను నామినేట్‌ చేశాడు యాంకర్‌ రవి. ఇక నటి ప్రియ.. సన్నీ, నటరాజ్‌ మాస్టర్‌లను నామినేట్‌ చేసింది. తర్వాత ఉమాదేవి వంతురాగా.. 'దమ్ము, ధైర్యం, బుద్ధిబలం, సత్తా ఉన్నవాళ్లు నాతో ఆడటానికి ట్రై చేయండి' అని సవాలు విసిరింది. దీంతో చిర్రెత్తిన ప్రియాంక సింగ్‌.. పోవే ఉమా పో.. అంటూ మరోసారి నోరు జారింది. ప్రోమో చూస్తుంటే యానీ మాస్టర్‌, పింకీ, ఉమాదేవి మధ్య పెద్ద గొడవే జరిగినట్లు కనిపిస్తోంది. మరి వీరి మధ్య అగ్గి రాజుకున్న గొడవ చల్లారిందా? ఈ వారం ఎవరెవరు నామినేట్‌ అయ్యారు? అనేది తెలియాలంటే మరికొద్ది గంటలు వేచి చూడాల్సిందే!

Bigg Boss Telugu 5, Second Week Nominations: బిగ్‌బాస్‌ తెలుగు ఐదో సీజన్‌లో డేరింగ్‌ అండ్‌ డాషింగ్‌ కంటెస్టెంట్‌ సరయూ ఎలిమినేట్‌ అయిపోయింది. ఇప్పుడు హౌస్‌లో 18 మంది కంటెస్టెంట్లు ఉన్నారు. ఎలాంటి బెరుకు లేకుండా ఉన్నదున్నట్లు ముఖం మీదే మాట్లాడే సరయూ ఎలిమినేషన్‌తో ఇతర కంటెస్టెంట్లలో కదలిక మొదలైనట్లు కనిపిస్తోంది. ఇంకా సైలెంట్‌గా ఓ మూలన కూర్చుంటే తొక్కేస్తారనుకుందో ఏమో కానీ శ్వేత వర్మ నేటి నామినేషన్స్‌లో విరుచుకుపడింది. దీంతో శ్వేతలో ఈ యాంగిల్‌ ఇంతవరకు చూడలేదంటూ కామెంట్లు చేస్తున్నారు నెటిజన్లు. మొత్తానికి బిగ్‌బాస్‌ పెట్టిన నామినేషన్‌ మంట హౌస్‌లో బాగానే రగులుతున్నట్లు కనిపిస్తోంది. ఇదిలా వుంటే ఈవారం నామినేట్‌ అయిన కంటెస్టెంట్లు వీళ్లేనంటూ ఓ లిస్ట్‌ సోషల్‌ మీడియాలో చక్కర్లు కొడుతోంది.  నటరాజ్‌ మాస్టర్‌, యానీ మాస్టర్‌, ఆర్జే కాజల్‌, లోబో, ప్రియ, ఉమాదేవి, ప్రియాంక సింగ్‌ నామినేషన్‌ జోన్‌లోకి వచ్చారని లీకువీరులు దండోరా వేసి మరీ చెప్తున్నారు. ఒకవేళ ఇదే నిజమైతే ఇందులో కాజల్‌ మినహా అందరూ కొత్తగా నామినేషన్‌లోకి ఎంటరైనవారే. మరి ఈసారి నిజంగానే ఏడుగురు కంటెస్టెంట్లు నామినేషన్‌లో ఉండబోతున్నారా? లేదా ఈ లిస్టులో ఏమైనా మార్పులు చోటు చేసుకోనున్నాయా? అనేది తెలియాలంటే నేటి ఎపిసోడ్‌ వచ్చేంతవరకు ఆగాల్సిందే!

