కండలు తిరిగిన బాడీ.. చేతిలో నాన్ చాక్.. మరోవైపు తెల్ల జుట్టు. ఈ మాత్రం చాలు ఈ హీరో ఎవరో తెలియాలంటే. ఇంకెవరు, తమిళ యాక్షన్ హీరో అజిత్ కుమార్. చాలాకాలం తర్వాత మళ్లీ యాక్షన్ హీరోగా తెర మీదకు వస్తున్న అజిత్ రూపాన్ని వివేగం సినిమా దర్శకుడు సిరుతై శివ ట్విట్టర్ ద్వారా విడుదల చేశారు. ఇప్పటికే యుద్ధవీరుడిగాను, బాంబుదాడిలో గాయపడ్డ సైనికుడిలా, మంచు కొండల్లో తుపాకులు పట్టుకుని ఇలా రకరకాల ఫొటోలు విడుదల చేసిన శివ.. తాజాగా మరో పోస్టర్‌ను కూడా విడుదల చేసి సినిమా మీద ప్రేక్షకులకు అంచనాలను మరింత పెంచేశాడు.
 
 ఈ ఫొటోను అర్ధరాత్రి సమయంలో శివ విడుదల చేయగా, అప్పటినుంచి అజిత్ ఫ్యాన్స్ సోషల్ మీడియాలో ఆ ఫొటోను విస్తృతంగా షేర్ చేస్తున్నారు. దాంతో అది ఆన్‌లైన్‌లో వైరల్‌గా మారింది. తెల్లజుట్టుతో సిక్స్ ప్యాక్‌తో కనిపించే అజిత్ లుక్ చూసి ఫ్యాన్స్ ఫిదా అయిపోతున్నారు. తలా అజిత్ పుట్టినరోజైన మే 1వ తేదీన వివేగం సినిమా టీజర్ కూడా వస్తుందని కోలీవుడ్ వర్గాలు చెబుతున్నాయి. ఇంతకుముందు వీరం, వేదలం లాంటి హిట్ సినిమాలు ఇచ్చిన శివతో అజిత్ తీస్తున్న మూడో సినిమా ఇది. ఇందులో అజిత్ ఒక ఇంటర్‌పోల్ ఆఫీసర్‌గా కనిపిస్తాడు. ఈ సినిమాలో కాజల్ అగర్వాల్, అక్షరా హాసన్ కీలక పాత్రల్లో నటిస్తుండగా, బాలీవుడ్ నటుడు వివేక్ ఒబెరాయ్ విలన్ పాత్రలో మెరుస్తాడు. ఆగస్టు 10న ఈ సినిమా విడుదల అవుతుందని అంచనా.


 కోలీవుడ్ హీరో అజిత్ తెల్లజుట్టుతోనే ఉన్నా.. తన పెర్ఫార్మెన్సుతో అదరగొడతాడు. తాజాగా అతడు నటిస్తున్న వివేగం సినిమా పోస్టర్ రిలీజ్ కావడంతో.. అందులో అజిత్ లుక్ చూసి టాలీవుడ్ కండల యోధుడు రానా ఫిదా అయిపోయాడు. ట్విట్టర్‌లో అజిత్ పోస్టర్‌ను పోస్ట్ చేయడంతో పాటు 'వావ్.. వావ్.. వావ్.. ఔట్ స్టాండింగ్' అంటూ మెసేజ్ పెట్టాడు. ఈ లుక్ తామందరికీ చాలా స్ఫూర్తిదాయకమని చెప్పాడు. వృత్తిపట్ల ఇంత అంకిత భావం ఉండటం చాలా అరుదని అన్నాడు. అజిత్‌ను నిజంగా రాక్ స్టార్ అంటూ పొగడ్తలతో ముంచెత్తాడు. 
  
 అజిత్ హీరోగా నటిస్తున్న 57వ సినిమా వివేగం. సినిమా ఫస్ట్‌లుక్, టైటిల్ ఒకేసారి విడుదల చేశారు. 'బిలీవ్ ఇన్ యువర్ సెల్ఫ్' అనేది దీనికి ట్యాగ్‌లైన్. దాదాపు 100 కోట్ల బడ్జెట్‌తో రూపొందుతున్న ఈ సినిమాకు డైరెక్టర్ శివ. ఇందులో కాజల్, అక్షర హాసన్ హీరోయిన్లుగా నటిస్తున్నారు. వివేక్ ఒబెరాయ్ కీలక పాత్రలో కనిపిస్తాడు.
 
 
 Wow wow wow!! Outstanding! This is motivational this is inspirational! Really such phenomenal dedication! Ajit Sir you are truly a rockstar! pic.twitter.com/uY4FoCvoso
 — Rana Daggubati (@RanaDaggubati) 2 February 2017