‘‘వారసుడు’ సినిమా క్లయిమాక్స్‌లో తండ్రీకొడుకుల మధ్య వచ్చే భావోద్వేగ సన్నివేశాలు మా మనసులను హత్తుకున్నాయి అంటూ ప్రతి రోజూ నాకు ఫోన్‌ కాల్స్‌ చేస్తున్నారు. మా నాన్న కూడా ‘వారసుడు’ చూసి భావోద్వేగానికి లోనై ఇన్నేళ్లలో తొలి సారి నన్ను హత్తుకుని కన్నీళ్లు పెట్టుకున్నారు. అంతకుమించి నేను సాధించేది ఏముంటుంది?’’ అని డైరెక్టర్‌ వంశీ పైడిపల్లి అన్నారు. విజయ్, రష్మికా మందన్న జంటగా నటించిన తమిళ చిత్రం ‘వారీసు’. ‘దిల్‌’ రాజు, శిరీష్, పరమ్‌ వి. పొట్లూరి, పెరల్‌ వి. పొట్లూరి నిర్మించిన ఈ సినిమా ఈ నెల 11న తమిళంలో విడుదలైంది. ఈ చిత్రాన్ని ‘వారసుడు’ పేరుతో తెలుగులో డబ్‌ చేసి, ఈ నెల 14న రిలీజ్‌ చేశారు. ఈ సందర్భంగా వంశీ పైడిపల్లి పంచుకున్న విశేషాలు. ► ‘ఊపిరి’ని తెలుగు, తమిళ భాషల్లో తీశాం. ‘వారీసు’ని తమిళంలో తీసి,  తెలుగులోకి డబ్‌ చేశాం. తమిళంలో నేను తీసిన తొలి సినిమా ‘వారీసు’ పెద్ద హిట్‌ కావడం హ్యాపీ. తెలుగులోనూ ఈ సినిమా త్వరలో ‘మాస్టర్‌’ (విజయ్‌ హీరోగా నటించారు) కలెక్షన్లను బీట్‌ చేయబోతోంది. ‘దిల్‌’ రాజుగారికి ఈ సినిమా డబ్బుతో పాటు గౌరవం తెచ్చి పెట్టింది. మౌత్‌ టాక్‌ వల్ల ఈ చిత్రానికి ఆదరణ పెరుగుతోంది. సినిమా చూసిన యువకులు తమ అవ్వ, తాతలు, ఇతర కుటుంబ సభ్యులకు ఈ చిత్రాన్ని చూడమని చెప్తున్నారు. హిందీలో కూడా మా సినిమాకి ఆదరణ పెరుగుతోంది. ► నేను ఓ లైన్‌ సిద్ధం చేసుకుని హీరోలకు వినిపిస్తాను.. వారు ఓకే అన్న తర్వాత వారి ఇమేజ్‌కి తగినట్లుగా సన్నివేశాలను రూపొందిస్తాను. ప్రతిసారీ మమ్మల్ని మేము నిరూపించుకోవాలి. అందుకే నా ప్రతి చిత్రాన్ని ఛాలెంజ్‌గా స్వీకరిస్తుంటాను. 2020లో మహేశ్‌బాబుగారితో ఓ సినిమా చేయాల్సింది. కొన్ని కారణాల వల్ల కుదరలేదు. పెద్ద స్టార్స్‌తో కమర్షియల్‌ సినిమాలు చేయడానికే నేను ఇండస్ట్రీకి వచ్చాను. నా తర్వాతి ప్రాజెక్ట్‌ కోసం ప్రస్తుతం చర్చలు జరుగుతున్నాయి.  

