నగరానికి చెందిన ఆలేటి సాయిరాం ప్రమోధిని రెడ్డి, పటేల్‌ నర్సింహారెడ్డి తమ పెళ్లి వేడుకను ప్రత్యక్షంగా చిత్రీకరించడానికి ఒక పెయింటర్‌ను నియమించుకున్నారు. ప్రత్యక్ష ప్రసారం అందించే లైవ్‌ టెలికాస్ట్‌ గురించి విన్నాం కానీ.. లైవ్‌ పెయింటింగ్‌ వినలేదు అనుకుంటే మీరింకా వెడ్డింగ్‌ ట్రెండ్స్‌లో అప్‌డేట్‌ కాలేదన్నమాటే.. వధూవరులు ఓవైపు రంగుల కలల్లో తేలిపోతుంటే.. మరోవైపు సప్తవర్ణాల చిత్ర ‘కళ’ ఆ ఇద్దరి అనుబంధం సాక్షిగా పెళ్ళి వేడుకను అల్లుకుపోతోంది. ఫొటోగ్రఫీ మామూలేగానీ.. లైవ్‌ పెయింటింగ్‌ పెడుతున్నారా లేదా..? అని వెడ్డింగ్‌ ప్లానర్స్‌ను అడిగే రోజులు వచ్చేశాయంటే.. ఇప్పుడు, వివాహ వేడుకల్లో చిత్రకళకు పెరుగుతున్న అర్థం చేసుకోవచ్చు. అడ్డుతెరతో ఆరంభం.. పెళ్లి వేడుకల సమయంలో వధూవరుల మధ్య ఉంచే అడ్డుతెరను కళాత్మకంగా రూపొందించడంతో ఓ రకంగా పెళ్లిళ్లలో చిత్రకళకు ప్రాధాన్యత మొదలైందని చెప్పొచ్చు. ఆ తర్వాత అతిథుల పోట్రైట్‌లు గీసి రిటర్న్‌ గిఫ్టŠస్‌గా ఇవ్వడం వంటివి ఒకటొకటిగా ఆరి్టస్టులను వెడ్డింగ్స్‌కు దగ్గర చేశాయి. టర్మరిక్‌ ఆర్ట్‌.. ఓ వైవిధ్యం.. ఇటీవలి కాలంలో పెళ్లిళ్లలో కొత్త ఆర్టిస్టిక్ ట్రెండ్‌గా సందడి చేస్తోంది టర్మరిక్‌ ఆర్ట్‌. దీనిలో భాగంగా చిత్రకారులు వధూవరుల రూపాలను కాన్వాస్‌పై ఇని్వజబుల్‌గా ప్రత్యేకమైన విధానంలో చిత్రిస్తారు. ఆ తర్వాత దాన్ని పెళ్లి వేడుకల్లో ప్రదర్శిస్తారు. వచి్చన అతిథులంతా దాని దగ్గరకు వెళ్లి అక్కడే ఉన్న రంగులను చేతులకు అద్దుకుని హస్తముద్రలు ఆ కాన్వాస్‌ పై వేస్తూ ఉండగా.. వధూవరుల రూపాలు దానిపై ప్రత్యక్షమవ్వడం ఓ ఆసక్తికరమైన వర్ణ వైవిధ్యం. ప్రత్యక్ష.. పెయింటింగ్‌.. పెళ్లి వేడుకలో ఓ వైపుగా కూర్చుని వధూవరులకు సంబంధించిన ముఖ్య ఘట్టాలను చిత్రించడం కూడా ఇప్పుడు ట్రెండ్‌గా మారింది. పెళ్లికూతురును పెళ్లి బుట్టలో తీసుకువెళ్లడం, దంపతులు ఒకరి తలపై ఒకరు జీలకర్ర–బెల్లం ఉంచడం, మంగళసూత్రం కట్టడం, సంప్రదాయ ఆటలు ఆడడం వంటి అపురూప సందర్భాలను ఒడిసిపట్టుకోవడానికి వీడియో, ఫొటోగ్రాఫర్‌ల తరహాలో ఆరి్టస్టులు కూడా ఇప్పుడు తలమునకలవుతున్నారు. ఔత్సాహిక ఆరి్టస్టులకు డిమాండ్‌.. పెళ్లిళ్ల సీజన్‌ కావడంతో యువ ఆరి్టస్ట్‌ కీర్తన షెడ్యూల్‌ ఫుల్‌ బిజీగా మారిపోయింది. ‘దంపతులు మా కళాకృతిని చూసిన ప్రతిసారీ ఆనాటి జ్ఞాపకాలను గుర్తు చేసుకుని మురిసిపోతారు’ అని కీర్తన చెప్పింది. ఆమె గత ఏడాది ఒక పెళ్లి సమయంలో వధూవరుల మధ్య ఉంచే అడ్డు తెరను అందంగా చిత్రించింది. ఆ తర్వాత నవంబర్‌లో తన మొదటి ప్రత్యక్ష (లైవ్‌) వెడ్డింగ్‌ పెయింటింగ్‌ను రూపొందించింది. అవి సోషల్‌ మీడియా ద్వారా ఆదరణకు నోచుకోవడంతో ఇప్పటి వరకూ నగరంతో పాటు బెంగళూరు, విజయవాడ, ఖమ్మం, కరీంనగర్‌లో మొత్తం 60 అడ్డుతెర చిత్రాలు, 13 వివాహ వేడుకల లైవ్‌ పెయింటింగ్‌ వర్క్స్‌ను తన ఖాతాలో వేసుకుంది. ‘ఒక పెయింటింగ్‌ ఫొటోకు దొరకని వివరాలను క్యాప్చర్‌ చేస్తుంది. దీంతో పాటు మానవ స్పర్శ కూడా అందులో ఉంది’ అంటోంది సిటీకి చెందిన ఆర్టిస్ట్‌ రేష్మ. లైవ్‌ ఈవెంట్‌ పెయింటింగ్‌కు పేరొందిన ఈ యువతి.. ‘కొన్నిసార్లు మండపం దగ్గర లేదా స్క్రీన్‌ ముందు ఆరి్టస్టులు వారికి కేటాయించిన స్థలంలో కూర్చుంటారు. వేడుక జరుగుతున్నప్పుడు చూస్తూ స్కెచ్‌/పెయింట్‌ చేస్తారు. ఆ క్షణాలలో అక్కడి భావోద్వేగాలు, జ్ఞాపకాల కోసం ప్రధాన సన్నివేశాలను చిత్రించడానికి వాటర్‌ కలర్‌లను ఎక్కువగా వినియోగిస్తారు. అయితే ఈవెంట్, డెకర్‌ స్నాప్‌షాట్‌ కోసం యాక్రిలిక్‌లను కూడా వాడతారు. ప్రస్తుతం ఈ తరహా ఆర్ట్‌వర్క్‌ల ధర 20,000 నుంచి రూ.2 లక్షల వరకూ ఉంటుంది అదే విధంగా అవుట్‌స్టేషన్‌ నుంచి రప్పించే పేరొందిన ఆరి్టస్ట్‌ అయితే ప్రయాణ వసతి ఖర్చులను కూడా క్లయింటే భరించాలి.కష్టమే కానీ.. గొప్ప సంతృప్తి..సాధారణంగా ఆరి్టస్ట్‌కి ఏకాగ్రత చాలా ముఖ్యం. అయితే పెళ్లిలో మన వర్క్స్‌ చూస్తూ వ్యాఖ్యానిస్తూ లేదా ప్రశ్నలు అడుగుతూ వచ్చిన వారు అంతరాయం కలిగిస్తూ ఉంటారు. ధ్యాస చెదరకుండా ఉండాలి. అదే సమయంలో అతిథులతో మర్యాదగా ప్రవర్తించాలి. కష్టమే అయినా గొప్ప సంతృప్తి ఇందులో లభిస్తుంది. – సత్యవర్షి, ఆర్టిస్ట్యువ చిత్రకారులకు ప్రోత్సాహకరం.. ప్రస్తుతం నేను లైవ్‌ వెడ్డింగ్‌ పెయింటింగ్‌తో పాటు టర్మరిక్‌ ఆర్ట్‌ వర్క్‌ కూడా అందిస్తున్నాను. ఈ లైవ్‌ వెడ్డింగ్‌ ఆర్ట్‌ ట్రెండ్‌ మాలాంటి ఔత్సాహిక చిత్రకారులకు బాగా ప్రోత్సాహకరంగా ఉంటోంది. పెళ్లి వేడుకల్ని నేరుగా చూస్తూ చిత్రించడం అనేది సరదాగా ఉంటుంది. అదే సమయంలో అది ఒక సవాల్‌ కూడా. – గ్రీష్మ, ఆర్టిస్ట్

