TV
మద్దతు ధరతో పత్తి కొనుగోలు చేయాలి
జూలూరుపాడు: మార్కెట్‌కు రైతులు తీసుకొచ్చే పత్తిని మద్దతు ధరతో కొనుగోలు చేయాలని మార్కెటింగ్‌ శాఖ వరంగల్‌ రీజియన్‌ జాయింట్‌ డైరెక్టర్‌ వి.శ్రీనివాసరావు వ్యాపారులకు సూచించారు. జూలూరుపాడు సబ్‌ మార్కెట్‌ యార్డులో పత్తి కొనుగోళ్లను గురువారం ఆయన డీడీ పద్మావతితో కలిసి పరిశీలించారు. అనంతరం జేడీఎం మాట్లాడుతూ అధిక వర్షాలు, ఇతర కారణాలతో పత్తి దిగుబడి తగ్గిన నేపథ్యాన రైతులు మరింత నష్టపోకుండా మద్దతు ధర చెల్లించాలని సూచించారు. అనంతరం మార్కెట్‌ యార్డుకు కేటాయించిన 10 ఎకరాల ప్రభుత్వ భూమిని పరిశీలించగా, మార్కెట్‌ నిర్మాణంపై వ్యాపారులు వినతిపత్రం అందజేశారు. కార్యక్రమంలో జిల్లా మార్కెటింగ్‌ అధికారి నరేందర్‌, ఏన్కూరు మార్కెట్‌ కార్యదర్శి బజారు తదితరులు పాల్గొన్నారు.
Comments
Please login to add a commentAdd a comment