నేషనల్‌ క్రష్‌ రష్మిక మందన్నా ఇప్పుడు వరుస సినిమాలతో ఫుల్‌ బిజీగా ఉంది. రీసెంట్‌గా పుష్పతో బ్లాక్‌ బస్టర్‌ హిట్‌ను సొంతం చేసుకున్న రష్మిక ఈ సినిమా విజయంతో పాన్‌ ఇండియా క్రేజ్‌ను సంపాదించుకుంది. అటు తెలుగుతో పాటు హిందీలోనూ వరుస సినిమాలు చేస్తోన్న రష్మిక త్వరలోనే కోలీవుడ్‌ స్టార్‌ విజయ్‌తో ఓ సినిమా చేయనుందంటూ వార్తలు వినిపించిన సంగతి తెలిసిందే.   విజయ్ నటిస్తున్న తొలి తెలుగు స్ట్రైట్ సినిమా కావడంతో తెలుగులో మరింత హైప్‌ నెలకొంది.  వంశీ పైడిపల్లి దర్శకత్వంలో దిల్‌ రాజు నిర్మించనున్న ఈ పాన్‌ ఇండియా సినిమాలో ముందుగా రష్మికను తీసుకున్నట్లు టాక్‌ వినిపించింది. అయితే తాజా సమాచారం ప్రకారం రష్మికను సైడ్‌ చేసి కృతిసనన్‌ను హీరోయిన్‌గా ఫైనల్‌ చేశారట. ప్రస్తుతం ఈ భామ ఆదిపురుష్‌ సినిమాలో నటిస్తున్న సంగతి తెలిసిందే.

టాలీవుడ్‌లో ప్రస్తుతం మోస్ట్‌ వాంటెడ్‌ హీరోయిన్‌ అయిపోయింది పూజా హెగ్డే. అల వైకుంఠపురములో ఇచ్చిన బ్లాక్‌ బస్టర్‌ హిట్‌తో స్టార్‌ హీరోయిన్‌గా చక్రం తిప్పుతుంది. ఇప్పటికే తెలుగు, హిందీ భాషల్లో పలు సినిమాలకు ఆమె సైన్‌ చేసింది. ప్రస్తుతం పూజా చేతిలో ఉన్నవి దాదాపు పాన్‌ ఇండియా సినిమాలే. దీంతో ఈ బ్యూటీకి ఉన్న క్రేజ్‌ను దృష్టిలో ఉంచుకొని రెమ్యునరేషన్‌ కూడా భారీగా పెంచేసిందట. ప్రస్తుతం నితిన్‌ వంశీ పైడిపల్లి దర్శకత్వంలో చేయనున్న ఓ సినిమాకు పూజా సైన్‌ చేసినట్లు సమాచారం. ఈ మూవీకి గాను ఏకంగా రూ.3.5 కోట్ల రెమ్యునరేషన్‌ అడిగిందట. ఇందుకు నిర్మాతలు కూడా ఓకే చేసినట్లు తెలుస్తోంది. ఇదే గనుక నిజమైతే దక్షిణాదిన భారీ రెమ్యునరేషన్‌ తీసుకునే హీరోయిన్ల లిస్ట్‌లోకి పూజా హెగ్డే కూడా చేరిపోయింది. ఇక ఈ అమ్మడు ప్రస్తుతం చిరంజీవితో ఆచార్య, ప్రభాస్‌తో రాధే శ్యామ్‌ పాన్‌ ఇండియా చిత్రాలతో పాటు 'మోస్ట్ ఎలిజిబుల్ బ్యాచ్‌లర్‌ సినిమాలోనూ నటిస్తుంది. ఇవి కాకుండా తమిళంలో విజయ్‌తో బీస్ట్‌, బాలీవుడ్‌లో సల్మాన్‌ ఖాన్‌తో ‘కభీ ఈద్‌...  కభీ దీవాలి’ చిత్రంలోనూ నటిస్తుంది. చూస్తుంటే మరో రెండేళ్ల పాటు బుట్టబొమ్మ డేట్స్‌ ఫుల్‌ బిజీగా ఉన్నట్లున్నాయి. 

