‘గౌరవం’ మూవీతో టాలీవుడ్‌లో గుర్తింపు పొందిన బ్యూటీ యామీ గౌతమ్‌. ఆమె గురించి తెలుగు ప్రేక్షకులకు ప్రత్యేకంగా పరిచయం అక్కర్లేదు. కొంతకాలంగా ఫెయిర్‌ అండ్‌ లవ్లీ యాడ్‌తో ఆమె బాగా ఫేమస్‌ అయ్యింది. ఈ క్రమంలో తెలుగు, పంజాబీ చిత్రాల్లో అవకాశాలు అందుకున్ను ఆమె ఆ తర్వాత బాలీవుడ్‌కు మాకాం మార్చింది. ప్రస్తుతం హిందీలో వరుస సినిమాలు, సిరీస్‌లు చేస్తూ బిజీగా మారింది. ఈ నేపథ్యంలో గతేడాది రచయిత, డైరెక్టర్‌ ఆదిత్య ధర్‌ని పెళ్లి చేసుకుని వైవాహిక బంధంలోకి అడుగుపెట్టింది. ఇక పెళ్లి తర్వాత కూడా ఆమె అదే జోరు కొనసాగిస్తుంది. ప్రస్తుతం చేతి నిండా సినిమాలతో ఫుల్‌ బిజీగా ఉంది. ఈ క్రమంలో తాజాగా ఆమె ఓ చానల్‌కు ఇంటర్య్వూ ఇచ్చింది. ఈ సందర్భంగా ఆమె తన వైవాహిక జీవితం, సినీ కెరీర్‌ గురించిన ఆసక్తికర విషయాలను పంచుకుంది. ఈ సందర్భంగా పెళ్లి తర్వాత హీరోయిన్స్‌ కెరీర్‌ ముగుస్తుందని అంటారు, మరి నటిగా బిజీగా ఉన్నపుడే మీరు పెళ్లి చేసుకున్నారని, పెళ్లి అనంతరం సినీ కెరీర్‌ ఎలా ఉందనే ప్రశ్న ఆమెకు ఎదురైంది. దీనికి యామీ గౌతమ్‌ స్పందిస్తూ.. పెళ్లి అనంతరం కెరీర్‌ ముగిసిందనుకుంటే అది పోరపాటే అని సమాధానం ఇచ్చింది. ‘పెళ్లి తర్వాత హీరోయిన్స్‌ కెరీర్ ముగిసినట్టే అనుకోవడం పోరపాటు. హీరోయిన్ల కెరీర్‌కి పెళ్లి అనేది అడ్డు కాదని గ్రహించాలి. ఇప్పటికే ఈ విషయాన్నీ చాలామంది హీరోయిన్స్ ప్రూవ్ చేశారు. పెళ్లి తర్వాత కూడా స్టార్‌ నటిగా రాణిస్తున్న హీరోయిన్లు ఎంతో మంది ఉన్నారు. ప్రతి మహిళ తన లైఫ్‌లో ఎన్నో చేయాలని అనుకుంటుంది. పెళ్లి అయిన తర్వాత ఒక మహిళగా బాధ్యత పెరుగుతుంది.  వారికి తగినవాడు, వారి ఆలోచనలను గౌరవించే భర్త దొరికితే రెండింతలు ఉత్సాహంతో ముందుకు సాగవచ్చు. బాధ్యతలను సమర్థవంతంగా నిర్వహిస్తూ కెరీర్‌ణి చూసుకోవచ్చు. నా భర్త కూడా పరిశ్రమకు చెందిన వాడే కావడంతో ఆయన నాకు సపోర్ట్‌ చేస్తున్నారు. అందుకే నేను సినిమాలు చేస్తున్నాను’ అంటూ చెప్పుకొచ్చింది. కాగా యామీ గౌతమ్‌ తెలుగులో నువ్విలా, గౌరవం, యుద్ధం, కొరియర్ బాయ్ కళ్యాణ్ వంటి చిత్రాల్లో నటించిన సంగతి తెలిసిందే.   చదవండి:  అషు కాలును ముద్దాడటంపై ఆర్జీవీ క్లారిటీ, ట్రోలర్స్‌కు వర్మ గట్టి కౌంటర్‌ నడిరోడ్డుపై సెలబ్రిటీ జంటపై వేధింపులు, పోలీసులపై నటి అసహనం

హీరోయిన్‌ యామీ గౌతమ్‌ గురించి పెద్దగా పరిచయం అక్కర్లేదు. ముఖ్యంగా అమ్మాయిలకు. ఎందుకంటే ఆమె నటిగా కంటే కూడా ఫెయిర్‌ అండ్‌ లవ్లీ క్రీమ్‌ యాడ్‌తోనే ఎక్కువ పాపులర్‌ అయ్యింది. గ్లోయింగ్‌ స్కీన్‌ కావాలా? అంటూ టీవీలో ప్రతి రోజు పలకిస్తుంది ఆమె. అయితె ఆమె స్కీన్‌ కలర్‌, గ్లో చూసి అందరు షాకవుతుంటారు. ముఖంపై మచ్చ లేకుండా నిగినిగ మెరిసిపోయే ఆమె చర్మం చూసి ప్రతి ఒక్కరు ఫిదా అవుతుంటారు. అంతటి గ్లోయింగ్‌ స్కీన్‌ కోసం యామీ ఏం చేస్తుందా? అని ప్రతెలుసుకోవాలని ప్రతి అమ్మాయికి ఆసక్తి ఉండి ఉంటుంది కదా. తాజాగా వారి కోసం తన బ్యూటీ సీక్రెట్‌ రివీల్‌ చేసింది యామీ గౌతమ్‌.   అమ్మ చెప్పింది.. టీనేజ్‌ నుంచి అదే ఫాలో అవుతున్నా కొత్తగా గ్లో తెచ్చుకోవడమెలా అన్నదాని కంటే ఉన్న స్కిన్‌ను సంరక్షించుకోవడమెలా అనేదాని మీదే దృష్టి పెడతా. దీని కోసం మా అమ్మ చెప్పిన చిట్కా ఫాలో అవుతున్నా.. నా టీనేజ్‌ నుంచీ. చక్కగా బియ్యప్పిండిలో పాలు కలిపి స్క్రబ్బర్‌లా యూజ్‌ చేస్తా. కొంచెం తేనెలో కాస్త గ్లిజరిన్, ఓ టీస్పూన్‌ నిమ్మరసం.. రోజ్‌ వాటర్‌ కలిపి మృదువుగా మొహానికి రాస్తా. ఇది క్లెన్సర్‌లా పనిచేయడమే కాక.. చర్మంలోని తేమను కాపాడుతూ.. నిగనిగలాడేలా చేస్తుంది! అని చెప్పింది యామీ.