Bigg Boss Telugu 5, Episode 06: అన్ని విషయాల్లో తలదూర్చే కాజల్‌ పని దగ్గరకు వచ్చేసరికి మాత్రం కాదూ, కూడదని మొండికేస్తోంది. ముఖ్యంగా కిచెన్‌ తనవల్లకాదని చెప్తోంది. హౌస్‌లో పనులు విభజించిన సమయంలో కాజల్‌ను కిచెన్‌ టీమ్‌లో అడ్జస్ట్‌ చేయాలని చూడగా ఆమె మాత్రం వంట చేయను, గిన్నెలు కూడా శుభ్రం చేయను అని తేల్చి చెప్పేసింది. దీంతో అందరూ ఆమె మీదకు ఒంటికాలిపై లేచారు. మరోవైపు 'నువ్వు కెప్టెన్‌ అయ్యాకే ఈ ఫ్లవర్‌ నా చేతికివ్వు' అంటూ మానస్‌ ఇచ్చిన పువ్వును అతడికే తిరిగిచ్చేసింది ప్రియాంక సింగ్‌. ఒకవేళ ఈ పువ్వు వేరే ఎవరి దగ్గర చూసినా అస్సలు ఊరుకోనని వార్నింగ్‌ ఇచ్చింది. దీనికి మానస్‌ సరేనంటూ బుద్ధిగా తలూపాడు. ఒకరిని కాదు ఇద్దరినైనా లేపుతా, మాస్టర్‌ రచ్చ ఇక తర్వాతి రోజు బిగ్‌బాస్‌ హౌస్‌లో వినాయక చవితి వేడుకలు జరుపుకున్నారు. ఈ సెలబ్రేషన్స్‌లో హౌస్‌మేట్స్‌ అందరూ అందంగా ముస్తాబయ్యారు. కానీ ఈసారి తమ ఫ్యామిలీస్‌తో లేనందుకు కొంత ఎమోషనల్‌ అయ్యారు. గణపతి పూజ అనంతరం బిగ్‌బాస్‌ లగ్జరీ బడ్జెట్‌ టాస్క్‌ ఇచ్చాడు. ఇందులో ఇద్దరు పాల్గొనాల్సి ఉండగా హౌస్‌మేట్స్‌ విశ్వ, శ్రీరామచంద్ర పేర్లను సూచించారు. ఈ నిర్ణయంపై నటరాజ్‌ మాస్టర్‌ తీవ్ర అసంతృప్తి వ్యక్తం చేశాడు. ఇక్కడ బలం చూడాలి కానీ కండలు కాదంటూ విశ్వను సెలక్ట్‌ చేయడాన్ని తప్పు పట్టాడు. తాను ఒక్కరిని కాదు, ఇద్దరినైనా లేపుతానంటూ రభస చేయగా యాంకర్‌ రవి ఆయనకు నచ్చజెప్పాడు. మొత్తానికి విశ్వ, శ్రీరామచంద్ర ఈ టాస్క్‌లో పాల్గొని విజయవంతంగా తమకు కావాల్సిన సరుకులను తెచ్చుకున్నారు. రవి టాస్క్‌ను జోక్‌గా తీసుకున్నాడు.. అనంతరం ఈవారం బెస్ట్‌, వరస్ట్‌ పర్ఫామర్‌లను ఎన్నుకోవాలని బిగ్‌బాస్‌ ఇంటిసభ్యులను ఆదేశించాడు. మొదటగా రవి.. అందరినీ ఎంటర్‌టైన్‌ చేస్తున్న లోబో బెస్ట్‌ పర్ఫామర్‌ అని, కంటెస్టెంట్లతో గొడవలు పెట్టుకున్న జెస్సీ వరస్ట్‌ పర్ఫామర్‌ అని పేర్కొన్నాడు. లోబో.. కిచెన్‌లో ఎలాంటి సమస్యలు తేనందుకు యానీ మాస్టర్‌ బెస్ట్‌ అని.. తెలిసో, తెలియకో తప్పులు చేస్తూ, నోరు జారుతున్న జెస్సీ వరస్ట్‌ పర్ఫామర్‌ అని తెలిపాడు. అనంతరం జెస్సీ వంతురాగా.. సిరిని బెస్ట్‌, టాస్క్‌ను జోక్‌గా తీసుకున్నాడంటూ రవిని వరస్ట్‌ పర్ఫామర్‌గా ఎంపిక చేశాడు. శ్వేత వర్మ.. స్ట్రాంగ్‌ కంటెస్టెంట్‌ విశ్వ బెస్ట్‌, పెద్ద నోరేసుకుని మాట్లాడుతున్న ఉమాదేవి వరస్ట్‌ పర్ఫామర్‌ అని చెప్పింది. ప్రతి ఒక్కరికీ ప్రేమను పంచుతున్న ఆమె బెస్ట్‌ పర్ఫామర్‌ ఉమాదేవి.. విశ్వ బెస్ట్‌గా, కాజల్‌ వరస్ట్‌గా ఆడుతున్నారని సింపుల్‌గా తేల్చేసింది. సిరి.. నటరాజ్‌ మాస్టర్‌ బెస్ట్‌, ఉమాదేవి