రోడ్డు ప్రమాదంలో బీట్‌ అధికారికి గాయాలు

రోడ్డు ప్రమాదంలో బీట్‌ అధికారికి గాయాలు

జన్నారం: విధి నిర్వహణలో సొంత బీట్‌కు వెళ్తున్న బీట్‌ అధికారి వెంకటేశ్‌ రోడ్డు ప్రమాదంలో గాయపడ్డారు. అటవీ అధికారులు, కుటుంబ సభ్యులు తెలిపిన వివరాల ప్రకారం జన్నారం అటవీ డివిజన్‌ తాళ్లపేట్‌ రేంజ్‌లో పనిచేస్తున్న వెంకటేశ్‌ శనివారం రాత్రి ద్విచక్ర వాహనంపై జన్నారం నుంచి చింతగూడ వైపు వెళ్తుండగా చింతగూడ సమీపంలో రోడ్డు ప్రమాదానికి గురయ్యాడు. తీవ్రగాయాలు కావడంతో విషయం తెలుసుకున్న కుటుంబ సభ్యులు వెంటనే లక్సెట్టిపేట ఆస్పత్రికి, అక్కడి నుంచి హైదరాబాద్‌కు తరలించారు. ప్రమాదానికి కారణాలు తెలియరాలేదు.