సెలెబ్రిటీలు, హీరోలు, హీరోయిన్‌లు ఇలా చాలా మంది సోషల్ మీడియాలో చాలా ఆక్టివ్‌గా ఉంటారు. తమకు సంబంధించిన ప్రతి విషయాన్ని నేరుగా నెట్టింట అభిమానులతో షేర్ చేసుకుంటుంటారు. ఒక్కోసారి సాధారణ ప్రజలతో పాటు సెలెబ్రిటీల సోషల్ మీడియా ఖాతాలు కూడా హ్యాకింగ్‌కు గురవుతుంటాయి. ఇప్పటికే చాలా మంది సెలెబ్రిటీలు కూడా ఈ సమస్యను ఎదుర్కొన్నారు. ఈ మధ్య కాలంలో ఇది సాధారణ విషయయే అయినప్పటికీ ఇలాంటి వాటి పట్ల అప్రమత్తత లేకపోతే ఎలాంటి నష్టమైన జరగొచ్చు. గతంలో ఎంతోమంది స్టార్‌ హీరోయిన్ల అకౌంట్లను గుర్తు తెలియని వ్యక్తులు హ్యాక్‌ చేసి డబ్బు వసూలు చేయడం, తప్పుడు సమాచారం ప్రసారం చేయడం చేస్తుంటారు. చదవండి: అందుకే ‘ఆదిపురుష్‌’గా ప్రభాస్‌ పర్‌ఫెక్ట్‌ యాప్ట్‌: ఓం రౌత్‌ అందుకే ముందు జాగ్రత్తగా తమ ఫాలోవర్స్‌ను వారు అప్రమత్తం చేస్తుంటారు. తాజాగా బాలీవుడ్‌ బ్యూటీ యామీ గౌతమ్‌ కూడా తన ఫ్యాన్స్‌ను, ఫాలోవర్స్‌ను అలర్ట్‌ చేసింది. ఈ మేరకు ఆమె ట్వీట్‌ చేస్తూ తన ఇన్‌స్టాగ్రామ్‌ అకౌంట్‌ హ్యాక్‌ అయినట్లు వెల్లడించింది. దీనిపట్ల అందరు అప్రమత్తంగా ఉండాలని, తన ఖాతా నుంచి వచ్చిన ఎలాంటి పోస్ట్‌, ప్రకటనలకు స్పందించవద్దని పేర్కొంది. ప్రస్తుతం ఆమె టీం దీనిపై వర్క్‌ చేస్తున్నట్లు ఆమె స్పష్టం చేసింది. కాగ ఇటీవల పెళ్లి చేసుకున్న యామీ ప్రస్తుతం దస్వీ మూవీతో బిజీగా ఉంది. అభిషేక్‌ బచ్చన్‌ హీరోగా తెరకెక్కిన ఈ సినిమా షూటింగ్‌ పూర్తి చేసుకుని విడుదలకు సిద్ధమవుతుంది. దీనితో పాటు ఆమె ‘ఓ మై గాడ్‌ సిక్వెల్‌’లో కూడా నటిస్తోంది.  Hi, This is to inform you all that I've been unable to access my Instagram account since yesterday, it's probably hacked. We're trying to recover it as soon as possible. Meanwhile, if there is any unusual activity through my account, please be aware of it. Thank you! — Yami Gautam Dhar (@yamigautam) April 3, 2022

బాలీవుడ్‌లో మంచి పాపులారిటీ ఉన్న నటుల్లో సైఫ్‌ అలీఖాన్‌ ఒకరు. వరుస సినిమాలతో బిజీగా ఉన్న ఆయన తాజాగా ది కపిల్‌ శర్మ షోకి గెస్ట్‌గా వచ్చాడు. తన తాజా చిత్రం ప్రమోషన్‌లో భాగంగా ఆ సినిమా హీరోయిన్లు యామీ గౌతమ్‌, జాక్వెలిన్‌ ఫెర్నాండెజ్‌తో కలిసి ఈ షోలో పాల్గొన్నాడు. ఈ తరుణంలో ఫ్లాట్ల యజమానిగా ఉండే బాధలను తెలిపాడు. కపిల్‌ శర్మ షోలో ఫ్లాట్లు రెంట్‌కి ఇస్తే ఉండే ఇబ్బందుల గురించి హోస్ట్‌ కపిల్‌ మాట్లాడాడు. ఈ విషయాన్ని ఓన్‌ చేసుకున్న సైఫ్‌ తను చిన్నపాటి లాండ్‌లార్డ్‌నని, ఆ టార్చర్‌ ఎలా ఉంటుందో తనకు తెలుసన్నాడు. ‘ఇంకా పాత మనస్తత్వం ఉండడం వల్ల, వచ్చే ఆదాయాన్ని ఫ్లాట్లలో పెట్టుబడులు పెట్టి.. అద్దెకు ఇస్తుంటా. చాలా సార్లు అద్దెకున్నవారు ఏసీ రిపేర్‌, లీకేజీలు ఉన్నాయంటూ ఫోన్‌ చేసేవారు. కొన్నిసార్లు ఈ పని కోసం ఎవరినైనా నియమించుకోవాలనిపించేదని’ తెలిపాడు. ‘ఆ బాధ తట్టుకోలేక ఇప్పుడైతే ఓ మేనేజర్‌ని నియమించుకున్నాను. కానీ అంతకుముందు మాత్రం అన్నీ తానే చూసుకునేవాడినని’ అంటూ సైఫ్‌ చెప్పుకొచ్చాడు. అయితే సైఫ్ అలీ ఖాన్, కరీనా కపూర్ ఇటీవలే రెండో సంతానంగా జెమ్‌ పుట్టిన విషయం తెలిసిందే. అతను పుట్టడానికి ముందే ఉన్న ఇంటిని రూ.3.5లక్షలకు అద్దెకు ఇ‍చ్చి, వేరే ఇంటికి మారారు. కాగా సైఫ్‌ ప్రస్తుతం ప్రభాస్‌ హీరోగా చేస్తున్న ‘ఆదిపురుష్‌’, ‘బంటీ ఔర్‌ బబ్లీ 2’ నటిస్తున్నాడు. చదవండి: కరీనాకు ఏ విషయంలోనూ సలహాలు ఇవ్వను: సైఫ్‌ అలీ ఖాన్‌