సూపర్‌ స్టార్ మహేష్ బాబు హీరోగా తెరకెక్కుతున్న తాజా చిత్రం మహర్షి. భారీ బడ్జెట్‌తో ప్రతిష్టాత్మకంగా తెరకెక్కుతున్న ఈ సినిమాకు వంశీ పైడిపల్లి దర్శకుడు. చాలా రోజులుగా షూటింగ్ జరుపుకుంటున్న ఈ సినిమా ఈపాటికే రిలీజ్‌ కావాల్సి ఉన్నా, అనివార్య కారణాల వల్ల వాయిదాపడుతూ వస్తోంది. ఈ ఆలస్యానికి కారణం మహేషే అన్న అభిప్రాయం వ్యక్తం అవుతోంది. మహేష్.. తను నటిస్తున్న ప్రకటనల షూటింగ్‌ కోసం మహర్షి సినిమా షూటింగ్‌ను వాయిదా వేశారన్న టాక్‌ వినిపిస్తోంది. అందుకే ఈ సినిమా షూటింగ్‌ ఆలస్యమవుతుందన్న టాక్‌ వినిపిస్తోంది. మే 9న రిలీజ్ కావాల్సిన ఈ సినిమాకు షూటింగ్ ఇంకా పూర్తి కాలేదు. మరో రెండు పాటలను తెరకెక్కించాల్సి ఉంది. ఈ పరిస్థితుల్లో మరో యాడ్‌ షూట్‌ కోసం మహేష్  షూటింగ్‌కు బ్రేక్‌ ఇస్తున్నారన్న ప్రచారం జరుగుతోంది. అయితే ఈ వార్తలపై చిత్రయూనిట్ స్పందించలేదు

ప్రస్తుతం వంశీ పైడిపల్లి దర్శకత్వంలో మహర్షి సినిమా చేస్తున్న సూపర్‌ స్టార్ మహేష్ బాబు తరువాత సుకుమార్ దర్శకత్వంలో మరో సినిమాలో నటించేందుకు ఓకె చెప్పాడు. ఈ సినిమా లైన్‌లో ఉండగానే సెన్సేషనల్ డైరెక్టర్ సందీప్‌ రెడ్డి వంగతో మరో సినిమా చేయాలని భావించాడు. అర్జున్‌ రెడ్డి సినిమాతో ఒక్కసారిగా టాప్‌ లిస్ట్‌లో చేరిపోయిన సందీప్‌ స్టార్ హీరోల దృష్టిని ఆకర్షించాడు. ఇద్దరి మధ్య కథా చర్చలు కూడా జరిగినట్టుగా ప్రచారం జరిగింది. పలు సందర్భాల్లో మహేష్‌, సందీప్‌లు కలిసి కనిపించటంతో వీరి కాంబినేషన్‌లో సినిమా మొదలవ్వటం ఖాయంగా కనిపించింది. అయితే తాజా సమాచారం ప్రకారం మహేష్, సందీప్‌తో సినిమాకు నో చెప్పినట్టుగా ప్రచారం జరుగుతోంది. కారణాలు తెలియకపోయినా ప్రస్తుతానికి వీరి కాంబినేషన్‌కు బ్రేక్‌ పడినట్టే అన్న టాక్ వినిపిస్తోంది. ప్రస్తుతం సందీప్‌ రెడ్డి వంగా అర్జున్‌ రెడ్డి సినిమాను కబీర్ సింగ్‌ పేరుతో బాలీవుడ్‌లో రీమేక్‌ చేస్తున్నాడు.

