వైభవంగా గంగమ్మతల్లి ఉత్సవాలు

వైభవంగా గంగమ్మతల్లి ఉత్సవాలు

ముంచంగిపుట్టు: మండలంలోని దార్రెల పంచాయతీ పేటమాలిపుట్టులో గంగమ్మతల్లి ఉత్సవాలు వైభవంగా జరిగాయి. సోమవారం రాత్రి గిరిజన ఆచార సంప్రదాయాల ప్రకారం బుడియాలు సందడి చేశారు.సాంస్కృతిక కార్యక్రమాలు నిర్వహించారు. రాండోల్లి కట్టి దేవత విగ్రహాలను గ్రామంలోని వీధుల్లో ఉయ్యాలలో ఊరేగించారు.కర్రలతో ఒంటెలు,ఏనుగులు,ఏలుగుబంట్లను తయారు చేసి విన్యాసా లు చేశారు. మంగళవారం తెల్లవారు జాము నుంచే అమ్మవారి దర్శనానికి అధిక సంఖ్యలో భక్తులు పోటెత్తారు. భక్తులకు అసౌకర్యం కలగుండా ఉత్సవ కమిటీ సభ్యులు ప్రత్యేక ఏర్పాట్లు చేశారు.

జైల్లో కొత్త బ్యాచ్‌లకు

చేతి వృత్తుల్లో శిక్షణ

ఆరిలోవ(విశాఖ): విశాఖ కేంద్ర కారాగారంలో ఖైదీలకు వివిధ చేతి వృత్తుల్లో శిక్షణ ఇస్తున్నారు. ఇందులో భాగంగా ఈ నెల 25న రెండు వృత్తుల్లో శిక్షణ పొందిన బ్యాచ్‌లకు పరీక్షలు జరిగాయి. మరో రెండు, మూడు రోజుల్లో కొత్త బ్యాచ్‌లు ప్రారంభంకానున్నట్లు జైల్‌ డిప్యూటీ సూపరింటెండెంట్‌ ఎన్‌.సాయిప్రవీణ్‌ తెలిపారు. ఇక్కడ ప్లంబింగ్‌, వెల్డింగ్‌ కోర్సుల్లో 40 మంది చొప్పున రిమాండ్‌ ఖైదీలకు రెండు నెలల పాటు శిక్షణ అందించామన్నారు. శిక్షణ పొంది, పరీక్షలు రాసిన వారికి సర్టిఫికెట్లు కూడా అందించనున్నట్లు పేర్కొన్నారు. ఆ సర్టిఫికెట్లు బాహ్య ప్రపంచంలో వారికి చేతి వృత్తుల్లో ఉపయోగపడతాయన్నారు. రెండు మూడు రోజుల్లో ప్రారంభం కానున్న కొత్త బ్యాచ్‌లలో 45 మంది చొప్పున శిక్షణ ఇవ్వనున్నట్లు వెల్లడించారు.