టీచర్స్‌ డే సందర్భంగా తన తాజా చిత్రాన్ని ప్రకటించారు బాలీవుడ్‌ హీరోయిన్‌ యామీ గౌతమ్‌. తన తదుపరి సినిమాలో టీచర్‌ పాత్రలో నటిస్తున్నట్టు తెలిపారామె. బెహ్జాద్‌ కంబాత్‌ దర్శకత్వం వహించనున్న ‘ఏ థర్స్‌డే’ చిత్రంలో యామీ గౌతమ్‌ లీడ్‌ రోల్‌ చేయనున్నారు. ఈ సినిమాలో ప్లే స్కూల్‌ టీచర్‌గా యామీ కనిపిస్తారట. అయితే కొన్ని అనుకోని కారణాల వల్ల ఆ ప్లే స్కూల్‌లోని 16 మంది చిన్నారులను బంధీగా తన ఆధీనంలో ఉంచుకోవాల్సి వస్తుందట. ఆ తర్వాత ఏం జరిగింది? అనేది చిత్రకథాంశం. రోనీ స్క్రూవాలా నిర్మించనున్న ఈ చిత్రం వచ్చే ఏడాది నేరుగా ఓటీటీలో విడుదల కాబోతోంది. ‘‘ఇలాంటి కథలు చాలా అరుదుగా వస్తాయి. వాటిని ఎట్టి పరిస్థితుల్లోనూ వదులుకోకూడదు. అందుకే కథ విన్న వెంటనే ఒప్పేసుకున్నా’’ అన్నారు యామీ. ఇది కాకుండా ‘గిన్నీ వెడ్స్‌ సన్నీ, భూత్‌ పోలీస్‌’ సినిమాల్లో నటిస్తున్నారామె.

ముంబై: బాలీవుడ్‌ నటి యామీ గౌతమ్‌ గత కొద్ది కాలంగా తీవ్రమైన మెడ నొప్పితో బాధపడుతుంది. కాగా మెడ నొప్పిని తగ్గించుకోవడానికి యోగా చేశానని తెలిపారు. కరోనా వైరస్‌ నేపథ్యంలో లాక్‌డౌన్‌ వల్ల తన శరారీక, మానసిక ఫిట్‌నిస్‌పై శ్రద్ధ వహించినట్లు పేర్కొన్నారు. కాగా తన శరీరాన్ని అంతర్గతంగా నయం అయ్యే విధంగా శిక్షణ ఇచ్చినట్లు తెలిపారు. తన గాయాన్ని దృష్టిలో ఉంచుకొని శ్రద్ధ వహించానని, అంతిమంగా నొప్పిని జయించి సాధారణ జీవితాన్ని గడుపుతున్నట్లు పేర్కొన్నారు. తన తదుపరి సినిమా గిన్నీ వెడ్స్‌ సన్నీ ద్వారా త్వరలో ప్రేక్షకుల ముందుకు యామీ గౌతమ్‌ రానున్నారు. కాగా యామీ మొదట్లో ఫెయిర్‌ అండ్‌ లవ్లీ యాడ్‌తో అందరిని ఆకట్టుకుంది. మొదట సీరియల్‌ నటిగా తర్వాత మోడల్‌గా, అనంతరం హీరోయిన్‌గా కెరీర్‌లో దూసుకెళ్తుంది. కాగా ఇటీవల బాలా చిత్రం ద్వారా యామీ గౌతమ్‌ మంచి విజయం అందుకున్న విషయం తెలిసిందే. చదవండి: అందులో తప్పేముంది? : నటి