సూపర్‌స్టార్‌ మహేష్‌ హీరోగా వంశీ పైడిపల్లి దర్శకత్వంలో తెరకెక్కుతున్న సినిమా మహర్షి. శ్రీవెంకటేశ్వర క్రియేషన్స్‌, వైజయంతి మూవీస్‌, పి.వి.పి సినిమా పతాకాలపై భారీ బడ్జెట్‌తో ఈ సినిమాను రూపొందిస్తున్నారు. సూపర్‌ స్టార్‌ మహేష్‌కు ఇది 25వ చిత్రం కావడంతో మరింత ప్రతిష్టాత్మకంగా భావిస్తున్నారు చిత్రయూనిట్‌. ప్రస్తుతం ఈ సినిమా చిత్రీక‌ర‌ణ తుది ద‌శ‌కు చేరుకుంది. మార్చి 15నాటికి రెండు పాట‌లు మిన‌హా షూటింగ్ అంతా పూర్తవుతుంది. మ‌రో వైపు పోస్ట్ ప్రొడ‌క్షన్ కార్యక్రమాలు శ‌ర‌వేగంగా జ‌రుతున్నాయి. అన్నీ కార్యక్రమాల‌ను పూర్తి చేసి సినిమాను ఏప్రిల్ 25న విడుద‌ల చేసేందుకు నిర్ణయించారు చిత్రయూనిట్. సూపర్‌స్టార్‌ మహేష్‌ సరసన పూజా హెగ్డే కథానాయికగా నటిస్తున్న ఈ సినిమాలో అల్లరి నరేష్‌ ఓ కీలక పాత్రలో నటిస్తున్నారు. దేవి శ్రీ ప్రసాద్‌ సంగీతాన్ని అందిస్తున్న ఈ మూవీకి  కె.యు.మోహనన్‌ సినిమాటోగ్రఫీ నిర్వహిస్తున్నారు.

సూపర్‌ స్టార్ మహేష్‌ బాబు 25వ సినిమాగా తెరకెక్కుతున్న భారీ చిత్రం మహర్షి. వంశీ పైడిపల్లి దర్శకత్వంలో తెరకెక్కుతున్న ఈ సినిమాను దిల్ రాజు, అశ్వనీదత్‌, పీవీపీలు సంయుక్తంగా నిర్మిస్తున్నారు. ప్రస్తుతం ఈ చిత్ర షూటింగ్‌ రామోజీ ఫిల్మ్‌ సిటీలో జరుగుతుంది. సినిమా సెట్స్‌లో ఉన్న మహేష్‌ బాబును తమిళ హీరో కార్తీ కలిశాడు. మహర్షి చిత్ర సెట్ని సందర్శించిన కార్తీ.. మహేష్ బాబు, వంశీ పైడిపల్లితో సరదాగా ముచ్చటించాడు.  ఈ సినిమా విశేషాల గురించి వారిని అడిగి తెలుసుకున్నారు. ప్రస్తుతం ఇందుకు సంబంధించిన ఫొటో సోషల్‌ మీడియాలో వైరల్‌గా మారింది. మరోవైపు కార్తీ, రకుల్‌ ప్రీత్‌సింగ్‌ జంటగా నటించిన ‘దేవ్‌’ చిత్రం రేపు ప్రేక్షకుల ముందుకు రానుంది. గతంలో కార్తీ, వంశీ పైడిపల్లి దర్శకత్వంలో ‘ఊపిరి’ చిత్రంలో నటించిన సంగతి తెలిసిందే.  మహేష్‌ను కలిసిన కన్నడ హీరో.. కన్నడ హీరో శ్రీమురళి కూడా మహర్షి సెట్లో మహేష్‌ను కలిశాడు. ఆయనతోపాటు ప్రముఖ నటుడు సాయి కుమార్‌ కూడా మహేష్‌తో కాసేపు సరాదాగా ముచ్చటించారు. ఈ విషయాన్ని శ్రీమురళి తన ట్విటర్‌లో పోస్ట్‌ చేశాడు. మహేష్‌ బాబు సినిమాకు ఆల్‌ ది బెస్ట్‌ తెలిపాడు.  మహేష్ డిఫరెంట్ లుక్‌లో కనిపిస్తున్న ఈ సినిమా షూటింగ్ చివరి దశకు చేరుకుంది. దీంతో పోస్ట్‌ ప్రొడక్షన్‌ కార్యక్రమాల స్పీడు పెంచారు. ఇటీవలే దర్శకుడు వంశీ ఈ సినిమా డబ్బింగ్‌ పనులు ప్రారంభించాడు. మహేష్ సరసన పూజా హెగ్డే హీరోయిన్‌గా నటిస్తున్న ఈ సినిమాను ఏప్రిల్‌లో రిలీజ్ చేసేందుకు ప్లాన్‌ చేస్తున్నారు. ఈ సినిమాలో యంగ్ హీరో అల్లరి నరేష్‌ కీలక పాత్రలో కనిపించనున్నాడు. దేవీ శ్రీ ప్రసాద్‌ సంగీతమందిస్తుండగా కేయు మోహన్‌ సినిమాటోగ్రాఫర్‌గా పనిచేస్తున్నారు.