ప్రవర్తన వల్ల కొందరు ఇబ్బందిపడుతున్నారని, అందువల్ల ఆవిడే వరస్ట్‌ పర్ఫామర్‌ అని చెప్పింది. విశ్వ మాట్లాడుతూ.. ప్రతీ ఒక్కరికీ ప్రేమను పంచుతున్న ప్రియాంక సింగ్‌ బెస్ట్‌ అని చెప్పడంతో పింకీ ఎమోషనల్‌ అయింది. ఇక పనులు రావని చెప్పి తప్పించుకునే కాజల్‌ను వరస్ట్‌ పర్ఫామర్‌గా సూచించాడు. లహరి.. విశ్వ బెస్ట్‌ పర్ఫామర్‌ అని, కెప్టెన్‌ అయింది సిరి కానీ, అలా వ్యవహరిస్తుంది మాత్రం కాజల్‌ అంటూ ఆమెను వరస్ట్‌ పర్ఫామర్‌ అని చెప్పుకొచ్చింది. నీతో మాట్లాడటమే వేస్ట్‌..: ఉమాదేవి తన జీవితం ముళ్ల పాన్పు అంటూ మొదలెట్టిన ప్రియాంక సింగ్‌ 14 ఏళ్లకే ఇంటి బాధ్యతలు తీసుకున్నానంది. గత కొన్నేళ్లుగా నవ్వడమే మర్చిపోయిన తనను మనసారా నవ్వించిన లోబో బెస్ట్‌ పర్ఫామర్‌ అంది. ఇక పెద్దావిడగా మంచీ చెడ్డలు చెప్పాల్సిన ఉమాదేవి మనిషులను చులకనగా చూస్తూ, అమర్యాదగా మాట్లాడతారని పేర్కొంది. ఆమె ప్రవర్తన రూడ్‌ అని చెప్తూ ఉమాదేవిని వరస్ట్‌ పర్ఫామర్‌గా అభిప్రాయపడింది. అయితే ఆమె మాటలతో ఏకీభవించని ఉమా.. నీతో మాట్లాడటమే వేస్ట్‌ అంది. ఈ మాటతో ఆవేశపడ్డ పింకీ.. మీలా మనుషులను చీప్‌గా తీసిపడేయలేను అని ధీటుగా బదులిచ్చింది. ఈ క్రమంలో వీరిద్దరి మధ్య పెద్ద గొడవే రాజుకుంది. ఒకరి మీదకు ఒకరు దూసుకు వెళ్లడమే కాక పింకీ షటప్‌ అంటూ ఆమెకు వేలు చూపించడంతో ఉమాదేవి కాళికావతారం ఎత్తింది. అయితే కొన్ని క్షణాల తర్వాత నోరుజారానని తెలుసుకున్న పింకీ తాను కోపంలో షటప్‌ అనేశానని ఉమాకు సారీ చెప్పి ఏడ్చేసింది. ఆమెను ఎగతాళి చేస్తూనే ఉన్నారు: సరయూ ఇక ఉమాదేవిని ఎవరో ఒకరు ఎగతాళి చేస్తూనే ఉన్నారని సరయూ తెగ ఫీలై ఆమెకు మద్దతుగా నిలిచింది. ఆ తర్వాత యానీ మాస్టర్‌.. పింకీ బెస్ట్‌, జెస్సీ వరస్ట్‌ పర్ఫామర్‌ అని చెప్పింది. సరయూ.. లోబోను బెస్ట్‌ పర్ఫామర్‌గా సూచించింది. 'జెస్సీ చిన్నపిల్లాడు కాదు, అతడికి ఎవరితో ఎలా మాట్లాడాలో అర్థం కావట్లేదు. ఏ పనీ చేయడు. ఓన్లీ టాయిలెట్‌కు వెళ్లడమే నువ్వు చేసే పనా?' అని ప్రశ్నిస్తూ అతడిని వరస్ట్‌ పర్ఫామర్‌గా సూచించింది. వరస్ట్‌ పర్ఫామర్‌గా జెస్సీ.. జైల్లో బందీ 19 మంది కంటెస్టెంట్లు వారి అభిప్రాయాలు తెలిపిన అనంతరం.. ఎక్కువ ఓట్లతో విశ్వ బెస్ట్‌ పర్ఫామర్‌గా, జెస్సీని వరస్ట్‌ పర్ఫామర్‌గా ప్రకటించారు. బిగ్‌బాస్‌ ఆదేశం మేరకు వరస్ట్‌ పర్ఫామర్‌ అయిన జెస్సీని జైల్లో బందీ చేశారు. తనకు పట్టిన దుస్థితికి అతడు లోలోపలే కుమిలిపోయాడు. అతడి బాధ అర్థమైన హౌస్‌మేట్స్‌.. అందరం నీ వెనకాలే ఉంటామంటూ ఓదార్చారు. చూస్తుండగానే తొలి వారాంతం వచ్చేసింది.. రేపటి ఎపిసోడ్‌లో నాగ్‌ ఎవరెవరిని సేవ్‌ చేస్తాడో చూడాలి!