ముంబై: వైవిధ్యభరిత చిత్రాలకు ప్రేక్షకాదరణ ఎప్పుడూ ఉంటుందనే విషయం ‘బాలా’ సినిమాతో మరోసారి నిరూపితమైంది. ఈ సినిమా బాక్సాఫీస్‌ వద్ద భారీ వసూళ్లతో సందడి చేస్తోంది. తాజాగా రూ. 50 కోట్ల చేరిపోయింది. ఆయుష్మాన్‌ ఖురానా హీరోగా తెరకెక్కిన ఈ సినిమా నవంబర్‌ 7న ప్రేక్షకుల ముందుకు వచ్చిన విషయం తెలిసిందే. మొదటి రోజు నుంచి మంచి వసూళ్లతో దూసుకుపోతుంది. విడుదలైన మొదటిరోజే బాక్సాఫీస్‌ను షేక్‌ చేస్తూ రూ.10 కోట్లకు పైగా వసూళ్లు రాబట్టి అందరినీ ఆశ్చర్యాల్లో ముంచెత్తింది. అక్కడితో ఆగకుండా రెండవరోజు రూ.15 కోట్లు, మూడో రోజు రూ.18 కోట్ల పైచిలుకు కలెక్షన్లు సాధించింది. వరుసగా నాలుగో రోజుకూడా బాక్సాఫీస్‌ వద్ద 8 కోట్లు రాబట్టింది. దీంతో మొత్తంగా ఈ సినిమా 50 కోట్ల క్లబ్‌లో చేరిందని ప్రముఖ బాలీవుడ్‌ సినీ ట్రేడ్‌ విశ్లేషకులు తరణ్ ఆదర్శ్ తన ట్విటర్‌ ఖాతాలో వెల్లడించారు. #Bala crosses ₹ 50 cr... Remarkable hold on Day 4... Trends better than Ayushmann’s last hit #DreamGirl [Day 4: ₹ 7.43 cr]... Holiday on Day 5 [#GuruNanakJayanti] should only boost biz... Fri 10.15 cr, Sat 15.73 cr, Sun 18.07 cr, Mon 8.26 cr. Total: ₹ 52.21 cr. #India biz. — taran adarsh (@taran_adarsh) November 12, 2019 అదే విధంగా ‘బాలా’ మూవీ సౌదీ అరేబియాలో సెన్సార్‌ పూర్తి చేసుకుందని.. నవంబర్‌ 14న ఈ చిత్రం సౌదీ ప్రేక్షకుల ముందుకు రానుందని తెలిపారు. కాగా సౌదీలో రిలీజ్‌ ఆయ్యే అయూష్మాన్‌ ఖురానా మొదటి చిత్రం ఇది. ఈ చిత్రంలో ఆయుష్మాన్‌ ఖురానా హీరోగా, భూమి పడ్నేకర్‌, యామీ గౌతమ్‌ హీరోయిన్లుగా నటించారు. అమర్‌ కౌశక్‌ దర్శకత్వం వహించిన ఈ చిత్రం ఆయుష్మాన్‌ ఖురానా కెరీర్‌లోనే మొదటి రోజు అత్యధిక వసూళ్లు సాధించిన సినిమాగా నిలిచింది. ఈ సినిమాలో బట్టతల ఉన్నవారి బాధలను చూపించిన ఆయుష్మాన్‌ నటనకు ప్రేక్షకులు విశేషంగా ఆకర్షితులయ్యారు. బట్టతలతో హీరో పడే పాట్లు అందరికీ నవ్వు తెప్పిస్తాయి.  ఈ ప్రయోగాత్మక చిత్రం అటు ప్రేక్షకులతోపాటు ఇటు విమర్శకుల నుంచీ ప్రశంసలు అందుకుంటోంది.   #Bala clears Saudi Arabia censor... First movie of Ayushmann Khurrana to release in #SaudiArabia on 14 Nov 2019. pic.twitter.com/S6m2D7Yun5 — taran adarsh (@taran_adarsh) November 11, 2019

కళాకారులకు అభినందనలు, పురస్కారాలే నిజమైన బహుమతులు. అలాంటి బహుమతి లభించినందుకు తెగ ఆనందపడిపోతున్నారు నటి యామీ గౌతమ్‌. ఆదిత్యా థార్‌ దర్శకునిగా పరిచయం అయిన ‘ఉరి: ది సర్జికల్‌ స్ట్రైక్స్‌’ సినిమాలో పల్లవి శర్మ అలియాస్‌ జాస్మిన్‌ అనే ఓ ప్రధాన పాత్ర చేశారు యామీ గౌతమ్‌. విక్కీ కౌశల్‌ హీరోగా నటించారు. 2016లో జరగిన ఉరి దాడి ఆధారంగా ఈ సినిమాను తెరకెక్కించారు. జనవరి 11న విడుదలైన ఈ చిత్రం దాదాపు 300కోట్ల వసూళ్లను రాబట్టి బాక్సాఫీస్‌ వద్ద బ్లాక్‌బస్టర్‌గా నిలిచింది. బెంగళూరులో జరిగిన ఓ యూత్‌ సమ్మిట్లో పాల్గొన్న యామి ఈ చిత్రం గురించి ప్రత్యేకంగా మాట్లాడారు. ‘‘సైనికుల నేపథ్యంలో రూపొందిన ఈ  సినిమా సక్సెస్‌ అవ్వడం ఆనందంగా ఉంది. ఓ టీనేజ్‌ అమ్మాయి నా దగ్గరకు వచ్చి ‘సినిమాలో రా (రీసెర్చ్‌ అండ్‌ అనాలిసిస్‌ వింగ్‌) ఏజెంట్‌గా బాగా నటించారు. మన ఆర్మీ బలగాలపై నాకు మరింత గౌరవం పెరిగింది. భవిష్యత్‌లో ఇంటెలిజెన్స్‌ ఆఫీసర్‌ అయి, దేశానికి సేవ చేస్తాను’  అంది. అప్పుడు నేను చాలా గర్వంగా ఫీల్‌ అయ్యా. సినిమాలో నేను చేసిన పాత్ర ఆ అమ్మాయికి స్ఫూర్తిగా నిలవడం చాలా ఆనందంగా అనిపించింది. ఆ అమ్మాయి మాటలే నాకు దక్కిన  నిజమైన బహుమతిగా భావిస్తున్నాను’’ అని అన్నారు.