సూపర్‌ స్టార్ మహేష్‌ బాబు 25వ సినిమాగా తెరకెక్కుతున్న భారీ చిత్రం మహర్షి. వంశీ పైడిపల్లి దర్శకత్వంలో తెరకెక్కుతున్న ఈ సినిమాను దిల్ రాజు, అశ్వనీదత్‌, పీవీపీలు సంయుక్తంగా నిర్మిస్తున్నారు. మహేష్ డిఫరెంట్ లుక్‌లో కనిపిస్తున్న ఈ సినిమా షూటింగ్ చివరి దశకు చేరుకుంది. దీంతో పోస్ట్‌ ప్రొడక్షన్‌ కార్యక్రమాల స్పీడు పెంచారు. తాజాగా ఈ సినిమా డబ్బింగ్‌ పనులు ప్రారంభించాడు దర్శకుడు వంశీ. ఈ కార్యక్రమంలో హీరో అల్లరి నరేష్‌తో పాటు నిర్మాత దిల్‌ రాజు పాల్గొన్నారు. మహేష్ సరసన పూజా హెగ్డే హీరోయిన్‌గా నటిస్తున్న ఈ సినిమాను ఏప్రిల్‌లో రిలీజ్ చేసేందుకు ప్లాన్‌ చేస్తున్నారు. దేవీ శ్రీ ప్రసాద్‌ సంగీతమందిస్తుండగా కేయు మోహన్‌ సినిమాటోగ్రాఫర్‌గా పనిచేస్తున్నారు.

ఒక హీరో లుక్, కీలకమైన సీన్‌లో హీరో చెప్పే డైలాగ్స్‌..  ఇలా సినిమాలో ప్రతిదాని వెనకా టీమ్‌ కష్టం చాలానే ఉంటుంది. కానీ వారి కష్టాన్ని కొందరు ఆకతాయి యువకులు ఇట్టే సెల్‌ఫోన్‌ పాలు చేస్తున్నారు. అవును.. మహేశ్‌బాబు హీరోగా నటిస్తున్న ‘మహర్షి’ సినిమాకు చెందిన ఓ స్మాల్‌ వీడియో ఒకటి సోషల్‌ మీడియాలో చక్కర్లు కొడుతోంది. దీంతో ‘మహర్షి’ టీమ్‌ షాక్‌ అయ్యింది. ఇక సెట్‌లోకి సెల్‌ఫోన్‌కి చెల్లు చెప్పాలని స్ట్రిక్ట్‌ రూల్‌ను పెట్టుకున్నారని తెలిసింది. వంశీ పైడిపల్లి దర్శకత్వంలో తెరకెక్కుతున్న ఈ సినిమాలో పూజా హెగ్డే కథానాయికగా నటిస్తున్నారు. ‘అల్లరి’ నరేశ్‌ కీలక పాత్రధారి. స్టూడెంట్‌గా, బిలియనీర్‌గా, రైతుగా ఈ సినిమాలో మహేశ్‌ కనిపిస్తారట. రిషి పాత్రలో మహేశ్, రవి పాత్రలో ‘అల్లరి’ నరేశ్‌ కనిపిస్తారు. ఇటీవల ఈ సినిమా పొల్లాచ్చి షెడ్యూల్‌ను పూర్తి చేసుకుంది. నెక్ట్స్‌ షెడ్యూల్‌ వచ్చే నెల మొదటి వారంలో ఆరంభం కానుంది. అశ్వనీదత్, ‘దిల్‌’ రాజు, పీవీపీ నిర్మిస్తున్న ఈ సినిమా ఏప్రిల్‌ 25న విడుదల కానుంది. ఈ సంగతి ఇలా ఉంచితే.. మహేశ్‌బాబు నటించిన ‘భరత్‌ అనే నేను’ సినిమా అప్పుడు కూడా ఆయన లుక్‌ అధికారికంగా రిలీజ్‌ చేయడానికి ముందే నెట్టింట్లో చక్కర్లు కొట్టిన సంగతి తెలిసిందే. 