రిలయన్స్ అధినేత ముకేశ్ అంబానీ ఇంట వివాహ వేడుక జరుగనుంది. ముకేశ్‌ అంబానీ-నీతా అంబానీ చిన్న కుమారుడు అనంత్‌ అంబానీ వివాహం రాధిక మర్చంట్‌తో జులై 12న ఏర్పాటు చేశారు. దీంతో అంబానీ కుటుంబం ఇప్పటికే పెళ్లి పనులు మొదలు పెట్టేసింది. వారం రోజుల క్రితం లగ్నపత్రిక కూడా రాసుకున్నారు. ఇక మార్చి 1వ తేదీ నుంచి మూడు రోజల పాటు ప్రీ వెడ్డింగ్‌ సెలబ్రేషన్స్‌ జరగనున్నాయి. ఈ ముందస్తు వివాహ వేడుకలను గుజరాత్‌లోని జామ్‌నగర్‌లో నిర్వహించనున్నారు. ఈ వేడుకకు అతిరథ మహారథులు విచ్చేయనున్నారు. అయితే, జామ్‌నగర్‌లో ఫైవ్‌స్టార్‌ హోటళ్లు లేకపోవడంతో వాటికి ఏమాత్రం తగ్గకుండా వేడుకల కోసం వచ్చే బిలియనీర్‌ గెస్ట్‌లకు అంబానీ కుటుంబం ప్రత్యేక ఏర్పాట్లు చేస్తోంది. ఫైవ్‌స్టార్‌ హోటళ్లను తలదన్నే విధంగా గెస్ట్‌లు ఉండేందుకు అల్ట్రా లగ్జరీ టెంట్‌లను ఏర్పాటు చేస్తున్నారు. ప్రత్యేకంగా తాత్కాలిక దేవాలయాలు రూపొందిస్తున్నారు. అతిథుల కోసం ఏర్పాటు చేసే వీటిలో సకల సదుపాయాలూ ఉండనున్నాయి. An Auspicious Beginning Ushering in Anant Ambani and Radhika Merchant's much-awaited wedding, the Ambani family has facilitated the construction of new temples within a sprawling temple complex in Jamnagar, Gujarat. pic.twitter.com/xKZwCauWzG — Nita Mukesh Ambani Cultural Centre (@nmacc_india) February 25, 2024 అతిథుల లిస్ట్‌.. ముందస్తు వివాహ వేడుకలకు ఆహ్వానాలు అందిన వారిలో బాలీవుడ్ ప్రముఖులు అమితాబ్ బచ్చన్, షారుక్ ఖాన్ సహా క్రికెట్ దిగ్గజాలు సచిన్ టెండూల్కర్, ఎంఎస్ ధోనీ ఉన్నారు. వ్యాపార దిగ్గజాల్లో మెటా సీఈఓ మార్క్ జుకర్‌బర్గ్, మైక్రోసాఫ్ట్ వ్యవస్థాపకుడు బిల్ గేట్స్, ఆల్ఫాబెట్ సీఈఓ సుందర్ పిచాయ్, అడోబ్ సీఈఓ శంతను నారాయణ్, బ్లాక్ రాక్ సీఈఓ లారీ ఫింగ్, అడ్నాక్ సీఈఓ సుల్తాన్ అహ్మద్, వాల్ట్ డిస్నీ సీఈఓ బాబా ఐగర్ వంటి వారు ఉన్నారు. అలాగే దేశీయ వ్యాపార దిగ్గజాల్లో గౌతమ్ అదానీ, టాటా సన్స్ ఛైర్మన్ ఎన్.చంద్రశేఖరన్, గోద్రేజ్ కుటుంబం, ఇన్ఫోసిస్ ఛైర్మన్ నందన్ నీలేకనీ, బిర్లా గ్రూప్ ఛైర్ పర్సన్ కుమార్ మంగళం బిర్లా, ఆర్పీఎస్‌జీ గ్రూప్ హెడ్ సంజీవ్ గోయెంకా, అదర్ పూనావాలా, సునీల్ మిట్టల్, పవన్ ముంజాల్, నిఖిల్ కామత్, దిలీప్ సంఘ్వీ వంటి వారు ఉన్నారు. ఇదీ చదవండి: ఐటీ ఉద్యోగం.. వర్క్‌ఫ్రం హాస్పిటల్‌! కోడలికి ఖరీదైన గిఫ్ట్‌లు.. ముకేశ్‌ అంబానీ దంపతులు కాబోయే కోడలు రాధికా మర్చంట్‌కు ఖరీదైన గిఫ్టులు అందించారు. వాటిలో కోట్ల రూపాయల ఖరీదుచేసే కారు, లక్షల విలువైన వెండి, వజ్రాభరణాలు ఉన్నాయి. అత్తింటి వారు తమకు కాబోయే కోడలికి ముందుగానే సుమారు రూ.4.5 కోట్ల విలువచేసే బెంట్లీ కారు, వెండితో చేసిన లక్ష్మీ గణపతి విగ్రహం, డైమండ్ నెక్లెస్‌లను గిఫ్ట్‌గా ఇచ్చినట్లు తెలిసింది.

బాలీవుడ్ దర్శకుడు వివేక్ అగ్నిహోత్రి గురించి ప్రత్యేకంగా పరిచయం చేయాల్సిన పనిలేదు. ఆయన డైరెక్షన్‌లో తెరకెక్కించిన 'ది కశ్మీర్ ఫైల్స్' సూపర్‌ హిట్‌గా నిలిచిన సంగతి తెలిసిందే. అయితే ఈ చిత్రంపై పెద్దఎత్తున విమర్శలు వచ్చినా బాక్సాఫీస్ వద్ద కలెక్షన్ల వర్షం కురిపించింది. కశ్మీర్‌లో హిందూ పండితులపై జరిగిన దాడులను కథాంశంగా సినిమాను రూపొందించారు. అయితే ప్రస్తుతం ఆయన 'ది వ్యాక్సిన్ వార్' చిత్రాన్ని తెరకెక్కిస్తున్నారు.  (ఇది చదవండి: పెళ్లికి ముందే అమ్మతనం కోసం ఆరాటపడ్డ హీరోయిన్స్‌ వీళ్లే) తాజాగా వివేక్ చేసిన ట్వీట్ సోషల్ మీడియాలో తీవ్ర చర్చనీయాంశంగా మారింది. ఈ రోజుల్లో వెడ్డింగ్స్ జరగడంపై ఆయన ఆసక్తికర ట్వీట్ చేశారు. కేవలం పెళ్లి ఫొటోలు తీసుకోవడం కోసమే పెళ్లి చేసుకుంటున్నారని వివేక్ అగ్నిహోత్రి వ్యంగ్యంగా కామెంట్స్ చేశారు. మే 13న దిల్లీలో జరిగిన పరిణీతి చోప్రా, ఆమ్ ఆద్మీ పార్టీ ఎంపీ రాఘవ్ చద్దా నిశ్చితార్థం జరగడంతో ఆయన ట్వీట్‌పై చర్చ నడుస్తోంది.  (ఇది చదవండి: వారసత్వం కోసం బిడ్డను కనడం లేదు.. ఉపాసన ఆసక్తికర పోస్ట్‌) వివేక్ తన ట్వీట్‌లో రాస్తూ.. ' ఈ రోజుల్లో కేవలం ఫోటోలు, వీడియోల కోసమే పెళ్లి  చేసుకుంటున్నాపరు. 'డెస్టినేషన్ వెడ్డింగ్' ట్యాగ్‌ని పొందడానికి పెళ్లి చేసుకుంటున్నారని నాతో ఓ వెడ్డింగ్ ప్లానర్ చెప్పారు. నేను ఓ డెస్టినేషన్ వెడ్డింగ్‌లో ఉన్నా. ఆ వివాహానికి ఫోటోగ్రాఫర్ ఆలస్యంగా వస్తున్నాడని ఎవరో చెప్పారు. దీంతో వధువు స్పృహ తప్పి పడిపోయింది.' అంటూ పోస్ట్ చేశారు. వివేక్ చేసిన ట్వీట్‌పై నెటిజన్స్ భిన్నంగా స్పందిస్తున్నారు.  “People are getting married just to get wedding photos, videos and to get ‘destination wedding’ tag for show off”. - a wedding planner told me. It’s true I was in a destination wedding and someone said that the wedding photographer is going to be late and the bride fainted. — Vivek Ranjan Agnihotri (@vivekagnihotri) May 13, 2023  

