బ్రూసెల్లా వ్యాధి నిర్మూలనే ప్రభుత్వ ధ్యేయం

బ్రూసెల్లా వ్యాధి నిర్మూలనే ప్రభుత్వ ధ్యేయం

జిల్లా పశుసంవర్ధక శాఖ అధికారి గుణశేఖర్‌పిళ్లై

చిన్నమండెం: సంక్రమిత వ్యాధి అయిన బ్రూసెల్లా వ్యాధిని సమూలంగా నిర్మూలించాలన్నదే ప్రభుత్వ ధ్యేయంగా పెట్టుకున్నట్లు జిల్లా పశుసంవర్ధక శాఖ అధికారి గుణశేఖర్‌పిళ్‌లై తెలిపారు. చిన్నమండెం మండల కేంద్రంలోని పశువైద్యశాలలో శుక్రవారం ఆంధ్రప్రదేశ్‌ పశుసంవర్ధక శాఖ ఆధ్వర్యంలో బ్రూసెల్లా వ్యాధి నియంత్రణ కార్యక్రమాన్ని నిర్వహించారు. ఈ సందర్భంగా గుణశేఖర్‌పిళ్‌లై మాట్లాడుతూ బ్రూసెల్లా వ్యాధి నియంత్రణకు 4–8 నెలల వయస్సు గల పెయ్య దూడలకు వ్యాక్సిన్‌ను వేస్తారని, ఈ టీకా ఇచ్చిన 21–60 రోజులలోపు సీరం నమూనాలను సేకరించి బెంగళూరులోని నివేది ఇన్‌స్టిట్యూట్‌కు సీరో కన్వర్షన్‌ కోసం విజయవాడలోని వీబీఆర్‌ఐ ద్వారా పంపిస్తారన్నారు. సీరో కన్వర్షన్‌ ఫలితాలను వీబీఆర్‌ఐ వారు విశ్లేషించి జిల్లాలకు పంపిస్తారన్నారు. ఈ కార్యక్రమంలో రాయచోటి ఉపసంచాలకులు డా.మాలకొండయ్య, కడప వ్యాధి నిర్ధారణ ప్రయోగ శాల సహాయ సంచాలకులు డా.రాజశేఖర్‌, రాష్ట్ర స్థాయి వ్యాధి నిర్ధారణ ప్రయోగశాల సహాయ సంచాలకులు డా.తనూజ, స్థానిక సహాయ సంచాలకులు డా.శ్రీధర్‌రెడ్డి, పశువైద్యాధికారులు, పశువైద్య సిబ్బంది పాల్గొన్నారు.