Priyanka Singh Vs Uma Devi: బిగ్‌బాస్‌ తెలుగు ఐదో సీజన్‌లో మొదటి వారంలోనే ఓ రేంజ్‌లో గొడవలకు దిగుతున్నారు కంటెస్టెంట్లు. నువ్వెంత అంటే నువ్వెంత అంటూ కారాలు మిరియాలు నూరుతున్నారు. వీళ్ల బిహేవియర్‌ చూస్తుంటే కొట్టుకోవడం ఒక్కటే తక్కువ అన్నట్లుగా ఉంది. మొత్తానికి వీళ్ల లొల్లితో బిగ్‌బాస్‌ ప్రేక్షకులకు కావాల్సినంత ఎంటర్‌టైన్‌మెంట్‌ దొరుకుతోంది. నేటి ఎపిసోడ్‌లో కూడా ఈ గిల్లికజ్జాలు పెద్ద స్థాయిలోనే ఉండనున్నట్లు తెలుస్తోంది. తాజాగా రిలీజ్‌ చేసిన ప్రోమోలో హౌస్‌లో బెస్ట్‌, వరస్ట్‌ పర్ఫామర్‌ను ఎన్నుకోమని బిగ్‌బాస్‌ ఆదేశించాడు. దీంతో దొరికిందే చాన్స్‌ అనుకున్న కంటెస్టెంట్లు ఒక్కొక్కరిగా తమ మనసులోని ఉక్రోషాన్ని బయటకు కక్కారు. ఈ క్రమంలో సరయూ.. 'ఏ పనులూ చేయకుండా టాస్క్‌లో కూర్చుంటున్నారు, అంటే టాయ్‌లెట్‌కు వెళ్లడం ఒక్కటే మీరు చేసే పనా?' అని నిలదీసింది. ఉమాదేవి చాలా పెద్దగా మాట్లాడుతుందని శ్వేతవర్మ తన అభిప్రాయం చెప్పింది. అనంతరం ప్రియాంక సింగ్‌ ఉమాదేవి గురించి చెప్తున్న సమయంలో ఆమె మధ్యలో కలగజేసుకుని పర్సనల్‌ విషయాలు తీయొద్దని హెచ్చరించింది. దీంతో చిర్రెత్తిపోయిన ప్రియాంక తన ముఖం మీదే షటప్‌ అనేసింది. తనను అంత మాటన్నాక ఉమాదేవి ఊరుకుంటుందా? అస్సలు వదిలిపెట్టదు. అంటే ఈరోజు కూడా హౌస్‌లో బీభత్సమైన గొడవ జరగనునట్లు తెలుస్తోంది. ఇక వరస్ట్‌ పర్ఫామర్‌గా జెస్సీకి ఎక్కువ ఓట్లు పడ్డట్లు ఇప్పటికే సోషల్‌ మీడియాలో వార్తలు వినిపిస్తున్నాయి. ఫలితంగా అతడిని జైలులో ఖైదీగా మార్చారని కూడా ఓ వార్త లీకైంది. ఒకవేళ ఇదే నిజమనుకుంటే.. వరస్ట్‌ పర్ఫామర్‌ జెస్సీ అయితే మరి బెస్ట్‌ పర్ఫామర్‌ ఎవరన్నది ఆసక్తికరంగా మారింది!

