TV
సౌత్‌జోన్‌ ఉడ్‌బాల్‌ పోటీల్లో మదనపల్లె విద్యార్థుల ప్రత
మదనపల్లె : ఏపీ ఉడ్‌బాల్‌ అసోసియేషన్‌ ఆధ్వర్యంలో జనవరి 28, 29 తేదీల్లో కర్నూలు డీఎస్‌ఏ అవుట్‌డోర్‌ స్టేడియంలో నిర్వహించిన సౌత్‌జోన్‌ ఉడ్‌బాల్‌ పోటీల్లో మదనపల్లె విద్యార్థులు ప్రతిభ కనపరిచి విజయం సాధించారు. సౌత్‌జోన్‌ ఉడ్‌బాల్‌ పోటీల్లో ఆంధ్రప్రదేశ్‌, తెలంగాణ, కర్నాటక, తమిళనాడు, పాండిచ్చేరి రాష్ట్రాల జట్లు పాల్గొన్నాయి. వీటిలో ఆంధ్రపదేశ్‌ పురుషుల జట్టు, మహిళల జట్టు(ఒక్కో జట్టుకు నలుగురు ఆటగాళ్లు) పాల్గొంటే, అందులో పట్టణంలోని శ్రీ జ్ఞానాంబిక డిగ్రీ కళాశాలకు చెందిన ముగ్గురు పురుషులు, ముగ్గురు మహిళలు ప్రాతినిధ్యం వహించారు. ఈ పోటీల్లో పురుషుల విభాగం ఫైనల్స్‌ మ్యాచ్‌లో తెలంగాణ జట్టుపై ఆంధ్ర జట్టు, మహిళల విభాగంలో తమిళనాడు జట్టుపై ఆంధ్ర జట్టు విజయం సాధించాయని రాష్ట్ర ఉడ్‌బాల్‌ అసోసియేషన్‌ అధ్యక్షుడు ఇ.ప్రభాకర్‌ ప్రకటించారు. ఉడ్‌బాల్‌ పోటీల్లో పాల్గొని మదనపల్లెకు చేరుకున్న ఆంధ్ర జట్టు విద్యార్థులను కరస్పాండెంట్‌ డాక్టర్‌ రాటకొండ గురుప్రసాద్‌, ప్రిన్సిపాల్‌ సురభి రమాదేవి, వైస్‌ ప్రిన్సిపాల్‌ రాఘువేంద్ర అభినందించారు. అలాగే ఆంధ్ర కబడ్డీ అసోసియేషన్‌ ఆధ్వర్యంలో విశాఖలో నిర్వహించిన అంతర్‌ జిల్లా కబడ్డీ పోటీల్లో ఉమ్మడి చిత్తూరు జిల్లా జట్లు పోటీచేసి తృతీయస్థానం దక్కించుకుందన్నారు. అందులో జ్ఞానాంబిక విద్యార్థినులు శిరీషా, కావేరి పాల్గొన్నారని తెలిపారు.
Comments
Please login to add a commentAdd a comment