అశ్వాపురం (ఖమ్మం) : అశ్వాపురం మండలం మొండికుంట వద్ద సోమవారం సాయంత్రం ఓ వ్యాన్ ప్రమాదవశాత్తూ బోల్తా కొట్టింది. ఈ ఘటనలో వ్యాన్ డ్రైవర్‌తోపాటు మరో ముగ్గురికి తీవ్రగాయాలయ్యాయి. గాయపడిన వారిని చికిత్స నిమిత్తం భద్రాచలం ప్రభుత్వాసుపత్రికి తరలించారు. పినపాక మండలం నుంచి చంద్రుగుండ మండలానికి ఇంటిసామాను తరలిస్తుండగా ఈ ప్రమాదం చోటుచేసుకుంది.


 
 పాతపట్నం (శ్రీకాకుళం): పెళ్లి బ్యాండు బృందంతో వెళుతున్న ఓ వ్యాను బోల్తా పడడంతో 12 మందికి గాయాలయ్యాయి. ఈ ఘటన శ్రీకాకుళం జిల్లా పాతపట్నంలోని టీబీ జంక్షన్ వద్ద ఆదివారం ఉదయం జరిగింది. ఒక పెళ్లికి బ్యాండ్ వాయించి మరొక పెళ్లికి హాజరయ్యేందుకు వ్యానులో వెళుతుండగా... డ్రైవర్ నిద్రమత్తులో ఉండడంతో అదుపుతప్పి బోల్తా కొట్టినట్టు తెలుస్తోంది. ఈ ప్రమాదంలో పది మంది బ్యాండ్ బృంద సభ్యులు సహా 12 మంది గాయపడగా వారిని పాతపట్నం ప్రభుత్వ ఆస్పత్రికి తరలించారు. కాగా వీరంతా ఒడిశా రాష్ట్రానికి చెందిన వారని ప్రాథమికంగా తెలుస్తోంది.