Shanmukh Jaswanth: బిగ్‌బాస్‌ షో అంటే నవరసాల కలయిక. కోపతాపాలు, కొట్లాటలు, చిరునవ్వులు, సుఖసంతోషాలు, కన్నీటి బాధలు, గెలుపోటముల కలయికలు, బంధాలు, వైరాలు, అలకలు, ఆటుపోట్లు.. ఇలా అన్నీ ఉంటాయి. ఇక ప్రతి సీజన్‌లో ముక్కు మీద కోపం ఉండే కంటెస్టెంట్లను మనం చూస్తూనే ఉన్నాం. మొదటి సీజన్‌లో శివబాలాజీ, రెండో సీజన్‌లో తనీష్‌ అల్లాడి, మూడో సీజన్‌లో అలీ రెజా, నాలుగో సీజన్‌లో సయ్యద్‌ సోహైల్‌ అతిగా ఆవేశపడేవారు. ఇక ఈ సీజన్‌లో ఆవేశం స్టార్లు ఎక్కువే ఉన్నట్లు కనిపిస్తోంది. అయితే అయినదానికి కానిదానికి కూడా ఆవేశపడుతోంది మాత్రం నటి ఉమాదేవి అంటున్నారు నెటిజన్లు. తనకు ఆలూ కూర రాలేదని యానీ మాస్టర్‌ మీద శివాలెత్తిందావిడ. ఆ తర్వాత వెజ్‌, నాన్‌వెజ్‌ ఎవరు వండుతారని చర్చ నడుస్తుండగా లహరి.. వెజ్‌కైతే ప్రియాంక సింగ్‌ ఉందని చెప్పింది. అంటే నేను వెజ్‌కు పనికి రాను అంటున్నారు కదా! అని అనవసరమైన వాదనతో లేనిపోని గొడవ సృష్టించింది. మీరు వెజ్‌ చేయడానికి పనికి రారు అని ఎవరూ అనలేదని కెప్టెన్‌ సిరి గట్టిగా సమాధానమివ్వడంతో ముఖం మాడ్చుకుని సైలెంట్‌ అయిపోయింది. ఆమె వైఖరి చూసిన ఇతర కంటెస్టెంట్లు తనతో ఎంత జాగ్రత్తగా ఉంటే అంత మంచిది అనుకుంటున్నారు. తాజాగా ఆమె గురించి సిరి, కాజల్‌ దగ్గర ఓపెన్‌ అయ్యాడు షణ్ముఖ్‌ జశ్వంత్‌. ఆమె తనతో మాట్లాడటం లేదని, చాలా కోపంగా ఉంటున్నారని పేర్కొన్నాడు. నిజానికి ఆమెను మొన్న నామినేట్‌ చేయాలనుకున్నా.. కానీ తల్లి పేరు(ఉమ) కూడా అదే కావడంతో వదిలేశానని చెప్పుకొచ్చాడు. అసలు ఉమాదేవి షణ్నూమీద ఎందుకు కోపంగా ఉంది? వీరిద్దరి మధ్య దూరం చెదిరి కలిసిపోతారా? లేదా వచ్చేవారం ఉమాదేవిని షణ్నూ నామినేట్‌ చేస్తాడా? అనేది తప్పక చూడాల్సిందే!