బాలీవుడ్‌ స్టార్స్‌ కియారా అద్వానీ, సిద్ధార్థ్‌ మల్హొత్రలు ఇటీవలె పెళ్లి బంధంతో ఒక్కటైన సంగతి తెలిసిందే. గత కొన్నాళ్లుగా ప్రేమలో మునిగి తేలిన ఈ జంట ఫిబ్రవరి7న వివాహ బంధంలోకి అడుగుపెట్టారు. రాజస్థాన్‌లోని జైసల్మేర్‌ ప్యాలెస్‌లో బంధుమిత్రులు, సన్నిహితుల సమక్షంలో వీరి పెళ్లి ఘనంగా జరిగింది. దీనికి సంబంధించిన ఫోటోలు నెట్టింట వైరల్‌గా మారిన సంగతి తెలిసిందే. తాజాగా తమ పెళ్లి వీడియోను షేర్‌ చేసుకున్నారు. వేదికపైకి 'షేర్షా' సాంగ్‌కి డ్యాన్స్‌ చేస్తూ వచ్చిన కియారా సిద్దార్థ్‌ను చూస్తూ మురిసిపోయింది. పెళ్లి కాస్ట్యూమ్‌లో అద్భుతంగా ఉన్నావంటూ కాంప్లిమెంట్‌ ఇచ్చింది. ఆ తర్వాత ఇద్దరూ పూలదండలు మార్చుకొని ప్రేమగా ముద్దు పెట్టుకున్నారు.  ఇక కియారా లేత గులాబీ రంగు లెహంగాలో మెరిసిపోగా, సిద్దార్థ్‌ క్రీమ్‌ షేర్వాణీలో కనిపించాడు. కాగా షేర్షా మూవీలో తొలిసారి కలిసి నటించిన సిద్‌-కియారాలు ఆ సినిమా టైంలోనే ప్రేమలో పడ్డారు. అప్పటి నుంచి తమ రిలేషన్‌పై ఎక్కడా నోరు విప్పని ఈ జంట పెళ్లితో ఒక్కటయ్యారు. View this post on Instagram A post shared by KIARA (@kiaraaliaadvani)

హీరోయిన్‌ నిక్కీ గల్రానీతో నటుడు ఆది పినిశెట్టి వివాహం వైభవంగా జరిగిన సంగతి తెలిసిందే. ఈ ఏడాది మేలో వివాహ బంధంతో ఒక్కటైన ఈ ప్రేమ జంట ఇప్పటికే తమ పెళ్లి ఫోటోలను షేర్‌ చేశారు. తాజాగా వీరిద్దరూ తమ పెళ్లి టీజర్‌ను సోషల్‌ మీడియాలో షేర్‌ చేశారు. మా పెళ్లై  మూడు నెలలు అవుతుంది. కానీ నిన్ననే ఇదంతా జరిగినట్లుంది. మేము ఎప్పటికీ మర్చిపోలేని రోజు అది. దీనికి సంబంధించిన మరిన్ని వీడియోలు త్వరలోనే మీ ముందుకు వస్తాయి అంటూ పేర్కొన్నారు. ప్రస్తుతం ఈ వీడియో నెట్టింట చక్కర్లు కొడుతుంది. హల్దీ, మెహందీ సహా పెళ్లి వరకు ప్రతీ మూమెంట్‌ని ఆది-నిక్కీ ఎంతో అనందంగా సెలబ్రేట్‌ చేసుకున్నారో వీడియోలో స్పష్టంగా అర్థమవుతుంది. కాగా 2015లో వచ్చిన 'యాగవరైనమ్‌ నా కక్కా' అనే సినిమాలో తొలిసారి స్క్రీన్‌ షేర్‌ చేసుకున్న ఆది-నిక్కీలు 'మరగాధ నాణ్యం' చిత్రంతో ప్రేమలో పడ్డారు. ఈ ఏడాది పెళ్లి బంధంతో ఒక్కటయ్యారు.  View this post on Instagram A post shared by Aadhi Pinisetty (@aadhiofficial)

Viral Video..ప్రజెంట్‌ జనరేషన్‌లో మ్యారేజ్‌ స్టైల్‌ మారిపోయింది. పెళ్లికి ముందు ఫొటో షూట్‌ దగ్గర నుంచి పెళ్లి టైమ్‌ వరకు అంతా కొత్తగా ఉండాలని వధువరులు కోరుకుంటున్నారు. అందులో భాగంగానే ఇప‍్పటికే మనం ఫొటో షూట్స్‌ జరిగిన ఎన్నో ఫన్నీ సీన్స్‌ చూశాం.  తాజాగా ఓ వధువు చేసిన పని.. సోషల్‌ మీడియాలో ట్రెండింగ్‌లో నిలిచింది. ఈ వీడియో చూసిన నెటిజన్లు ఫన్నీ కామెంట్స్‌ చేస్తున్నారు. ఇంతకీ ఏం జరిగిందంటే.. పెళ్లి కోసం ఎంతో బ్యూటిఫుల్‌గా రెడీ అయిన కపుల్స్‌ ఫొటోల కోసం క్యాట్‌ వాక్‌ చేస్తూ వస్తుండగా.. వధువు ఒక్కసారిగా వరుడిని పక్కనే స్విమ్మింగ్‌ పూల్‌లోకి తోసేస్తుంది. View this post on Instagram A post shared by Adorable Weddings❤️ (@theadorableweddings) ఇంతలో వరుడు కూడా ఆమెను పుల్‌లోకి లాగేస్తాడు. దీంతో నీటిలో వారిద్దరీ పూల్‌లో పడిపోతారు. అనంతరం వధువు ఎంతో ఆనందంగా వరుడిని కిస్ చేస్తూ స్మైల్‌ ఇవ‍్వడం స్పెషల్‌ ఎట్రాక్షన్‌గా నిలిచింది. దీంతో ఈ వీడియో సోషల్‌ మీడియాలో వైరల్‌ కావడంతో నెటిజన్లు కామెంట్స్‌ చేస్తున్నారు. ఓ నెటిజన్‌ స్పందిస్తూ వధువు.. వాటర్‌ ప్రూఫ్‌ మేకప్‌ వేసుకుందని ఫన్నీ కామెంట్‌ చేశాడు.

Two Sub Inspectors Get Married At Khammam సాక్షి, ఖమ్మం (తల్లాడ): ఇద్దరు ప్రొబెషనరీ ఎస్‌ఐలు మూడు ముళ్ల బంధంతో శుక్రవారం ఒక్కటయ్యారు. వివరాల్లోకెళ్తే.. తల్లాడకు చెందిన యుద్దనపూడి శ్రీకాంత్‌ ఇల్లెందులో ప్రొబిషనరీ ఎస్‌ఐగా, నిజామాబాద్‌ జిల్లా బీమ్‌గల్లుకు చెందిన జోహన అదే జిల్లాలోని వేల్పూర్‌ మండలంలో ప్రొబిషనరీ ఎస్‌ఐగా పని చేస్తున్నారు. వారిద్దరు హైదరాబాద్‌లో గతేడాది శిక్షణ తీసుకున్నారు. శిక్షణ సమయంలో ఇద్దరు మనసులు కలిశాయి. చదవండి: (తెలంగాణ మున్సిపల్‌శాఖ కీలక ఉత్తర్వులు) ఒకరినొకరు ప్రేమించుకొని కులాంతర వివాహాం చేసుకోవాలని నిర్ణయించుకున్నారు. ఇద్దరూ తల్లిదండ్రులకు తాము ప్రేమించుకున్న విషయం చెప్పారు. ఇరు వైపు పెద్దలు వారి ప్రేమను అంగీకరించి సాంప్రదాయ బద్దంగా ఎంగేజ్‌మెంట్‌ నిర్వహించి, తల్లాడ ఆర్‌బీ గార్డెన్‌లో వివాహం జరిపించారు. వివాహా వేడుకకు సత్తుపల్లి ఎమ్మెల్యే సండ్ర వెంకటవీరయ్య హాజరై నూతన వధూవరులను ఆశీర్వదించారు. చదవండి: (Hyderabad: నర్సుని రూమ్‌లో బంధించి అత్యాచారం..)