ఇటీవల బాలీవుడ్‌లో సినిమాల విడుదల తేదీలు తారుమారు అవుతున్నాయి. ఇప్పుడు ‘బట్టీ గుల్‌ మీటర్‌ చాలు’ మూవీ విడుదల తేదీ కూడా మారింది. ‘టాయ్‌లెట్‌: ఏక్‌ ప్రేమ్‌ కథ’ ఫేమ్‌ శ్రీ నారాయణ్‌ సింగ్‌ దర్శకత్వంలో రూపొందిన సినిమా ‘బట్టీగుల్‌ మీటర్‌ చాలు’. షాహిద్‌ కపూర్, శ్రద్ధా కపూర్, యామీ గౌతమ్‌ ముఖ్య తారలుగా నటించారు. తొలుత ఈ సినిమాను ఆగస్టు 31న రిలీజ్‌ చేయాలనుకున్నారు. కానీ ఆ తేదీని ఆల్రెడీ రాజ్‌కుమార్‌ రావ్, శ్రద్ధాకపూర్‌ నటించిన ‘స్త్రీ’ చిత్రబృందం బుక్‌ చేసుకుంది. వీటిలో ఏదో  ఒక సినిమా వాయిదా పడుతుందని బాలీవుడ్‌లో అనుకున్నారు. అనుకున్నట్లే...‘బట్టీగుల్‌ మీటర్‌ చాలు’ వాయిదా పడింది. ఈ సినిమా సెప్టెంబర్‌ 21న ప్రేక్షకుల ముందుకు రానున్నట్లు చిత్రబృందం లేటెస్ట్‌గా అనౌన్స్‌ చేసింది. దీంతో బాక్సాఫీస్‌ వద్ద శ్రద్ధా వర్సెస్‌ శ్రద్ధా తప్పినట్లే. అదేనండీ.. శ్రద్ధాకపూర్‌ కథానాయికగా నటించిన ‘స్త్రీ, బట్టీగుల్‌ మీటర్‌ చాలు’ సినిమాలు ఒకే రోజు విడుదల కావడం లేదని చెబుతున్నాం.

షాహిద్‌ కపూర్‌ హీరోగా నటిస్తోన్న ‘బట్టీ గుల్‌ మీటర్‌ చాలు’ సినిమా సెట్‌లోకి ఓ స్పెషల్‌ గెస్ట్‌ ఎంటరయ్యారు. ఆ గెస్ట్‌ ఫేమస్‌ హీరోనో లేక డైరెక్టర్‌నో కాదు. షాహిద్‌ ముద్దుల తనయ మిషా కపూర్‌. ‘టాయ్‌లెట్‌: ఏక్‌ ప్రేమ్‌ కథ’ ఫేమ్‌ శ్రీ నారాయణ్‌సింగ్‌ దర్శకత్వంలో రూపొందుతోన్న చిత్రం ‘బట్టీ గుల్‌ మీటర్‌ చాలు’. షాహిద్‌ కపూర్, శ్రద్ధా కపూర్, యామీ గౌతమ్‌లు ముఖ్య తారలుగా నటిస్తున్నారు. ప్రస్తుతం ముంబైలో ఈ సినిమా షూటింగ్‌ జరుగుతోంది. షాహిద్, శ్రద్ధాలపై సాంగ్‌ను చిత్రీకరించారు. రీసెంట్‌గా ఈ సెట్‌లోకే స్పెషల్‌ గెస్ట్‌గా వచ్చారు మిషా. ఈ సినిమా ఆగస్టులో ప్రేక్షకుల ముందుకు రానుంది. అన్నట్లు ఇంకోమాట.. త్వరలో మీషాకు తోడుగా తమ్ముడు లేక చెల్లి రానున్నారు. అదేనండీ.. ప్రస్తుతం షాహిద్‌ కపూర్‌ వైఫ్‌ మీరా రాజ్‌పుత్‌ ప్రెగ్నెంట్‌ అని చెప్తున్నాం.

రీసెంట్‌గా డైలీ కోర్టు మెట్లు ఎక్కుతున్నారు హీరోయిన్‌ యామీ గౌతమ్‌. అయితే సినిమా కోసం. ‘టాయ్‌లెట్‌: ఏక్‌ ప్రేమ్‌ కథ’ ఫేమ్‌ శ్రీనారాయణ్‌సింగ్‌ దర్శకత్వంలో పవర్‌ కట్‌ ప్రాబ్లమ్స్‌ నేపథ్యంలో రూపొందుతున్న చిత్రం ‘బట్టీ గుల్‌ మీటర్‌ చాలు’. షాహిద్‌ కపూర్, శ్రద్ధా కపూర్, యామీ గౌతమ్‌ ముఖ్య తారలుగా నటిస్తున్నారు. హీరో షాహిద్‌ కపూర్‌ దొంగగా నటిస్తున్న ఈ సినిమాలో యామీ గౌతమ్‌ పబ్లిక్‌ ప్రాసిక్యూటర్‌గా నటిస్తున్నారట. ఈ పాత్ర కోసం ఆమె ఆల్రెడీ రియల్‌గా ముంబై హైకోర్టుకు వెళ్లి అక్కడి పరిస్థితులను పరిశీలించారట. ప్రస్తుతం ముంబైలో వేసిన కోర్టు సెట్‌లో ఈ సినిమా షూటింగ్‌ జరుగుతోంది. ఈ సినిమా షూట్‌లోనే లాయర్‌గా పాల్గొంటున్నారు యామీ గౌతమ్‌. మరి.. లాయరమ్మగా యామీ కోర్టులో ఏ రేంజ్‌లో వాదించారో చూడాలి. ఈ సినిమా ఈ ఏడాది ఆగస్టులో విడుదల కానుంది. అన్నట్లు ‘నువ్విలా, గౌరవం, యుద్ధం’ సినిమాలతో యామీ తెలుగు తెరపై మెరిసిన విషయం గుర్తుండే ఉంటుంది.