ఈ నెలాఖరున మహేశ్‌బాబు విదేశాలకు వెళ్లనున్నారు. ఫ్యామిలీతో హాలిడే ట్రిప్‌ అనుకునేరు. ఇప్పట్లో నో హాలిడేస్‌.. ఓన్లీ షూటింగ్‌ అనేలా తాజా చిత్రం ‘మహర్షి’కి మహేశ్‌బాబు డేట్స్‌ ఇచ్చారట. వంశీ పైడిపల్లి దర్శకత్వంలో అశ్వనీదత్, ‘దిల్‌’ రాజు, పీవీపీ  ఈ చిత్రాన్ని నిర్మిస్తున్నారు. మహేశ్‌ సరసన పూజా హెగ్డే కథానాయికగా నటిస్తున్న ఈ చిత్రంలో ‘అల్లరి’ నరేశ్‌ ఓ కీలక పాత్ర చేస్తున్నారు. ఇందులో మహేశ్‌బాబు కొన్ని సీన్స్‌లో కాలేజీ స్టూడెంట్‌గా కనిపించనున్న సంగతి తెలిసిందే. ప్రస్తుతం ఈ చిత్రం షూటింగ్‌ హైదరాబాద్‌లోని ఓ స్టూడియోలో జరుగుతోంది. వినాయక చవితి నాడు కూడా షూటింగ్‌ ప్లాన్‌ చేశారట. సో.. పండగ సెలవు లేనట్లే. నెలాఖరున మరో షెడ్యూల్‌ కోసం విదేశాలు వెళ్లనున్నారు. వచ్చే ఏడాది ఏప్రిల్‌ 5న ఈ చిత్రం రిలీజ్‌ కానుంది. 

‘భరత్‌ అనే నేను’ లాంటి భారీ హిట్‌ తరువాత మహేష్‌ బాబు చేసే మూవీపై అందరి దృష్టి నెలకొంది. ఎందుకుంటే ఇది మహేష్‌ కెరీర్‌లో 25వ సినిమా. ఈ చిత్రం కోసం మహేష్‌ గడ్డం పెంచడంతో సరికొత్త లుక్‌ ట్రై చేయడం అభిమానుల్లో అంచనాలను పెంచేస్తోంది. ఆగస్టు 9న మహేష్‌ బాబు పుట్టినరోజు. ఆ రోజున ఈ ప్రతిష్టాత్మక సినిమా ఫస్ట్‌ లుక్‌ను అభిమానులకు కానుకగా ఇవ్వనున్నట్లు తెలుస్తోంది. దీనిలో భాగంగానే శనివారం సాయంత్రం సితార, వంశీ పైడిపల్లి కూతురు ఆద్యలు ఈ సినిమా లోగోను రివీల్‌ చేశారు. పూజా హెగ్డే కథా నాయికగా నటిస్తున్నారు.