Photographer Falls Into Pool While Recording: వివాహ వేడుక తాలూకు జ్ఞాపకాలను పదిలపరుచుకునేందుకు నేటితరం ఖర్చుకు ఏమాత్రం వెనుకాడటం లేదు. పెళ్లిలోని ప్రతీ ఈవెంట్‌ను కెమెరాల్లో బంధించి చిరస్థాయిగా గుర్తుండిపోయేలా ఫొటోలు, వీడియోలు తీయించుకుంటున్నారు. ఈ క్రమంలో ఫొటోగ్రాఫర్లు పడే ‘తిప్పలు’ వర్ణనాతీతం. ప్రతీ మూమెంట్‌ను తూచా తప్పకుండా క్యాప్చర్‌ చేసేందుకు వారు చేసే ‘సాహసాలు’, ‘రిస్కులు’ ఒక్కోసారి నవ్వులు పూయిస్తాయి. ఇలాంటి వీడియో ఒకటి ప్రస్తుతం సోషల్‌ మీడియాలో చక్కర్లు కొడుతోంది. నార్త్‌ కాలిఫోర్నియాకు చెందిన ప్రఖ్యాత అపెరీనా స్టూడియోస్‌ ఇన్‌స్టాలో షేర్‌ చేసిన వీడియో ప్రకారం.. విలాసవంతమైన విల్లాలో అట్టహాసంగా జరుగుతున్న భారతీయ పెళ్లి వేడుకను వివిధ కోణాల్లో ఫొటోగ్రాఫర్లు చిత్రీకరిస్తున్నారు. ఈ క్రమంలో వధూవరులు చిరునవ్వులు చిందిస్తూ స్విమ్మింగ్‌ పూల్‌ వైపుగా నడుస్తూ వస్తున్నారు. ఆ మూమెంట్లను కెమెరాలో బంధిస్తున్న ఫొటోగ్రాఫర్‌ ఒక్కసారిగా పూల్‌లో పడిపోయాడు. ఇది చూసిన పెళ్లికుమారుడు, పెళ్లి కుమార్తె ఒక్కసారిగా షాక్‌కు గురయ్యారు.  వెంటనే పక్కనే ఉన్న వ్యక్తి ఆ ఫొటోగ్రాఫర్‌ను బయటికి లాగాడు. జూలైలో జరిగినట్లుగా భావిస్తున్న ఈ ఘటన ప్రస్తుతం సామాజిక మాధ్యమాల్లో వైరల్‌ అవుతోంది. ఇందుకు స్పందించిన నెటిజన్లు.. ‘‘ నువ్వు కిందపడినా పర్లేదు.. కెమెరా లెన్స్‌ అయితే పాడైపోలేదు కదా.. ఎందుకంటే నీకు అన్నింటి కంటే అదే ముఖ్యం కదా. ఏదేమైనా వధూవరుల రియాక్షన్స్‌ సూపర్బ్. ఫొటోగ్రాఫర్‌ అంకితభావం కూడా‌’’ అంటూ ఫన్నీగా కామెంట్లు చేస్తున్నారు.  చదవండి: ఆ ఫోజుకు సిగ్గుపడి.. వరుడిని కొలనులో​ తోసేసింది

ఇప్పుడు పెళ్లిల్లంటే చాలు ఛలో ఫోటో షూట్‌ అంటుంది నేటి యువత. ఒకప్పుడు ఇలాంటి ఆనవాయితీ లేకపోయినా ప్రస్తుత జనరేషన్‌లో, ప్రతి ఒక్కరూ తమకు నచ్చిన విధంగా వెడ్డింగ్‌ షూట్‌ చేయించుకుంటున్నారు. ఆ చిత్రాలను, వీడియోలను కేవలం వారి వరకే పరిమితం చేసుకోకుండా సోషల్‌ మీడియాలో అప్‌లోడ్‌ చేయడం అలవాటుగా మారింది. ఈ ఫోటోషూట్‌ కూడా కొన్ని జంటలు రొటీన్‌గా భావిస్తు​న్నాయి. అందుకే విభిన్నవేషధారణల్లో దిగిన అనేక ఫోటోలను దిగుతూ అందరి చూపు వారిపై పడేలా చేసుకుంటున్నారు. ఇలాంటి తరహానే ప్రయత్నించింది ఓ పెళ్లి జంట. ఎవరో తమపై దాడి జరిపినట్లు కనిపించే విధంగా, ముఖానికి రక్తం అంటినట్లుండే మేకప్‌తో తమ వెడ్డింగ్‌ షూట్‌ చేయించుకున్నారు. వాటిని సోషల్‌ మీడియాలో చూసిన ప్రతి ఒక్కరూ వారికి ఏదో ప్రమాదం జరిగిందనే అనుకునేలా ఉన్నాయి అవి. సరిగ్గా చూస్తేనే కానీ అర్థం కానీ ఆ ఫోటోలను చూసిన నెటిజన్లు కొందరు మరో రకం ట్రెండ్‌ అని పొగిడితే, మరికొందరు పిచ్చికి పరాకాష్టంటే ఇదేనని కామెంట్‌ చేస్తు​న్నారు. ప్రస్తుతం  ఈ జంట ఫోటోలు సోషల్‌ మీడియాలో వైరల్‌గా మారాయి. ఇక కొన్ని నెలల క్రితం ఒక కేరళ జంట కాస్త విభిన్నంగా ప్రయత్నించిన వెడ్డింగ్‌ షూట్‌ హల్‌చల్‌ చేసిన విషయం తెలిసిందే.

ఢాకా : ఇటీవలి కాలంలో ఒక ఫ్యాషన్ గా మారిపోయిన వెడ్డింగ్ ఫోటోషూట్ లు ఇంటర్నెట్‌ను ఊపేస్తున్నాయి. నిన్నగాక మొన్న కేరళ జంట ఈ విషయంలో కొత్త అలజడి సృష్టించింది. తాజాగా బంగ్లాదేశ్ అంతర్జాతీయ మహిళా క్రికెటర్ సంజిదా ఇస్లామ్ (24) ఫోటోషూట్ ఫొటోలు సోషల్ మీడియాలో వైరల్‌గా మారాయి. చీర కట్టుతో, ఒంటినిండా నగలతో గ్రౌండ్‌లో బ్యాటింగ్ చేస్తూ చేసిన వెడ్డింగ్ షూట్ విశేషంగా నిలిచింది. అంతేకాదు ఈ  ఫోటోలను అంతర్జాతీయ క్రికెట్ కౌన్సిల్ (ఐసీసీ) దృష్టిని కూడా ఆకర్షించాయి. ఆభరణాలు, క్రికెటర్ బ్యాట్. క్రికెటర్లకు వివాహ ఫోటోషూట్‌లు ఇలా ఉంటాయి అంటూ ఐసీసీ ఈ ఫోటోలను రీట్వీట్ చేయడం మరో  విశేషం.  సంజిదా ఇస్లాం, ఇటీవల(అక్టోబర్ 17న) రంగాపూర్‌కు చెందిన ఫస్ట్ క్లాస్ క్రికెటర్ మిమ్ మొసాద్‌డీక్‌ను పెళ్లాడారు. ఈ సందర్బంగా క్రికెట్  పై పిచ్చి ప్రేమతో ఆ క్రికెట్‌ థీమ్‌తోనే  వెడ్డింగ్ షూట్ చేసుకున్నారు. పెళ్లికూతురు ముస్తాబులోనే బ్యాట్ పట్టి కవర్ డ్రైవ్, పుల్ షాట్స్  ఫోజులతో అదరగొట్టారు. దీంతో నెటిజన్లు ఫిదా అయిపోతున్నారు. ఈ ఫోటోలపై లక్షలాదిమంది ప్రశంసలు కురిపిస్తున్నారు. అయితే  చాలామంది పాజిటివ్ గా స్పందించినట్టే.. ఎప్పటిలాగానే కొంతమంది నెగిటివ్ కామెంట్స్ కూడా చేశారు. అయితే వీటన్నింటినీ సంజిదా లైట్ తీసుకున్నారు. కాగా బంగ్లాదేశ్ అంతర్జాతీయ మహిళల క్రికెట్ జట్టుకు ఎనిమిదేళ్లుగా  ప్రాతినిధ్యం వహిస్తున్న సంజిదా మిడిల్ ఆర్డర్ బ్యాట్స్ విమెన్ గా  రాణిస్తున్నారు.  Dress ✅ Jewellery ✅ Cricket bat ✅ Wedding photoshoots for cricketers be like ... 👌 📸 🇧🇩 Sanjida Islam pic.twitter.com/57NSY6vRgU — ICC (@ICC) October 21, 2020

రానా, మిహికా ఆగస్ట్‌ 8న ఏడడుగులు వేయబోతున్నారు. ‘‘మేం ప్రేమలో ఉన్నాం’’ అని రానా సోషల్‌ మీడియా ద్వారా ప్రకటించడం, ఆ తర్వాత పెద్దలు కలుసుకుని, పెళ్లి ముహూర్తం ఖరారు చేయడం తెలిసిందే. పెళ్లి తేదీ ఖరారు చేయడానికి ఇరు కుటుంబాలు కలిసినప్పుడు ‘రోకా’ ఫంక్షన్‌ జరిగింది. అయితే ఇది నిశ్చితార్థ వేడుక కాదని దగ్గుబాటి కుటుంబం తెలిపింది. రెండు కుటుంబాలూ ఫార్మల్‌గా కలిశామని చెప్పారు. ఇక పెళ్లి తేదీ దగ్గరపడటంతో రానా, మిహికా ఇంట్లో పెళ్లి పనులు మొదలుపెట్టారు. ఈ వేడుకల్లో భాగంగా జరిగిన ఓ ఫొటోషూట్‌ని మిహికా షేర్‌ చేశారు. డిజైనర్‌ డ్రెస్, డిజైనర్‌ నగల్లో మిహికా మెరిసిపోయారు. ‘‘ప్రీ వెడ్డింగ్‌ సెలబ్రేషన్స్‌ (పెళ్లికి ముందు జరిగే వేడుకలు) బాగా జరగడానికి కారణం అవుతున్న అందరికీ ధన్యవాదాలు. ఇది నాకు చాలా చాలా స్పెషల్‌ డే’’ అంటూ ఆ ఫోటోలను పోస్ట్‌ చేశారు. కాగా, డ్రెస్‌కి మ్యాచింగ్‌గా డిజైనర్‌ మాస్కులు కూడా తయారు చేయించుకున్నారు మిహికా. హైదరాబాద్‌లోని తాజ్‌ ఫలక్‌నుమా రానా, మిహికాల పెళ్లి వేదిక అని సమాచారం.

కాలిఫోర్నియా : ప్రతీ ఒక్కరు తమ పెళ్లి వేడుకలను ప్రత్యేకమైనదిగా మలుచుకోవాలని భావిస్తారు. అందులో భాగంగానే పెళ్లికి ముందు ప్రీ వెడ్డింగ్‌ ఫొటోషూట్‌ తీసుకోవడం ఇప్పుడు సర్వసాధారణమైపోయింది. ఇంకా చెప్పాలంటే ఈ ఆనవాయితీ భారతదేశంలో ఎక్కువగా కనిపిస్తుంది. తాజాగా ఇండో-అమెరికన్‌ దంపతులు తమ ప్రీ వెడ్డింగ్‌ ఫోటో షూట్‌ తీసుకోవాలనుకున్నారు. అందుకు కాలిఫోర్నియాలోని మలీబు ప్రాంతంలో ఉన్న సాడల్‌రాక్‌ రాంచ్‌ను ఎంచుకొన్నారు. ఇంతవరకు బాగానే ఉంది. దంపతులిద్దరు తమ ఫోటోషూట్‌ను తీసుకోవడానికి జిరాఫీ ఎన్‌క్లోజర్‌ వద్దకు వచ్చారు. ఇంతలో జిరాఫీ.. నేనున్నానంటూ వాళ్ల దగ్గరకు వచ్చి నిల్చుంది. అయితే దాన్ని గమనించకుండా వారిద్దరు తమ ఫొటోషూట్‌లో బిజీగా ఉన్నారు. పెళ్లికొడుకు తలపాగాను గమనించిన జిరాఫీ అది తినేది అనుకుందో ఏమో తెలీదు కాని ఒక్కసారిగా తలపాగాను తన నోటితో పైకి లాగేసింది. దీంతో ఒక్కసారిగా షాక్‌కు గురైన పెళ్లికూతురు తలపాగాను జిరాఫీ నోటి నుంచి లాగడానికి ప్రయత్నించింది. ఇంతలో ఫొటోషూట్‌ తీస్తున్న వ్యక్తి తలపాగాను కిందకు లాక్కున్నాడు. అయితే ఈ ఘటనతో ఉలిక్కిపడిన పెళ్లికొడుకు కాసేపటికి తాను చేసిన పనికి నవ్వుకున్నాడు. అయితే ఈ వీడియోనూ అపెరినా స్టూడియో సోషల్‌మీడియాలో షేర్‌ చేసింది. 'ఇలా జరుగుతుందని మేము ఊహించలేదు.. కానీ నిజంగా ఈ ఫొటోషూట్‌ను మాత్రం చాలా ఎంజాయ్‌ చేశాము. వెడ్డింగ్‌ ఫొటోషూట్‌లో జిరాఫీ కూడా పాల్గొనడం మాకు ప్రత్యేకంగా అనిపించింది' అంటూ తమ అనుభవాన్ని వివరించారు. ప్రస్తుతం ఈ వీడియో నెటిజన్లను విపరీతంగా ఆకర్షిస్తోంది. 

