TV
సీఆర్‌పీఎఫ్‌ హెడ్‌కానిస్టేబుల్‌ మృతి
● ప్రభుత్వ లాంఛనాలతో
కొనకొండ్లలో అంత్యక్రియలు
వజ్రకరూరు: సీఆర్‌పీఎఫ్‌ హెడ్‌కానిస్టేబుల్‌ బి.రమేష్‌ (40) అనారోగ్యంతో మృతి చెందారు. వివరాలిలా ఉన్నాయి. కొనకొండ్లకు చెందిన రమేష్‌ మూడో బెటాలియన్‌ హైదరాబాద్‌లో 2004 నుంచి విధులు నిర్వహిస్తున్నారు. ఈ ఏడాది సెప్టెంబర్‌ 30న అక్కడే ఓ ప్రైవేట్‌ ఆస్పత్రిలో చేరారు. శుక్రవారం సాయంత్రం పరిస్థితి విషమించి చనిపోయారు. మృతదేహాన్ని అక్కడి నుంచి స్వగ్రామం కొనకొండ్లకు తీసుకొచ్చారు. హెడ్‌కానిస్టేబుల్‌ మృతికి ఎస్పీ జగదీష్‌ సంతాపం తెలిపారు. ఎస్పీ ఆదేశాలతో గుంతకల్లు డీఎస్పీ శ్రీనివాస్‌ ఉత్తర్వుల మేరకు ఉరవకొండ రూరల్‌ సీఐ చిన్నగౌ స్‌, వజ్రకరూరు ఎస్‌ఐ నాగస్వామి, సిబ్బంది ఆధ్వర్యంలో శనివారం ప్రభుత్వ లాంఛనాలతో అంత్యక్రియలు నిర్వహించారు. ఎస్‌ఐ నాగస్వామి, సీఆర్‌పీఎఫ్‌ ఇన్‌స్పెక్టర్‌ ఎం.వి.కృష్ణయ్య తదితరులు పాడెమోసి నివాళులర్పించారు. రమేష్‌కు భార్య, కుమారుడు, కుమార్తె ఉన్నారు.
Comments
Please login to add a commentAdd a comment