‘భరత్‌ అనే నేను’ మూవీ సక్సెస్‌ జోష్‌ను ఇంకా ఎంజాయ్‌ చేస్తూనే ఉన్నారు మహేశ్‌బాబు. అలాగే రెండు సినిమాలను కూడా ఆయన లైన్లో పెట్టారు. వంశీ పైడిపల్లితో ఓ సినిమా, సుకుమార్‌ దర్శకత్వంలో ఓ సినిమాలో హీరోగా నటించనున్నారు. ప్రస్తుతం మహేశ్‌ హాలీడేను ఎంజాయ్‌ చేస్తూ స్పెయిన్‌లో ఉన్నారు. ఫ్యామిలీతో హాలీడే ట్రిప్‌ వెళ్లి పది రోజుల పైనే అవుతోంది. మరి.. ఇండియా ఎప్పుడు వస్తారు? అంటే, జూన్‌ 9న అని సమాచారం. ఈ సంగతి ఇలా ఉంచితే.. వంశీపైడి పల్లి దర్శకత్వంలో మహేశ్‌బాబు నటించనున్న సినిమాపై ఆసక్తికర ప్రచారం జరుగుతోంది. అదేంటంటే.. ఇది ఫ్రెండ్‌షిప్‌ నేపథ్యంలో యూఎస్‌ బ్యాక్‌డ్రాప్‌లో సాగుతూనే రాయలసీమ టచ్‌ ఉంటుందట. అంతేకాదు ఈ సినిమాలో మహేశ్‌బాబు కొన్ని సీన్స్‌లో గుబురు గడ్డం, మీసాలతో కనిపిస్తారని ఫిల్మ్‌నగర్‌లో ప్రచారం జరుగుతోంది. ఇందులో పూజా హెగ్డే కథానాయికగా నటించనున్నారన్న సంగతి తెలిసిందే. ముందు ఈ సినిమా షూటింగ్‌ ప్రారంభమవుతుంది. సుకుమార్‌ దర్శకత్వంలో మహేశ్‌ హీరోగా నటించనున్న సినిమా ఈ ఏడాది చివర్లో సెట్స్‌పైకి వెళుతుంది. 

‘అల్లరి’ నరేశ్‌ సన్నగా ఉంటారు. బాగా లావైతే ఎలా ఉంటారు? లడ్డూ బాబులా ఉంటారు. అదేనండీ.. ‘లడ్డూ బాబు’ సినిమాలో ప్రోస్థటిక్‌ మేకప్‌తో లావుగా కనిపించారు. ఇప్పుడు ఏ మేకప్పూ లేకుండానే లావుగా కనిపించనున్నారని టాక్‌. యస్‌.. అల్లరోడు బరువు పెరుగుతున్నారట. ఇదంతా ఏ సినిమా కోసం అంటే వంశీ పైడిపల్లి దర్శకత్వం వహించనున్న మూవీ కోసం అట.  మహేశ్‌బాబు హీరోగా వంశీ పైడిపల్లి తెరకెక్కించనున్న సినిమాలో ‘అల్లరి’ నరేశ్‌ ఓ కీలక పాత్ర చేయనున్నారని చర్చ జరిగిన విషయం తెలిసిందే. ఈ చిత్రంలోని పాత్ర కోసమే నరేశ్‌ బరువు పెరగనున్నారట. నిజంగానే బరువు పెరుగుతున్నారా? అంటే.. వెయిట్‌ అండ్‌ సీ. ఈ సినిమాను ‘దిల్‌’ రాజు, అశ్వినీదత్‌ సంయుక్తంగా నిర్మించనున్నారు.


 తన రెండో సినిమా విషయంలో మీడియాలో వస్తున్న వార్తలపై అక్కినేని హ్యాండ్సమ్ హీరో అఖిల్ స్పందించాడు. అఖిల్ సినిమా డిజాస్టర్ కావటంతో తన రెండో సినిమా విషయంలో జాగ్రత్తగా అడుగులు వేస్తున్నాడు ఈ సిసింద్రీ. ముఖ్యంగా తన ఏజ్కు తగ్గ కథ కోసం భారీ కసరత్తులు చేస్తున్నాడు. ఇప్పటి వరకు కథా, కథనాలు ఫైనల్ చేయకపోయినా త్వరలోనే సినిమా సెట్స్ మీదకు వెళుతుందన్న టాక్ వినిపిస్తోంది.
 
 నాగార్జున్తో ఊపిరి లాంటి బ్లాక్ బస్టర్ అందించిన వంశీ పైడిపల్లి దర్శకత్వంలో అఖిల్ రెండో సినిమా ఉంటుందంటూ కొద్ది రోజులుగా వార్తలు వస్తున్నాయి. అయితే ఈ విషయం పై అక్కినేని ఫ్యామిలీ మాత్రం ఇంతవరకు ఎలాంటి ప్రకటనా చేయలేదు. అదే సమయంలో వంశీ, అఖిల్ రెండో సినిమా నుంచి తప్పుకున్నాడన్న వార్త ఇప్పుడు టాలీవుడ్ సర్కిల్స్లో హాట్ టాపిక్గా మారింది.
 