అరవై నాలుగు కళల్లో పెళ్లి కళ లేదు (నవ్వులాటకు లెండి). కానీ పెళ్లిలో అరవై నాలుగేమిటి.. నూట అరవై నాలుగు కళకళలు ఉంటాయి. కళలు ఎప్పుడూ ఒకేలా ఉంటాయి. పెళ్లికళ మాత్రం మారుతూ ఉంటుంది. మెరుగౌతుంది. తరుగౌతుంది. తరుగైనా, మెరుగైనా తళుక్కున మాత్రం ఒక మెరుపౌతుంది. ప్రస్తుతమిది పెళ్లిళ్ల సీజన్‌. మన పెళ్లి వేడుకలు కాలానుగుణంగా ఎలా మారుతున్నాయో చూతము రారండి. ఒకప్పుడు ఏడు రోజుల పెళ్లిళ్లు జరిగేవి. మెల్లగా ఐదు రోజులు, మూడు రోజులు, రెండు రోజుల పెళ్లిళ్లు అయ్యాయి. ఇంకా కుదించుకుపోయి ఒక్కరోజుకు పరిమితమయ్యాయి కూడా. నానమ్మ– తాతయ్య తరం నుంచి అమ్మా–నాన్న తరం వరకు వచ్చిన మార్పులవి. కారణాలు ఏమయితేనేం ఇండియా సంపన్నమైంది. అమెరికా ఉద్యోగాలతో ఇండియా చేతిలో డబ్బు గలగలలు పెరిగాయి. ఈ తరానికి పెళ్లి మళ్లీ వారం రోజుల వేడుకైంది. అంతరించిపోయిన వేడుకలను యథాతథంగా తిరిగి తోడడం కంటే మనకు నచ్చిన ఉత్తరాది సంప్రదాయాలను తెచ్చుకుంటే... ఎలా ఉంటుంది? భారతీయతలోని భిన్నత్వాన్ని ఏకత్వం చేసినట్లు ఉంటుంది. ఇంకేం... ఉత్తరాది, దక్షిణాది సంప్రదాయాలు కలిసిపోయాయి. మెహందీ, సంగీత్‌లకే రెండు రోజులు! మన దగ్గరెలాగూ ఓ రోజు ప్రదానం. ఓ రోజు పెళ్లి కూతుర్ని చేయడం. ఓ రోజు గంధపు నలుగు. తాళికి, తలంబ్రాలకు ఎటూ ఒకరోజు ఉంటుంది. మరుసటి రోజు అమ్మాయిని అత్తవారింటికి తోడ్కొని వెళ్లడం... ఏడు రోజులు సరిపోయాయి. ఆ తర్వాత సత్యనారాయణ వ్రతం. అదయ్యాక పదహారు రోజుల పండగ ఎలాగూ ఉంటుంది. ఒక పెళ్లి ఇన్ని పండుగలను తెస్తుంది. పండగలతో ఆగదు, పనులనూ తెస్తుంది. ఇన్ని పనులా! ఎన్ని పనులైతేనేమి? ఒకప్పుడు ధాన్యం పట్టడం నుంచి విస్తరాకులు వేయడం వరకు అన్ని పనులనూ ఇంట్లో వాళ్లు చేసుకునేవాళ్లు. ఇంటిల్లిపాదీ పెళ్లి పనులు చేసేవాళ్లు. బంధువులు కూడా పెళ్లి పనుల్లో సాయం చేసేవాళ్లు. ఇప్పుడు ప్రతిదీ ఈవెంట్‌ మేనేజ్‌మెంట్‌ చేతుల్లోనే. ఇప్పటి సంపన్న పెళ్లిళ్ల ట్రెండ్‌ చూస్తుంటే మూడుముడులు వేయడానికి నచ్చిన వేదిక కోసం ముల్లోకాలను గాలిస్తున్నట్లే ఉంది. ఈ వెకేషన్‌ మ్యారేజ్‌లకు కేరళ కొబ్బరితోటలు, బాలిలోని పగడపు దీవులలోపాటు అరబ్‌ ఎమిరేట్స్‌ కూడా భారతీయ పెళ్లి కళను సంతరించుకుంటున్నాయి. ఇటీవలే ఖమ్మం మాజీ ఎంపీ, టీఆర్‌ఎస్‌ నాయకుడి కొడుకు పెళ్లి అబుదాబిలో ఘనంగా జరిగింది. పెళ్లి తర్వాత జరిగే రిసెప్షన్‌కి ఖమ్మంలో డెబ్బై ఎకరాల విస్తీర్ణంలో కళాత్మక నిర్మాణాలు, వాటర్‌ ఫౌంటెయిన్‌లను, బాహుబలి సెట్టింగులను మించిన సెట్టింగులను వేశారు. ఇలా శుభలేఖల నుంచి దుస్తులు, ఆభరణాలు, అలంకరణ, విందు భోజనాలు, పెళ్లి ఫొటోల వరకు ప్రతిదీ కొత్తదనం– సంపన్నతల కలబోత అయింది. పెళ్లి పిలుపు 50 ఏళ్లనాటి ఒక పెళ్లిపత్రిక పంతొమ్మిది వందల అరవైల నాటి పెళ్లి పత్రికల్లో సీతారాములు ఉండేవారు. సీతాదేవి వరమాలతో సిగ్గులొలికిస్తుంటే రాముడు కోదండ ధారుడై క్రీగంటి చూపులతో సీతను చూస్తుండేవాడు. క్రమంగా వాళ్ల స్థానంలోకి వధూవరులు వచ్చేశారు! పెళ్లికి కార్డులు ప్రింటింగ్‌ ప్రెస్‌ నుంచి కాకుండా, ఫొటోస్టూడియోల నుంచి ఫొటోల రూపంలోనే వచ్చేశాయి. రాజుల కాలం నాటి చుట్ట చుట్టిన వర్తమాన వస్త్రం నమూనాలోకి పెళ్లిపత్రికను తెచ్చుకున్నారు కొందరు. చిన్న బ్యాటరీని అమర్చిన పెళ్లి పత్రికలూ వచ్చాయి. కార్డు తెరవగానే సంగీతం వినిపించేది. కొన్ని కార్డులు ఫొటో ఫ్రేమ్‌తో వస్తున్నాయి. పెళ్లి అయిపోయిన తర్వాత ఆ పత్రికను తీసేసి ఎవరికి వాళ్లు తమకు ఇష్టమైన ఫొటోను అమర్చుకుని డ్రాయింగ్‌ రూమ్‌లో పెట్టుకోవచ్చు. ఇప్పటి పెళ్లి కార్డు ఈ మెయిల్, వాట్సాప్‌లలో వస్తోంది. ఫోన్‌లో పెళ్లి పత్రికను (పెళ్లి ఫైల్‌ అనాలేమో) ఓపెన్‌ చేయగానే వధూవరుల ఫొటోలతో ఉన్న చిన్న వీడియో ప్లే అవుతోంది. ఆ ఆహ్వానం చూస్తుంటే పెళ్లి చూసినట్లే ఉంటోంది. పెళ్లి పందిరి పెళ్లికి ముహూర్తాలు పెట్టుకున్న తర్వాత పసుపు దంచడానికి, పందిరి వేయడానికి కూడా ముహూర్తం పెట్టుకుంటారు. మామిడాకులు కట్టిన ఒక రాటను నాటుతారు. ఆ తర్వాత పందిరి కోసం కొబ్బరి ఆకులు, తాటాకులు తేవడం కూడా ముఖ్యమైన ఘట్టమే. వధువు తండ్రి బండి కట్టి ఎడ్లను అదిలిస్తుంటే తల్లి నుదుట పెద్ద బొట్టు పెట్టుకుని ఎదురు రావడం ఓ సంతోషకరమైన ఘట్టం. తాజా కొబ్బరాకుల పచ్చి వాసనతో పచ్చటి పందిరి సిద్ధమయ్యేది. గెలవేసిన అరటి చెట్లు ద్వారపాలకుల్లా ఠీవిగా కొలువుదీరేవి. మామిడి తోరణాలు ఆరడుగుల ఆజానుబాహుల నుదుటిని తాకి పలకరిస్తుంటే.. అంతగా ఎదిగిన సంగతి గుర్తొచ్చి మురిసిపోతూ, మామిడి తోరణం కింద ఒదిగి నడిచేవాళ్లు. అలాంటి పందిరిని రంగుల షామియానా మింగేసింది. ఇప్పుడు మళ్లీ సంప్రదాయపు ట్రెండులో భాగంగా పెళ్లికి ఇంటి ముందు పందిరి వేయడం అనే ముచ్చట అందరినీ మురిపిస్తోంది. తన గంగడోలుతో ఆడుకున్న పాపాయి పెళ్లి కూతురవుతోందని ఆ ఇంటి ఎడ్లకు ఎలా తెలుస్తుందో ఏమో! ఎప్పుడూ మొరాయించే ఎడ్లు కూడా ఆ రోజు తలలూపుతూ ఉల్లాసంగా కదిలేవి! పెళ్లి మండపం ఒకప్పుడు ఇంటి ముందు వేసిన పెళ్లి పందిరే పెళ్లి మండపం. వచ్చేవారు ఎక్కువ మంది ఉంటే ఊరి ఆలయంలోని దేవుని మండపమే కల్యాణవేదిక. ఇప్పుడు కల్యాణ వేదిక ఫంక్షన్‌ హాల్‌కు తరలిపోయింది. మండపం అలంకరణలో మన దగ్గర పూచే పూలకు ఆదరణ తగ్గి, కార్నేషన్, ఆర్చిడ్‌ వంటి పరదేశీ పూలు వచ్చి చేరాయి. పెళ్లితోపాటు నిశ్చితార్థం, రిసెప్షన్‌ వేదికలు కూడా ఇప్పుడు ఫంక్షన్‌ హాల్‌లే. పెళ్లి దండలు పెళ్లి సీజన్‌ను బట్టి మల్లెపూలు, చేమంతులు, మరువం, కనకాంబరాలతో చిక్కగా మాలలు కట్టి, ఐదారు మాలలను కలిపి ఒత్తుగా దండ అల్లేవాళ్లు. మన దగ్గర గులాబీ తోటలు విస్తరించిన తర్వాత వధూవరుల మెడలను గులాబీ దండలు అలంకరించాయి. పీటల మీదకు వచ్చేటప్పుడు ధరించిన ఆ దండలు.. పెళ్లి పూర్తయ్యేలోపు రెక్కలు రాలి కాడలుగా మిగిలేవి. బెంగళూరు హైబ్రీడ్‌ గులాబీలు ఈ సమస్యని తప్పించాయి. కానీ మెడలు లాగేసేటంతటి బరువుగా ఉండేవి. పువ్వు మొత్తంతో పనేంటి రెక్కలుంటే చాలుగా అంటూ పూలరెక్కలతో దండలు అల్లే ట్రెండ్‌ కూడా వచ్చింది. అలాగే మెడలో ఉండీ లేనట్లుంటే ఆర్చిడ్స్, బరువైన కలువపూల దండలు వచ్చాయి. సన్నటి మల్లెల మాలలు కూడా కనిపిస్తున్నాయి. వధూవరుల దుస్తులకు మ్యాచింగ్‌ దండలు వచ్చేశాయి. ఇక్కడ వధువు చీర, జాకెట్‌ రంగులకే ప్రాధాన్యం. వధూవరుల దుస్తులు కనుక కాంబినేషన్‌లో ఉంటే పూలదండలు కూడా అదే రంగుల్లో ఉంటున్నాయి. పెళ్లి దుస్తులు ఒకప్పుడు వధువు పెళ్లి దుస్తుల ఎంపిక కూడా వరుడి తరఫు వాళ్లదే. ‘మా అమ్మాయికి ఈ రంగు ఇష్టం’ అని వధువు తల్లి ఒక చీర చేతికి తీసుకుంటే... ‘ఆ చీరతో పెళ్లి పీటల మీద కూర్చుంటే మా బంధువులు నవ్వుతారు’ అని అబ్బాయి తరఫున ఎవరో నోరుజారేవాళ్లు. ఇప్పటి వధువు.. తనకు కూడా ఇష్టాయిష్టాలున్నాయని ప్రకటించింది. కొత్తదనంలో ఎన్ని రకాల దుస్తులు మారినా.. పెళ్లి చీర ప్రత్యేకత మాత్రం చెక్కు చెదరకుండా ఉంది. అబ్బాయిలే పెళ్లి దుస్తుల శైలిని మారుస్తూ వస్తున్నారు. యాభై– అరవై ఏళ్ల కిందట అందరూ పంచెలు కట్టుకున్నారు. కాలేజ్‌లో చదివిన వాళ్లు ప్యాంటు ధరించడం అనే ట్రెండ్‌ని సెట్‌ చేశారు. ఎనభైల నాటికి సూట్‌లు ధరించారు. కొత్త మిలీనియంలో మన సంప్రదాయాన్ని పాటించడం అనే ఫ్యాషన్‌లో జారి పోతున్న పట్టు పంచెలతో కుస్తీలు పడుతూ, రాజస్థానీ షేర్వాణీలను ఆశ్రయిస్తున్నారు. మగపెళ్లి వాళ్లు హుందాగా ‘మీరే వెళ్లి అమ్మాయికి నచ్చినవి తీసుకోండి’ అని వధువు తల్లిదండ్రుల చేతిలో డబ్బు పెట్టేస్తున్నారు. పెళ్లి దుస్తుల షాపింగ్‌కి వధువు కూడా వెళ్లడం మొదలైంది. పెళ్లి అలంకరణ పెళ్లి అలంకరణలో కాళ్లకు పారాణితోపాటు నుదుట బాసికానికి అగ్రస్థానం ఉండేది. అందుకు తగ్గట్లే కిరీటం మీద కలికితురాయిలాగ వరుడికి పెద్ద బాసికం ఉండేది. ఆ బాసికానికి రెండు వైపులా చెంపల మీద జారుతూ పట్టుకుచ్చులు, ముఖమల్‌ కుచ్చులు వేళ్లాడుతుండేవి. ఇప్పుడు బాసికం నుదుటి బొట్టంత చిన్నదిగా మారిపోయింది. అప్పట్లో పెళ్లి కూతురి అలంకరణ బంధువులే చేసేవాళ్లు. కొత్తగా పెళ్లయిన యువతులు, అలంకరణ మీద ఆసక్తి ఉన్న మహిళలు చొరవగా ముందుకు వచ్చేవాళ్లు. ఇక పూలజడల్లో కనకాంబరాలు, మల్లెలు, మరువాలుండేవి. ఇప్పుడవి కనుమరుగయ్యాయి. ఆర్చిడ్స్, పేపర్‌ ఫ్లవర్స్, గోల్డ్‌ రిబ్బన్‌ ఫ్లవర్స్‌ జడలుగా అమరుతున్నాయి. ఇప్పుడు వధువు అలంకరణ ఒక పరిశ్రమగా మారిపోయింది. బ్రైడల్‌ మేకప్‌ బ్యూటీపార్లర్‌లో కానీ బ్యూటీషియనే మండపానికి వచ్చి మేకప్‌ చేయడం కానీ జరుగుతోంది. పెళ్లి వంటలు అరిసెలు, బొబ్బట్లు, కజ్జికాయలు, బూందీ లడ్డు, జిలేబీ, వడలు, సుగీలు, పులిహోర, పాయసం, పప్పు, నెయ్యి, కాయగూరల వంటలను అరిటాకులో వడ్డించేవాళ్లు. చివరగా అరటిపండు, తమలపాకులు, వక్కపొడితో భోజనం పూర్తయ్యేది. పీటల మీద కూర్చుని ప్రశాంతంగా తినేవాళ్లు. బంతి చాపలు, టేబుళ్లు– కుర్చీలు వచ్చాయి వచ్చి వెళ్లిపోయాయి. ఇప్పుడు బరువైన ప్లేట్‌ చేత్తో పట్టుకుని, బరువు మోయగలిగినంత సేపు ఎంత తిన్నామో అదే భోజనం. పదార్థాలు మాత్రం బారులు తీరి ఉంటున్నాయి. మూడు రకాల స్వీట్లు, రోటీ, నాన్, పుల్కా, పూరీ, వెజ్‌టబుల్‌ బిరియానీ, వెజ్‌ ఫ్రైడ్‌ రైస్, చైనీస్, థాయ్, కాంటినెంటల్‌ వంటకాలు, ఆవకాయ అన్నం, కరివేపాకు అన్నం, పనీర్‌ కర్రీ, జీడిపప్పు కూర, వేపుళ్లు, వడియాలు, ఉప్పు మిరపకాయలు, ఊరగాయలు, పొడులు... నోరూరిస్తుంటాయి. భోజనానికి ముందు సలాడ్‌లు, భోజనం తర్వాత డెజర్ట్‌లు. పెళ్లి పెద్దకి మాత్రం తిన్న వారికి తిన్నంత పెట్టాలనే ఉంటుంది. అయితే కేటరింగ్‌ సప్లయర్లకు ట్రైనింగ్‌లో భాగంగా గరిటెలోకి కూర రాకుండా వడ్డించే నైపుణ్యం అలవడి ఉంటోంది. పెళ్లెప్పుడు అని అడగడానికి ‘పప్పన్నం ఎప్పుడు’ అని అడిగేవాళ్లు అప్పట్లో. పెళ్లితో అంతగా కలగలిసిపోయిన ముద్దపప్పు మాత్రం పెళ్లి భోజనాల్లో కనిపించడం లేదిప్పుడు! పెళ్లి ఊరేగింపు వరుడు మోతుబరి అయితే ఏనుగు అంబారీ మీద, మిగిలిన వాళ్లు గుర్రం మీద ఊరేగేవాళ్లు. వరుడి వెంట అతడి బంధువులు గుర్రం వెంట నడిచేవాళ్లు. గ్రామంలో ప్రతి గుడి దగ్గర ఆగి ఆ దేవుడికి కొబ్బరికాయ కొట్టి ముందుకు సాగేవాడు వరుడు. వధువు పల్లకిలో ప్రయాణమవుతుంది. పల్లకి వెంట వధువు బంధువులు తరలి వెళ్లేవాళ్లు. నడవగలిగిన వాళ్లు నడిచి వస్తుంటే, మిగిలిన వాళ్లు ఎడ్ల బండిలో అనుసరించేవాళ్లు. పెళ్లి కోసం ప్రత్యేకంగా సవారి బండ్లు ఉండేవి. పెళ్లి బండి ఎడ్లను మువ్వలు, గజ్జెలు, నల్లతాళ్లతో అలంకరించేవాళ్లు. ఇప్పుడు పూలతో అలంకరించిన టాప్‌లెస్‌ కారులో వధూవరుల ఊరేగింపు జరుగుతోంది. అది కూడా ఊరంతా కాదు, విడిది ఇంటి నుంచి కల్యాణ మండపం వరకే. పెళ్లి కూతురి వెంట పది– ఇరవై బండ్లు ఉండేవి. పెళ్లి బండ్ల సంఖ్య పెద్దదయితే... అది, వధువుకి ఆత్మీయుల బలగం అంత పెద్దదని చెప్పకుండా చెప్పడం. పెళ్లి ఫొటోలు ఓ యాభై ఏళ్ల కిందట పెళ్లికి ఫొటోలు తీయించుకోవడం ఓ లగ్జరీ. అది కూడా బ్లాక్‌ అండ్‌ వైట్‌ ఫొటోలే. ఓ పది ఫొటోలు... తీయించుకుంటే అదే ఎక్కువ. ఎనభైలకు కలర్‌ రీల్‌ వచ్చింది. పెళ్లి చీరను ఫొటోలో చూసుకుని మురిసిపోయే చాన్స్‌ పెళ్లి కూతురికి వచ్చింది. వీడియో కూడా వచ్చింది. కెమెరామన్‌ చెప్పినట్లు పెళ్లి జరిపించాల్సిన పరిస్థితి పురోహితుడికి ఎదురైంది. అతిథులు కెమెరా టీమ్‌ వీపులను చూసి చూసి బోరు కొట్టి, పక్కన కూర్చున్న వాళ్లతో కబుర్లు చెప్పుకోవడంలో మునిగిపోయేవాళ్లు. అప్పుడొచ్చాయి స్క్రీన్‌లు. అతిథులకు పెళ్లిని స్క్రీన్‌ మీద చూసే భాగ్యం కలిగింది. డ్రోన్‌ కెమెరాతో కూడా పెళ్లి తంతును షూట్‌ చేయించుకుంటున్నారిప్పుడు. ‘పెళ్లిని సినిమా కూడా తీయించారా’ అని అడగడంలో అమాయకత్వం, ‘తీయించాం’ అని చెప్పడంలో ఆడంబరం కొంతకాలం రాజ్యమేలాయి. క్రమంగా పెళ్లి తంతు మొత్తంలో కెమెరా టీమ్‌దే పై చేయిగా మారింది.