సినిమాల కంటే కూడా ఒక ప్రముఖ ఫెయిర్‌నెస్‌ క్రీమ్‌ ప్రకటన ద్వారా ఎక్కువమందికి పరిచయమైన హీరోయిన్‌ యామి గౌతమ్‌. అయితే ఈ మధ్యకాలంలో ఈ ముద్దుగుమ్మ తరచుగా బాంబే హైకోర్టు బయట కనిపిస్తుంది. అది కూడా షాహీద్‌ కపూర్‌ కోసమంట. వీరిద్దరి మధ్య ఏమైనా వివాదాలు వచ్చాయా.. కోర్టుకెల్లేంత పెద్ద గొడవలు ఏం జరిగి ఉంటాయబ్బ అని ఆలోచిస్తున్నారా.. అయితే మీ ఆలోచనలకు అక్కడే ఫుల్‌స్టాప్‌ పెట్టండి. ఎందుకంటే యామి కోర్టుకు వెళ్తుంది విచారణ ఎదుర్కోవడానికి కాదు. తదుపరి చిత్రం ‘బట్టి గుల్‌ మీటర్‌ చలు’లో చేయబోయే లాయర్‌ పాత్ర కోసం ఈ అమ్మడు తరచు కోర్టుకు వెళ్తూ... లాయర్ల పనితీరు గురించి తెలుసుకుంటోంది. సినిమా అంటే ఎంత డెడికేషనో యామీకి! ప్రస్తుతం యామి.. శ్రీనారాయణ సింగ్ దర్శకత్వంలో, షాహిద్‌ కపూర్‌ హీరోగా రూపొందుతున్న ‘బట్టి గుల్‌ మీటర్‌ చలు’ సినిమాలో నటించనున్న సంగతి తెలిసిందే. ఈ సినిమాలో శ్రద్ధాకపూర్‌ మరో కీలక పాత్రలో కనిపించనున్నట్లు సమాచారం. చిన్నపట్టణాల్లో ఎదురయ్యే విద్యుత్‌ సమస్యల ఆధారంగా రూపొందనున్న ఈ చిత్రంలో యామి లాయర్‌గా కనిపించనుంది. ‘కోర్టు ప్రొసిడింగ్స్‌ ఎలా ఉంటాయి. ప్రాసిక్యూషన్‌ బాధితుల పట్ల ఎలా ప్రవర్తిస్తుందో స్వయంగా తెలుసుకోవాలనుకున్నాను. ఈ విషయంలో నాకు సహాయం చేయమని ఒక లాయర్‌ స్నేహితురాలిని కోరాను. ఇప్పుడైతే కోర్టుకు సెలవులు కానీ అదృష్టం కొద్ది నా లాయర్‌ స్నేహితురాలు మరికొందరు లాయర్లు కలిసి ఒక వెకేషన్‌ బెంచ్‌ సెషన్‌ను నిర్వహిస్తున్నారు. షూటింగ్‌ ప్రారంభమయ్యేలోపు నిజంగా కోర్టులో ఎలాంటి పరిస్థితులు ఉంటాయో తెలుసుకునేందుకు కోర్టుకు హాజరవుతున్నా’ని యామి చెప్పారు. ‘బట్టి గుల్‌ మీటర్‌ చలు’ కాక ఆదిత్య ధార్‌ దర్శకత్వంలో రూపొందుతున్న ‘ఉరి’ చిత్రంలో కూడా ఆమె నటించనున్నారు. 2016, సెప్టెంబర్‌లో ‘ఉరి సెక్టార్‌’లో జరిగిన సంఘటనల ఆధారంగా తెరెకెక్కనున్న ఈ చిత్రంలో యామి పవర్‌పుల్‌ ఇంటిలిజెన్స్‌ ఆఫీసర్‌ పాత్రలో కనిపించనుంది.

కోర్ట్‌ చుట్టూ తిరగనున్నారు బాలీవుడ్‌ భామ యామీ గౌతమ్‌. అయ్యో.. ఏం కేస్‌లో ఇరుకున్నారు పాపం? అనుకోకండి. కోర్ట్‌కి వెళ్తుంది కేస్‌ మీద కాదు. క్యారెక్టర్‌ ప్రిపరేషన్‌ కోసం. షాహిద్‌ కపూర్, శ్రద్ధా కపూర్‌ జంటగా శ్రీ నారయణ్‌ సింగ్‌ దర్శకత్వం వహిస్తున్న చిత్రం ‘బట్టి గుల్‌ మీటర్‌ చాలు’. ఇందులో యామీ గౌతమ్‌ కీ రోల్‌ ప్లే చేస్తున్నారు. గ్రామాల్లో కరెంట్‌ కష్టాల గురించి ఈ సినిమా డిస్కస్‌ చేయనుందట. ఇందులో యామీ గౌతమ్‌ లాయర్‌ పాత్రలో కనిపించనున్నారు. ఈ పాత్రను కరెక్ట్‌గా పోషించడం కోసం ప్రిపరేషన్‌లో భాగంగా కోర్ట్‌కు హాజరవ్వాలనుకుంటున్నారట యామీ. వచ్చే నెలలో షెడ్యూల్‌ స్టార్ట్‌ అయ్యేసరికి రెండు మూడు కోర్ట్‌ హియరింగ్స్‌ అయినా అటెండ్‌ అవ్వాలనుకుంటున్నారట యామీ. పాత్ర పట్ల తనకున్న డెడికేషన్‌కి చూసి ఆశ్చర్యపోతున్నారట ‘బట్టి గుల్‌...’ చిత్రబృందం.