Bigg Boss Telugu 5, Episode 05: బిగ్‌బాస్‌ ఐదో సీజన్‌లో కామెడీ, లవ్‌ ట్రాక్‌ల సంగతేమో కానీ కొట్లాటలకు మాత్రం కొదవ లేకుండా పోయింది. అర్థం పర్థం లేని విషయాలకు కూడా గొడవ పడుతూ ప్రేక్షకులకు తలనొప్పిగా మారుతున్నారు. కెప్టెన్‌ వచ్చాక అయినా ఇల్లు చక్కదిద్దుకుంటుందేమో అంటే ఆ తర్వాత కూడా పరిస్థితి ఎక్కడ వేసిన గొంగడి అక్కడే అన్న చందంగా మారింది. తొలి కెప్టెన్‌గా నియామకమైన చలాకీ సిరి వీరిని అందరినీ దారిలో పెడుతుందా? అనేది ఆసక్తికరంగానే మారింది. మరి నేటి(గురువారం) ఎపిసోడ్‌ హైలైట్స్‌ ఏంటో చదివేద్దాం.. ఫ్రస్టేషన్‌ బయటపెట్టిన లోబో కెప్టెన్సీ పోటీదారుడు మానస్‌కు ఇచ్చిన టాస్క్‌ ప్రకారం.. అర్ధరాత్రి ఎవరు నిద్ర లేచినా ముందు కాజల్‌ను లేపాల్సి ఉంటుంది. కానీ ఈ నియమాన్ని లహరి, శ్రీరామచంద్ర తుంగలో తొక్కడంతో పదేపదే అలారమ్‌ మోగింది. ఫలితంగా ఇంటి సభ్యుల నిద్ర చెదిరిపోయింది. మరోపక్క షణ్నూకు సపర్యలు చేసి అలిసిపోయాడు అతడి సేవకుడు లోబో. వారు చేయిస్తున్న టాస్క్‌లకు దండం పెట్టేశాడు. స్మోకింగ్‌ రూమ్‌లో తన ఫ్రస్టేషన్‌ను విశ్వ ముందు బయటపెట్టాడు. 'ఈ గేములు నాకు నచ్చట్లేదు, ఇది నా టేస్ట్‌ కాదు, నాకు సెట్టయితలేదు. పోయి నా దుకాణంలో ఉంటా, కానీ ఇదంతా ఏంది?' అని అసహనానికి లోనయ్యాడు. దీంతో ఇది టాస్క్‌ అని, కాస్త ఓపిక పట్టమని ఊరడించాడు విశ్వ. గెలిచిన హమీదా, ప్రియకు కోలుకోలేని దెబ్బ అనంతరం కెప్టెన్సీ పోటీదారుల టాస్క్‌లో హమీదా గెలిచింది. పవర్‌ రూమ్‌లో అడుగు పెట్టిన ఆమెకు బిగ్‌బాస్‌ కఠినమైన టాస్కే ఇచ్చాడు. ఆమె ఎంచుకునే కంటెస్టెంట్‌ హౌస్‌లో ఎప్పటికీ కెప్టెన్‌ కాలేరని చెప్పాడు. దీంతో ఆమె నటి ప్రియ పేరు చెప్పింది. ఇదే విషయాన్ని హౌస్‌మేట్స్‌ దగ్గర చెప్పగా అంతా ఒక్కసారిగా షాకయ్యారు. కానీ ప్రియ మాత్రం దీన్ని స్పోర్టివ్‌గా తీసుకోవడం విశేషం. ఐ లవ్‌యూ.. మానస్‌ను మధ్యలో లాగిన ప్రియాంక రెస్ట్‌ రూమ్‌ క్లీన్‌ చేస్తున్న లోబో అక్కడికి వచ్చిన ప్రియాంక సింగ్‌ను చూసి తన పని ఆపేశాడు. ఆమెను తదేకంగా చూస్తూ ఐ లవ్‌యూ అంటూ ప్రపోజ్‌ కూడా చేశాడు. అయితే ఆమె మాత్రం నీకు దమ్ముంటే మానస్‌ ఎదురుగా నాకు లైనేయ్‌ అని సవాలు చేయడంతో ఒక్కసారిగా ఖంగు తిన్నాడు. ఇదే విషయాన్ని లోబో.. మానస్‌ దగ్గర ప్రస్తావించగా అతడు తేలికగా నవ్వేసి మధ్యలో నా అనుమతి అవసరం లేదని కుండ బద్ధలు కొట్టేశాడు. ఆ తర్వాత కంటెస్టెంట్లు లోబోను అమ్మాయిగా రెడీ చేసి ఓ ఆట ఆడేసుకున్నారు. మరోవైపు ఏమైందో ఏమో కానీ సరయూ ఉన్నట్టుండి ఏడుపందుకుంది. రెండో రోజే అందరూ కలిసి ఉండి నాలుగో రోజుకే ఎలా గ్రూప్స్‌ అవుతాయని భోరున ఏడ్చేయగా యానీ మాస్టర్‌ ఆమెను ఓదార్చింది. సంచాకురాలి ఎంపిక విషయంలో రచ్చ అనంతరం 'శక్తి చూపరా డింభకా!' టాస్క్‌ పూర్తైందని వెల్లడించిన బిగ్‌బాస్‌ హమీదా, మానస్‌, విశ్వ, సిరి తొలి కెప్టెన్సీ టాస్క్‌కు పోటీ చేయనున్నట్లు ప్రకటించాడు. 'తొక్కరా తొక్కు హైలెస్సా' అనే టాస్కులో సైకిల్‌ నిరంతరాయంగా తొక్కుతూ దాని మీదున్న బల్బ్‌ వెలుగుతూ ఉండేలా జాగ్రత్తపడాలని ఆదేశించాడు. మధ్యలో బజర్‌ మోగిన ప్రతిసారి మిగతా హౌస్‌మేట్స్‌.. పోటీదారుల్లో ఒకరికి నీళ్లు తాగించాల్సి ఉంటుందని స్పష్టం చేశాడు. ఈ టాస్క్‌కు ప్రియ సంచాలకురాలిగా వ్యవహరిస్తే బాగుంటుందని సన్నీ అభిప్రాయపడ్డాడు. అతడి నిర్ణయంతో హౌస్‌లో కొంత రచ్చ జరిగినా ఎక్కువమంది ప్రియనే సంచాలకురాలిగా ఎన్నుకున్నారు. కాజల్‌ వర్సెస్‌ సరయూ ఈ టాస్క్‌లో కాజల్‌.. విశ్వకు ఇమ్యూనిటీ అవసరం లేదంటూ అతడిని డిస్టర్బ్‌ చేయగా ఆటలో నుంచి అవుటయ్యాడు. అయితే విశ్వను ఒక్కడినే ఎందుకు టార్గెట్‌ చేశావని సరయూ కాజల్‌ను నిలదీసింది. నేను అమ్మాయిలకే సపోర్ట్‌ చేస్తానని, విశ్వకు ఇమ్యూనిటీ అవసరం లేదని అతడికే డైరెక్ట్‌గా చెప్పానని క్లారిటీ ఇచ్చింది కాజల్‌. కాసేపటివరకు వీరి మధ్య ఓరకంగా మాటల యుద్ధమే నడిచిందని చెప్పవచ్చు. మొత్తానికి రసాభాసగా సాగిన ఈ టాస్క్‌లో సిరి గెలుపొంది హౌస్‌కు తొలి కెప్టెన్‌గా అవతరించింది. ఆమెకు ప్రియ కెప్టెన్‌ బాండ్‌ తొడిగింది. అనంతరం సిరి.. విశ్వను రేషన్‌ మేనేజర్‌గా ఎంపిక చేసింది. నాన్‌వెజ్‌ వండను, శుభ్రం కూడా చేయను ఇక కిచెన్‌లో పనులు పంచుకునే దగ్గర మరోసారి లొల్లి షురూ అయింది. నాన్‌వెజ్‌ వండలేను, ఎవరైనా నాన్‌వెజ్‌ వండితే ఆ గిన్నెలను శుభ్రం చేయను అని ఉమాదేవి తేల్చి చెప్పింది. మార్నింగ్‌ వెజ్‌ వండేందుకు ప్రియాంక సింగ్‌ ఉందని లహరి చెప్పగా దాన్ని ఉమాదేవి తప్పుగా అర్థం చేసుకుంది. అంటే వెజ్‌ వండటానికి నేను పనికి రానని అంటున్నారంటూ కొత్త వాదన ఎత్తుకుని తగవు పెట్టుకుంది. దీంతో చిర్రెత్తిపోయిన లేడీ అర్జున్‌ రెడ్డి లహరి.. ఆమె అరిస్తే పడాలా? అని నిలదీసింది. దీంతో జోక్యం చేసుకున్న కెప్టెన్‌.. లహరి 'పనికి రాదు' అనే పదం వాడలేదని ఉమాదేవికి గట్టిగానే క్లారిటీ ఇవ్వడంతో ఈ గొడవ చప్పున చల్లారిపోయింది. ఇప్పుడే ఈ రేంజ్‌లో గొడవ పడితే రేపటి నుంచి కెప్టెన్‌ సిరికి కంటెస్టెంట్లు చుక్కలు చూపిస్తారేమో చూడాలి!