ప్రాణానికి ప్రాణంగా ప్రేమించుకున్న ఆ జంట బంధువుల సమక్షంలో వివాహ బంధంతో ఒక్కటైంది. తమ ప్రేమ, పెళ్లికి సంబంధించిన జీవితంలో మధుర ఙ్ఞాపకాలను పదిల పరచుకోవాలనుకుంది. ఈ క్రమంలో ఎదురైన ప్రమాదం నుంచి తప్పించుకోవటంతో వారితో పాటు బంధువులు కూడా ఊపిరి పీల్చుకున్నారు.  అసలేం జరిగిందంటే... చెయినే, లుకాస్‌ కోపెస్‌ అనే జంట జూన్‌ 30న వివాహాం చేసుకున్నారు. తమ ప్రేమ ప్రయాణానికి సంబంధించిన మధుర ఙ్ఞపకాలను గుర్తు చేసుకుంటూ వెడ్డింగ్‌ వీడియో చిత్రీకరించేందుకు సిద్ధమయ్యారు. ఈ క్రమంలో ఒక చెట్టు కింద కూర్చున్న ఈ జంట ముచ్చట్లలో మునిగిపోయారు. ఒకరి ముఖం ఒకరు చూసుకుంటూ ఆనంద క్షణాల గురించి మాట్లాడుకుంటున్న సమయంలో ఒక్కసారిగా శబ్దం రావడంతో ఉలిక్కిపడ్డారు. చెట్టు కొమ్మ విరిగిపడటాన్ని గుర్తించిన వధూవరులు వెంటనే పక్కకు తప్పుకోవడంతో ప్రమాదం తప్పింది. వీరి వెడ్డింగ్‌ వీడియో చిత్రీకరించిన ఫొటోగ్రఫీ ఏజెన్సీ ఇందుకు సంబంధించిన వీడియోను ఫేస్‌బుక్‌లో పోస్ట్‌ చేసింది. ‘ఆ చెట్టు కంటే వీరి ప్రేమ బంధం ఎంతో దృఢంగా ఉండాలంటూ’  క్యాప్షన్‌ జత చేసింది.  