కామన్‌ పీపుల్‌ ఫేస్‌ చేస్తోన్న ఎలక్ట్రిసిటీ పవర్‌ ప్రాబ్లమ్స్‌ను బేస్‌ చేసుకుని ‘టాయ్‌లెట్‌: ఏక్‌ ప్రేమ్‌కథ’ ఫేమ్‌ శ్రీ నారాయణ్‌ సింగ్‌ దర్శకత్వంలో హిందీలో రూపొందుతున్న చిత్రం ‘బట్టీ గుల్‌ మీటర్‌ ఛాలు’. షాహిద్‌ కపూర్, శ్రద్ధాకపూర్, యామీ గౌతమ్‌ ముఖ్య తారలుగా నటిస్తున్నారు. రీసెంట్‌గా ఈ సినిమా షూటింగ్‌ ఉత్తరాఖండ్‌లో స్టారై్టంది. ఉత్తరాఖండ్‌ సీయం త్రివేంద్ర సింగ్‌ రావత్‌ ముహూర్తపు సన్నివేశానికి క్లాప్‌ ఇచ్చారు. ఈ సినిమాలో లలితా నౌటియాల్‌ అలియాస్‌ నౌటీ క్యారెక్టర్‌లో శ్రద్ధా కపూర్‌ కనిపించనున్నారు. నౌటీ లుక్‌ను చిత్రబృందం విడుదల చేసింది. సినిమాలో యామీ గౌతమ్‌ లాయర్‌గా నటిస్తుండగా, పవర్‌ను దొంగలించే రోల్‌లో షాహిద్‌ కనిపించనున్నారని బాలీవుడ్‌ టాక్‌. ఇక్కడ ఇంకో ఇంట్రెస్టింగ్‌ మ్యాటర్‌ కూడా ఉందండి. అదేంటంటే.. సినిమాలో షాహిద్‌కపూర్‌ మాత్రమే కాదు.. శ్రద్ధాకపూర్‌ని ఇంకో హీరో కూడా ప్రేమిస్తారట. దాంతో ట్రయాంగిల్‌ లవ్‌స్టోరీ స్టార్ట్‌ అవుతుందని బాలీవుడ్‌ సమాచారం. జనరల్‌గా ఇక్కడున్న ఫొటోలో కనిపిస్తున్నట్లుగా శ్రద్ధా చాలా గ్లామరస్‌గా కనిపిస్తారు. కానీ ఈ సినిమాలో మాత్రం డీ–గ్లామరస్‌ పాత్రలో కనిపించనున్నారట. ఈ సినిమాను ఈ ఏడాది ఆగస్టులో రిలీజ్‌ చేయాలనుకుంటున్నారు.

ఆయనో లాయర్‌. అందరి కేసులను వాదించి ఓ పరిష్కారం చూపిస్తూ ఉంటాడు. పవర్‌ డిస్ట్రిబ్యూషన్‌  సంస్థలు, వాళ్లు విధించే బిల్లుల మీద పోరాటం చేసే కామన్‌ మేన్‌కి ఈ లాయర్‌ ఏ విధంగా సహకరించాడనే కథాంశంతో రూపొందుతున్న సినిమా ‘బట్టి గుల్‌ మీటర్‌ చలే’. ‘టాయిలెట్‌ ఏక్‌ ప్రేమ్‌ కథ’ ఫేమ్‌ శ్రీ నారాయణ్‌ సింగ్‌ దర్శకుడు. ఈ సినిమాలో షాహిద్‌ కపూర్‌ లాయర్‌ పాత్రలో కనిపించనున్నారు. ఇందులో కథానాయికగా శ్రద్ధా కపూర్‌ని తీసుకున్న విషయం తెలిసిందే. ఇంకో హీరోయిన్‌గా యామీ గౌతమ్‌ని సెలెక్ట్‌ చేసుకున్నారు చిత్రబృందం. ‘‘ఈ సినిమాలో భాగం కావటం సూపర్‌ హ్యాపీగా ఉంది. షూటింగ్‌ కోసం చాలా ఎక్సైటెడ్‌గా ఉన్నాను’’ అని పేర్కొన్నారు యామీ గౌతమ్‌. అందరి సమస్యలు పరిష్కరించే లాయర్‌గారు ఈ ఇద్దరి భామల మధ్య ఎలాంటి సమస్యగా మారాడు? ఇద్దరికీ ఎలాంటి సమాధానం ఇచ్చాడు? అంటే ఆగస్ట్‌ వరకూ ఆగాల్సిందే అంటున్నారు చిత్రబృందం. ఈ నెలాఖరున సెట్స్‌ పైకి వెళ్లనున్నఈ సినిమా ఆగస్ట్‌ 31న విడుదలకానుంది.


 మొహెంజోదారో సినిమా తరువాత.. ఏ మాత్రం గ్యాప్ తీసుకోకుండా తన నెక్ట్స్ సినిమా షూటింగ్లో పాల్గొంటున్నాడు కండల వీరుడు హృతిక్ రోషన్. అయితే భారీ యాక్షన్ సీన్స్ ఉన్న మొహెంజోదారో షూట్, ఆ వెంటనే ప్రమోషన్ కార్యక్రమాలు, ఆ వెంటనే కాబిల్ షూట్ ఇలా బిజీ షెడ్యూల్తో అలిసి పోయిన హృతిక్ ప్రస్తుతం జ్వరంతో బాధపడుతున్నాడు.
 
 అందుకే కాబిల్ టీం హృతిక్తో చేయాల్సిన షూటింగ్ను వాయిదా వేసింది. తీవ్ర జ్వరంతో ఉన్న హృతిక్ కోలుకోవటానికి మరో నాలుగైదు రోజుల సమయం పట్టనుండటంతో ఈ గ్యాప్లో హీరో పాత్ర కనిపించని
 సీన్స్ను తెరకెక్కిస్తున్నారు. త్వరలోనే హృతిక్ కూడా షూటింగ్కు హాజరవుతారన్న ఆశాభావం వ్యక్తం చేస్తున్నారు.
 
 హృతిక్ సరసన యామీ గౌతమ్ హీరోయిన్గా నటిస్తున్న ఈ సినిమాకు సంజయ్ గుప్తా దర్శకుడు. హృతిక్ త్రండి రాకేష్ రోషన్ ఈ చిత్రాన్ని భారీ బడ్జెట్తో నిర్మిస్తున్నారు. 2017 జనవరి 26న సినిమాను రిలీజ్ చేసేందుకు ప్లాన్ చేస్తున్నారు.


