గిరిజన రైతులకు విద్యుత్‌ సౌకర్యం కల్పిస్తాం

గిరిజన రైతులకు విద్యుత్‌ సౌకర్యం కల్పిస్తాం

ఇల్లెందురూరల్‌: ఏజెన్సీలో గిరిజన రైతులకు విద్యుత్‌ సౌకర్యం కల్పిస్తామని ఐటీడీఏ పీఓ రాహుల్‌ తెలిపారు. మండలంలోని మామిడిగుండాల గ్రామపంచాయతీ పరిధిలో విద్యుత్‌ సరఫరా కోసం గతంలో రైతులు ఆర్జీ పెట్టుకోగా, శనివారం ఆయన ట్రాన్స్‌కో, అటవీశాఖ అధికారులతో కలిసి క్షేత్రస్థాయిలో పరిశీలించారు. ఈ సందర్భంగా పీఓ మాట్లాడుతూ మొదటి దఫాగా పోడు రైతులందరికీ విద్యుత్‌ సౌకర్యం కల్పించాలన్నారు. అటవీశాఖకు ఇబ్బందిలేకుండా విద్యుత్‌ స్తంభాలు వేయాలని ట్రాన్స్‌కో అధికారులకు సూచించారు. ఏజెన్సీ ప్రాంతాల్లో విద్యుత్‌ సౌకర్యం కల్పిస్తే రైతులు రెండో పంటను సాగు చేసే అవకాశం కలుగుతుందన్నారు. అంతకుముందు రోడ్డుపై ఆరబోసిన మొక్కజొన్న పంటను పరిశీలించి మొక్కజొన్న సాగు వివరాలు అడిగి తెలుసుకున్నారు. బోర్లను వినియోగించుకొని ఇతర పంటలను కూడా సాగు చేయాలని సూచించారు. కార్యక్రమంలో అధికారులు లక్ష్మీనారాయణ, మునీర్‌పాష, కోటేశ్వరరావు, ప్రసాద్‌ తదితరులు పాల్గొన్నారు.

ఐటీడీఏ పీఓ రాహుల్‌