పట్నా : ఆర్జేడీ పార్టీ అధ్యక్షుడు, బిహార్‌ మాజీ ముఖ్యమంత్రి లాలు ప్రసాద్‌ యాదవ్‌ కుమారుడు తేజ్‌ ప్రతాప్‌ యాదవ్‌ పెళ్లి ఈ నెల 12న పట్నాలో బిహార్‌ మాజీ ముఖ్యమంత్రి దరోగా ప్రసాద్‌ రాయ్‌ మనవరాలు ఐశ్వర్యరాయ్‌తో అంగరంగ వైభవంగా జరిగిన సంగతి తెలిసిందే. కాగా ఈ నవదంపతులు కలిసి దిగిన కొన్ని ఫొటోలు ఇప్పుడు ఇంటర్‌ నెట్‌లో హల్‌చల్‌ చేస్తున్నాయి. ఐశ్వర్యను ముందు కుర్చోబెట్టుకుని  సైకిల్‌ తొక్కుతున్న ఫొటోను తేజ్‌ ప్రతాప్‌ తన ఇన్‌స్టాగ్రాంలో పోస్ట్‌ చేశారు. అది కాస్తా వైరల్‌గా మారింది. అలాగే పెళ్లిలో లాలు కుటుంబ సభ్యులు కలిసి చేసిన డ్యాన్స్‌ వీడియోలు బయటికి వచ్చాయి.  పెళ్లి తర్వాత నూతన దంపతులను తేజ్‌ ప్రతాప్‌ యాదవ్‌ తల్లి, బిహార్‌ మాజీ ముఖ్యమంత్రి రబరీ దేవి గుడికి కూడా తీసుకువెళ్లారు. ఐశ్వర్య, తేజ్‌ ప్రతాప్‌ పెళ్లి ఫోటోలను, వీడియోలను బిహార​ మాజీ ఉప ముఖ్యమంత్రి తేజస్వీ యాదవ్‌ సామాజిక మాధ్యమాలలో పోస్ట్‌ చేశారు. పెళ్లికి వచ్చి వధువరులను ఆశీస్సులు అందించిన ప్రతి ఒక్కరికి ధన్యవాదాలు తెలిపారు. అలాగే పెళ్లికి లక్షల్లో జనాలు వస్తారని ముందే అంచనా వేసి గాంధీ మైదానం లాంటి ప్రదేశంలో ఏర్పాట్లు చేశామని తెలిపారు. అయినా ఏమైన అసౌకర్యం కలిగి ఉంటే క్షమించమంటూ కూడా పోస్ట్‌ చేశారు.


 మరోసారి బయటపడ్డ భద్రతాలోపం
 మండ్య: మైసూరు ప్యాలెస్‌లో ఓ యువజంట తీసుకున్న ప్రీవెడ్డింగ్‌ ఫొటోషూట్‌ ప్రకపంపనలు మరువకముందే మరో యువజంట కేఆర్‌ఎస్‌ (కష్ణరాజసాగర)డ్యాంపై తీసుకున్న ఫొటోషూట్‌ వీడియో చర్చనీయాంశమైంది. ఉగ్రవాదుల హిట్‌లిస్ట్‌లో ఉన్న కేఆర్‌ఎస్‌ డ్యాంపై అనుమతి లేకుండా డ్రోన్‌ కెమెరాల సహాయంతో ఆ యువజంట తీసుకున్న వీడియోలు వాట్సాప్,ఫేస్‌బుక్‌ తదితర సామాజిక మాధ్యమాల్లో హల్‌చల్‌ చేస్తున్నాయి. దీనిపై డ్యాం భద్రతా సిబ్బంది స్పందిస్తూ తమకు తెలియకుండా ఫొటోషూట్‌కు ఎలా పాల్పడ్డారనే దానిపై విచారణ చేస్తున్నామన్నారు. కాగా వీడియోలోనున్న జంట మైసూరుకు చెందినవారయి ఉంటారని భద్రతాధికారులు అనుమానం వ్యక్తం చేస్తున్నారు.