 మీడియాలో వస్తున్న వార్తలపై స్పందించిన అఖిల్ ట్విట్టర్లో తన నెక్ట్స్ సినిమా విషయంలో క్లారిటీ ఇచ్చే ప్రయత్నం చేశాడు. తనకు మేనేజర్, పీఆర్ టీం ఉన్నాయన్న అఖిల్, మీడియా వార్తలు రాసే ముందు ఒకసారి వారిని సంప్రదించాలని కోరాడు. వంశీ పైడిపల్లితో కలిసి నెక్ట్స్ సినిమా కోసం వర్క్ చేస్తున్నట్టుగా చెప్పిన అఖిల్, త్వరలోనే వివరాలు వెల్లడిస్తామన్నాడు.
  
 
 My dear friends from the print and online media. I have a manager and a PR team. Please feel free to call or meet whenever you'd like....
 
 — Akhil Akkineni (@AkhilAkkineni8) 13 May 2016
 
 
 But writing false info without confirming is not only damaging but also hurts your credibility. Vamshi and I are very much working together.
 
 — Akhil Akkineni (@AkhilAkkineni8) 13 May 2016
 
 
 I had never made an announcement about any film officially. I will announce my film as soon as I feel I have found the right subject.Thank u
 
 — Akhil Akkineni (@AkhilAkkineni8) 13 May 2016


 జూనియర్ ఎన్టీఆర్ ప్లేస్ను తమిళ హీరో కార్తీ ఆక్రమించినట్లు సమాచారం. అక్కినేని నాగార్జునతో కలిసి ఎన్టీఆర్  చేయాల్సిన మల్టీ స్టారర్ చిత్రంలో కార్తీ నటించనున్నట్లు తెలుస్తోంది. తెలుగులో మంచి ఫాలోయింగ్ ఉన్న కార్తీని జూనియర్ ప్లేస్లో తీసుకున్నట్లు  టాలీవుడ్లో జోరుగా వార్తలు వినిపిస్తున్నాయి. ఈ ఏడాది చివర్లో సెట్స్ మీదకు వెళ్లాల్సిన ఈ చిత్రం....  వంశీ  పైడిపల్లి  దర్శకత్వంలో రూపొందనుంది. కాగా ఎన్టీఆర్ రీప్లేస్ వార్తను దర్శకుడు అధికారికంగా ప్రకటించలేదు. అయితే ఈ వార్తను ఖండించని వంశీ పైడిపల్లి త్వరలోనే సినిమాకు సంబంధించిన ప్రోగ్రెస్ను వెల్లడిస్తామని చెప్పటం విశేషం.
 
 ఇంతకీ కార్తీని తీసుకోవటానికి కారణం జూనియర్ ఎన్టీఆర్ వింత ప్రవర్తన అనే మాటలు ఫిలింనగర్లో  గట్టిగా వినిపిస్తున్నాయి. ప్రస్తుతం రభస పరాజయంతో అయోమయంలో పడ్డ జూనియర్ ఈ మల్టీ స్టారర్ చిత్రంలో తన పాత్ర బాగాలేదని దర్శకుడు వంశీ పైడిపల్లికి చెప్పడంతో ఈ విషయం నాగార్జున వరకు వెళ్లినట్లు తెలుస్తోంది. ఓ దశలో ఈ చిత్రానికి బ్రేక్ పడినట్లు కూడా రూమర్లు వచ్చాయి.  మరోవైపు  బృందావనం లాంటి సూపర్ హిట్ సినిమాను ఇచ్చిన వంశీ పైడిపల్లి లాంటి దర్శకుల స్క్రిప్ట్ లో కూడా జూనియర్ తన అత్యుత్సాహంతో మార్పులు చేర్పులు చేయాలంటుంటే... భవిష్యత్తులో జూనియర్‌తో  సినిమా తీయడానికి దర్శకులు భయపడతారు అనే కామెంట్లు వినిపిస్తున్నాయి.