అంగన్‌వాడీ.. ఒకే చిన్నారి

అంగన్‌వాడీ.. ఒకే చిన్నారి

పెద్దవడుగూరు మండల పరిధిలోని పి.కొత్తపల్లి గ్రామంలో మినీ అంగన్‌వాడీ కేంద్రం చిన్నారులు లేక వెలవెలబోతోంది. కేంద్రంలో ఒక బాలింత, ఒక గర్భిణి, నలుగురు చిన్నారుల పేర్లు నమోదు కాగా గురువారం ఒక చిన్నారి మాత్రమే నిద్రపోతూ కనిపించింది. ఇద్దరు పిల్లలు వేరే ఊరికి వెళ్లారని, ఒక పాప ఇంటికి వెళ్లిందని, బాలింత, గర్భిణులు కూడా వేరే ప్రాంతానికి వెళ్లారని అంగన్‌వాడీ కార్యకర్త సమాధానం ఇచ్చారు. కేంద్రానికి పౌష్టికాహారం

సమయానికి చేరుతున్నప్పటికీ చిన్నారులు సక్రమంగా రాక వృథా అవుతోందని పలువురు గ్రామస్తులు తెలిపారు. పిల్లలను

అంగన్‌వాడీకి తీసుకెళ్లి పౌష్టికాహారం

సక్రమంగా పంపిణీ చేసేలా చూడాలని

కోరుతున్నారు. – పెద్దవడుగూరు