 ఒక వైపు నిర్మాతగా.. మరోవైపు హీరోగా ద్విపాత్రాభినయం చేస్తున్నాడు నితిన్. తాజా నితిన్ హీరోగా నటిస్తున్న 'కొరియర్ బోయ్ కళ్యాణ్' సినిమా ట్రైలర్ మంగళవారం సాయంత్రం విడుదలైంది. మహేశ్బాబు 'శ్రీమంతుడు' సినిమాతో స్ఫూర్తి పొందాడో ఏమో గానీ.. ఈ సినిమాలో నితిన్ కూడా సైకిల్ తొక్కాడు. హీరోయిన్ యామీ గౌతమ్ తన స్నేహితురాళ్లతో కలిసి ఆటోలో వెళ్తుండగా ఈ సైకిల్ తొక్కే సీన్ ఉంటుంది.
 
 ఎంట్రీలో నితిన్ చేతిలో ఓ కవర్ పట్టుకుని పరుగు పెడుతూ కనిపిస్తాడు. అతడిని ఓ నలుగురు వెంబడిస్తారు. తర్వాత విదేశాల్లో ఆస్పత్రి కేంద్రంగా జరిగే అక్రమం, ఆ తర్వాత అవినీతిపై పోరాడుతున్నట్లుగా కనిపించే నాజర్, ఇలాంటి సన్నివేశాలన్నీ ఉంటాయి. ఈ సినిమాకు కార్తీక్, అనూప్ రూబెన్స్ సంగీతాన్ని అందించారు. గౌతమ్ మీనన్ నిర్మిస్తున్న ఈ సినిమాకు ప్రేమ్సాయి దర్శకత్వం వహిస్తున్నారు.


 ఇక్కడో మాట... అక్కడో మాట చెబుతూ యుక్తిగా కెరీర్‌ని నెట్టుకొస్తోంది అందాలభామ యామి గౌతమ్. ఇటీవల ఓ కోలీవుడ్ మీడియా ఇంటర్‌వ్యూలో కథ డిమాండ్ చేస్తే బికినీ వేస్తారా? అని అడిగితే -‘మోతాదు మించిన గ్లామర్‌ని నేను ఒప్పుకోను. అందంగా కనిపించడమే గ్లామర్, అలాగాక శృతి మించి వల్గారిటీ దాకా వెళ్లాల్సివస్తే సినిమానే వదులుకుంటా’ అని బల్లగుద్ది మరీ చెప్పింది యామి. ఇక్కడ్నుంచి బాలీవుడ్ సినిమా చేయడానికి ముంబయ్ వెళ్లింది.. అక్కడ ఓ ఇంటర్‌వ్యూలో పాల్గొంది.  గ్లామర్ గురించి మాట్లాడుతూ -‘కొన్ని కావాలంటే కొన్ని వదులుకోవాలి మరి. కథ డిమాండ్ చేస్తే లిప్‌లాక్‌కు కూడా నేను రెడీ’ అని స్టేట్‌మెంట్ ఇచ్చేసింది. దీన్ని బట్టి యామి... తన కెరీర్‌ని ఎంత లౌక్యంగా లాక్కొస్తుందో అర్థం చేసుకోవచ్చు.
 కథానాయికలందరికీ అంతిమ లక్ష్యం బాలీవుడ్. అందులో భాగంగానే దక్షిణాదిన బెట్టుగా ఉంటూ, బాలీవుడ్‌లో మాత్రం రెచ్చిపోతుంటారు. యామీ సమాధానాలు అందులో భాగమే. ప్రస్తుతం బాలీవుడ్‌లో వరుణ్‌ధావన్‌కు జోడీగా ఓ సినిమాలో నటిస్తోంది తను. శ్రీరామ్ రాఘవన్ దర్శకుడు. కథ రీత్యా ఆ చిత్రానికి లిప్‌లాక్ అవసరం. దాంతో దర్శకుడు లిప్‌లాక్ ప్రపోజల్ ఆమె ముందుంచాడు. అడిగిందే తడవుగా లిప్‌లాక్‌కి ఓకే చెప్పేసిందట. త్వరలోనే వరుణ్, యమీలపై ఈ సన్నివేశాన్ని తెరకెక్కించనున్నారు శ్రీరామ్ రాఘవన్.
  


 ‘విక్కీ డోనర్’లాంటి సినిమాతో బాలీవుడ్‌లో క్రేజ్ సంపాదించుకున్న యామి గౌతమ్ తెలుగులో రవిబాబు దర్శకత్వంలో ‘నువ్విలా’ చేసింది. ఆ తర్వాత ఆమె చేసిన సినిమా ‘యుద్ధం’. ఇందులో శ్రీహరి, తరుణ్ హీరోలుగా చేశారు. భారతీ గణేష్ దర్శకత్వంలో నట్టికుమార్-నట్టి లక్ష్మి నిర్మించిన ఈ చిత్రం వచ్చే నెల 7న ప్రేక్షకుల ముందుకు రానుంది. సినిమా ఆలస్యమైనప్పటికీ అవుట్ పుట్ అద్భుతంగా వచ్చిందని, శ్రీహరి, తరుణ్‌ల మధ్య సాగే సన్నివేశాలు ఆసక్తికరంగా ఉంటాయని, ఈ నెల 26న పాటలను విడుదల చేస్తామని నిర్మాతలు తెలిపారు. దర్శకుడు మాట్లాడుతూ -‘‘స్టూడెంట్ లీడర్‌గా తరుణ్, మాస్ లీడర్‌గా శ్రీహరి తమ పాత్రల్లో అద్భుతంగా నటించారు. పాటలతో పాటు పోరాట సన్నివేశాలు కూడా ప్రత్యేక ఆకర్షణగా నిలుస్తాయి’’ అని చెప్పారు. ఈ చిత్రానికి సంగీతం: చక్రి, సమర్పణ: నట్టి క్రాంతి.