TV
వెంకటపాలెంలో 11 క్వింటాళ్ల రేషన్‌ బియ్యం స్వాధీనం
కేసు నమోదు చేసిన తుళ్లూరు పోలీసులు
వెంకటపాలెం(తాడికొండ): 11 క్వింటాళ్ల రేషన్‌ బియ్యాన్ని పోలీసులు వలపన్ని పట్టుకున్న ఘటన తుళ్ళూరు మండలం వెంకటపాలెంలో జరిగింది. పోలీసుల కథనం ప్రకారం.. వెంకటపాలెం గ్రామ పరిధిలో రేషన్‌ బియ్యం నిల్వచేసి తరలిస్తున్నారన్న సమాచారం మేరకు ఎస్‌ఐ ఏడుకొండలు ఆధ్వర్యంలో మంగళవారం అర్ధరాత్రి దాడులు నిర్వహించారు. ఈ దాడులలో వెంకటపాలెం సీడ్‌ యాక్సిస్‌ రోడ్డుకు వెళ్ళే అనుసంధాన రహదారిపై ఉంచిన 29 బస్తాల రేషన్‌ బియ్యాన్ని స్వాధీనం చేసుకొని పోలీస్‌స్టేషన్‌కు తరలించి కేసు నమోదు చేసి దర్యాప్తు చేస్తున్నారు. ఈ దాడులలో బియ్యం బస్తాలు మాత్రమే దొరకడం, అందుకు సంబంధించిన నిందితులెవరూ అక్కడ పట్టుబడకపోవడం విశేషం.
Comments
Please login to add a commentAdd a comment